بلاك بلوك * * *مجموعة الروائع بقلمي

[عبدالحميد ايوب]

بلاك بلوك





النور سجين

والكلب نايم في العرين

والليل نجومه مضلمين

وانا وحدي شاهد ع الحدث

اربع جثث

وبلطجية ملثمين

انا كنت راجع م الدوام

دهري محشوش م الالم

وعنيه شبه مغمضين

وكنت بحلم اني انام

وهما لابسين الضلام

زي الكفن

اسود في اسود

مغطيين كل البدن

حتي الايدين

حتي العنين

بطش نار

وريحة البانجو اللعين

ماليه المكان

زفت وعفن

غايته عديت والسلام

حتي مرمتش السلام

ورغم عودي المحترم

حسيت برعشة في العظام

وهما يا دوب خطوتين

وسمعت دوشه ودربكة

وف لحظة قامت معركة

وضرب نار

ووقعت عل الارض التراب

واندلق كيس الخضار

وصوت كأنه صوت حمار

اثبت مكانك يا جدع

مانا لسه نايم ع التراب

غرقان ف مية الفزع

سامع صوات وتشهدات

واهات وجع

بصيت وعيني مغمضين

من عيني نزلت دمعتين

وبصوت حزين

مليان هلع

دي كلها جثث وعالم مقتولين

ووقفت تاني من جديد

لجل اشوف

وجُبني كان مليني خوف

وشفت بعنيه الجناة

وكانوا ماسكين السيوف

وبيجروا عل الارض التراب

وفضلت واقف والدموع مالية العنين

وف نفسي ثارت كلمتين

ليه وليه

انت عايز منها ايه

هيا عجباك الحياة

فوق لروحك يا فتي

دا انت ميت من سنين

* * *

العصر من نومي صحيت

لقيت مراتي تحت رجلي معيطة

وعيالي قاعدين ع السرير

فيه حاجة مش متظبطه

قالولي محروس الغفير

هو اللي جابك م الغيطان

* * *

في الليل سهرت مع العيال

و اكلت لقمة صغيرة

وشربت شاي

وحكيت لهم ع اللي جري

مراتي قالت ده محال

تعالي شوف المسخرة

فتحنا علي عمر اديب

وعلي مساء العاشرة

وسمعت كل ما يقال

معرفتش اتحكم في نفسي


* * *

[Şα3Đ..♥]

ان اسلوبك ملهوووووووووش حل
انا بجد فخور اني اول واحد قرأ الكلام ده واستمتع بيه
تسلم ايديك فعلا
ابدعت
تحيتي
وياريت نشوف قصايد تانيه لحضرتك

[Angel Smile]

كلامك جمييل اوووى .. استمتعت بالقراءة ^_^
يسلموا حُسن انتقاءك و جماله ..
و فى انتظار جديدك
موفق ان شاء الله ~

[عبدالحميد ايوب]

Şα3Đ..♥
Don't Regret

مشرف اليوتيوب

ان اسلوبك ملهوووووووووش حل
انا بجد فخور اني اول واحد قرأ الكلام ده واستمتع بيه
تسلم ايديك فعلا
ابدعت
تحيتي
وياريت نشوف قصايد تانيه لحضرتك

- * * * -
الفخر والسعادة من نصيبي انا
فتشريفك لصفحتي زادني سعادة
وردك الراقي الرائق ملأ قلبي سعادة
لك خالص تحيتي

[عبدالحميد ايوب]

Angel Smile
عضو ذهبي


كلامك جمييل اوووى .. استمتعت بالقراءة ^_^
يسلموا حُسن انتقاءك و جماله ..
و فى انتظار جديدك
موفق ان شاء الله ~
*************
يبدو انني من سعداء الحظ
فقليلا من يشجعون الشعر الذي يحمل قضية
الحقيقة انني سعيد بتواجدي بهذا المنتدي
وسعيد ايضا لاني ربما اجد من يهتم بكلماتي
اسعدني جدا مرورك الكريم
دمتي في معية الله وامنه

[ويبقى الأثر]

احسنت اخى
رائع جدا فى سرد الفكره بطريقه عاميه جميله
بطريقه سلسه ومتناغمه
مرحبا بك وبقلمك الراقى فى واحة العاميه
تقديرى وتقييمى
5 ستار
ارق التحايا

[عبدالحميد ايوب]

قيثارة الصمت
مشرفة الابداعات العامية



احسنت اخى
رائع جدا فى سرد الفكره بطريقه عاميه جميله
بطريقه سلسه ومتناغمه
مرحبا بك وبقلمك الراقى فى واحة العاميه
تقديرى وتقييمى
5 ستار
ارق التحايا

* * *
قالوا بانك انت الحياة
وقالوا الوجود
وقلبي العدم
وقالوا مليكة عرش الجمال
واني النديم لكأس الندم
فيا رب تمثال جميل عبدوه
جامد القلب اصم
فاني بقلبي وعقلي
امسكت القلم
لاكتب بانك انت الحياه
وانك قيثار هذا النغم

دمتي اختي في امن الله وحفظه

[** رحيق الجنه **]

عبد الحميد
..... أنت رائع ..،،

كلامك رائع

وأسلوبك رائع

ومستقبلك هنا إن شاء الله رائع


صراحهـ كله رائع رائع

مش لاقيه كلمه اقولها تعبر •

أنا ما بجملش أنت بجد رااااااااااااااائع


وعلى فكره تمشى اغنيه راب

ربنا يوفقك ♦

[عبدالحميد ايوب]

** رحيق الجنه **
عضوية التميز

♥ ‘ربـــ،، رحمتك ،، ـــى‘ ♥

عبد الحميد
..... أنت رائع ..،،

كلامك رائع

وأسلوبك رائع

ومستقبلك هنا إن شاء الله رائع


صراحهـ كله رائع رائع

مش لاقيه كلمه اقولها تعبر •

أنا ما بجملش أنت بجد رااااااااااااااائع


وعلى فكره تمشى اغنيه راب

ربنا يوفقك ♦




***************
كلما قرأت تعليقا
زاد حبي للمنتدي اكثر واكثر
وذلك لاني اشتركت في اكثر من منتدي
وكان شاغلهم الشاغل كلام الحب والذي منه
وانا الان اقول اني اخيرا وجدت داري
سعيد جدا بتفاعل الاعضاء
كما اني سعيد باسمك الرقيق
ان اختيار الاسم نوع من العبقرية
احييك بشدة علي اختيارك لهذا الاسم الراقي جدا
سعدت بتواجدك
وعلي فكرة
انا عادة لما بكتب لازم اتغني بكل كلمة حتي تظل الموسيقي
موجودة ولا تهرب مني
اما كاغنية فهي تحتاج عبقري علشان يغنيها
دمتي اختي في معية الله

[عبدالحميد ايوب]

كنت ارجو من الادارة استكمال بقية الموضوع لا المحذوف هو روح العمل