أنا ضد الإخوان حصري

[نجم وزهره ومسافات فراق]

أنا ضد الإخوان

سجل واشهد يا زمان

رافض فكر وصولي

وعدو وعدوان

وأنا ضد الإخوان

ومتاجرين بالدين

لغلابه ورعيان

رافض فكر دموي

دم السادات ما هان

أنا ضد الإخوان

برفض فكر سخيف

برفض فكر ضعيف

برفض دون تكليف

ولا عمري كنت جبان

وأنا ضد الإخوان

أنا ضد انتهازيه

مع كذب ووصوليه

وأمور مش طبيعيه

فيها توهه وتوهان

وأنا ضد الإخوان

أنا ضد متاجرات

وبلاوي وشعارات

مليانه مؤامرات

بغرابه وإتقان

أنا ضد الإخوان

صرختي حقي بعدل

بقولها أمام الكل

مش من حقد وغل

إنما بالبرهان

ناس تاجروا ببلدنا

ومستقبل أولادنا

معاهم كل سودانا

وكوارث ألوان

بين قطرات تتكسر

وعساكر تتخدر

ومؤامرات تدبر

الطرف التالت بان

وأنا ضد الإخوان

أنا ضد الكداب

وأنا ضد القلاب

ولا عمري عملت حساب

كان صوتي عالي كمان

أنا ضد الإخوان

يا ما نصحت وقلت

وكتبت وعبرت

بمواقف أكدت

بإحساس الإنسان

سجل واشهد يا زمان

أنا ضد الإخوان

[ارهابية وامى عرفة]

اكنا زمان فكرين الاخوان مليكة من عند الرحمان

كنا بنقول دول ناس كرام وهيخلو بلدنا قطعة من الجنان

وفى الاخر خراب بكل الاشكل والالوان

حرام بقى كفاية يا اخوان مبقتوش اخوان

بقيتو شعار وخلاص

على صوتك كمان يا ادهم يمكن يفوق الناس الى نيما وانا كمان

تقبل مرورى

[نجم وزهره ومسافات فراق]

اهلا بيكي
نورتي الكلمات
منوره هنا وصوتك يشرفني اكيد
ميرسي كتير

[حنـــــون]

مش لوحدك الى ضددهم
الارض نفسها بئت ضددهم
ربنا يرحم البلد منهم
كلمات معبره حقا
شكرا ليك

[على محمد محمود]

وانا كمان ضد الاخوان
ومش عاجبنى اى شى منهم
طرحك مميز ورائع
ربنا يستر على
حال البلد
تحياتى لك يا غالى

[نجم وزهره ومسافات فراق]

نورتي حنون
ميرسي لمرورك الكريم

[نجم وزهره ومسافات فراق]

نورتني علي
ميرسي لمرورك الكريم

[واد حبيب]

الاخوان هما نفسهم بقو ضد بعض
ربنا يخلصنا منهم علي خير
كلمات جميله منك يا نجم
تقبل تحياتي ويثبت الموضوع

[!دلوعها وكلمتها مسموعة!]

بجد كلمات جامدة ومعبرة
دمت متميز

[جوجو السندرلا]

بصراحة انا كنت مع الاخوان وكنت من المؤيدين علشان قولنا دول يتوع ربنا وحافظين القران وبيصلوا لاكن اكتشفت انهم واخدين الدين وجة ليهم وانا دلوقتى من اشد المعارضين ليهم
ومستنية يوم 30/6 ليكوناليوم الفاصل بينا وبينهم