انا ضٍــلٍّــكـ

[Şα3Đ..♥]

انا ضٍــلٍّــكـ

انا ضلك
وانا شكلك
وانا لوحدي اللي بندهلك
وانا اللي لو مش محتاجلك
برضو بجيلك والجألك
انا الضحكه اللي اترسمت
علي وشك
وانا اللي هبني فيوم ليكي
جدار عشك
وانا اللي عمري ما يوم غشك
وانا القريب وبقَرَبلك

انا الآهه اللي فـي وجعك
وانا اللي اتعب لو شيء وجعك
ولو بعيد بكون سامعك
ده انا الوحيد اللي استاهلك

انا اللي هاجي يوم جنبك
وارسم بايدي نص القلب
وانتي تكمليه بيدك
واكتب ع الرمله كلمه حب
وتكتبي حروف اسمك
واسمي ف الناحيه التانيه
وتكملي القلب برسمك
ونرسم فيه نص الدنيا
ونحلم سوا ونسافر
واكتب فيكي كلام ساحر
ما انا اصلا بقيت شاعر
عشان بس اكتبلك
بحبك ,,, آآآهـ ,,, انا بحبك

انا ليكي اليوم والامس
وانا سكوتك ف وسط الهمس
ده انا بتمني اكون الشمس
واطلع يوماتي انورلك


وانا اللي فيوم هاجي لبيتك
واقولهم انا حبيتك
والبسك دبله ف ايدك
واخطفك من وسط اهلك

هتكوني كل اللي حاصللي
وتعيشي ليا كما ضلي
ونقف لربنا ونصلي
وتدعي وانا اللي اامنلك

[الرحــاال المٌتَمرد]

ملحمه شعريه مغلفه بكلمات مِن الماس واللؤلؤ
سنفونيه قادها الموهوب "سعد" بـ أنا ضِلِك .
رائعه هي مقطوعتك هَذا بما تَحملهٌ مِن كلمات
سلمت خيو لما قدمت هٌنا
تحياتى وتقديري لك مَع التثبيت

[gold rose]

سبتفونية جميلة .,
غزلت بماء الورد .,
كالعادة قمة الإبداع .,

[الأميرة رودي]

هتكوني كل اللي حاصللي
وتعيشي ليا كما ضلي
ونقف لربنا ونصلي
وتدعي وانا اللي اامنلك

الله عليك ياسعد
أنا ضِلك غِنـوه جميله بهمسات لمست قلوبنا
ومحبوبه احببتها بصدق وبكل جوارجك تتمنى ان يجمعك الله بها فى حلآله
أسعد الله اقلبك أخى وحقق لك كل ماتتمنى
تقييمي و 5 نجوم

[dяєαм..|♥]

انا ليكي اليوم والامس
وانا سكوتك ف وسط الهمس
ده انا بتمني اكون الشمس
واطلع يوماتي انورلك

كلمات روعه كالعاده ,,بجد تسلم عليها
استمر بقى ,,مستنيين جديدك اكيد ^^
تقييمى وخمس نجوم ^^

[Ŗăήćy]

وانا اللي فيوم هاجي لبيتك
واقولهم انا حبيتك
والبسك دبله ف ايدك
واخطفك من وسط اهلك

هتكوني كل اللي حاصللي
وتعيشي ليا كما ضلي
ونقف لربنا ونصلي
وتدعي وانا اللي اامنلك

يمكن كلمة رآئعة دى تكون بسيطة على كلماتك
بجد تسلم ايدك أ/محمد مـآشآء الله عليك
مبدع ومميز كعآدتك,,بالتوفيق دايماً يارب
تقييمى أكيد ومستنية جديدك دايماً

[βÄşmα ♥]

كلماآت رأإأئعةة،،
بجد انت مبدع وشهآدتي فيك مجروحةة
استمر،،
ومششكوؤوؤر ياآ سسعد

[روح صامتة]

اقتباس انا الآهه اللي فـي وجعك وانا اللي اتعب لو شيء وجعك ولو بعيد بكون سامعك ده انا الوحيد اللي استاهلك انا اللي هاجي يوم جنبك وارسم بايدي نص القلب وانتي تكمليه بيدك واكتب ع الرمله كلمه حب وتكتبي حروف اسمك واسمي ف الناحيه التانيه وتكملي القلب برسمك

حلووووة جداااا
بجد ما شاء الله
كلمات رائعة .. وافكارها جديدة
واحلى حاجة انها ماشية ع القافية ^^
بجد موضوع يستحق خمس نجووم ^^
وتسلم ع الاحساس العاالي داا

ارق تحياتي

[دمعه حائره]

رائعه كلماتك ومشاعرك فيها
ابدعت ياسعد بتلك المعزوفه الجميله
تسلم ويدوم التواجد الرائع

[Şα3Đ..♥]

اقتباس المشاركة الأصلية كتبت بواسطة gold rose سبتفونية جميلة ., غزلت بماء الورد ., كالعادة قمة الإبداع .,

الاجمل هو مرورك
نورتيني جدا
تحياتي لحضرتك