مشكلة بسيطة لكنها منتشرة بصورة رهيبة انصحوووونى

[بانسيــــــه]

السلام عليكم ورحمة الله وبركاته

ربي يسعد ايامكم بالفرح والمسرات


دا اول موضوع ليا اشارك بيه في المنتدى

واتمنى من كل اللي يدخل ويقرا كلامى يشارك برأيه

الموضوع ببساطة انتو عارفين الزمن دا مش زى زمان الحب في ايامنا دى بقي ليه معانى كتيرة جدا غير حب زمان

زمان كان في احلاص وتفانى وتضحية انا مبقولش انهم انعدموا في ايامنا لكن بقي صعب جدا تتلقي

وتلاقي البنات والشباب اليومين دول عندهم طريقة غريبة ودا طبعا لخوفهم او عدم الثقة او فضول منهم انه كل واحد فيهم يختبر حبيبه باي طريقة بحيث يعرف هل هو مخلص ليه فعلا ولا بيلعب بديله من وراه

تلاقي البنت مثلا تطلب من صاحبتها انها تتصل بحبيبها وتعاكسه او اواو او ممكن جدا تديها ايميله وتحاول تتعرف عليه وممكن كمان الشاب يعمل كدا

لكن في رأيكم لو حصل والبنت اكتشفت ان حبيبها يعرف بنت من وراها هل تقطع علاقتها بيه ولا دا بيختلف علي حسب اسلوبه وتوجهه في العلاقة دى يعنى لو كان لتقضية وقت مش اكتر تعتبر دا شيء عادى وتكمل معاه اما لو كان اسلوبه مش كويس معناه لازم تقطع علاقتها بيه فورا ولا في كلا الحالتين المفروض ان دى تعتبر خيانة ولازم قطع العلاقة

موضوع ممكن يبان ليكم انه بسيط او للبعض تافه لكن للاسف انا شيفاه منتشر بطريقة رهيبة

اتمنى منكم تفيدونى بارائكم اللي لو اتحطيتوا في نفس الموقف هتعملوها

وربنا يسعدكم يارب ويهنى كل حبيب بحبيته

تحيــــــــــــــــــاتــى

[ياسمينة البلاد]

بانسيه العزيزة ............. لو هي خطيبته فدي طبعا حاجة غير مطمئنة

لكن لو صداقة و تضييع وقت فبلاش من العلاقة دي احسن لأنه المفروض تكون معروفة للجميع و مباحة ي يكون متقدم للأهل يعني في طريق الارتباط لأن الاصدقاء غير مضمنونين


و ربنا يوفقك لزوج صالح و مخلص و محب .