المرحلة الثالثة من مدرستكوا جاية تعذبكوا ؟ ..مع ثانى تلميذ 7oda

[Sєяєєη●•ʚɞ]

صباح/ مساء الخير رجعتلكم بالمرحلة الثالثة من المدرسة وهنستقبل ثالث دفعه من التلاميذ وهنزل كمان قائمة بتلاميذ المرحلة الاولى والثانية الفكرة بإختصار حوالى 50 سؤال هيرد عليه العضو اللى اختارناه فى خلال اسبوع ولو اتأخر فى الرد عن اسبوع هنحبسوة فى اوضة الفران ونختار بداله عضو تانى ،، كل نهاية اسبوع هنختار عضو بعد اما يجاوب العضو ع الأسئله دى هنحكم علية الحكم دة هيكون لاول عضو هيدخل يقول رأية فى ردود المضيف ع الاسئله يعنى لو قالنا افراج وخرجوة من المدرسة هنخرجة منها ولو قالنا احبسوة هندخله اوضة الفران وهنحكم علية بـ 3 طلبات هيعملها فى القسم العام اما ينزل موضوعات او يرد طريقة الاختيار الاختيار هيكون من قبل مشرفات القسم لاى عضو وهيكون اختيار اجبارى وكل عضو يخلص المدرسه يرشح عضو اخر ويبعتله ولازم يوافق شرط خروجك من المدرسة هو دخول عضو مكانك مديرة المدرسة : Sereen ناظرة المدرسة:Beauty angle يلابينا نتعرف ع شكل المدرسة اتوبيس المدرسة المبنى الخارجى الزى المدرسى الكتب المدرسية الفصول المدرسين غرفة المديرة غرفة الألعاب وسائل التعذيب فى المدرسة غرفة الفئران محبوسين أوضة الفئران قائمةالتلاميذ 1- الحب الصامت 2- " 7oda " التلاميذ المميزين التلاميذ المشاغبين

[Sєяєєη●•ʚɞ]

بعد اما اتعرفنا ع المدرسة وشكلها بنرحب بيك فى مدرستنا وبنقولك اهلا وسهلا ونتمنى انك تكون تلميذ هادى ماتتعبناش ومش عاوزين لماضة هنا عندنا اوضة فئران هنضبطتك فيها تهديد رسمى فهمى نظمى اهو مدرستنا بتبدأ من KG1 الى الثانوية العامة هتقابلك مجموعه من الاسئله متقسمة على مراحل الاسئله انا اللى حاطاهابنفسى ويلابينا نشوفه المرحلة الاولى 14 سؤال يلا افتح الورقة وابدأ حل ومش عاوزة كروتة فى الاجابة قولنا الاول اسمك وسنك ودراستك ايه وعايشة فى اى بلد؟؟ واختار الصف اللى نفسك ترجعله تانى ؟؟ 1- مدرستك كانت قريبه عن البيت ولا بعيدة؟ 2- كنت بتروح المدرسة ازاى بالباص ولا موترورجل؟(وسيله المواصلات) 3- مين اللى كان بيوديك المدرسة؟ (كنت بتروح المدرسة مع مين) 4- كنت بتاخد معاك ساندوتشات ايه وانت رايح المدرسة؟ 5-ايه اكتر ساندوتشات كنت بتكره ماما تعملهالك للمدرسة؟ 6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه 7- ياترى كان فيه بائعين متجولين قدام باب المدرسة؟ 8- تفتكر شكل شنطة المدرسة بتاعتك كان ايه؟ 9-ايه اكتر حصة كنت بتحبها فى المدرسة؟وايه اكتر حصة كنت بتكرها؟ 10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟ 11- كان ليك اصدقاء فى المدرسة؟كام صديق؟لوتفتكر اسماء لهم قولهم؟ 13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه 14- احكى موقف حصلك فى المدرسة عمرك اما تنساة (موقف مفرح – موقف محزن) المرحلة الثانية 14 سؤال خاصين بالمدرسة 15- عشت قصة اعجاب للجنس الاخرواعجبت بيه فى المدرسة؟ حصلك موقف قبل كدة معاه ..لو فيه احكى 16-ياترى كنت تلميذ شاطر ومتفوق وبتاكل الكتب ولا بتفتح الكتاب وتقعد تسرح فيه؟ 17- كنت بتعتمد على حد دايما يقعد يذاكرلك ولا انت كنت بتذاكر لوحدك ولا بتكبر خالص وبتسيبها بظروفها؟ 18-كنت بتاخد دروس خصوصيه ؟ولو اة كنت بتاخد كام درس وفى انهى مواد؟ 19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط 20- ياترى كنت بتركز فى الحصة ولا بتقضيها هاتك يانوم ولبان ؟ ولو حصه مش داغله مزاجك كنت بتعمل ايه فيها بتطلع تاكل وتعيش حياتك ولا ايه النظام؟ 21-كان زى مدرستك لونه ايه وشكله ايه فى(ابتدائى – اعدادى – ثانوى)؟ وكنت بتلتزم باللبس دة ولا كنت بتلبس مخالف؟ 22- عمرك مريت بموقف ضربتك فيه مدرس او مدرسة مفتريه؟لو اضربت احكى الموقف ...عادى خالص 23-ها ايه ظروفك مع الامتحانات كنت مقضيها صواريخ طايرة ولاسلكى مرفوع وغش وبراشيم والرزق يحب الخفيه وكدة ولا كنت مش بتغش ومعتمد على نفسك وكدة؟...قول الصراحة 24- ياترى بعد الامتحان كنت بتحتفظ بكتابك وتشيله ولا بتعمله عصافير الجنة وترمية فى اقرب سله ؟ 25-كنت بتحب الصحيان بدرى؟وكنت بتستنى رجوعك للمدرسة ولا كنت بتستنى الاجازة بفارغ الصبر؟ 26- ايه هى كانت طريقتك فى المذاكرة؟وكنت بتحب تذاكر فى انهى مواعيد بالضبط مثلا (قبل الفجر او بليل او الصبح بدرى)؟ وكنت بتحب تذاكر مع صديق لك ولا لاء؟ 27- انت بتذاكر بصوت عالى وتفضل رايح جاى ولا بتذاكر من غير صوت وانت قاعد؟بتقدر تذاكر وانت جنبك حاجة شغالة زى تليفزيون او راديو ولا بتحب تذاكر فى هدوء؟ 28- اخيرا...احكيلى اصعب موقف مر عليك فى حياتك الدراسيه عموما موقف لايمكن تنساه وحصلك فى المدرسة لو كان سعيد احكى ولو كان حزين احكيه؟ موقف حصلك مع مدرس من مدرسينك؟ موقف حصلك مع اصحابك فى المدرسة؟ المرحلة الثالثة 10 اسئله خاصة بتربيتك المستقبليه 29-بتحب مهنه التدريس ولا لاء؟ وكان نفسك فى يوم تطلع مدرس ولا كنت بتكرة المهنه دة جدا؟ 30-تفتكر ان مهنه التدريس تناسب البنات اكتر ولا الشباب؟ لو عندك طفل صغير هتفضل يدرسله مدرس ولا مدرسة؟ 31-هتعطى لولادك دروس خصوصيه ولا لاء؟ لو اة هتديله فى انهى مرحله من عمرة؟ 32-هل تؤيد الدروس الخصوصيه فى مرحله الحضانه واهى انتشرت دلوقتى جدا؟ 33-تفتكر نظام التعليم فاشل ولا ناجح؟ ايه اهم اسباب فشله هل (المدرس – التلميذ- ولى الامر- الكتاب المدرسى – نظام التعليم نفسه؟ 34- عايز تربى ابنك ازاى؟ وهل هتمشى على اسس التربيه السليمة وهتجيب كتب وتقرا ولا هتربيه بالبركة؟ 35- بتأيد الضرب فى التربيه؟ امتى هتضرب ابنك؟ لما تحب تعاقب ابنك هتعاقبه ازاى؟ 36- لو جالك جواب من المدرسة فصل لابنك لانه كان بيهرب من المدرسة...هتتصرف معاه ازاى؟ 37-لو مدرسة الفصل قالتلك ان ابنك بيعانى من مشكله ما ...هتحاول تسمع كلامها وتعالجة ولا هتنفضلها ومش هتهتم؟ 38-هتتصرف ازاى لو كان ابنك من النوع اللعبى ومش غاوى مذاكرة؟ وهتنصحة بإيه ؟ المرحلة الرابعه والاخيرة خاصة بأحلامك 39-تفتكر حلمك كان ايه وانت تلميذ؟ وكان نفسك تتدخل كليه ايه؟ 40-هواياتك كانت ايه وانت صغير؟ وياترى مدرستك كانت بتنمى عندك هواياتك دة ولا كانت بتقتلها؟هل المدرسة قتلت جواك هوايه كنت بتحبها؟ 41-اكتر مادة دراسيه كنت بتحبها فى جميع مراحل حياتك الدراسيه؟واكتر مادة كنت بتكرها؟ 42-ياترى فى مدرس كان السبب انك تكره مادة معينه ...كرهك فيها ازاى؟ ولو فيه مدرس حببك فى مادة معينه قول حببك فيها ازاى وانهى مادة؟ 41-لو انت كنت وزير التربيه والتعليم...ايه هى خططك فى التعليم فى كل المراحل من الحضانه للثانوى العام؟ نفسك ايه اللى يتغير فى التعليم دلوقتى؟ 42-شايف ان كتب الدراسة مفيدة وانت استفدت منها فعلا ولاكانت كتب عقيمه جدا ؟؟ 43-تخيل مدرسة بفصولها ومدرسنها وانت صاحبها (هيكون عندك كام فصل – كل فصل هتخلى جواة كام تلميذ – هتقسم اليوم الدراسى ازاى وهتحط كام حصة – هتخلى فى المدرسة وسائل ترفيه زى ايه) عايزاك تعيش وتتخيل حتى لو خرجت عن الواقع ...قول تحلم وتتمنى يكون شكل المدارس ازاى؟ 44-فى النهايه عايزة اسالك ايه رايك فى المدرسة وعجبتك ولا لاء؟ وايه شعورك وانت بتجاوب الاسئله؟ 45-نفسك ترجع تانى المدرسة ونسالك ولا مصدقت وعايز تقول يافكككككككيك؟ أخيرااااااااااااا سيب اى ذكرى للمدرسة (صورة اى حاجة كذكرى وياريت لو تقدرتكتب عليها اسمك بأى برنامج ولو مش عارف خلاص)؟؟ ايه اكتر مرحلة وانت بتجاوبها فى المدرسة كانت اسئلتها ممتعه بالنسبالك ؟ ايه اكتر مرحلة حسيت ان اسئلتها صعبه او مش حاببها وانت بتجاوبها ؟؟

[Sєяєєη●•ʚɞ]

قائمة تلاميذ المرحلة الاولى 1- ســآحرة الليل 2- BnoTa Mgno0onA Arco Baleno -3 esraa gamal-4 elMagic-5 6- واد حبيب 7-SiLver Spectra 8- رنين Sєяєєη●•ʚɞ- 9 doiss -10 lost pearl -11 SaMbaTeKa -12 13-غزاوية وافتخر 14-العصفورة الانيقة 15-ألحان الورد

[Sєяєєη●•ʚɞ]

قائمة تلاميذ المرحلة الثانية 1- ## تيتشـــر نفشـهـ ## 2- ~ ♥ ورده الأحلام ~ ♥ 3- Countess 4- حنون 5-CuOp!D 6- فرحة 7- Ѕad Єyes 8- DR/ SMA 9- Words Whisper 10- beauty angel 11- "الرحاال""الزجاال" 12- єЛ- мiлshαwi 13- morshooo انتظرونـــــــآ مع أول عضــــــــو /ة متدبس ملحوظة : كل عضو متدبس هيجاوب فى نفس الموضوع دة مع تغير عنوان التوبيك واضافة اسم الضيف فى كل مرة ويارب المدرسة تنال إعجابكم

[Sєяєєη●•ʚɞ]

ومعانا اول تلميذ دبسناه وحبسناه وجبنا رجلية وهو هيثم صاحب الموقع ادخل برجلك اليمين بقيت عاملة زى ريا وسكينة بييييييييييييب بييييييييب ثنآء مدرسة الأنجليزى ملف أول تلميذ أهو الحب الصامت تاريخ التسجيل 01-24-2008 عدد المشاركات 6,918 التعليمات تعال شوف التعليمات عشان احنا عندنا اوضة فيران هنا ومااكلتش بقالها قرون قدامك اسبوع فى المدرسة النهاردة ايه الاربعاء حلو الخروج يوم الثلاث الجاى مش هتخرخ غير بعد اما الاعضاء يحكموا عليك + تكون مختار عضو او عضوة يدخل المدرسة وراك منورنا جدا ف المدرسة يا هيثم ويلا انطلق اتسلى فى سؤال سؤال كدة وقدامك اسبوع.. داكور

[haytham ali]

قولنا الاول اسمك وسنك ودراستك ايه وعايشة فى اى بلد؟؟
واختار الصف اللى نفسك ترجعله تانى ؟؟

طيب الاسم هيثم علي , 25 سنة , دراستي كلية تجارة


عايشة في اي بلد تصدقي انتي قفلتيني من الاول كدة


مصر يا ابلة ولو عايز ارجع يبقي اعدادي علشان كانت ايام فل

1- مدرستك كانت قريبه عن البيت ولا بعيدة؟


كانت قريبة ياابلة

2- كنت بتروح المدرسة ازاى بالباص ولا موترورجل؟(وسيله المواصلات)


موتو رجل اكيد يعني :d

3- مين اللى كان بيوديك المدرسة؟ (كنت بتروح المدرسة مع مين)


مع نفسي

4- كنت بتاخد معاك ساندوتشات ايه وانت رايح المدرسة؟


مكنتش باخد سندوتشات معايا

5-ايه اكتر ساندوتشات كنت بتكره ماما تعملهالك للمدرسة؟


كنت بفطر قبل ما اروح المدرسة يعني مفيش سندوتشات بتتعمل

6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه


لا طبعا لاني بقرف عمري ماعملتها وعمري ما روحت جبت سندوتشات من الناس اللي قدام المدرسة

7- ياترى كان فيه بائعين متجولين قدام باب المدرسة؟


ايون كتيير جدا اللي كنت بشترية منهم لب بس :d

8- تفتكر شكل شنطة المدرسة بتاعتك كان ايه؟


لا مش فاكر

9-ايه اكتر حصة كنت بتحبها فى المدرسة؟وايه اكتر حصة كنت بتكرها؟


الالعاب كنت بحبها جدا علشان بنلعب كورة بئا واللي يكسب يفضل في الملعب
حتي لو الحصة خلصت لما يجي حصة العاب بيكمل اللي كسب اخر مرة مع ان الفريق اللي كنت بلعب فيه كان معفن ومفيش الا واحد فيه كان مالوش حل ف الكورة وكان هو السبب اللي بيخلينا نخسر لو خسرنا لانه بيقعد يتسلي ع العيال فاكر في مرة الواد ده غاب والعيال بقي نازليين بيقولوا هتتقطعوا سنترنا الكورة بقي وشوطها دخلت جوووول قولت اول فريق خرج ف نص دقيقة وقعدوا يقولوا هو احنا لعبنا ولا حد لمس الكورة مننا المدرس بتاع الالعاب قالهم مش الكورة لمست اللي واقف لهم جووول يلا برا اللي بعده )

10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟


شوية كدة وشوية كدة :d

11- كان ليك اصدقاء فى المدرسة؟كام صديق؟لوتفتكر اسماء لهم قولهم؟


كتييير جدا محمد محمد , محمود علي , محمد فتحي , مصطفي امين , هاني محمد , محمود جمعة , محمد عزيز,محمود رضا , ابراهيم السلكاوي , نبيل , جمال كفاية بئا عشان مش هنخلص :d

13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه


ايوه كان كل يوم لازم يحصل مشكلةوخصوصا في اعدادي في مرة اتفقنا نضرب واد معانا ف اعدادي والواد صاحبي ابن ستين ف سبعين ضربة بالموس ف ايدة )

14- احكى موقف حصلك فى المدرسة عمرك اما تنساة (موقف مفرح – موقف محزن)



لا المواقف كتيير جدا
مرة ياستي كان في ابلة اسمها سميرة بتستهبل بتضرب واحد جنبي فالضرب جية عليا قولت لها وانتي بتضربي ليه دلوقتي ما تبصي وانتي بتضربي فشتمت وضربت اكتر قومت طالع لها بئا من مكاني واتخانقت معاها وضربتها وطردتها من الفصل راحت نادت لـ ابلة تانية اسمها سامية اخصائية اجتماعية جات تقول لي انت ازاي تعمل كدة وانا هقول لمامتك ومش مامتك طبعا عادي لا هي هتقول لمامتي ولو قالت محدش هيعمل لي حاجه قولت لها طيب بس اسألي بقي اي حد في الفصل وشوفي هيقولوا لك ايه ) الكل كان ضدها هي تستاهل الضرب ايوة هي كذا هي كذا هو مش كلمها اصلا

[Sєяєєη●•ʚɞ]

ابله ..!!
تصدق انت اللى قفلتنى هههههههههههه
وصاحبك المفترى اللى راح يضرب بالموس دة يعنى شرح الواد هههههه
وموقف المدرسة مسخرة
وشكلك تلميذ شاطر وداخل حامى اهو
كوغيس كوغيس
كمل ..متابعين

[haytham ali]

14 سؤال خاصين بالمدرسة

ومالة مش عيب ياابلة ياابلة ياابلة < بتقفلك ابلة دي ياابلة

15- عشت قصة اعجاب للجنس الاخرواعجبت بيه فى المدرسة؟ حصلك موقف قبل كدة معاه ..لو فيه احكى

لا وانا وش ذلك يعني

16-ياترى كنت تلميذ شاطر ومتفوق وبتاكل الكتب ولا بتفتح الكتاب وتقعد تسرح فيه؟


كنت شاطر ايون بس من غير مذاكرة نهائي اي حاجه تتقال قدامي خلاص لزقت ف مخي بس ايام ما كان دماغي ف المدرسة وكدة

17- كنت بتعتمد على حد دايما يقعد يذاكرلك ولا انت كنت بتذاكر لوحدك ولا بتكبر خالص وبتسيبها بظروفها؟


مش بذاكر اصلا حتي لو فتحت اي كتاب مش ببص فيه اساسا

18-كنت بتاخد دروس خصوصيه ؟ولو اة كنت بتاخد كام درس وفى انهى مواد؟


رياضة , انجلش , عربي , فرنساوي , كفاية كدة بئا

19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط


زوغت ف ثانوي كتييير جدا تقريبا كل يوم كنت بروح العب بلاي ستيشن اللي يخسر يحاسب ايام باتيستوتا وروبرت كارلوس ابو سرعة 9 ومنتخب العالم واوروبا و اندر فلو النرويجي الطويل

20- ياترى كنت بتركز فى الحصة ولا بتقضيها هاتك يانوم ولبان ؟ ولو حصه مش داغله مزاجك كنت بتعمل ايه فيها بتطلع تاكل وتعيش حياتك ولا ايه النظام؟


ايون كنت بركز








21-كان زى مدرستك لونه ايه وشكله ايه فى(ابتدائى – اعدادى – ثانوى)؟ وكنت بتلتزم باللبس دة ولا كنت بتلبس مخالف؟


كنت بلتزم باللبس ف ابتدائي بس اما اعدادي وثانوي لع وتقريبا اللون كانقريب من دة


22- عمرك مريت بموقف ضربتك فيه مدرس او مدرسة مفتريه؟لو اضربت احكى الموقف ...عادى خالص


ايون مرة ف 3 اعدادي اتضربت مع اني مش عملت حاجه


علشان كنا عاملين فرح ف الفصل

23-ها ايه ظروفك مع الامتحانات كنت مقضيها صواريخ طايرة ولاسلكى مرفوع وغش وبراشيم والرزق يحب الخفيه وكدة ولا كنت مش بتغش ومعتمد على نفسك وكدة؟...قول الصراحة


في ابتدائي واعدادي كنت برنس البرانيس ممكن احفظ اي حاجه مجرد ما تتقال قدامي مرتين او 3 فمش محتاج براشيم اما ف ثانوي كنت باخد الكتاب معايا اللجنة

24- ياترى بعد الامتحان كنت بتحتفظ بكتابك وتشيله ولا بتعمله عصافير الجنة وترمية فى اقرب سله ؟


لا طبعا بيترمي

25-كنت بتحب الصحيان بدرى؟وكنت بتستنى رجوعك للمدرسة ولا كنت بتستنى الاجازة بفارغ الصبر؟


الاتنين حلوين اروح المدرسة احب الاجازة تيجي الاجازة احب المدرسة

26- ايه هى كانت طريقتك فى المذاكرة؟وكنت بتحب تذاكر فى انهى مواعيد بالضبط مثلا (قبل الفجر او بليل او الصبح بدرى)؟ وكنت بتحب تذاكر مع صديق لك ولا لاء؟


مش بذاكر قولنا بئا مش بحب المذاكرة اساسا

27- انت بتذاكر بصوت عالى وتفضل رايح جاى ولا بتذاكر من غير صوت وانت قاعد؟بتقدر تذاكر وانت جنبك حاجة شغالة زى تليفزيون او راديو ولا بتحب تذاكر فى هدوء؟


يادي النيلة قولنا مش بذاكر ياابلة

28- اخيرا...احكيلى اصعب موقف مر عليك فى حياتك الدراسيه عموما


مش فاكر ياابلة

موقف لايمكن تنساه وحصلك فى المدرسة لو كان سعيد احكى ولو كان حزين احكيه؟


طيب ينفع اقول ده بئا


تقريبا كنت ف اولي اعدادي وخارجين من المدرسة


وبتشعبط ف عربية انا وشوية عيال المهم يعني اللي سايق العربية


وقف مرة واحدة ورجع لورا بالعربية داس علي دماغ عيل والواد ده


مش مات راح المستشفي بس انا لسه فاكر المنظر ده

موقف حصلك مع مدرس من مدرسينك؟


في ابتدائي كان في مدرس عربي جاي جديد وقال اللي هيكتب لي


كلمة المستشفيات هديلة بريزة المهم طلع له بتاع 10 معرفوش يكتبوها


فبيقول لي تعالي انت تعرف تكتبها ضحكت وقولت ف دماغي دا عبيط


ولا ايه المهم كتبتها فبيقول لي صح قولت له طيب ما انا عارف


بعد ما كتبتها وداخل بقي مش عايز منه البريزة لقيت العيال اللي ف


الفصل عملوا له فرح اديله البريزه اديله البريزه وهيصة بئا


اخدت منه البريزة وفضل طول السنة عارف اني دحيح وبقي صديقي وكدهون
موقف حصلك مع اصحابك فى المدرسة؟



اصحابي اصحابي مرة ياابلة بما ان ابلة بتضايقك اوي يااستاذة


ربطنا تخت الفصل كلة في بعضها علشان التخته بتاعتنا كان فيها درج


ونضيفة واخر حلاوة وكل ما نروح ونرجع تاني يوم المدرسة نلاقي


فصل تاني سرقها وحط لنا مكانها تخته وحشة او حد من الفصل سرقها


فقولت انا واتنين اصحابي احنا مش هنسكت عن اللي بيحصل ده


وتوصلنا ان احنا لو جبنا احبال وربطنا كلة ف بعضة محدش هيقدر


يسرقها وبكدة هنقدر نسيب الكتب بتاعتنا ف الفصل ونمشي بشوات


بعد ما ربطنا بقي التخت ف بعضها رجعنا تاني يوم قولنا ايوة كدة


فاتت الحصة الاولي والتانية ولقينا الفراش جاي ومعاه مدير المدرسة


يعني عاجبكم الزبالة دي الفراش اتفتح بئا معرفتش انضف الفصل


وانتوا عايزين تقعدوا ف الزبالة و و و و والفصل كلة فتن علينا


ان احنا اللي عملنا كدة

[haytham ali]

10 اسئله خاصة بتربيتك المستقبليه


29-بتحب مهنه التدريس ولا لاء؟ وكان نفسك فى يوم تطلع مدرس ولا كنت بتكرة المهنه دة جدا؟

لا مش بحبها بس مش بكرهها يعني عادي

30-تفتكر ان مهنه التدريس تناسب البنات اكتر ولا الشباب؟ لو عندك طفل صغير هتفضل يدرسله مدرس ولا مدرسة؟


البنات اكتر في حضانة , ابتدائي , اعدادي كويسين جدا انما بقي ثانوي مفتكرش


وفي جامعة كويسين ميضرش انما ثانوي لا

31-هتعطى لولادك دروس خصوصيه ولا لاء؟ لو اة هتديله فى انهى مرحله من عمرة؟


ايون في انهي مرحلة بقي حسب مستواة لو كويس يبقي هسيبني منه لو فاشل يبقي ياخد بقي ف المواد الفاشل فيها

32-هل تؤيد الدروس الخصوصيه فى مرحله الحضانه واهى انتشرت دلوقتى جدا؟


هنهرج اهوه بقي حضانة ايه اللي فيها دروس

33-تفتكر نظام التعليم فاشل ولا ناجح؟ ايه اهم اسباب فشله هل (المدرس – التلميذ- ولى الامر- الكتاب المدرسى – نظام التعليم نفسه؟


نظام معفن وفاشل و السبب في كدة كل اللي انتي قولتي عنهم

34- عايز تربى ابنك ازاى؟ وهل هتمشى على اسس التربيه السليمة وهتجيب كتب وتقرا ولا هتربيه بالبركة؟


بالبركة

35- بتأيد الضرب فى التربيه؟ امتى هتضرب ابنك؟ لما تحب تعاقب ابنك هتعاقبه ازاى؟


لا الضرب عمرة ما كان تريبة مش هضربة اما احب اعاقبة بئا هتفنن ف عقابة مفيش فلوس ياابن ستين ف سبعين , مش هتكلم معاه , اي حاجه بيحبها مش هيشوفها

36- لو جالك جواب من المدرسة فصل لابنك لانه كان بيهرب من المدرسة...هتتصرف معاه ازاى؟


اعادة قيد

37-لو مدرسة الفصل قالتلك ان ابنك بيعانى من مشكله ما ...هتحاول تسمع كلامها وتعالجة ولا هتنفضلها ومش هتهتم؟


هسمع كلامها واعالجة بس هما يقولوا بس دي ناس فكسانة مش بيقولوا حاجه

38-هتتصرف ازاى لو كان ابنك من النوع اللعبى ومش غاوى مذاكرة؟وهتنصحة بإيه ؟


هقنعة انه يذاكر

[Sєяєєη●•ʚɞ]

اقتباس ومالة مش عيب ياابلة ياابلة ياابلة < بتقفلك ابلة دي ياابلة

هههههههههههههه بقا كدة ..
اجاباتك حلوة ياهيثم وواضح انك كنت تلميذ شقى وحلوة الفكرة بتاع ربط التخت دى ههههههه
كمل كمل وانت متحمس كدة عشان تتخرج م المدرسة .. متابعين