من معجزات الشعب المصرى ~

[Angel Smile]

من معجزات الشعب المصرى :

- بيناموا بليل و بيصحوا الصبح ..
حتى الموضوع من كتر ماهو شاذ و مش طبيعى
فرقة وسط البلد عملوا عليه أغنية "كل اليوم الصبح بصحى و أما يجى الليل بنام"

- الشعب الوحيد اللى طمع فى أكل الحيوانات
و بقى ياكلها هو و تفنن فى طرق أكلها شوية يعمله بطحينة و شوية بزيت و شوية طعمية ..
ذواق يعنى مش أى حاجة

- الشعب الوحيد اللى يتلم فى أى خناقة علشان يقوم بالواجب
و يخلص و يهدى و يضرب لو إستدعى الأمر
لكن لو شاف حادثة تحرش يكتشف فجأة إن مش من حقه إنه يتدخل فى حياة الأخرين

- الشعب الوحيد اللى تلاقى الواحد ماشى فيه بـ موبيلين و تابلت
و بيشتكى من ضيق المعيشة و ضعف المرتبات ..
و عادى جداً إنك تلاقى عامل النظافة أو شحات بيحاول يستعطفك و بيدعيلك
علشان جنيه ولا إتنين و فجأة تلاقيه تجاهلك تماماً علشان جاله تليفون

- الشعب الوحيد اللى متدين لدرجة إن اللى بيتطاول على دينه بيسيبله الدين

- الشعب الوحيد اللى مستعد إنه يستلف و يتداين و تبقى حالته المادية متنيلة بـ 6000 نيلة
و مايبقاش لاقى ياكل علشان يجيب IPhone

- الشعب الوحيد اللى عروقه بتجرى فيها كرات دم بيضا و حمرا و كذب و نفاق ..
بيسأل على ناس ماتهمهوش و بيبين لناس بيكرهم قد إيه هو بيحبهم
حتى لو مالوش عندهم مصلحة من منطلق
"اللي ماتحتاجش النهاردة لوشه بكرة يمكن تحتاج لقفاه"

- الشعب الوحيد اللى بيكرم السياح اللى بيجوله
إنه يحاول ينصب عليهم على قد مايقدر
و ده إذا فضلوا عايشين يعنى و ماحصلهمش حادثة و ماتوا فيها أو إتخطفوا
و يرجع يعيط و يقول مافيش سياحة

- الشعب الوحيد اللى نصه بيشتغل Photographers والنص التانى بقى بيشتغل "موديلز"

- الشعب الوحيد اللى إنتخب رئيس مش مقتنع بيه و جاب برلمان مش مقتنع بيه
علشان يشكلوا حكومة مش مقتنع بيها
و يحطوا دستور مش عاجبه عن طريق ناس مش عاجبينه وبعد كده قعد يعيط

- الشعب الوحيد اللى نظامه المنتخب قتل الناس اللى إنتخبوه علشان يجيب حق الناس اللى إتقتلت

- الشعب اللى بيحب يسمع أم كلثوم و عبد الوهاب و أوكا و أورتيجا و عمرو حاحا فى نفس ذات الوقت

إحنا الشعب اللى من كتر العيوب اللى فيه و التناقضات اللى مالياه محتاج يتعمله Format و يتنزله Software من أول و جديد على نظافة ..!!


اعتقد مكانه مش هنا ^^ بس هم يبكى و هم يضحك :\

[jasmean]

ههههههههههههههه
شكلك بتحبي الشعب دآ اوي
فعلا كل كلامك صحيح

[اسيل الفلسطينية]

هههههههههههههههههههههه
تسلم ايدك وبانتظار جديدك

[Ŗăήćy]

كلها حقايق فعلا,,تسلمى

[Angel Smile]

اقتباس المشاركة الأصلية كتبت بواسطة ♥ jasmean ههههههههههههههه شكلك بتحبي الشعب دآ اوي فعلا كل كلامك صحيح

مليش غيره .. بس مش معنى انى احبه ان اشوف افعاله و افعالى
و اقف ساكته لازم اتخذ موقف ^__^
منورة ^^

اقتباس المشاركة الأصلية كتبت بواسطة اسيل الفلسطينية هههههههههههههههههههههه تسلم ايدك وبانتظار جديدك

يدووم الضحك يااارب ..
دايمًا منورانى اسيل ..

اقتباس المشاركة الأصلية كتبت بواسطة Ŗăήćy كلها حقايق فعلا,,تسلمى

اهاا .. للاسف :\
تسلمى ع المشاركة ^_*

[** رحيق الجنه **]

جبتى كتير عيوب واجمعتى ...
بس فين مميزات ابناء بلدك انعدمت ..
..
بص حضرتك كل شعب وليه مميزات وليه عيوب
وفى الزمن دا اصحاب العيوب زادو وذى ما بيقولوا السيئه بتعم

وإذا كنتِ كارهه ولاد بلدك كدا وكرهتى بلدك خلاص وبقيتى بتجمعى عيوبها كدا على الملأ
أكتر ما هى متجمعه
خلاص شوفيلك وطن غيره
...

بس صدقينى مهما لفيتى عمرك ما هتلاقى بلد أمن وأمان ذيها
وعمرك ما هتلاقى أهل مترابطين ذى اهلها
برغم كل العيوب هى الافضل
بيكفى انها حمتك لعند ما بقى عمرك كام سنهـ
بيكفى انها مـــــــــــــــــــــــــــصـــــــــــــــــــــ ــــــــــــــــــــــر

وإذا كان على الهموم فهى اصبحت كتيره بأفعالنا احنا

لان الاقوال كترت وافعال الاصلاح بقت شبه منعدمهـ
أما الفساد فما تعديش

نهايتهـ

ربنا يهدى ..،،

[Angel Smile]

اقتباس المشاركة الأصلية كتبت بواسطة ** رحيق الجنه ** جبتى كتير عيوب واجمعتى ... بس فين مميزات ابناء بلدك انعدمت .. .. بص حضرتك كل شعب وليه مميزات وليه عيوب وفى الزمن دا اصحاب العيوب زادو وذى ما بيقولوا السيئه بتعم وإذا كنتِ كارهه ولاد بلدك كدا وكرهتى بلدك خلاص وبقيتى بتجمعى عيوبها كدا على الملأ أكتر ما هى متجمعه خلاص شوفيلك وطن غيره ... بس صدقينى مهما لفيتى عمرك ما هتلاقى بلد أمن وأمان ذيها وعمرك ما هتلاقى أهل مترابطين ذى اهلها برغم كل العيوب هى الافضل بيكفى انها حمتك لعند ما بقى عمرك كام سنهـ بيكفى انها مـــــــــــــــــــــــــــصـــــــــــــــــــــ ــــــــــــــــــــــر وإذا كان على الهموم فهى اصبحت كتيره بأفعالنا احنا لان الاقوال كترت وافعال الاصلاح بقت شبه منعدمهـ أما الفساد فما تعديش نهايتهـ ربنا يهدى ..،،

عارفة يا جمييلة ..
انا سعيدة و مبسوطة بقى بالمشاركة ^^

[Îäm-ñøt ßèst ßût Âm-dîffèrèñt]

ههههههههههههه جميله تسلمي

[Angel Smile]

اقتباس المشاركة الأصلية كتبت بواسطة Ặŋặ Fäńtåśtįc Bợỷ ẌǷƿ ههههههههههههه جميله تسلمي

مشكووور كتييير ^_^

[ana aboodya]

يبقي انتا اكيد اكيد في مصر يا معلم