الواد جلجله سرساع بالمنطقه عندنا حصري

[نجم وزهره ومسافات فراق]

الواد جلجله / جاري في الشارع

واد سرساع وممل وفظيع

احيان كتير ايام انتخابات زمان
كان يهلل ويطبل ويسبح بحمد انصار الحزن الوطني المنحل
واحيان كتير كان يعمل بطل من الورق
ههههههههههههههههههههه

واحيانا يكون تلم ورخم وغلس وبايخ وممل

بصراحه احوالوا مش عجباني

استفزني بتصرفاتوا بالمنطقه كلها

خلاني كتبت الخربشات النجميه دي

وده بسبب ان بسلامتوا جالي البيت عندي يهددني ويتوعدني عشان أبطل مكاينة الكهرباء اللي جبتها احتياطي بسبب انقطاع النور باستمرار

طبعا انطرد شر طرده ومش بس كده

ده أكل علقه هيفضل يحلف بيها لغاية ما يموت هو وشوية العيال الكحيانين اللي كانوا جايين وياه وبصراحه البركه في احبابي وجيراني بالمنطقه كمان بعد ما مسكتوا بسلامتوا وعلمتوا فنون أكل الضرب ازاي

جم هما مشكورين وكملوا

على سبيل البوح مع القلم بسبب الواد جلجله

نشوف الكلام ايه للكابتن جلجله ,,

ويمكن ينصلح حالوا ويبطل يعيش الدور وان كنت أشك ان ينصلح حالوا

في زمن الخيبه والعيبه والهرتله

قول بكيفك أي شيئ

بس دي مش مرجله

زور افسد جامل زيف

كن رسول الهروله

عيش واعمل ما بدالك

ما هي مسرحيه مقندله

خبط خربط حتى اتنطط

انت فنان يا وله

كن صديق الزيف تملي

واخترعها المشكله

توعد تهدد لكل معارض

ياحلو لابس مريله

الله عليك بجمالك النادر

حتى عيونك كاحله

شديد يواد ولا سندباد

ايووه عليك في الدهوله

لايق عليك الدور كتير

ياخطير ياجامد بالحلى

قسم ياعم وقول كمان

وبلاش جواب للأسئله

أصل الفيران بقى ليها جناح

بتطير في زمن الململه

كلمه بقولها لك انا

وصوتي عالي على الملا

الا انا وافهم كده

والا مصيرك مقصله

مع أي حد تعيش عليه دورك براحتك

اما انا مليون ألف لا

افهم كويس كلمتي

أنا قلمي لاذع ( قنبله )

أقدر في لحظه اكشف كتييييييير

أحوال غريبه مطوله

آه يازمن غالب عليك طبع الغرابه

والمصيبه للي يفهم ( كحوله )

آه يازمن فيه المتاهه زيف ومكر

فيك الرجوله بقت بقايا مهمله

عيني عليك ياقلمي يافاهم وعارف

والذنب انك في الغلا

طاير كده لغاية السحاب

وبعيد بعيد عن فكر موهوم الطلا

آه يا زمن فيك التعالب والعناكب

والمتاعب والبلاوي منيله

أقسمت أخلي قلمي يتفجر مشاعر

ويعلم الدنيا ويبهر بالصلا

ياقلمي اكتب واملا الدنيا كتابه

والغي أفكار فاشله

أفكار عقيمه بطبعها وبشكلها

بتموت الأحلام ما هي قاتله

أفكار لغاية الشمس تصنع

م الأماني ألف رحله حافله

يا قلمي اكتب وافضل اكتب وافضل اكتب

مهما حصل ليك الرياده والبطوله مفضله

اكتب كمان واكتب عشان

تصنع في تاريخ الكتابات الجميله كل حاجه عادله

اكتب بكل الحق قول ال لأ

وهتعلا دايما فوق هموم الفكر القاحله

مولد يا خلق الله مدد

وشعاروا \ علي الشخلله

والصهبجيه والتكيه والموائد

منصوبه علني بمكرها فوق الخلا

مولد يا خلق الله مدد

للأنزحه والصهلله

مولد مدااااااااد مالي البلد

والحاله صبحت معضله

في فته مع كوسه وسلطه ياسلام

في ألف خيبه منزله

ياعيني ياعيني ياريس ستاموني

ياكبره ما هو انت آخر هلهله

علمنا ياعم الفنون

مع نانسي واليسا وحلا

الله عليك يامخترع

سكوت خلاص المسأله

آخر كلامي يا جلجله

اهدى وخف يا جنتله

والا مش تزعل بقى

راح اخليهالك كحوله

خربشات مرتله الى الكابتن جلجله

[نجم وزهره ومسافات فراق]

خربش مخربش خربش الخرابيش

مولد وعالي كبير فيه رقص مع دراويش

وناس تلون وناس تلسن وناس مع المهابيش

حرب البسوس شغاله فيه وما تقوليش

خربش يانجم بقلم ما يعرف التهويش

قلم كبير يا ولا راقي بهدوء وشويش

اكتب وقول الكلمه طلع ما جواك

ويردوا ما يردوش ما تسألنيش

كل الحكايه نقول الكلمه حصريه

متنظمه بهندسه وجمال مع تحابيش

بردوا رد حصري يواد يا نجم

خربش يا ابني خربش

اشجيني