كيداهم وستوته وهنوده والحصري والريس خنجراوي حصري

[نجم وزهره ومسافات فراق]

بصراحه فكرت كتير قبل ما اكتب التوبيك المهبب ده

ومع كل حرف كنت بكتبوا كنت بفرفر من الضحك لدرجة الدموع
فرقه كده بمنطقتنا شايفين نفسهم
وفاكرين انهم فوق القوانين والبشر
فرقه العبد لله قدر يكشف الكتير والكتير عنهم
ومش بس كده
لا
كبراء المنطقه بفضل ربنا تقريبا حسوا بالخطر على المنطقه ومراقبينهم صح الصح
وتقريبا نهايتهم تكاد تكون قربت

تخيلت منهم الحوار ده قلت اخربشوا بقلمي الغلبان

كيداهم / انا عايزه اعمل فرح واغيظ الواد ده طبعا تقصدني انا واخليه يندم انه مش متجوز لدلوقتي

ستوته / يا ابلتي واحنا مالنا احنا يتجوز ولا قطر يفرموا حتى احنا مالنا

هنوده / دا واد تنك وغتيت وبارد المشكله بعاكسوا وهو تنح ولا بيعبرني ولا حد عارفه اوصل لرقموا او اميلوا كمان واد محجب وبلوه سوده مسيحه

الحصري / الواد ده لازم نقيم عليه الحد رميا بالبيض المنشش

الريس حنجراوي / ومش تقلقوا البيض المنشش عندي كتير اوي

كيداهم / بيض منشش ايه بس يا حنجراوي الواد ده اصبح خطر علينا وعارف اسرار كتير عننا وممكن يفضحنا في المنطقه كلها !

الحصري / يبقى لازم الواد ده نصفيه ونخلص عليه بأيتها طريقه !

ستوته / مممممممممم ممكن نسلط عليه الولا ابوريحه مسئول مجاري المنطقه يوقعوا في ايتها بلاعه وشكرا

هنوده / انتي بتحلمي ولا ايه يابت ما تفوقي الواد ده عويم وسباح وبيعرف يعوم بطلي هبلك ده

الحصري / اومال ايه بس احنا حاولنا نعمل وياه مليون حاجه انما هو شكل ما يكون معاه حصانه او متحجب

كيداهم / الواد ده لازم نداديه ونراضيه على اد ما نقدر احسن الايام اللي جايه ممكن يهد المعبد على راسنا ويطربقها فوق دماغنا وخصوصا وانوا عارف اسرار وبلاوي كتيره عن صحبتنا الميمونه !

الريس حنجراوي / زغة مطوه وشكرا ع الكرم ولا من شاف ولا من دري

الحصري / نهارك اغبر يا حنجراوي مطوة مين الواد ده وراه بلاوي سوده وناس تسد عين السمس !

كيداهم / بقول لكم ايه يبقى خلاص بنعد عنوا ومالناش دعوه بيه عشان الواد ده خطر كبير علينا ومش تنسوا ياحلوين انوا ماسك علينا بلاوي وامور منيله وممكن نتفضح في المنطقه كلها

الى هنا انتهى الحوار الشرشوكي المحشرج بين الجماعه اياها وبعضها

انتظروني وحوار جديد

[نجم وزهره ومسافات فراق]

ياحواراتك يواد يا نجم
معلم يا ابني
قسم يا ابني قسم
انا هرد على روحي
واهو الواحد يفك شويه عن نفسه
عشان لسه كتيييييييييير
منور يواد يا نجم
منور بالقوي يا ابني

[ابتسامة الزهر]

هو ايه الحكاية
محدش رد عليك بدأت
ترد على نفسك
ياعم اكتب حاجات مفهومة ايه
حنكشاوى وغرباوى
بس هى فكاهة ظريفة
تسلم

[نجم وزهره ومسافات فراق]

اقتباس المشاركة الأصلية كتبت بواسطة ابتسامة الزهر هو ايه الحكاية محدش رد عليك بدأت ترد على نفسك ياعم اكتب حاجات مفهومة ايه حنكشاوى وغرباوى بس هى فكاهة ظريفة تسلم

امشرفتنا الطيوبه ابتسامه
دي لوغه حنجوريه انشكاريه
نابعه من تقلبات
وناتجه عن اتجاهات في الكينونه الاولى
ووالله ما فاهم بقول ايه
تخاريف حر ولا مؤاخذه
نورتي كتير امشرفتنا وربنا يجبر بخاطرك يارب
شكل ما جبرتي بخاطر العبد لله

[نجم وزهره ومسافات فراق]

تعرفي انك فرتيني بفكره جديده امشرفتنا

احط خمس نجمات كمان لروحي

شكل ما برد على روحي

خمس اواد انجم

منور اواد

[حلم عمري]

ههههههههههههههه
الحوار جميل بس احسن حاجة انك رديت علي نفسك
بانتظار الحوارات التانية اما نشوف هيعملوا ايه
تسلم أ/ادهم

[نجم وزهره ومسافات فراق]

اقتباس المشاركة الأصلية كتبت بواسطة حلم عمري ههههههههههههههه الحوار جميل بس احسن حاجة انك رديت علي نفسك بانتظار الحوارات التانية اما نشوف هيعملوا ايه تسلم أ/ادهم

ربنا يكرمك يارب أ / حلم
نورتي كتير هنا والله
ميرسي لكرمك بقى