من الثانويه للكليه ......Ļẻtסĩ√

[big bốss]

آهلآ بكل رواد قسم النقاش اليوم يتجدد اللقاء فى ماضى الذاكره عن الدراسه مع ضؤ القمر كما قيل عنها فى الماضى و سيدة الاقمار كما قيل عنها فى الحاضر انهـــــــــــــــا اسيل Ļẻtסĩ√ AsEeL هاى اسيل هاى نور اولآ المرحله الابتدائيه 1- كنت شاطره و انتى فى ابتدائى ؟ اه الحمد لله ادام فى اهتمام من البيت وخصوصا الام وفى متابعه يوميه الطفل فى السن ده ورا ايه غير المذكرة 2-ايه هى مساؤى المرحله الابتدائيه ؟ يمكن شويه من المدرسه بردوا اهتمامهم بالطفل نفسيا بيبقى قليل 3- ايه رايك فى عدد الحصص فى الفتره دى ؟ كتير بصراحه وخصوصا لو فى مدارس اللغات 4- عدد الطلاب كان كتير ولا قليل و دا تاثيره ايه عليكى ؟ بص هو الطلاب فى الكلاس مش بيتعدوا ال25 اكيد الاهتمام بمستوى الطلاب بيبقى مكثف عن الكلاس اللى بيبقى العدد فيه كبير 5- -حد كان بيضربك فى المدرسه ؟ هى مره وحده كنت فى 5 ابتدائى والمس بتاعه التاريخ كنت نسيت الكراسه بتاعتها فى البيت وضربتنى ضربه غبيه كمان على دماغى من ورا لما روحت البيت قولت لسالم وانت عارفه بئى هههههههههه تانى يوم جت الكلاس مدرسه تانيه شرير الراجل ده ثانيآ : المرحله الاعداديه 1- كنت شاطره فى الاعداديه ؟ وجبت مجموع كام فى تالته ؟ اه بردوا كنت تمام وعشان كان عندنا بنات فى العيله فى نفس السن كان فى تنافس كبير مجموعى كان 263 2- ايه هى مساؤى المرحله اﻻ‌عداديه ؟ المرحله دى اصغر من أن البنات والشباب يهتم كل منهم بالجنس الاخر وكنا بئى بنسمع قصص غريبه مستحيل تحصل فى السن ده وكادراسه كانت ماشيه تمام 3- هل المدرسه نظامها اتعدل فى المرحله دى ؟ بصراحه المدرسه كانت كويسه اوووى من كل شىء سواء مستوى الاساتذة والاهتمام والنظافه حتى اليونيفورم مينفعش اكون مخالفه حتى الشراب لازم ابيض (حاجه كانت بتخنق ) 4- كنتى بتطلعى على السابوره وﻻ‌ بتخافى ^^ ؟ كنت بطلع كتيررررر كان مستر العربى لازم يطلعنى كل حصه ثالثآ : الثانويه العامه* 1- كنت شاطره و ﻻ‌ فاشله فيها* *؟ فى سنه اولى كنت تمام بعد كده مستوايا قل بصراحه 2- ايه هى اكتر مشاكل الثانويه العامه ؟ كان عندى مستر الفلسفه مقرف جدا وانا وقتها كنت باخد درس عند واحد من بره المدرسه وكان كل امتحان للشهر اكتب اللى فهماه على طريقه المستر بتاعى بتاع الدرس وطبعا فى الكلاس كنت باخد زيرووووووووو ههههههه ده غير ان المستر كان كل ما تكون حصته لازم يجى ويرمى الكراسه بتاعتى فى الارض عند السبوره هههههههههههه وانا عادى سوقت عليه البرود 3- هل لمرحله المراهقه تاثير على المذاكره و التحصيل العلمى ؟ والله انا مكنتش بهتم بالموضوع ده بس بحكم ان المدرسه كانت مشتركه مش هقولك بئى على المعاكسات والحوارات الكتير رابعآ : الكليه* انتى كليه أيه ؟ جامعة ايه ؟ دخلت الاول كليه حقوق سنه ومش دخلت الامتحانوبعدين دخلت كليه اداب قسم اتصال واعلام جامعه اسكندرية 1- ايه اخبار بنات الجامعه ؟ كل مكان فيه الكويس وفيه الوحش فيهم المحترمه وفيهم اللى ربنا يسهلهم بس بئى اللى يغيظ ان البعض منهم بيهتم بئى باللبس اوووى والضيق والمحزء والمياكب وده مكان بردوا للدراسه مش عرض ازياء 2- الكليه بتختلف ايه عن المراحل الى قبلها ؟ اكيد التفكير اختلف والاهتمامات اختلفت وطبعا فى السن ده بناخد شويه حريه فى اللى بيستخدمها صح وفى اللى بيقضيها خروجات ومقابلات 3- ايه هى المشاكل الى بتوجهك فى الكليه ؟ يمكن المشكله الوحيده انى مكنتش بكلم شباب نهائى (شوفت مشكله) صح والله البنت اللى مش بتبئى مختلطه بشباب الشباب بتغلس عليها اكتر وانا على اد ما انى كنت فى حالى لكن لو حد كان بيقرب منى مكنتش بسكت لدرجه حصلتلى مشاكل بسبب جرائتى يعنى حاجه حصلت معايا كنت فى المحاضرة قبل ما الدكتور يدخل كان فى 2 شباب قاعدين فى البنش اللى ورايا واحد منهم شد شعرى المفروض اسكت بئى ؟ لا شتمته وبهدلته وقولتله لو عملتها تانى هضربك بالجزمه هههههههههههههههه وتقوم خناقه يلا كانت فتره وعدت ميرسى يانور على الاستضافه الجميله دى فكرتنى بالذى مضى مرسي اسيل نورتى

[Ŗăήćy]

ههههههه عجبتنى جرأتك يـآ أسيل^^
تسلم ايدك إجابات جميلة منك منورة الحلقة بقى
ربنا يحققلك كل احلامك ويخليلك اسيل يارب ويحميها

تسلم أ/نور مجهود جميل منك يدوم النشاط يارب

[حَرفُُ هجآءّ]

اقتباس المشاركة الأصلية كتبت بواسطة Ŗăήćy ههههههه عجبتنى جرأتك يـآ أسيل^^ تسلم ايدك إجابات جميلة منك منورة الحلقة بقى ربنا يحققلك كل احلامك ويخليلك اسيل يارب ويحميها تسلم أ/نور مجهود جميل منك يدوم النشاط يارب

ميرسى يارانسى تسلمى يارب
مش بعرف اسكت والله نهائى
مش شرانيه بس حقى لازم اخده
وميرسى لمرورك الراقى

[على محمد محمود]

جراءه رائعه جدا
هههههههههههههههه
واجابات فى منتهى الروعه
يسلموا على الموضوع
بجد تحفه
تحياتى لكم

[big bốss]

سالم شرانى من يومه

نقل المس بتاعتك ^_^

[مشتاقه للجنه]

حوار رائع يا آسيلوو

بس سالم شكله شخصيه هههههههه

أسعدتنى الاسئله والاجوبه العفويه

موفقين

[حَرفُُ هجآءّ]

اقتباس المشاركة الأصلية كتبت بواسطة على محمد محمود جراءه رائعه جدا هههههههههههههههه واجابات فى منتهى الروعه يسلموا على الموضوع بجد تحفه تحياتى لكم

مينفعش اسيب حقى

ميرسى لمرورك الجميل

نورت ياعلى

[حَرفُُ هجآءّ]

اقتباس المشاركة الأصلية كتبت بواسطة ✲big b★ss✲ سالم شرانى من يومه نقل المس بتاعتك ^_^

اكيد مش محتاجه اعرفك به
صح ؟
هههههههههههه

[حَرفُُ هجآءّ]

اقتباس المشاركة الأصلية كتبت بواسطة مشتاقه للجنه حوار رائع يا آسيلوو بس سالم شكله شخصيه هههههههه أسعدتنى الاسئله والاجوبه العفويه موفقين

شرس ياسارة
ههههههههههههه
ميرسى ياحبيبه قلبى
نورتى

[big bốss]

اقتباس المشاركة الأصلية كتبت بواسطة Ļẻtסĩ√ اكيد مش محتاجه اعرفك به صح ؟ هههههههههههه

ههههههههههههههههه

لا متعرفين و جهزيين

ربنا يستر ميدخليش هنا

يدودينا وراء الشمس :d


و خصوصآ انا