ياخسارة ياالف خسارة

[زهرة الياسمين]

بجد مش عارفة اقول ايه بس ولامين اللي غلطان
طبعا اغلبكم متابع البرنامج بتاع ارب ايدل
دلوقتي الفيس كلو مقلوب ملهمش سيرة غير عليه صوتوا لاحمد جمال وصوتوا لعسا اف ومين خرج ومين فضل
المهم انا مش عارفة مين ضافني في صفحة لاحمد جمال
المهم منزلين صورة ليه وهوا فرحان ومبسوط وقت ما اعلنوا الحلقة اللي فاتت انو في منطقة الامان
الاقيلكوا تعليقات استغفر الله العظيم بجد حاجة تقهر
فلسطينيين قاعدين يشتموا في مصر ويقولوا انتوا يامصريين فيكوا وفيكوا ورئيسكم المهزق وعساف اللي هايفوز ويذلكم والله العظيم نفس الكلام ده بالضبط وصوت احمد جمال زي الذبابة هنرش عليه مبيد ههههههه يعني متخيلين وصل الجهل لغاية فين
ما احنا احترمنا المشترك بتاعكوا واحترمناكوا واحترمنا بلدكوا
مادخلناش على جروبات عساف وشتمنا فيه كدة من غير حاجة زي ما عملوا
دي مجرد مسابقة لاراحت ولا جات تخلينا ننهش في عرض بعض وكلام فوق الوصف
ليه لييييييييه وصلنا للمرحلة دي ايه اللي حصل
طب هما ليه بيعملوا كدة
انا بجد انصدمت وانا بقرا الكومنتات
حاجة تقهر جدااااااا

[SiLver Spectra]

ببساطة لاننا شعوب بتتربى من صغرها على العنصرية و كره الآخر
سواء عشان الدين او الطائفة او القبيلة او الدولة ..
بيتعملنا غسيل مخ على اننا احسن شعب على الارص و ان دولتنا احسن دولة على الارض و اننا شعب الله المختار

دا كلو بيخلينا مش نشوف الاخر و لا نحترم الاخر ..و نتجرد من المشاعر و العاطفة الانسانية اللي بطبيعتها بتكره الغلط

هو دا اللي بيوصلنا للمرحلة دي ...

[تناهيد الهوي]

سبحان الله لا تعليق

[big bốss]

الشعوب العربيه مش عارفه تنجح في أيه

علشان تنافس مصر

و الله خيبه عقولهم فاضيه لم تنتضج بعد

دى مسابقه ولا راحة ولا جت فعلآ

و تم حذف الرد الخارج عن الحياء

شكلها مش مصريه برضو

موفقه اختى

و احلآ تقيم

و تحيا مصر ^_^

[روح صامتة]

اللي عايزة اقوله بس

انتي واخدة بالك ان كل دا على برنامج مسابقات ؟!

التفاهة دي .. ونشغل نفسنا .. بانه دا صوته احلى .. وجنسيته ايه كمان !
دا بقه عقدة العرب .. معندناش ثقافة احترام الغير ..
لا وكمان والله بنروح على الحاجات التافهة
ونربطها بالسياسة .. ونشتم ف البلاد اللي جنبنا ..
وكأن دا اصلا هيربحنا حاجة ..

الا المستفيد مين ف الاخر ؟!

بصي الموضوع مستفز ليا لانه عشان برنامج مسابقات
ثانيا عشان الدماغ العربية عمرها ما هتتحسن ..
لا وكمان كمسلمين .. دا احنا امة اقرا ومحرم علينا السب والقذف والشتيمة ..
وطبيعي تلاقي كده ..

دماغهم اتسستمت على التجريح والشتم والاعتقاد انهم الاحسن
المهم ما تلتفتيش ليهم .. في غيرهم الاحسن وربنا يهديهم ..
وحاوريهم بالعقل او ع الاقل خلي رايك انت المنطقي لو هتقولي رايك

بغض النظر عن الجنسية ولا اللغة ..
تسلمي
ارق تحياتي

[أحمد الخزرجى]

لاننا ببساطة اتقسمنا لمصرى وفلسطينى وسعودى واردنى ومعرفش ايه ..
وانشغلنا بالغتا والرقص والهيافة عن قضيتنا .. حتى الفلسطينيين نفسهم .. فى الغالب انشغلو عن قضيتهم بالمسابقات والغنا ..
اللى بيحصل دا بالظبط اللى اترسملنا نمشى عليه .. فرقة ثم فرقة ثم فرقة ..
وسيبنا الدين والتربيه وقعدنا للأغانى والمسابقات ..
ربنا يسترها علينا

[الأميرة رودي]

بصى بيكون فيه مجموعه متعصبه ممكن تنسى اى شئ او اى اعتبارات فى الدنيا
لمجرد تحقيق الهدف بتاعها او مسانده شخص كل اللى بيعمله انه فى مسابقه غنائيه !!
الجروب اللى بتتكلمى عنه ده هتلاقيه اغلبه شباب وبنات صغيرين فى السن
الآكيد انك مش هتلاقي رجل عاقل عنده 40 أو 50 سنه فى الجروب وبيشتك بأسلوب الصغـار
حتى لو فيهم ناس بتكره مصر والمصريين
وكل مكان ف الدنيا فيه الكويس والوحش وفيه العاقل المتفهم وفيه العصبي المتطرف ف تفكيره..

أنا مش مع التعصب ده ومش مع نظام الشتيمه وتبادل الفاظ لمجرد ان فيه متسابقين من الدولتين وياريتها مسابقه علميه ولا ثقافيه
دي يادوب غنائيه
شوفتى الهيافه وصلت لايه

ربنا يهدي ويصلح الاحوال

[شاعرة الرومانسيه]

حبيبة قلبى انتى زعلانه ليه

القضيه لا تُعمم كل شعب فيه وفيه

انا شخصيا مش هصوت لأحمد لأن صوته مش عاجبنى

يبقى هاقوم اقول دا كذا ودا كذا لا طبعا

اما يشتمو الرئيس دى وجهة نظر

الرئيس كدا كدا بيتشتم على أرضه

يعنى متزعليش عادى يعنى

[حَرفُُ هجآءّ]

طارق قال اللى عايزة اقوله
ربنا يهدى
تسلمى

[تجملت بالعفآف]

كل دا بسبب الحدود التي فرقت الدول العربيه عن بعضها

وبدا تفكير البشريه بأنه كل واحد يريد مصلحه بلده

بس في الاول والاخر دي مسابقه ولا تزود ولا تنقص كان مين فائز ولا خسران

ودا كله تضيع وقت وبعادهم عن الدين الاسلامي

لو كانوا عملوا ارب ايدل علي انه قران مش هتلاقي حد بصوت ليهم

لانه احنا شعب تافه ومش حاسين بالنعمه الي معانا

غير لما نفتقدها هنقدر قيمتها

وربنا يصلح احوال الجميع

وزي ما في فلسطينين سئ في حسن

وهكذا تمضي الايام

تسلمي يا زهره