الحب الصامت ..... أنفجر ..... وباع المنتدى

[العاشق الذى لم يتب]

السلام عليكم يارب تكونوا كويسين شايف وششكم حمرة وده كويس معناه انكم معاكم فلوس ووكلين لحمة المهم ماأطولش عليكم وهاخش فى الموضوع على طول لأنه فيه قررات مهمة جدا وخبر عاجل لازم تعرفوه وهو أنى أنا العبد الفقير إلى الله بقيت صاحب المنتدى أزاى هقول أهو عاوزكم تصحصحوا وطأطأوا ودانكم معاى بعد الصلاة على النبى الموضوع كاالتالى من كام يوم كده المدام زى عادتها لما بتكون دباها كويس تروح فى سابع نومه وهات ياشخير حمدت أنا ربنا وقلت أهو فرصة قوم ياواد يارفعت أتصل على الموزة وربناكرمنى وكان معاى رصيد وهى فتحت على طول أزيك ياوزنى أهلا ياكلوتى وتبادلنا أطراف الحديث ووسطه وآخره ومنشكحين آخر أنشاح لقيت الموبايل بيرن رقم غريب وشغال رن ورا بعضه قلت أستنى ياوزنى أشوف مين بيرن قالت سييبك منه دا مافيش أحسن منى قلت صحيح ياموزنى عمرى مالقيت أحسن منك لفيت العالم كله روحت كللمبور ماقابلتنيش وحدة فى رزالتك قصدى فى طعامتك المهم فتحت عليه سمعت واحد متغاظ خالص وقال أزيك يارفعت أهلا وسهلا مين حضرتك أسمع وماتكترش معاى فى الرغى مش نافصك أنا جيلك فى السكة وراح قافل الموبايل فى وشى الحمدلله الخبطة جات فى منخيرى خفيفة وقلت إيه ياربى ده هو يعنى مكتوب علىّ العكننة ولسه بفكر فى الموضوع ولقيت الباب هات يارزع فنحت بسرعة لقيت واحد بلحية طويلة ومناخير كبيرة وجلبية قصيرة عريض المنكبين عريض المنخرين مشرأب العنق غدنفر وباين عليه الفضب السلام عليكم وعليكم السلام مين نتشرف بيك قال أنا الحب االصامت لسه مكلمك هو حضرتك لحقت توصل بالسرعة دى وازاى عرفت البيت أنت يارفعت فيك سر كبير وعلشان كده أنا توبت على أيديك آه صحيح إيه حكاية اللحية دى دا أنا عرف عدوك اللدود أنت وطارق اللحية والاخوان لدرجة طارق قال كل واحد لحيته معفنه عامل فيها سبع البرمبة وأنت كمان مسمى روحك الحب الصامت أفهم أنا أزاى يعنى صامت بتحب من سكات ولا بتحبها من تحت لتحت يعنى ميه من تحت تبن فهمنى داأنا لما حبيت كنت ماشى فى أنصاص الليالى واشتغلت مسحراتى وأخبط على البيوت وأقول أصحى يانايم وحد الدايم رفعت بقى فى الحب غارق وعايم وكمان أيه الأسامى الغريبة اللى فى المنتدى قال وحدة مسمية نفسها دمعة حايرة عمرك شوفت الدموع حيرانة وكمان ساحر الأحزان هو الحزن بيتسحر واللى أسمه ملك جبال الأحزان ملك مين وجبل مين ياعم وكمان وحدة مفعوصة لسه فى أولى أعدادى واتقول جرحك علمنى أعيش والخيبة الكبيرة واحد مسمى نفسه حابس أبليس فى الكيس وكمان الأغرب وحدة أسمها عاشقة الهدوء وهى مشطونة المنتدى والله حاجة غريبة بذمتك شوفت وحدة سمت نفسها توحد عمرك شوفت حد متوحد أبدا وجبل عالى وطيش طفشتونا ياناس ياراجل حتى الورد خلتوه كره نفسه الورد المسكين بقى أحلام وبقى ألحان وأيتسامة الورد وزهرة الياسمين وكله كوم ونفرتيتى كوم تانى وكبرياء رجل ومارش وكرشو وقانون ومش قانون قال حضرته بس خلاص ماهو علشان كده أنا قررت أبيع المنتدى وأستريح من الأسامى دى خالص ولسه هسأله تبيع ليه وقدام البيت شجرة ولقيته قام واقف وبسرعة طلع مسدس وطخ أستغربت فيه أيه ياصامت خليك صامت زى ماأنت قال قلة أدب وقدامنا كمان قلة أدب أزاى ياهيثم قال أنت مش شايف العصفورة قليلة الأدب دى بتبوس عشيقها ودى صورتهم وهم متلبسين شوفوا يعنى صورتهم فى آخر قبلة قبل الرحيل المهم قلت وليه هتبيعه وفين طارق قال طارق أختفى علشان راح فى بعثة دولة سرابيون وخلع أسنانهم كلها وسابهم هتم وفلسع ومش عارفين ياكلوا غير الزبادى ولطش 70 مليار وهرب فى أسبانيا وأنا ربنا كرمنى ومعاى كام مليار وجايلك تشوف لى وحدة صعيدية تكون لابسة شقة { وشقة دى لهجة بلدنا يعنى ملاية لف} وخلاص أنا توبت وهاعيش انا وهى لوحدينا بعيد عن البلاوى والبنات الحبيبة وشوية الشباب المفاعيص اللى فى المنتدى الحمد لله الصفقة تمت وأنا أخبركم بالتالى كل عضو يضع صورة البطاقة الشخصية مكان الصورة الرمزية علشان مايكونش عضو من الصومال وكاتب أنه من مصر وكمان يبقى البنت عندها سبعين سنة وكاتبة تاريخ ميلاد مزور ممايترتب عليه خدعة الناس العبيطة اللى زى كده وينخدع ويتجوزها ويكتشف أنها أكبرمن جدته وأى هضو كاتب أسمه أنجليزى يحوله ففورا بالعربى وحكاية أبتسام الورد ولا بكاه تتشال خالص ولاقوة أنثى ولا جبل ولاأخزان ولادمعة كل الحاجات دى لازم تتغير فورا وقدامكم لحد نهاية الاسبوع يلا مع السلامة

[big bốss]

ههههههههههههههههههههههههه

لا بجد بجد توبيك فظيع

يخرب عقلك رفعت دا انت موتنى من الضحك يا عم

و كمان عايز واحده بشقه هيثم ^_^

و فعلآ اسماء غريبه جننوا الراجل

حرام عليكم يا قوم ^_^


خلاص يا رفعت مبروك عليك هغير اسمى حالآ

[Lamees]

الف مبروك عليك المنتدى
لا صفقة حلوة
موضوع ظريف بجد
كنت هنا

[العاشق الذى لم يتب]

اقتباس المشاركة الأصلية كتبت بواسطة ✲big b★ss✲ ههههههههههههههههههههههههه لا بجد بجد توبيك فظيع يخرب عقلك رفعت دا انت موتنى من الضحك يا عم و كمان عايز واحده بشقه هيثم ^_^ و فعلآ اسماء غريبه جننوا الراجل حرام عليكم يا قوم ^_^ خلاص يا رفعت مبروك عليك هغير اسمى حالآ

لازم ياعم نور
سيبك من حكاية بيج باص هى باص ولا باس
شرفتنى ياابن عمى
مودتى

[العاشق الذى لم يتب]

اقتباس المشاركة الأصلية كتبت بواسطة ro♥ony الف مبروك عليك المنتدى لا صفقة حلوة موضوع ظريف بجد كنت هنا

نورت المكان كله بوجودك اختى رونى

وشرفتينى بمرورك
مودتى

[الأميرة رودي]

ههههههههههههه

الحمد لله انا اسمى طلع مش مكتوب
شوفت بقى اسمى لطيف ازاى ومش محتاج تغيير

بس مالكش حق أ رفعت والله كل الاسماء اللى هنا جميله ومعانيها حلوه
توبيك جميل وخفيف تسلم ايدك

[العاشق الذى لم يتب]

اقتباس المشاركة الأصلية كتبت بواسطة الأميرة رودي ههههههههههههه الحمد لله انا اسمى طلع مش مكتوب شوفت بقى اسمى لطيف ازاى ومش محتاج تغيير بس مالكش حق أ رفعت والله كل الاسماء اللى هنا جميله ومعانيها حلوه توبيك جميل وخفيف تسلم ايدك

ماعلشان أنت سموالأميرة ماأقدرش أجيب سرتك بخاف أنا من الحكام

تسلمى أختى سارة شرفتينى

بارك الله فيك
مودتى

[اميره الشعر الشجين]

ههههههههههههههههههههههههههههههههههههه

حلوه يا اخى هههههههههههه

بس احذر انا هروح اخبر المدام على الموزه بتعتك هههههههههه

دام التميز اخى

[&& برنسيسة المنصورة &&]

ههههههههههههههههههه
توبيك جاااااااااااامد اخر حاجة

يسلمو

[اميرة الحب الضائع]

هههههههه
تبويك جامد بجد

شفت انا اسمى مفهوش غلطة صح