خدمة نافقني شكرا حصري

نجم وزهره ومسافات فراق · منذ /06-10-2013, 04:09 AM

بما ان شركات المحمول شغاله الله ينور

بطلب منهم يعملوا لنا خدمه جديده بالموبيلات

اسمها خدمة نافقني شكرا

هيحصل بالخدمه اكتساح

وهتكون رقم واحد

وهتضرب جميع الارقام القياسيه

ومش بس كده

هتدخل موسوعة جينيس للأرقام القياسيه

ومش بس كده

هتاخد جوايز نوبل ونوفل وبابا نويل كمان ولا مؤاخذه

اه

اومال ايه

النفاق علني والكفاح دوار

واهو كلوا خير بردوا

والمتضايق أو زعلان يروح يشرب من البحر الأحمر

عشان النيل بعيد عنكم راج ييجي له جفاف

هينشف

وهيفضل فيه القواقع والطحالب هتكون هي الموجوده وبس

أصل مش هيكون فيه في النيل مكان غير لدول

قواقع وطحالب ومتشكرين ع التحيه

وبالنسبه لخدمة نافقني شكرا

اقترح على اصحاب شركات المحمول الكرام

يعملوها مجاني

لوجه الله

وعشان الغلابه وآهو كلوا بثوابوا بردوا

ويجعله عامر على طريقة فلاح كفر الهنادوه لو تعرفوه

على فكره

لو حصل ده

الشعب العربي كله من المحيط الى الخليج هيكتسح

وهنقول لدول العالم المتقدم

إحنا اهو

مبتكرين

مبدعين

متفوقين

متألقين

مين شكلنا مين ؟

وهنطلع لساننا ونشد في وداننا كمان اذا لزم الأمر

واسمنا نكون قدرنا نعمل الجداره

ونحقق الشعار

ونقول

العباره في الشيكاره

واحيانا

العباره في النضاره

بدون كنيه ولا استعاره

وياعيني ع الشطاره والمهاره

وكلوا عند العرب فسيخ

يالله ما هو فعلا عصر النفاق

هستنى واشوف رد فعل الشركات ويمكن تتحقق المعجزه

M.B · منذ /06-10-2013, 04:12 AM

هههههههههههههه لا جامده اوي نافقني شكرا ههههههههههه

ليا عوده

على محمد محمود · منذ /06-10-2013, 11:50 AM

متالق كالعاده
وجميله اوى نافقتى
ومش ممكن يشرب من البحر الابيض
ولا انت عاوز تزحم الدنيا عندنا فى البحر الاحمر
هههههههههههههههههه
تحياتى لشخصك الكريم

نجم وزهره ومسافات فراق · منذ /06-10-2013, 01:48 PM

اقتباس

المشاركة الأصلية كتبت بواسطة killer eyes


	هههههههههههههه لا جامده اوي نافقني شكرا ههههههههههه ليا عوده

تنور يابرنس
مشكور كرمك

نجم وزهره ومسافات فراق · منذ /06-10-2013, 01:50 PM

اقتباس

المشاركة الأصلية كتبت بواسطة على محمد محمود


	متالق كالعاده وجميله اوى نافقتى ومش ممكن يشرب من البحر الابيض ولا انت عاوز تزحم الدنيا عندنا فى البحر الاحمر هههههههههههههههههه تحياتى لشخصك الكريم

تسلم يارب اخي الغالي علي
نورتني كتير يا برنس

ابتسامة الزهر · منذ /06-10-2013, 04:47 PM

كالعادة
قلمك الساخر عمال يخترع
حاجات ومحتاجات
حلوة الخدمة دى مفيدة كتير
شكرا لك

نجم وزهره ومسافات فراق · منذ /06-10-2013, 05:01 PM

اقتباس

المشاركة الأصلية كتبت بواسطة ابتسامة الزهر


	كالعادة قلمك الساخر عمال يخترع حاجات ومحتاجات حلوة الخدمة دى مفيدة كتير شكرا لك

والله قلمي غلبان امشرفتنا ابتسامه
غلبان خالث وطيوب
نورتي بقى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصرى وبانفراد صبحنى شكرا	dods	اغاني شعبية - اغانى شعبى - تحميل اغاني شعبية mp3	3	01-10-2013 02:12 PM
تقول لمين شكرا << شكرا شكرا شكرا	No one like me	منتدى سجل الاعضاء	16	08-28-2011 03:35 AM
دخلة التراس اهلاوى بمباراة وادي دجلة : قمة الابداع رغم صعوبتها	ღ Gի๐sτ ღ	كوره القدم المحلـيه والـعربـبيه	2	05-17-2011 02:25 PM
سلفنى شكرا ......كلمنى شكرا .......استلفلى شكرا	حَرفُُ هجآءّ	قسم مناقشة المواضيع المتداوله والمنقوله	19	07-03-2010 09:22 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

خدمة نافقني شكرا حصري

منتدى يوميات الاعضاء