اولى حلقات برنامج Ask Me Anything! مع المتميزة ... Words Whisper

[حَرفُُ هجآءّ]

Words Whisper

الاسم أسماء لها سحراً فى الاعماق

كلماتها اوراق توليب تسكن فى الاعماق

واليوم سينشر التوليب عبقه من والى الاعماق

http://forums.banatmisr.com/msryat347789/ عزف لقلوبنا اروع الالحان

http://forums.banatmisr.com/msryat420765/ صورتى الابداع

ب http://forums.banatmisr.com/msryat421627/ صنعتى للعشق ابجدية

من http://forums.banatmisr.com/msryat416494/ اعدتى بناء للقيم الانسانية

اهلا بكِ يا اسماء

فى أولى حلقات برنامج ask me anything

قصدت انك تكونى أول ضيفة للبرنامج لانى بشوف انك عضوة

محبوبة من الكل وغير انى لسه راجعه من فترة قصيرة

وحاسه ان فيكِ شوية غموض عايزة اعرفهم

نبدء بسم الله

الشخصية

من هى أسماء بكلمات بسيطة ؟

إنسانة أعتز جداا بنفسي
و سأكتفي بهذا
لأنه يعبر عن كل المعاني الكثيرة التي أريدها ..

ما هى احلى صفاتك ؟

من وجهة نظري وإن كانت سبب أكثر مشكلاتي
أني أرفض أن أكون غيري وأرتدي جلبابا لايليق بي
أو أسير فقط مع التيار ..
لاأستطيع أن أكون أحدا آخر إلا أسماء ..

ما هى الخطوط الحمراء فى حياة أسماء التى لا يمكن أن تتعدها ؟

مبادئي
والمبادئ ترتبط بالفكر الخاص و الدين ..

صفه تجعل الشخص قريب منكِ وصفه تبعده عنكِ ؟

قريب >>
أن أشعر بصدق مشاعره نحوي
وأن يحترم ويقدر أسماء تماما
ليس فقط تقدير مكانة
وإنما أيضا أن يقدر حزني وفرحي
باختصار : أن يُلامس روحي ..

بعيد >>
كل أولئك الذين لايوقرون وجعي
وبمعنى أبسط :
كل أولئك الذين لايهتمون للذي سيتركونه من وجع أو جرح ..

بينهما مكانة وسط لكل العاديين ..

يقال أن الحب يمحى جميع العيوب والاخطاء فى المحبوب ما رايك ؟

هو لايمحوها وإنما يتقبلها
بمعنى نعلم أن هذا الشخص من سلبياته كذا
لكننا نتقبله ونحبه بعيوبه
حتى وإن أردنا تغيير تلك السلبية
فنحن داخليا نتقبله ونحبه حتى بوجودها ..
ـــــــــــــــــــــــــــــــــــــــ

البيت

ما هو ترتيبكِ فى الاسرة ؟

الأولى =(

من هو اقرب شخص لكِ من اسرتك ؟

أخوتي الصغار ..

طلب لكِ تطمعين به من اسرتكِ ولم يتحقق حتى الان ؟

لايهم ..

بتعرفى تطبخى ؟

أهاااااااا
بس الأكل اللي بقرف منه لا ..

اكله ومشروب تحبيهم ؟

مشروب / المنبهات عامة ( قهوة بمشتقاتها "كابتشينو ، نسكافيه .. الخ" - شاي - شوكليت ) ..
أكله / كرانشي و المشويات و السمك ..

بتعملى ايه فى اوقات فراغكِ ؟

على حسب مودي
ممكن أقرأ
ممكن فورم
ممكن أكتب
ممكن أنام
ممكن أصمم
يعني حسب المود
وممكن أقعد بس كدا ساكته ومنعزلة مع نفسي من غير ماأعمل حاجة
وأنا عااااااادي ممكن أقعد بالأيام ساكته من غير ملل ..

ما الذى جعلك آنثى استثناية ؟

جميعنا نملك مايميزنا
بـ شرط ألا نسمح بإلغائنا لصالح أن نكون نسخة من أحد ..
قبل أن أجيب لماذا اخترته لقبا لي
فقد صُدِّق عليه كثيراً
أني [أنثى استثنائية] ..
الأنوثة فن ليس الكل يتقنه
ببساطة أتقنه جدااا
أخبرني أحدهم يوما أني بمذاق ( الآيس كريم )

1- بكل الوانه بئا ونكهاته ودا بيساوي اني بجمع حاجات كتير
2- وساقع اوى ودا بيدل اني صعبة المنال وان اللى يكسبني يبقى لازم يكون حد سو سبيشل
يعنى علشان احنا بنبعد عن الحاجات الساقعة علشان سنانا مش توجعنا
3- وأن الآيس كريم بيُدمَن
أعتقد أن هذا الوصف بحيثياته الموجزة يكفي للرد ..
وفجأة أوجعني السؤال ..

ــــــــــــــــــــــــــــــــــــــــــ

متى

يقولون أن المرأة لا تبكى من موقف معين عادة يكون بكائها

بسبب تراكمات داخلها لوقت طويل ما رأيك ؟

غالبا بكاء المرأة أكثر عفوية من هذا
قد تبكي لأجل خوف على شخص فقط
أما عني فحقا بكائي تراكمي
لذا أكرهه لأنه يفتح ألف وجع في دمعة ..

متى تبكى أسماء ؟

كما ذكرتُ دمعي تراكمي
أبكي حين يكون مابداخلي أقوى من احتمال كتمانه حتى بدمعات ..

متى تجلسين بمفردك ؟

غالباً ..

متى تكونين أنانية ؟

أكون أنانية فيما أؤمن به ..

ــــــــــــــــــــــــــــــــــــــــــ

من

من تقولِ له ( أنت عندى شىء كبير ... )

سمــــــــا ..

من هو/هى ( علمته الرماية فلما اشتد ساعده رمانى ..)

هو ..

من هو/هى صديقكِ الصدوق ؟

سما ..

ـــــــــــــــــــــــــــــــــــــــــــ

كيف

كيف ترى حال مصر ؟

من سيء لأسوأ
والله يصلح الحال
عندي أمل ..

كيف تنظرين لمستقبلك وما هو طموحك ؟

أتصدقين إن أخبرتكِ أني لاأفكر بمستقبلي
أظنني زهدتُ الحياة أكثر من اللازم ^^
فقط ماأتمناه حقا لمستقبلي
أن أنشر كتابا يحمل اسمي ليُبقيه ..

كيف تنظرين للرجل ؟

هنا نظرتي بشكل مُفصل # #

ـــــــــــــــــــــــــــــــــــــــــــ

المنتدى

عضو/ة تكونت بينكم علاقه معه عن طريق المنتدى ؟

سمسمة ( سما ) كانت بداية معرفتي بيها واقعيا بسبب الفورم
ومن الناس بردو اللي مبسوطة ان اتعاملت معاهم عن قرب بسبب الفورم
زينب و منة
وأكيد فيه ناس كتيـــر بس دول اللي بتعامل معاهم عن قرب ..

عضو/ة شوفتى فيه أنه عنده امكانيات فكرية ولم يقدمها حتى الان ؟

زينب
شايفة انه لو رجعت لنشاطها هتعمل كتيــــــــــــر مفيد لو عايزة
و انجل سمايل
البنوتة دي بجد ماشاالله عقلها رائـــــــــــــع ..

عضو/ة تنتظرين كتاباته بشغف ؟

كل الأقلام الراقية
وعايزة أقرأ بئا موضوع لسمسم و زينب
عشان بقالهم كتيــــر مش كتبوا ..

عضو/ة يعتبر الاميز الى نفسك؟

الأميز أكيد الأقرب للروح ..

عضو/ة تلفتك مواضيعه ؟

بردو أكتر من حد ..

سلبيات بتشوفيها فى المنتدى ؟ وايه اللى ينقصه ؟

من الحاجات اللي ضايقتني الفترة الماضية
ان فيه ناس بتؤدي دور القائد الأخلاقي وهي مش كدا
وان حد بدون مايعرف جوانب موضوع كامل ييجي يهاجم
فعامة كدا
عشان أحكم على حاجة أو تصرف للإدارة أو المشرفين
يبئا أفهم الأول كل جوانب الموضوع وبعدين أنتقد
مش بناء على حاجة سمعتها أو اللي قدامي بس أهاجم ..

رأيت انكِ تغضبين من عضو يعمل لايك لموضوع لكِ ولا يرد لماذا ؟

لا خاااااالص
مش بيضايقني دا ولا حاجة
بس بحب اللي قدامي يعطيني رأيه ويناقشني في اللي كتبته ..

لو عضو رد على موضوع لكِ ورده سلك طريق لا يمت للموضوع بصله هتعملى ايه ؟

لايمت للموضوع بمعنى اتخذ جانب الهجوم مثلا ؟
لا عادي أنا راسي أكبر من ان أشغلها بحاجات بسيطة
ولو الكلام أيا كان نوعه في حدود الأدب هرد ..

وتعالى بئى لاسئلة الاعضاء

واضح انهم عندهم نفسى احساسى بغموضك

هو حكاية الغموض دي تقريبا الكل بيحسها ناحيتي أصلا حتى في البيت =))
شفتِ بئا لقب توليب لابق عليا ..

اسئله الاعضاء

الاميرة رودى

.ازاى هييا جميله كده ونقيه كده ؟؟

ياروووحي
بؤحرج مش بعرف أرد أنا على الكلام الحلو دا
تسلمي يارب ..
اللهم اجعلني خيرا مما يظنون ..

وامتى ممكن تتعصب أسماء لدرجه انها تفقد صوابها تجاه موقف ,,او شخص معين ؟

لما الشخص اللي قدامي يتجاوز حدوده بزيادة
لدرجة ان رصيد تقبل تجاوزاته أو تكبير دماغي منه يخلص
ولما بعصب بتحوِّل على فكرة بجد ..

منورة حبيبتي
تسلمي ..
ـــــــــــــــــــــــــــــــــــــــــــــــ

مسك الشهادة

السؤال الأول :_ ما أهم إيجابيات د. أسماء وسلبياتها ؟

إيجابيات زي ماذكرت فوق ..
سلبيات :
- ان لما بعصب بتحول وببئا شريرة فعلا
بس اتقِ شر الحليم إذا غضب ..
- ان لما بيٌبنى بيني وبين حد سور خلااااااااص عمره ماراح يتهد
بس عشان أوصل للمرحلة دي مع حد
فبردو بيكون تجاوز كل فرص السماح ..

السؤال التاني :_ ما الذي دفعك لهذة الدراسة دون غيرها؟

هو مش حب ليها بصراحة
بس كُررت عليا من صغري

فتكرارها ثبتها عندي
وعشان فيها مساعدة للناس
ومهنة الطب مهنة إنسانية
بس بعد مادخلت مجال دراستها
كان ممكن أحقق الغرض الإنساني ومساعدة الآخر
في مكان تاني أكثر مناسبة لشخصيتي ..

السؤال التالت :_ متى يموت إبداع الإنسان من وجهة نظرك ...

هناك أناس يموتون ولكن فكرهم وإبداعهم يحيا من بعد موتهم

وهناك أناس يموت إبداعهم قبل موتهم ... برأيك كيف ذلك ؟

يموت الإبداع حين يتوقف المبدع عن كونه مبدعا ,, فقط
بكل الأحوال هو من يسمح أو لايسمح بقتل إبداعه ..
أولئك الذين يبقون خالدين بموتهم
هم من قدموا للبشرية حقا مايستحق الاحترام
أما من يسبقهم إبداعهم موتا
فليسوا بمبدعين حقا ..

شكراً مـ.خالد
نورت حضرتك ..

ــــــــــــــــــــــــــــــــــــ

مورشو

دائما بحس اسماء شخصيه قويه فى المنتدى ويمكن بتتجنب نوعا ما التقرب من الاعضاء

وغالبا الشخصيات الى كدا بتكون فى الحقيقه مش دى شخصيتها الحقيقيه يعنى رغم قوة شخصيتها

فى المنتدى لكن فى الحقيقه ممكن تكون شخصيه ضعيفه والمقصود بشخصيه ضعيفه انها زى ما بيقولو

غلبانه جدا وسهل يضحك عليها .

فعلا انتى شخصيه مش قويه فى الحقيقه ؟ وازاى بتقدرى تحكمى على الشخص الى قدامك ؟

مبدئيا كدا مش بتجنب التقرب ولا حاجة
بس من بداية دخولي النت
وأنا كنت عايزة النت يفضل للنت بدون مايرتبط بتعاملات شخصية كتير ..
لا الحمد لله قوية فعلا
حتى حركاتي بتعطي انطباع بدا
ممكن سما ترد على السؤال دا
هي عارفاني واقعيا
فتقدر تنفي أو تُثبِت
ابقوا نادوها هنا ترد عليه ..

بالنسبة للحكم بيكون بناء على المواقف ..

شكراً أ.مرشدي
دوام التوفيق ..

ـــــــــــــــــــــــــــــــــــــــ

DR.SMA

ايه الدوافع الي على أساسها بتقدري بتقيمي علاقتك بالناس الي حواليكي ؟؟

تقصدي بئا الأسس
هي المواقف ..

لوفي يوم كنتي ماشيه في شارع وجه حد ضربك على ضهرك ,, ورجع قالك انه اسفواعتذر ,, هتسامحي وتمشي معاه في نفس السكه بحذر ولا هتحبي انك تقوليلهمسامحه وتمشي من شارع تاني احسن ؟؟ ولا مش هتسامحي اصلا ؟؟

فاهمة أنا سؤالك دا ياسمسم
وأكيد انتِ عارفة ردي
وعشان اللي مش عارف ردي

مبدئيا هسامح وأخد حذري
ثم لو لقيت بئا ان المواقف بتُثبِت انه اعتذار ماله داعي
يبئا كمان ماله داعي وجود الشخص دا بنفس طريقي
بس راح يفضل شخص عااادي
مش من المقربين بس كمان ماراح أنفيه تمام وراح يكون زي أي حد
ولو بئا طلع حتى مش يستحق يكون عادي
يبئا هطرده تماما من حياتي ومش يلزمني ..

إمتى أسماء ممكن تتنازل عن مبدأ عشان شخص معين سواء بنت او ولد ؟؟ وهل في حد في حياتها فعلا وصل المرتبه دي ؟؟

المبادئ المفروض مش نتنازل عنها لأي سبب
الحدود مع الآخرين هي اللي بتتغير حسب مكانة الأشخاص
لكن أساس المبدأ مش المفروض نتنازل عنه لأي سبب
خطوط حياتنا مع كل شخص بتختلف
وفي خطوط حمراء مابيصير حد يقرب منها ..

منورة ياسمسمة ..

ــــــــــــــــــــــــــــــــــــــــ

✲big b★ss✲

كيف يملك رجل قلب اسماء ؟

انه يكون بارع في الـ احتواء ..

و ماذا يعنى لها الحب ؟

إحساس راقي جدااا وله قدسيته
تصرفاتنا بئا اللي بتحكم بدوام رقيه من عدمه ..

و لماذا دائمآ تنتعى الرجال ؟

حضرتك تقصد أنقدهم
طيب هقتبس رد سبق ليا #
بالاقتباسات اللي جوا الرد نفسه ..

شكرا مـ.نور ..
ـــــــــــــــــــــــــــــــــــــ

واخيرا

كلمه تحبى تقوليها لاعضاء المنتدى

تعاملنا جميعا مبني على الحرف اللي بنكتبه
واللي راح نتركه لنا هو اللي هيفضل
فياليت والكلام ليا كمان
يكون تواجدنا راقي ونترك لنا بصمة خير
تكون شاهد خير في غيابنا
ممكن تعطينا دعوة من حد مش يعرفنا ..

اسماء انا كنت جدا مستمتعه باجاباتك
وبحضور الرائع فى المنتدى
أنتِ من الشخصيات التى لا تنسى

نورتى الحلقة

[morshooo]

جميل الحوار جدا
اسماء من الشخصيات المميزة فى المنتدى
وليها شخصيه تقريبا محدش بيشبها فيها
قلمها ماشاء الله مميز جدا اجابتها تقريبا متفق معاها فيها

توبيك جميل اسيل
وتنسيق جميل لطرح الاسئله
فى انتظار الضيف الجديد
تحياتى

[big bốss]

بتعرفى تطبخى ؟

أهاااااااا
بس الأكل اللي بقرف منه لا ..


انتقاد : مينفعش نقول بنقرف من نعمة ربنا

كيف يملك رجل قلب اسماء ؟

انه يكون بارع في الـ احتواء ..


الاحتواء ^_^ الكلمه دى بتعنى الكثير عند حواء الحقيقيه

و انا اشهد بكدا

بس اجابتك عن سؤال هجوم ادم مش مقتنع بيه

بس اسئلة اسئل الاولى بجد جميله يا اسيل

واجابات دكتوره اسماء الله ينور عليها

ما شاء الله عقليه فوق الوصف

ربناء يدومها عليكى رزانة العقل دى


و انجل سمايل عندك حق فأنها صاحبة عقليه فذه و جميله و مثقفه


ودى و تقديرى و تقيمى و نجومى

[حنـــــون]

عجبتنى الحلقه جدا
اسلوبك رائع يااسيل فى الطريقه الى
سالتى بيها
نورت حقا ياسما وعجبتنى معظم رودوك
موفقين دايما
منتظره حلقه جديده لانو حقا عجبنى

[مِسكُ الشَهادة]

حوار جميل جدا ً جدا ً يا أسيل
ربنا يسعدك يا رب
وأسئلة مميزة جدا ً
د. أسماء أقدرها جدا ً وأحترم فكرها وتفكيرها
كان الحوار رائع ومتميز
من الضيف والمضيف
دمتم بالف خير

[حلم عمري]

حلقة جميلة اوووي
واسماء فعلا من الشخصيات المميزة ومفيش حد بيشبهها
واجاباتها رائعة ومقنعة
الاسئلة حلوة يا اسيل (بمدح فيكي اهو )
انا داخلة اصلا ارد عشان اسماء بس
بس بجد عجبتني الاسئلة وفي انتظار ضيف جديد باذن الله

[تيتشر نفشه ツ]

حقيقي عاجباني الردود جدااا
وسمسم شهادتي فيها مجروحه
انسانه بتحمل جميع الصفات الانسانيه ,,
الله يبارك فيكِ ويحفظك ويوفقك ..

حاضر هحاول اكتب وأنزل ياسمسم
دا علشانك بس اصلا :* :* :*

حقيقه ومن غير مجامله
الحلقه ككل عجبتني جدااا
وطريقة الحلقه جديده نوعاً ما
عن نفسي هنتظر كل حلقه جديده ,,
تسلم ايدك ياأسوله ,,

[رنين]

جميله فكرة البرنامج
الاسئله جميله يا اسيل وتعتبر شملت نواحى كتير
وكمان اسئله الاعضاء جميله
وسمسمه ضيفه مميزه دايماً وبتفق معاها فى كتير من اجابتها
وشخصيه ليها بصمه خاصه فعلاً وبقت ركن مهم فى المنتدى
ومن الناس ال بحب اقرا ليهم جدا اسلوبها بجد جميل ما شاء الله ربنا يبارك لها
وربنا يسعدك دايما يا سمسم ومش تحسى بوجع ولا ضيق ابداً

تسلمِ اسيل على الحلقه الجميله
منتظرين باقى الحلقات باذن الله

تحياتى .،

[Words Whisper]

أسيل
شكراً حبيبتي للحلقة
وشكراً على المقدمة الجميـــــــــــلة
أخجلتمونا يابنتي
ربنا يكرمك حبيبتي
ويجعلني عند حسن الظن ..


شكرا لكل اللي تواجدوا
وهرد على الجميع ان شاالله ..

[ياسمينااا]

فكره البرنامج جميله
والحلقه جميله جدا ً
أسماء من الشخصيات المميزه في المنتدي
وصاحبه قلم وفكر جميل وراقي
ربنا يوفقها ويسعدها يارب
الأسئله جميله ي أسيل
بجد الحلقه عجبتني جدا ً
في إنتظار الحلقات القادمه بإذن الله
دمتم في حفظ الرحمن