لو نعرف قيمة المحبة

[العاشق الذى لم يتب]

بسم الله
أعزائى
السلام عليكم ورحمة الله
ربنا يعمرقلوبكم بذكرالله
وبعد ما نرطب ألستنا وقلوبنا بالصلاة على

أحب حبيب محمد ابن عبد الله
صلى الله عليه وسلم وآله وصحبه أجمعين
اسمحولى أفضفض معاكم شوية
لحسن الواحد لما بيحس بحاجة فى نفسه
سواء كانت مرفحاه أو محزناه
أكيد لازم يشارك أصحابه وأحبابه ماألم به
يسعدوا معاه ويفرحوله طول ماهم أصحابه واحبابه
وهو الواحد لو مالقيش حد يفرحله يبقى على الدنيا السلام
أكيد بيحس أنه وحدانى ياأما هو وحش ومالوش أحباب وطبعا اللى مالوش أحباب أكيد هو كمان بيحبش حد
وفى الحالة دى أعتقد لاقيمة له ولا يعد من بنى الإنسان
شكلى هرغى كتير سمحونى عاوز أوصل ليكم
حاجة جوايا وهى أيه حقول
كم يفرحنى ويخلينى أسعد مخلوق فى الأرض لما ألاقى واحد يتتود لى ويقولى كلمة حلوة
أحس كأنى الدنيا دى ملكى أنا وحدى
آه والله بجد تغمرنى سعادة ولابعدها سعادة
وفيه ناس لما بيشوفنى كده يقولوا أنت منافق
وبياع كلام
لا والله أعزائى تفرحنى كلمة وتحزنى كلمة
لأن الكلمة لها وقع السحر على القلب
وربك الكريم يقول فى كتابه { قول معروف ومغفرة خير من صدقة يتبعها أذى }
شوفتوا أزاى ياأحبابى يعنى تسمعنى كلمة طيبة وربك قال وراها كمان ومغفرة يعنى تسامحنى واتعدهالى لو شوفت منى أى حاجة وحشة

دول عند ربك وعندى طبعا أحسن ماتدينى ألف جنيه وبعدين تإذينى سواء بكلمة أو تهمة
ورسولك المعلم العظيم عليه الصلاة والسلام يقول تبسمك فى وجه أخيك صدقة
والمثل بيقول لاقينى ولا اتغدينى

يبقى كلمة طيبة تجعلك أسعد المخلوقات
ويسلام الكلمة دى لما تيجى من أحبابك تشوفها أعظم هدية من السما
يبقى ليه ياأخوانى ألسنتنا نمنعها أن تنطق بيها وليها نأذى بعضنا بكلمة تضرنا وماتنفعناش ماأهو الكلمة الحلوة ربك بيكتبها بحسنة والعكس صحيح
ليه أصلا نظن فى بعضنا ظن السوء
ليه مانلتمس لبعضنا الأعذار علشان تعدى وتمر السحابة بأمان
ليه مجرد غلطة سواء مقصودة أم غير مقصودة ننسى االى كان بينا من تودد وقرب ولا هى كانت مجرد تسالى وخلاص
الحبيب الحق والصديق الحق هو اللى يقف بجوار حبيبه وصديقه فى وقت الشدة
ولقد قال أحدهم
ماأكثر الأصدقاء حينما تعدهم ولكنهم فى النوائب قليل
لأ المحب الحق تجده عونا لك وسندا
وأياك أن تسمع منى كلمة ولا يصلك معناها وتظن بى الظنون دائما ألتمس لى الأعذار
علشان نكون من هؤلاء القوم الذين قال عنهم حبيبك صلى الله عليه وسلم
{ لله يوم القيامة قوم وجوههم نور ولباسهم نور يجلسون على منابر من نور ليسوا بأنبياء ولا شهداء يغبطهم الأنبياء والشهداء(أى يحسدونهم}

قيل من هم يارسول الله : قال هم المتحابون فى الله والمتزاورون فى الله }

وتعالوا نشوف أصحاب النبى محمد صلى الله عليه وسلم ورضى الله عنهم أجمعين
أزاى كانوا بيحبوا بعض

جاء عمر ابن الخطاب للنبى عليه الصلاة والسلام وقال يارسول الله جئتك شاكيا أخى على
قال وماشكواك
تفتكروا أيه الشكوى شوفوا هى أيه
قال يارسول الله عندما يلاقينى على لايبدأنى بالسلام ماأعظم هذه الشكوى
يعنى أنا اللى دائما ألقى عليه السلام وهو عمره ماعملها
تعالوا نشوف سدنا على عمل كده ليه
أرسل الحبيب لعلى وجاء وقال له النبى : لماذا ياعلى لاتبدأ أخيك عمر بالسلام
قال يارسول الله سمعتك تقول ( من بدأ أخاه يالسلام بنى الله له قصرا فى الجنة وأنا آثرت ذلك القصر لأخى عمر}
شوفتوا يا أحبابى أنا ليه بتفرحنى كلمة وتحزنى كلمة
أنا والله أحب الجميع ولست أتمنى لكم غير الخير
فسمحونى لو شوفتوا منى زلة لسان كلنا محتاجين التسامح فكل ابن آدم خطاء
حبيت أعلن لكم عن حبى لكم جميعا
والله من وراء القصد
دعواتى لكم بكل خير
أخوكم رفعت

[بلدنا في القلوب متشاله]

كللنا مخلوقين من طيــن

كلنا بشــر

كلنا بني ادمين

مفيش حاجه تميزنا عن غيرنا غير بالتقوى

والمحبــه طبعا ده شئ عظيم

ادله كثيره جدا تجمع على فضل االمحبه وعظيم اجرها
لو الانسان من وهو صغير اهله زرعوا في قلبه المحبه للاخرين اكيد لما يكبر هيلاقي نفسه بيحب الناس والناس بيحبوه

وده اكيد انسان محبوب

احنا كلنا لما بنسمع كلمه حلوه اكيد بنفتكرها كل شويه ومش بننساها طيب ليه؟؟

لانها اتزرعت جوانا وفرحنا بيها وخصوصا لما بتكون من اقارب لينا او اصدقاء
بنحس ساعتها اننا لنا قيمه في هذه الحياه

وبنملكـ الدنيا

شكــرا ع الموضوع

له اهميه كبــرى

[ياسمينااا]

مش إنت بس اللي بتفرح لما يتقالك كلمه حلوه
وتزعل لما حد يقولك كلمه وحشه
كلنا كدا مش إنت بس
وليه نقول كلام وحش وإحنا ممكن نقول كلام حلو نفرح بيه غيرنا
ورسولنا الكريم قال تبسمك في وجهه أخيك صدقه فمابالك بالكلمه
أكيد لو الواحد إتعلم من صغره إنه يقول الكلام الطيب بس
هيتعود علي كدا وهيعمله دايما
بس إحنا أحيانا بنعلم ولادنا غير كدا دا غير كمان اللي بيسمعوه مننا
أكيد دا كله بيكون ليه تأثير عليهم

أنا عن نفسي مش شوفت منك أي زلة لسان يا رفعت
واللي شاف منك كدا أكيد هيسامحك إن شاء الله
موضوع مهم وقيم
تسلم يا رفعت
دمت بخير وسعاده دائما ً

[على محمد محمود]

اللهم صل وسلم وبارك على سيدنا محمد
كلنا بنتمنى نسمع الكلمه الحلوه
لمراره الايام ومن اللى شايفينه وسامعينه
البسمه فى وجهك صدقه
فعلا كلنا بيزل لسانه وبنغلط
بس المهم اننا منكملش
اللهم ارزقنا بخلق الصحابه
شكرا على موضوع الراقى
اللهم ارزقنا المحبه فيما بيننا

[العاشق الذى لم يتب]

اقتباس المشاركة الأصلية كتبت بواسطة بلدنا في القلوب متشاله كللنا مخلوقين من طيــن كلنا بشــر كلنا بني ادمين مفيش حاجه تميزنا عن غيرنا غير بالتقوى والمحبــه طبعا ده شئ عظيم ادله كثيره جدا تجمع على فضل االمحبه وعظيم اجرها لو الانسان من وهو صغير اهله زرعوا في قلبه المحبه للاخرين اكيد لما يكبر هيلاقي نفسه بيحب الناس والناس بيحبوه وده اكيد انسان محبوب احنا كلنا لما بنسمع كلمه حلوه اكيد بنفتكرها كل شويه ومش بننساها طيب ليه؟؟ لانها اتزرعت جوانا وفرحنا بيها وخصوصا لما بتكون من اقارب لينا او اصدقاء بنحس ساعتها اننا لنا قيمه في هذه الحياه وبنملكـ الدنيا شكــرا ع الموضوع له اهميه كبــرى

شكرا لك أختى هدوء
راق لى كثيرا هذا التعقيم العاقل المتزن

والذى بينت فيه أمور شتى
شاكرلك هذا
وأسعنى تواجدك
مودتى

[العاشق الذى لم يتب]

اقتباس المشاركة الأصلية كتبت بواسطة ياسمينااا مش إنت بس اللي بتفرح لما يتقالك كلمه حلوه وتزعل لما حد يقولك كلمه وحشه كلنا كدا مش إنت بس وليه نقول كلام وحش وإحنا ممكن نقول كلام حلو نفرح بيه غيرنا ورسولنا الكريم قال تبسمك في وجهه أخيك صدقه فمابالك بالكلمه أكيد لو الواحد إتعلم من صغره إنه يقول الكلام الطيب بس هيتعود علي كدا وهيعمله دايما بس إحنا أحيانا بنعلم ولادنا غير كدا دا غير كمان اللي بيسمعوه مننا أكيد دا كله بيكون ليه تأثير عليهم أنا عن نفسي مش شوفت منك أي زلة لسان يا رفعت واللي شاف منك كدا أكيد هيسامحك إن شاء الله موضوع مهم وقيم تسلم يا رفعت دمت بخير وسعاده دائما ً

والذى نفسى بيده أنت عندى أختى العزيزة الغالية الفاضلة الجليلة

بارك الله فيك أختى العظيمة
ربنا مايحرمناش منك تانى ولا تغيبى تانى
شرفتينى بالمرور
مودتى

[العاشق الذى لم يتب]

اقتباس المشاركة الأصلية كتبت بواسطة على محمد محمود اللهم صل وسلم وبارك على سيدنا محمد كلنا بنتمنى نسمع الكلمه الحلوه لمراره الايام ومن اللى شايفينه وسامعينه البسمه فى وجهك صدقه فعلا كلنا بيزل لسانه وبنغلط بس المهم اننا منكملش اللهم ارزقنا بخلق الصحابه شكرا على موضوع الراقى اللهم ارزقنا المحبه فيما بيننا

عظيم كلامك أخى على

والأعظم مرورك الدائم الراقى


جزاك الله خيرا أخى

على ماطرحت وأبينت

شكرا لمرورك

مودتى