لو ممكن .. لو مش حرام .. لو ينفع ..

[๓αℓάҝ]

بسم الله الرحمن الرحيم ..

السلام عليكم ..

آفتكر الموضوع يمشي فضفضه عموما هو ينفع هنا،
ندخل في الموضوع


لو ممكن .. لو مش حرام .. لو ينفع .. !


في حاجات كتير إحنا ممنوعه في حياتنا
عشان حرام .. ضد عادات و تقليد المجتمع اللي إحنا فيه .. ضد الآداميه و الإنسانيه ..
يمكن الحاجات دي أكتر في مجتمعنا العربي أكتر من الغربي
و في مين اللي بيكسر القواعد دي و بيخرج عن دمه بس مش موضوعنا،
ستي الله يرحمها كانت بتقول اللي ممنوع عنا في الدينا هيكون حلالنا في الاخره،
بس بلاش ندخل في الناحيه الدينيه من الموضوع

في حاجات بنتمنها بس مينفعش اننا نعملها
شخصيا نفسي اسرق عربيه .. اكون بتاعت مخدرات .. اسرق مكروباص ..


فـ سؤالي بقى ايه اللي نفسك تعمله بس ممنوع انك تعمله ؟ و ليه ممنوع انك تعمله ؟

[Angel Smile]

رووول هههههههه جييتى ع الجرح

امممم انا نفسى اروح اعتكف مرة فحيااتى يااااه ^___^
و كومان اسوق الميكروباص ده مش اسرقه
عاوزة اجرب حاجاات كتيير اوووى ياااه
فكرت انى افكر ان ده ممكن يحصل اصلا .. شعوور جمييل
بعديه شعوور مُحبط
كفاية خلاص

شنطورة روول ^__^

[ana lola]

لا انا مش بفكر فى الحاجات الى عمرى ما اوصل ليها
لانى لو حولت فى الاخر هخسر بس فى ناس بيحولوا يوصلولها
وفى النهاية بردو بتبقى حرام او غلط وكل الى عملوه على الفاضى
فـــ لية نعلق نفسنا بافكار عمرها ما تحقق

[سهـــر]

نفسي ادخل كنيسه
اشوفها من جوه عامله ازاي
اشوف فيها ايه وبيعملو ايه
هو عادي بس مين يوديني
ليا صحاب كتير مسيحين ممكن اروح مع حد فيهم
بس بخاف اروح لاني هكون منتقده اكيد هما مسحيين في بعض
انا داخله انيل ايه هناك

[اميرة الحب الضائع]

والهى انا نفسى اعمل حجات كتر

يعنى نفسى امشى فى الشارع الساعة 4 الفجر

نفسى اختار لبسى من غير محد يقيدنى نفسى اسافر لوحدى

نفسى اتعلم اسوق عربية ومشى بقصى صرعة

كل دى حجات مجنونة ممنوع اعملها

موضوع جامد احيكى

اميرة

[Lamees]

انا نفسي اسافر لوحدي

[Angel Smile]

اقتباس المشاركة الأصلية كتبت بواسطة cotomoto نفسي ادخل كنيسه اشوفها من جوه عامله ازاي اشوف فيها ايه وبيعملو ايه هو عادي بس مين يوديني ليا صحاب كتير مسيحين ممكن اروح مع حد فيهم بس بخاف اروح لاني هكون منتقده اكيد هما مسحيين في بعض انا داخله انيل ايه هناك

الميس قلتلنا انها و هى فثانوى راحت كنيسة و ولعت شمعة مع صحابها ^_^
بس كانت بشعرها وقتها ..
بس عامة ساعات بنتعزم ع افراح فالكنيسة
و كمان فى كنائس فاتحة المجال لأى حد للاعتراف .. اكنه ذكة :\
لو فعلًا نفسى تدخلى جوة .. ابدأى باى خطوة و تنكرى فاى وضح ^_^
حتى لو بالطرحة ..

[حلم عمري]

انا نفسي اركب عجلة
بس عندنا غلط البنت تركب عجل
نفسي اسافر انا واصحابي لوحدنا
موضوع حلو
بس جيتي علي الجرح للاسف

[تجملت بالعفآف]

هههههههه حاجات كتير ياحجه

انا نفسي اسافر لوحدي في الطياره

واروح مطرح ما اروح محدش ليه دعوه بيا

ولا تعالي هنا ومتعمليش كدا ولا كدا غلط وعيب

اكون ماخذه راحتي في حياتي امال ليه عاوزين نكبر

نفسي ماما تبطل النصائح الي بسمعها 24 ساعه كدا انا حافظها وبسمعها ليها

بس بردوا تقولها تاني وثالث لحد لما زهقت البيت كله عاوزه اطفش يا ناس حد يضايفني عنده

[Ŗăήćy]

انا زى سهر نفسى اروح كنيسة اوى
وكمـآن نفسى اركب موتوسكيل^^
ونفسى اشد اى بنت من شعرها ونفسى اضرب اى حد بالقلم>>>دى الروح الشريرة الى جوايا ههههههه
بصى حاجات كتير اوى بنحلم بيها وبنتمنى انها تتحقق لكن ساعات مجمتعنا بيفرض على الاحلام دى بالاعدام وماتحققش

تسلمى يـآرول عجبنى موضوعك جداً