تهديد مرفوض يا اخوان / حصري

[نجم وزهره ومسافات فراق]

الاخوان وتوابعهم
شغالين تهديدات علني بشكل مستفز
لكل الناس اللي رافضين سياساتهم
رافضين افكارهم الغريبه
رافضين اطماعهم وتحديهم لشعب مصر

يا اخوان
عايزين نعرف دليل خير واحد عملتوه لمصر
عايزين بس لوجه ربنا نشوف مستند لاي فعل خير عملتوه لصالح الناس والبلد
انا مش فاهم المندفعين والمتحمسين للاخوان
مندفعين ومتحمسين على ايه بالظبط
ما تفهمونا
هو يمكن الاخوان عملوا شيئ واحنا مش حاسين
دي الخراب شغال للركب
والفساد انتشر عيني عينك
والبلطجه شغاله الله ينور
وصور شر اقوى من ايام النظام السابق
متحمسين على ايه يا بشر
هو انتم عايزينها تخرب اكتر من كده
مصر اصبحت ملطشه لكل من هب ودب
مصر اصبحت لعبه في ايد دول كانت لغاية قريب تسمع اسم مصر ترتعش
مصر مش تستحق كده


يا اخوان
الورق اصبح مكشوف
والشارع من خلال المواطن البسيط جالوا احباط منكم
ومن تصرفاتكم
ومن قوانينكم الساذجه السطحيه
ومن تعديكم على حقوق شعب
ومن سرقتكم لثورة شعب
لازم تعترفوا انكم ناس وصوليين
ناس سرقوا احلام الشباب
ناس تاجروا بالدين والشعارات على شعب طيب وبسيط
اغلبوا غرقان تحت خطوط الفقر والجهل والمرض
شعب تعب فساد وبكل الصور

يا اخوان
خلاص
الشعب ولا بلاش اقول الشعب عشان في 5 مليون اخواني
مش هتسخروا ال 90 مليون على رغباتكم
ولا على اطماعكم
لا
كفايه عليكم كده
لان الوضع زاد اوي عن كل حد
لازم تفهموا انكم بلا خبرات سياسيه
واظن التخبط والقرارات العشوائيه
والغاء مجلس الشعب
وحل مجلس الشورى
والغاء تأسيسية الدستور
وصنع دستور لا يليق بشعب مصر
وكل انواع التخبط والتخلف دي
خير دليل على فشلكم
مصر مش اخوانيه ولا هتكون اخوانيه
وكفايه عليكم كده
خلاص الواحد مل وقرف وجالوا احباط
ارحمونا ربنا يرحمكم
وانا كمواطن مصري بقول وعلني
تهديدكم مرفوض وهنزل يوم 30/6
هنزل رافض
هنزل سلمي ومش هنخرج غير بالتغيير
ونغمة الخروج عن الرئيس بدعه بلاش تستخفوا بيها عقول الناس
يبقى معنى خروجنا عن النظام السابق بدعه يا اخوان ياللي المفروض مسلمين
عيب تسخروا منا اكتر
عيب تستخدموا وتتلاعبوا بالشعارات لصالحكم
عيب بجد
اتقوا ربنا في البلد
البلد بتنهار
ارحمونا الله يرحمكم وريحونا منكم خلاص مش عايزينكم
ياساتر يارب
سرطان ولزق في البلد
اعوذ بالله

[حلم عمري]

انا مش هزود حاجة علي اللي انت قلته
حضرتك الصراحة جبت المفيد كله
وهجوم الاخ المغير امبارح علي وزارة الثقافة عشان يعتدي علي المتظاهرين دا دليل علي عدم احترام الحريات
واحي اقول حاجة اه احنا اللي انتخبنا مرسي وبالصندوق ولكن هو في الاول والاخر موظف ولما نلاقيه مش عارف يمشي شغله صح يبقي فورا ندور علي واحد غيره
احنا مش في مصنع يا سادة بنتخانق مين يمسك الادارة دي ام الدنيا
تسلم أ/ادهم علي الطرح الرائع

[نجم وزهره ومسافات فراق]

اقتباس المشاركة الأصلية كتبت بواسطة حلم عمري انا مش هزود حاجة علي اللي انت قلته حضرتك الصراحة جبت المفيد كله وهجوم الاخ المغير امبارح علي وزارة الثقافة عشان يعتدي علي المتظاهرين دا دليل علي عدم احترام الحريات واحي اقول حاجة اه احنا اللي انتخبنا مرسي وبالصندوق ولكن هو في الاول والاخر موظف ولما نلاقيه مش عارف يمشي شغله صح يبقي فورا ندور علي واحد غيره احنا مش في مصنع يا سادة بنتخانق مين يمسك الادارة دي ام الدنيا تسلم أ/ادهم علي الطرح الرائع

انا وبعض اصحابي وصلنا تهديدات ع الموبيلات
وهنعمل اللازم تجاهها
الوضع اصبح مستفز عن كل حد
والشعب ده لو مش صحي وفاق
يبقى يستحق يتعمل فيه اكتر من الاخوان
البلد بتوقع
لازم نتوحد بشرط
دون تخريب
دون تكسير
دون اراقة قطرة دم واحده
عايزين نثبت للاخوان ولامريكا وللعالم اننا شعب متحضر قولا وفكرا وعملا
وانا بعلن علني انا ضد الاخوان
وضد اي شيئ ضد مصر
وضد كل من يتلاعب بأمن وصالح مصر
وعلني بردوا ورزقي على الله
نازل انا وكل اصحابي يوم 30/6
ثوره سلميه تنادي بتغيير شرعي واسقاط رئيس فقد شرعيتوا واهليتوا وغير جدير بحكم مصر
شكرا لمرورك الكريم

[gold rose]

على فكرة أنا مش معاك خالص .,
الرئيس مش هيسقط .,
الرئيس ملوش حل غير إنه يتغير بإنتخابات .,
غير كدا مش هيمشي .,
ولو مشي عندكم ليه حل بديل ؟