بقيـــت هـــآوي

[Şα3Đ..♥]

بقيت هــآوي اعيش وحدي
واكتب ف قصايدي الدراميه
وانام والدمع علي خدي
والضحكه بسيبها مرميه
واعيش بمزاج وعلي راحتي
علشان مبقاش في حيل فيا
فبكبر من اللي بيجرحني
واقول عادي وايه يعني
مش مشكله ما اسيبه يدبحي
وهو ايه اللي هيحصل ليا

بقيت قاصد اشوف الضحكه
جايه عليا فـ مآ آضحكهاش
بقيت قاصد فـ عز الصقعه
آشوف الدفي فــ مآ آدفــآش
هويـت آتكــعبل
فـ بعـد الوآقعـه
آسيــــب العــفـرهـ
منفضهــآش
بقيـــت مستعجــل
علي الدمعــه
آخــآف تـنـزل
فــ مـآ آلحقهــآش

وبقيت مجـهـول الـهـويـه
وعقلي بئه ديما شارد
واحساسي مات خلاص فيا
وبحس اني انسان بارد
وقصه واصبحت منسيه
وناوي اطلعلها بدل فاقد

بس البدل مش زي الاصل
والاصل مش ممكن يرجع
علشان ضحكه قلبك ف الاصل
الهجر خلاها ما تنفع
والبعد كرهني ف الوصل
وبدل ما اوصل بقيت بقطع


ومتداري ورا الفرح السَّكَّه
و بشتريه بشويـه فـكـه
وبلملم جرحي من السكه
مـآنــآ يمــكــن آفــرح

ده انا قلبي محتاج ميت زئه
علشان يدور ويفوق حبه
ياما كده يا هيقول لأه
ويدوس ويجرح

انا قلبي مش ناوي يرتاح
غير لما ترجعوا من الغربه
وتيجوا تملولنا البراح
وتهونوا العيشه الصعبه
ونملي الدنيا بيكم افراح
وانسي بيكوا معني الفرقه

وحبيبتي ترجع لمكانها
وتيجي تحيي تاني سكنها
وتنسي الفراق اللي سكنها
ونعيش بئه حلاوه بكره

والدنيا ترجع تضحكلي
وانسي الهموم وانسي مشاكلي
والضحكه تيجي تعدل شكلي
والله عجباني الفكره

[~♥ Queen sozan♥~]

اقتباس وبقيت مجـهـول الـهـويـه وعقلي بئه ديما شارد واحساسي مات خلاص فيا وبحس اني انسان بارد وقصه واصبحت منسيه وناوي اطلعلها بدل فاقد

الله عليك يا سعد ,, بجد متميز فى كتاباتك دايمآ
يدوم التميز ودايمآ متابعينك

[روح صامتة]

اقتباس هويـت آتكــعبل فـ بعـد الوآقعـه آسيــــب العــفـرهـ منفضهــآش بقيـــت مستعجــل علي الدمعــه آخــآف تـنـزل فــ مـآ آلحقهــآش

تحفة جدااا ..
قريتها كلمة كلمة
ممليتش منها خااالص ^^
بجد رااائعة ي سعد
انت بتعبر عن حالة لا مبالاة فظيعة ..
من كتر الجراح .. ما بتنبش فينا
حسيتها بتعبر عني في فترة ..
بس عارف ع قد ما كل الكلام دا بيحصل ..
بيزيد قوة مش بيضعف ^^
كلمات حلوة ..
تقييمي ^^
ارق تحياتي

[حَرفُُ هجآءّ]

رائع بجد
كلمات مرتبه اوووى
واحساسك فيها عالى برغم حزنه
تسلم ياسعد
فى انتظار جديدك دوماً

[Şα3Đ..♥]

اقتباس المشاركة الأصلية كتبت بواسطة ~ ‏‏‏‏♥ queeη sōmą ‏‏♥ ~ الله عليك يا سعد ,, بجد متميز فى كتاباتك دايمآ يدوم التميز ودايمآ متابعينك

ربنا يخليكي يا سما
ومتشكر جدا علي متابعتك الدايمه دي
منوراني حقا

[ساحر الأحزان]

الجميل فى كلماتك

الاحساس

والعذوبية

كسهل ممتنع

جميل يا محمد

ما خطة قلمك وعبر عنة احساسك

[βÄşmα ♥]

اقتباس وحبيبتي ترجع لمكانها وتيجي تحيي تاني سكنها وتنسي الفراق اللي سكنها ونعيش بئه حلاوه بكره والدنيا ترجع تضحكلي وانسي الهموم وانسي مشاكلي والضحكه تيجي تعدل شكلي والله عجباني الفكره

ايه الجمآل ده
بجد كلماآ ت رآئعةة مششكوؤوؤور ،،

[الرحــاال المٌتَمرد]

سرد قيم كما العاده
قلم يٌجيد العزف والتلاعٌب بـ الأبجديه
لـ يرسم لوحه أدبيه مِن الجمال
أحسنت وصف شعورك بدقه وإتقان
سلمت خيو وسلم نبض قلمك
تحياتى لك وتقديري دائماً

[ويبقى الأثر]

مع رائعه جديده
من روائعك سعد
لكـ طريقه مميزه فى كتابة العاميه
سلاسه وسهوله ومضمون
حقيقى ابداع
قلم راق يخط كل ماهو جميل
استمتعت بمرورى بين حروفك
ارق التحايا واعذبها
تقييمى

[dяєαм..|♥]

اتعودنا احنا خلاص نشوف الكلمات الحلوه دى منك ^^
بجد جمييل جدا ,,متابعة كل جديدك ان شاء الله
استمر بقى ^^