الحلقه التانيه مع تهيسات عادل

[طائر بلا اجنحه]

اهلا بكم
بصراحه اكتر شىء بيعصبنى فى التلفزيون الاعلانات الغلسه الممله المستفزه دا ناقص فى رمضان الجاى
يحطوا اعلان بالشكل ده
ﻣﺶ ﻋﺎﻭﺯ ﺗﺼﻮﻡ ؟
ﺭﻣﻀﺎﻥ ﻋﻨﺪﻛﻢ ﺣﺮ ؟
ﺑﺘﺠﻮﻉ ﻭﺑﺘﻌﻄﺶ ﻛﺘﻴﺮ ؟
ﻋﺎﻳﺰ ﺗﺪﺧﻦ ﻃﻮﻝ ﺍﻟﻮﻗﺖ ؟
ﺗﻌﺒﺖ ﻣﻦ ﺻﻼ‌ﻩ ﺍﻟﺘﺮﺍﻭﻳﺢ ؟

ﺍﻟﺤﻞ ﻣﻌﻨﺎ .. ﺍﺣﻨﺎ ﻧﺼﻮﻡ ﻭﻧﺼﻠﻲ ﻋﻨﻚ ﻭﺍﻧﺖ ﺍﺳﺘﺮﻳﺢ ...
ﻓﻘﻂ ﺍﺗﺼﻞ ﻋﻠﻰ ﺯﻳﺮﻭ ﺯﻳﺮﻭ ﺗﻤﻨﻄﺎﺷﺮ ﺳﺒﻌﻄﺎﺷﺮ ﺑﺲ ﺏ 70 ﺟﻨﻴﻪ
ﺍﺗﺼﻞ ﺩﻟﻮﻗﺘﻲ ﻭﺍﺣﺼﻞ ﻋﻠﻰ ﻫﺪﻳﻪ ﻣﺠﺎﻧﻴﻪ ﺍﺣﻴﺎﺀ ﻟﻴﻠﻪ ﺍﻟﻘﺪﺭ ..

ﻷ‌ ﻭﻣﻤﻜﻦ ﻛﻤﺎﻥ ﻓﻲ ﺍﻟﻌﻴﺪ ﻧﻠﻒ ﻉ ﻗﺮﺍﻳﺒﻚ
ﻭﻧﻌﻴﺪ ﻋﻠﻴﻬﻢ ﺑﺪﺍﻟﻚ
ﺑﺲ ﺍﺗﺼﻞ ﻋﻠﻰ ﺭﻗﻤﻨﺎ ﻭﻛﻞ ﺩﻩ ﺏ 70 ﺟﻨﻴﻪ + ﻣﺼﺎﺭﻳﻒ ﺍﻟﺸﺤﻦ ..
--------------------------------------------------------------------------------------------
نصيحه منى ليكم
لو عايزين الناس تحطكم على راسهم حولوا نفسكم لشامبو
------------------------------------------
هل تتمنى أن يتحسن دخلك المادي ؟ هل تتمنى السفر لأجمل مناطق العالم ؟ هل تتمنى تحقيق كل احلامك وطموحاتك ؟
وايه يعنى اتمنى وهو حد ماسكك لسمح الله ده حقك طبعا
--------------------------------------------------------------
في ناس كذابين وعارفين إنهم كذابين وعارفين اننا عارفين انهم كذابين وحنا عارفين أنهم عارفين أننا عارفين أنهم كذابين ومع ذلك يستمرون بالكذب فهمتوا حاجه؟ بصراحه ولا انا
---------------------------------------------------------------------
بنات الايام دى تقولك انا رايحه الجامعه
تحط كريم شعر وكريم وش وكريم ايدين وكريم رجلين وكحل 3 الوان وماسكره وايشادو 100 لون رموش صناعى وبودره وروج وملمع ومثبت ومقوى ومكبر للشفايف واسمنت ورمل وزلط وحديد ومسامير وطوب واى حاجه فى البيت تحطها فى وشها وفى الخر تقولك انا جمالى طبيعى ومش بحط مكياج اوفر
----------------------------------------------------------
الناموس زمان كان يقرص قرصه او قرصتين ويمشى النهارده تحس انه بيعملك تحليل دم
-------------------------------------------------------------------------------
واحد بيسال مراته وبيقولها هو انا لو مت هتتجوزى غيرى؟
قالتله:اه
قالها:وهيقعد فى بيتى؟
قالتله:اه
قالها:وهينام على سريرى؟
قالتله :اه
قالها: وهيلبس بيجامتى؟
قالتله :لا
قالها :ليه؟
قالتله: اصل هو اطول منك وارفع شويه(يعجبنى الست اللى عامله واحد احتياطى ونعمه الستات)
----------------------------------------------
كل الامهات نسمعها تقول انا مربيه ولادى احسن تربيه
امال مين ولاد الكلب اللى بنقابلهم فى حياتنا دول؟
---------------------------------------------------------------------
مرة واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المذيعة شكرا يا فندم ويلعن ام البرنامج اللى خلانا نشوف
ام وشك
--------------------------------------------------------------------------

واحد دخل السوبر ماركت
سأل كيلو اللحمة بكام قال له الجزار 100جنيه ‏قعد يدعى:
"الله يخرب بيتك يا ‏محسن ياللى مغلي العيشة علينا"
سأل كيلو السمك بكام قال له بتاع السمك 90‏جنيه قعد يدعى:
"الله يخرب بيتك يا محسن ياللى مغلي العيشة علينا"
سأل بكام الفرخة قال له ‏بتاع الفراخ 50جنيه قعد يدعى:
"الله يخرب بيتك يا محسن ياللى مغلي العيشة علينا"
واحد مخبر سمعه قبض عليه وراح واخده على ‏القسم ودخل على الظابط قال له: تمام يا فندم
الظابط ‏سأله: ماسك الراجل ده ليه ؟؟
قال له: الراجل ده مش عارف اسم ‏الريس يا فندم
-----------------------------------------------------------------------
واحدة شقيه اوى اتصلت بحبيبها وقالتله أهلى مسافرين والبيت فاضى قالها أقرئى قرآن ومتخافيش
(الاخ فهمها غلط)
-----------------------------------------------------
واحد زملكاوى ليلة زفافه فى غرفة النوم
العروسة للعريس : قبل ماتلمسنى احلفلك انك مش الراجل الاول فى حياتى عشان اريح ضميرى
العريس الزملكاوى رفع ايديه للسما وقال
هو يارب ال مركز التانى ده ورايا ورايا
------------------------------------------------------------------
مره واحد غلس راح عند العطـــار فقاله

هو ده التمر بتاع رمضـــــــان

قالو : اه
.
....

.
.
.
.
.

قالو طب هاتو عشان رمضان عاوزه(عارف نكته بايخه)
------------------------------------------------------------------
واحد بلديتنا سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى ماشى فرحان أوى ويقول موجودين بنخلف مش موجودين برضه بنخلف .
-----------------------------------------------------------------------
سأل الاستاذ الطالب:ما هو الشي الذي لونه اسود و اصفر و ينزل عسل؟؟اجاب الطالب أتوبيس مدرسة البنات
--------------------------------------------------------------
اكتر جمل بيقولها الاب والام فى مصر

امشى جاتك مشش فى ركبك .
جتها نيلة الى عايزة خلف تيجى تتفرج .
ذاكر ياجزمة مش فالح غير فى الهيافه والكلام الفاضى.
ربنا يرزقك بعيل يوريك اللي ورتهوني.
هات كيس عيش وانت راجع
هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
هتذااااااااكر هتاخد عنية مش هتذااااااااااكر هتاخد بالجزمة
ابقى ورينى مين حينفعك فى الاخر من شوية الصيع الى انت مشيلى وراهم .
قوم اقرا لك كلمتين ينفعوك
انت فاكرنا نايمين على ودانا ؟
ياريتك تحفظ دروسك زى مانت حافظ الاغانى.
عيـــب ... لازم تحترم اللي أكبر منك
عادل ده عيل بايظ متمشيش معاه
مين منى دي انتى كل يوم تصاحبي واحدة جديدة ؟.
قومي ساعدي مامتك ده اللي هيتجوزك أمه داعية عليه.
لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
ادلعى ياهبة فى ايامك المهببة .
قومي سخني الأكل لأخوكي.
* و أخيرا ::


ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( يعنى كان بيعرف يركز والناس ماشيه حواليه فى الشارع )
------------------------------------------------
مراحل نغمات موبايل البنت
.
.
.
.
.
.
.
.
.
أيام المراهقة : أجمل احساس في الكون

قبل الخطوبة : حبيبي على نياته

بعد الخطوبة : جوايا ليك

بعد الجواز : اتقي ربنا فيا

بعد أول خلفة: هي ناقصاك انت كمان

بعد ٥ سنين جواز : غرامك مزيف ضميرك عدم
-------------------------------------------------------------------------
طبعا الراجل بعد الجواز يا عامل موبايله صامت يا اما حاطط نغمة يا مستبدة
------------------------------------------------------------
الناس اللي عامله نفسها مبتعرفش تكتب غير انجليزي
.
.
.
.
.
.
.
.
.
الله يرحم ايام المدرسه لما كانت الميس
تقولكوا افتحو workbook
تقولولها الملون ولا الابيض والاسود
--------------------------------------------------------------------------
واحده وحشة اوى اوى ، بتتكلم مع واحد ع الشات وطلب صورتها ... بعتتله صورتها وكتبت عليها
.
.
.
عسى ان تكرهوا شيئا وهو خيرا لكم
-------------------------------------------------------------
تناااقض عجيب O.o !

.
.

اهل البنت عايزين زوج عاقل لبنتهم !
.
.

..
.

واهل الولد عايزين يجوزوه عشان يعقل ! :
------------------------------------------------------------------------------
هل تعلم أن الانسان لا يعطس وهو نائم .!
.
.

.

.
يعني لو شفت واحد نايم و عطس اديله كف يظبطه علشان دا مش نايم دا قاعد بيسمع اللي بيتكلمو بيقولو ايه

-----------------------------------------------------------------------
سألت قلبي .. لماذا لا أنام الليل؟ ) : ♥
.
.
.

.
فرد قلبي .. لأنك نمت العصر

-------------------------------------------------------
يا ترى google مؤنث ولا مذكر ؟؟؟
.
اثبتت الابحاث انه google مؤنث اكيد
والدليل
.
... .
.
.
.
.

.
مجرد ما تكتب اول حرفين تلاقيها بتقاطعك
وتطلعلك 1000 نتيجه ملهمش دعوه باللى انت بتسال عليه اصلا
----------------------------------------------------------------
الابن : بابا انا رايح رحلة مع المدرسة الاسبوع الجاى

الاب : مفيش رحلات

الابن : ليه بس؟؟

الاب : انا خايف عليك يا بنى انت مش شايف البلد بايظة وبلطجية وانفلات امنى

الابن : بابا انا معايا فلوس الرحلة متقلقش

الاب : تروح وترجع بالسلامة يابنى
--------------------------------------------------------------------
دراسه علميه تقول:
"جلوسك مع شخص جميل وامور كده لمدة خمس دقائق يفيد صحتك ويقلل الكوليسترول في دمك.
.
.


يـا جماعه يالى فى منتديات بنات مصر اللي عاوز يقعد معايا خمس دقايق مفيش مشكله ! أهم حاجه صحتكم
ربنـــــــــــــــــا يزيدنى تواضع
----------------------------------------------------------------------
اذا ضــاق بــك الحـــال

اجعـــل شعـــــارك : غـــــدا تغـــرد الطيــــور

فــان لـــــم تغــــــرد


فعــــن امهــــا مـا غـــردتـــ
----------------------------------------------------------
اليكم بعض المعلومات عنى







وانتى مالك يابت منك ليها عايزين تعرفو عنى معلومات ليه
حد جايبلى عروسه مثلا؟
لو كده ماشى
----------------------------------------------------------
سؤال خاص بالبنات :

و ياريت تجاوبي عليه بصراحه و من غير ما تجملي الأجابه او تكدبي فيها

لو كبستي علي جوزك ف يوم و لقيتيه بيخونك مع واحده تانيه
... ...
و من الصدمه جريتي ع المطبخ و بدون وعي رحتي جايبه السكينه

و مكنش قدامك غير تلات خيارات

.
.
.
.
.

و طماطمتين

ياتري تقدري تعملي طبق سلطه ف أد أيه ؟
---------------------------------------------------------------------------
ﺳﺄﺗﺮﻙ ﺣﺒﻚ ﻟﻴﺲ ﻛﺮﻫــــــــــــﺎ
فيكى
ﻭﻟﻜﻦ ﻟﻜﺜﺮﺓ ﺍﻟﺸﺮﻛــــــــــﺎء ﻓﻴكى
ﻓـــــــــــــﺄﻧﺎ ﻛﺎﻟﺬﺋﺐ ﻻ ﺍﺷﺮﺏ ﻣﻦ ﻛﺄﺱ .....
ﺷﺮﺑﺖ ﻣﻨﻪ ﺍﻟﻜـــــــــــلاب
ﻓﻨﻈﺮ ﻟﻲ ﺷﻜﺴﺒﻴﺮ ﻭﻋﻴﻨﺎﻩ ﺗﻤﻸﻫﻤﺎ
ﺍﻟﺪﻣﻮﻉ
ﻭﻗﺎﻝ :
.
.
.
.
.
ﻋﻠﻴﺎ ﺍﻟﻄﻼﻕ ﺍﻧﺖ ﺑﺮﻧﺲ يا عادل
---------------------------------------------------------
الزوجة : إنت دايما شايل صورتى معاك و رايح بيها المكتب ...ليه؟

الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.

الزوجة: شايف أنا أد إيه مهمة بالنسبالك.
... >
>
>
>
>
>
>

الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟
-----------------------------------------------------
سأل الأستاذ تلميذ محشش _ماذا تعرف عن

( ابن سينا )

رد التلميذ قائل
.
.
.
.
.
ابن سينا

هو الأخ الأكبر

لجون سينا
------------------------------------------------
في مصر فقط

.
العيال يلعبوا كوره في الشارع

والجون عباره عن شبشبين
.
.

والواد منهم يحلف 5000 يمين ان الكورة جات فى العرضة
-------------------------------------------------
ﻫﻞ ﺗﻌﻠﻢ ﺃﻥ ﻋﻘﻮﺑﺔ ﺗﻌﺪﺩ
ﺍﻟﺰﻭﺟﺎﺕ ﻫﻲ
.

.
ﺗﻌﺪﺩ ﺍﻟﺤﻤﻮﺍﺕ

-----------------------------------------------
واحده بتسال زوجها كم مرة خنتني يا حبيبي ؟

فقال لها بعدد شعر رأسي !!

فذهبت و هي حزينة و تذكرت أنه أصلع ...

فعادت اليه مبتسمة و قالت له:
.
.
.
.
.
.
.
.
خضتني يا ابن القرعه
-----------------------------------------------------
عيل عنده 7 سنين قال ﻷبوه :
يا بابا انا مدرس الحساب طردنى و إدانى صفر
أبوه سأله : ليه كده يابنى
قاله : اﻻستاذ سألني 3+2 كام ؟ قلتله
خمسة
... ... ... فأبوه قاله : صح كده .. و بعدين
قاله الولد : وبعدين راح سألنى 2+3
تساوى كام ؟
فأبوه قاله : هى هى يا روح أمك

.
.
الواد قاله : ما هو ده اللي انا قلتهوله بالظبط
--------------------------------------------------------------
انا كدا خلصت الحلقه دى
مع السلامو عليكم بقى
مع تحياتى
عادل

[ana lola]

حلوة الحلقة التانية يا عادل
تسلم ايدك

[اميرة الحب الضائع]

جميلة مستنين الباقى
تحياتى
اميرة

[طائر بلا اجنحه]

اقتباس المشاركة الأصلية كتبت بواسطة ana lola حلوة الحلقة التانية يا عادل تسلم ايدك

اشكرك
الاحلى مرورك
ودى لك

[طائر بلا اجنحه]

اقتباس المشاركة الأصلية كتبت بواسطة اميرة الحب الضائع جميلة مستنين الباقى تحياتى اميرة

اشكرك
الاجمل مرورك
ودى لك

[ٻڼوُﭠہ مَصَــ♥ـــرُﭜہ]

هههههههههههههـ
حلوين اوى تسلم

[كووول على طووول]

حلوه ام الحلقه
ههههههه
لا بجد حلوه

[jasmean]

طبعا الراجل بعد الجواز يا عامل موبايله صامت يا اما حاطط نغمة يا مستبدة

هههههههههههههه
دي عجبتني فعلا هوآ الي بنعمله فيكم قليل هههههه
كل النكت حلوه ياعادل تسلم واكيد تستحق وسام الموضوع المميز
استمر بقآ

[طائر بلا اجنحه]

اقتباس المشاركة الأصلية كتبت بواسطة اساور زهرية هههههههههههههـ حلوين اوى تسلم

اشكرك
الاحلى مرورك
ودى لك

[طائر بلا اجنحه]

اقتباس المشاركة الأصلية كتبت بواسطة كووول على طووول حلوه ام الحلقه ههههههه لا بجد حلوه

حلو ام الرد ده


اشكرك
الاحلى مرورك
ودى لك