نفسيتى زفت

[big bốss]

انا بجد فكرت اكتب يومياتى لتجرالى حاجه

محدش عارف هيحصل أيه ؟

بس بجد أسواء فتره بتمر بيها مصر فترة الاخوان المسلمين

و غلط تاريخى لن يمحى بسبب الاوضاع الى وصلوا ليها البلد

هبدأ الحكايه

من اسبوع بالظبط واحد من عيله و واحد تانى من عيله تانى اتخنقوا

تطور الشجار ان واحد لم شلة اولاد صياع و استنوا التانى و ضربوا

التانى رد الضربه دى انه لما صحابه و ولاد عمه و خدوا توكتوك من الاولانى

راح التانى اخد منه موتسيكل

بدأت الناس الكبيره تدخل

فراحوا من خمس ايام بقيوا يضربوا نار على بعض

فى الشارع

و مفيش امن و لا حكومه ولا قانون ولا يحزنون

طبعآ انا عندى شفت ليلى الايام دى فى الشغل

فبروح من الساعه سته قبل الشمس ما تغيب و يبدأ الاقتتال

لغاية تانى يوم الصبح و اضطر ابات بره البيت علشان ضرب النار دا

الى فى الشارع

لأما مش اخرج من البيت خالص و اقعد

و المحلات مقفوله

المصيبه بقا

من تلت ايام سواق فى الشارع جتله طلقه طايشه من بلد تانى و راح و مات

و من يومين اتصابوا ا فى الليل تلات رجاله

و امبارح اتوفى شاب و اتيتموا عياله على أثر أصابته

بطلق نار فى مخه

و لغاية دلوقتى مفيش حكومه ولا فيه أيه حاجه

الناس شغاله تقتل فى بعضها

و الى بيموت ملوش ديه

حسبي الله و نعم الوكيل

اليوم الاحد

الموافق 9 \6 \2013


الساعه 7 :15 p.m

[على محمد محمود]

بصراحه كلامك كله صحيح
ولازم كل شى يتغير
تسلبم على التوبيك المميز
تقبل مرورى المتواضع
تحياتى لشخصك المميز

[نجم وزهره ومسافات فراق]

ومش خايف وان بتقول كده يتهمك البعض انك رجعي

وانك ضد الدين

وانك ضد سماحة وكرم وعبقرية الاخوان المسلمين

البلد خلاص بقت كوسه وسلطه على فسيخ وانواع كتيره ملخبطه على بعضها

والمحبط وربنا انها انواع حمضانه

واي حد وكل حد اصبح سياسي

وخصوصا بتوع الجماعه دي

ناس كذابين

انا قلت كتير الناس دي كذابين ولصوص مناصب لا اكتر

ولا حد اهتم بكلامي ياعم نور

والمحزن ان البعض اتهم بالكفر

تخيل

خلاص احنا بقينا في زمن اتهامات بركاوي واي كلام في أي اتجاه

واي كلام والسلام

وان كنت انت محبط

انا حاسس اني الاحباط بعينوا

وقرفت وعندي نوبة قرف من امور كتير شغاله بشكل مقزز

انعدام القيم هو الموضه دلوقتي ياعم نور

والنفاق شغال

والعجله ماشيه والكفاح دوار

وعليه العوض في البلد

شكرا يانور انك حرقت دم اهلي بالتوبيك ده

شكرا اوي ياعم

وفعلا مفيش غير

حسبنا الله ونعم الوكيل وربنا يحفظ مصر

[مُنـــــايا]

عايز ايه من بلد ضاع الامان فيها ورئيس ماشي بدماغ غيره

حدث فكذب ووعد فاخلف واؤتمن فخان ....واياته ايه المنافق


فان كان رب البيت بالدف ضارب فشيمة اهل البيت كلهم..........!!!

كمان احنا اللي عملنا في نفسنا كده ضيعنا هيبة حكومتنا

كمان الشرطه كانت ليها هيبه العسكري كان الواحد يشوفو من علي بعد يهابه

ويخاف يعدي من امامه ... اما ما يحدث الان مهزله

اعلي الرتبت تهان بدون حياء ....

أُمه ضاع اخلاقها وحياءها فلا تستعجب ما يحدث منها

(( ان الله لا يغير ما بقوم حتي يغيروا ما بأنفسهم...))

وانما الأمم الاخلاق ما بقيت فان هم ذهبت اخلاقهم ذهبوا

جف الحلق من الكلام من مراره ما يراه وعدم انصلاح الاحوال

وكاننا كلما خطونا خطوه للأمام عدنا الف خطوة للوراء

والله المستعان

احترامي

[روح صامتة]

لا اله الا الله ..
بص الواحد مبقاش له غير عمله ف الدنيا دي ف البلد دي ..
وربنا .. !
يعني همة اساسا مش عارفين يظبطوا الوضع بره هيعرفوا جوه ؟
الواحد عايز يطلع غيظه بس ازاي .. وكل واحد نفسه هفت على القتل بيقتل ..
والقوي بياكل الضعيف والضعيف بيستقوى بالي حواليه ..
بجد استهتار ..
ربنا معاك .. وخلي بالك ..
تسلم
ارق تحياتي

[Lamees]

حسبي الله ونعم الوكيل
رجعنا للعصور البدائية
اقصد الهمجية ومفهوم القانون في الوقت ده هو القوة
ربنا يستر فضفض نور ولا يهمك مهو كلنا هنطق

[الرحــاال المٌتَمرد]

كٌلنا هَذا الشَخص إللى نفسيتٌه زفت
و أنا بقول نِعمل دعوه عامه لـ الإنتحار
صبراً جميلاً ؛ الله يعديها على خير .

[حَرفُُ هجآءّ]

قانونا دلوئتى
هو قانون الغابه
البقاء للاقوى
فى بلاد وجه بحرى القتل بئى عادى
مع ان الاول مكناش كده
اذا كان فى الصعيد القتل من زمااااان عنده شىء عادى
فما بالك بئى فى غياب حكومه وقانون ودوله باكملها

ربنا يستر علينا
وانت بئى ربنا يحميك من الجو اللى انت عايش فيه ده

[سيناا]

لا اله الا الله





معلش خيو ولا يهمك اكيد بتفرج الامور بالنهاية بس بعد شو بعد ما ضاعت خيرات اكبر وافضل بلد عربي





مش لاني بحب او ما بحب الاخوان بس بصراحة الايام اثبتت ان زمن الاخوان خرب اكثر ما يصلح




ومش لاني بحب او ما بحب حسني لكن كنت اسمع من بعض اصدقائي من مصر يقولوا ع الاقل كان في امان اكثر بكثير




الشرطة كانت لها هيبتها





الان شبه نص هذه الهيبة راحت






ما بقولك اخي غير نحنا بزمن الرجل فيه هو الى يعيش عيلته واهله بأمان اذا بدنا ننتظر الامان من الاخوان فلا ع تعب ع الزمان

[the Virgin]

.. دي حاله مأسويه بجد .. احنا البلطجيه عندنا قفلو الطريق ل3 ايام

مكناش بنروح في اي حته حتى لمافتحوه بقينا هنموت من الرعب ..

الشرطه متواطئه بشكل مش طبيعي .. ومبتعملش اي حاجة ..

ربنا يعدي الايام دي على خير .. وربنا يسطر ..

ويصلح حال بلدنا سواء على ايد الرئيس مرسي او غيره ..


ومتقلقش ربك كبير وذاكر بلدنا في القران يعني ان شاء الله هيحميها

وهيحفظها ..