قوم اتمرد يا ابن بطن مصرنا _ حصري _

[فتحى عيسى]

قوم اتحرر ... انتفض ...
... اتمرد ...
يا ابن بطن مصرنا ...
بتروح امنا ...
عرضها مجروح ...
والخسيس مننا ...
وادينا شايفين ...
كل ثانية خبر طازة ...
بيدفن ألماظة ...
وبيحرق وردة من بستان عمرنا ...
وكل دقيقة مصيبة جديدة ...
بتحط علي راس الغلبان ...
وكل ساعة ...
قبل ماتيجي متباعة ...
برخص الاتمان ...
وكل يوم ... ألف نهار ونهار مكلوم ...
محروم من الحرية ...
من لحظة هنية ...
من الآمان ...
لو قلنا الشهر فيه كام يوم ...
في السنة يبقوا كام ...
تخيلوا كده الهنا ...
ولسه مكملناش سنة ...
ياتري هنعيش لحد متكمل ...
ولا هنقضيها لطم ... علي الخدود زي النسوان ...
ولا هيدفنونا كلنا ...
ويجيبوا شعب تاني ملوش في الكلام ...
شعب أخرس أعمي جبان ...
مستحيل مستحيل ...
ياخدونا تاني مننا ...
بعد ما كانت ...
كلمة تجيبنا ... وكلمة ترصنا ...
وشخطة تفرقنا ... وعصاية تلمنا ...
النهاردة مبقناش احنا ...
ولا دول بقوا مننا ...
احنا اتولدنا من جديد ...
صحيح متأخرين ...
بس كبرنا قبلنا ...
وعرفنا أن الطريق طويل ...
بس نهايتة تخصنا ...
والمستحيل مش عندنا ...
والهمة هيا مصرنا ...
بكرة اللي جي مش بعيد ...
هنرجع عمرنا ...
اللي خطفوه البعدا ...
من نن عين مصرنا ...
هنلم الشمل من جديد ...
وهتطلع مصر كلها ...
في يوم العيد ...
في زفة عرسها ...
ترميه في النيل ...
اللي خان عهده ...
وبعتر مجده ...
وشوه كل جميل ...
علي أرضها ...
ولاااا ...
يرجع لزنزانتة ...
اللي كان بيعشق قملها ...
ولاااا ...
في بير غويط ...
مالوش قرار ...
لا بيفرق بين ...
عبيط ...
ولا بين ...
حمار ...
فتحي عيسي
الرياض
فجر
السبت
15-6-2013

[ويبقى الأثر]

الله عليك
وعلى روح الامل الطاله بين حروفك استاذى
اكيد مصر راح ترجع لنا
ولو كن تمن حريتها دمنا
عشانها كل غالى يرخص
ولاحد فى يوم يقدر يفرق شملنا

رائعه واكثر
تقييم وتثبيت ووسام التميز
تقديرى واحترامى

[اميره الشعر الشجين]

الله عليك استاذنا فتحى عيسى

تمام كده حلو ان احنا نحس ببلدنا ونحارب عشهنا

متمرده ان شاء الله اخى وزاددنى حروفك تمردا

دام التميز

[ابتسامة الزهر]

حب الوطن ده همنا
بنحارب ونكافح ونستحمل
حتى تعود مصر من جديد احسن مما كانت
تعلمنا الدرس وفهمنا القصد
ولن نحيد عن الطريق
كلماتك تبعث فى النفس التفاؤل والأمل
رائعة مميزة

[الرحــاال المٌتَمرد]

الجَميع سوف يرحل
و ستظل مِصر عاليه
لا صَمت يَفرِضٌ نَفسَهٌ
و لم نَخضع لـ الظٌلم مِن جديد
ليل الظالم سوف يزول ؛؛
وشَمس الحٌريه ستَشرق
على مِصرنا وشَعبها الكادح

الأديب والشاعر ؛؛
فتحي عيسي
نَسيج مِن روائع الحرف
صنَعتَهٌ هٌنا بـ "إتمرد يابن مصرنا"
حضور قيم و طَرح راقي
لـ صاحب القلم السامق
سلمت سيدي و النبض
تحياتى وتقديري لَك مَع التقييم
و تمنياتى بدوام التوفيق
وتمنياتى لك ولمصرنا كٌل الخير

[Words Whisper]

لا مكان للصمت أصلا
والفرص منتهية الصلاحية مامن حاجة لها
من أراد فرصة أخذها
وأيضا هناك فرصة للجماهير لتحاسبه على مافعل بفرصته ..


راقتني الكلمات حقا
شكراً ..
دوام التوفيق ..


5 ستارز ..

[قلب وكلمات]

الراقي والرائع دوماً أخي الحبيب / فتحي

كلمات قوية رائعة ، سلمت وسلم الله هذا

النبض والقلم النازف بحروف مميزه

تحياتي لحضرتك والتقدير

القيصــر

[فتحى عيسى]

اقتباس المشاركة الأصلية كتبت بواسطة قيثارة الصمت الله عليك وعلى روح الامل الطاله بين حروفك استاذى اكيد مصر راح ترجع لنا ولو كن تمن حريتها دمنا عشانها كل غالى يرخص ولاحد فى يوم يقدر يفرق شملنا رائعه واكثر تقييم وتثبيت ووسام التميز تقديرى واحترامى

شكرا لهذة الإطلالة العاطرة بطيبها الثمين
وهذا التفاعل الوارف بحرفه العالي
ومداده الأنيق وإحساسه النادي
والذوق الكريم
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة اميره الشعر الشجين الله عليك استاذنا فتحى عيسى تمام كده حلو ان احنا نحس ببلدنا ونحارب عشهنا متمرده ان شاء الله اخى وزاددنى حروفك تمردا دام التميز

شكرا علي هذا التشريف العاطر
والتفاعل الراقي بكرمه وذوقه
وشفيفه الجميل
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة ابتسامة الزهر حب الوطن ده همنا بنحارب ونكافح ونستحمل حتى تعود مصر من جديد احسن مما كانت تعلمنا الدرس وفهمنا القصد ولن نحيد عن الطريق كلماتك تبعث فى النفس التفاؤل والأمل رائعة مميزة

شكرا علي هذة الإطلالة
العاطرة بطيبه الثمين
والتفاعل الراقي مثل شخصك
وذوقك الكريم
بوركتِ
مودتي وإحترامي