حد يساعدنى

[ارهابية وامى عرفة]

ياجماع انا عندى مشكلة وعوزة حل الانى بجد تعبت انا بابايا سافر من 7 شهور على دولة عربية بسبب الظروف الاقتصادية والسياحة المضروبة وهو شغال فى السياحة واكيد كلكو شيفين حال السياحة ومن المفروض انو يسافر سنة ويرجع هنا تانى ومش ياسفر تانى بس بابا قرر انو يشتغل هناك سنة كمان بس مع مشكلة انو عاوز يخدنا معاة هناك وكل اخواتى وممتى وافقو الا انا الوحيدة الى عرض قالو هتقعدى هنا لوحدك مش هينفع والكلام دة طلعتلهم كذة حتة ممكن اقعد فيها السنة وهى اماكن هما بيصقو فيها يعنى عند جدتتى وعند خالى وعند عامى مرديوش وسئلونى عن السبب هما شيفين ان السبب تافة اوى بس هو بالنسبالى حاجة كبيرة اوى هو انى مش عوزة امشى واسيب بالدى طبعا اشتغلونى تريقة بس انا كنت بتكلم بجد ان انا مش عوزة اسيب ارضى وبلدى مش عوزة اسيب اهلى وعمرى كلة الى عشتو هنا مش عوزة اروح ماكن معرفش فى حد ولا حد يعرفنى فية وكمان مش هعرف اتعامل معاهم لانهم مش بيتكلمو بنفس لهجة بتعتى الى هيا مصر بس كدة انا عوزة اعرف اعمل اية لانى بجد مش بعرف انا من كتر التفكير

[دمعه حائره]

الموضوع بسيط مش تدايقى نفسك
وبعدين انتوا مش مهاجرين دى فتره مؤقته وهاتعدى
اسمعى الكلام وروحى معاهم واهو تشوفى بلد تانيه وتبقى مع اهلك
اكيد احسن ليكى من انك تقعدى بعيد عنهم

[۩۩ elMagic ۩۩]

طالما كله موافق
يبقى لازم انتى كماان تبقي معاهم
وبلدك موجوده يمكن وجودكوا بره مصر هيكون أفضل فى الفتره الحاليه
وعادي لما الحال يستقر اكيد هترجعوا تااني
وافقي وأهو إعتبريها رحله هتتعرفي فيها ع ناس جديده
مش هتخسري حااجه
ربنا يوفقك ,,

[تيتشر نفشه ツ]

شوفي حبيبتي
انا معاكِ ان بلدك حاجه مش تتساب اصلا
ومتقدريش تستغني عنها لأنك متعوده على المكان والناس عندك ,,

بس الكلام دا لو قالولك انهم هيهاجروا مثلا
ومش هيرجعو الا بعد سنين كتير

بس مادام اهلك كلهم هيروحو
يبقى لازم تكوني معاهم وين ماراحو
حتى لو المكان هناك مش عاجبك
هيا فتره بسيطه وهترجعو تاني
وكمان علشان تغيري جو وتشوفي بلد غير بلدك
وهما شويه وهتتعودي على المكان عندك مش تخافي ..

وغير كدا اصلا مش ينفع اهلك يسيبوكِ سنه كامله
بعيده عنهم
حتـــى لو انتِ عند حد موثوق فيه
حتى لو انتِ عند اقرباءك
سدقيني مش هيتحملك غير اهلك واخواتك ..

ف مش تزعلي وروحي
ساعات الظروف بتجبر الواحد انه يعمل حاجه هوا مش حاببها
ف ارضي بقضاء الله

وربنا معاكِ ..

[M@HMOUD]

والله انا من رايى انك هاتقعدى سنه
يعنى اهى تغيرى جو بدل الاوضاع اللى احنا عايشين فيها
وان شاء الله هترجعى تانى مصر
ياريت تيجى ليا انا السفريه دى والله هاروح
فكرى كدهـ واعتبرى نفس تغيير
كدهـ كدهـ هاتتقلمى ع الجو
وربنا يوفقك

[ياسمينااا]

أنا من رأئ إنك تروحي مع أهلك
أدام الكل موافق أنه يسافر
وكمان سنه مش مده طويله عشان مش توافقي
هتشوفي بلد جديده وتتعرفي علي ناس وثقافات جديده
ومش ينفع إنك تقعدي عند حد من قرايبك سنه بحالها
إنتي نفسك مش هتكوني مرتاحه ذي ما تكوني في بيتك ووسط أهلك
ذي ما بلدك وأصحابك هيوحشوكي لو سافرتي
أهلك مش هيوحشوكي لو مش سافرتي معاهم
مش هتخسري حاجه لو سافرتي معاهم
وممكن تيجي إن شاء الله تلاقي الأحوال إتصلحت
ربنا يوفقك ويعمل اللي فيه الخير لكي

[ٻڼوُﭠہ مَصَــ♥ـــرُﭜہ]

بصى يا قمر كلهم وافقة لازم
انتى كماااانتوفقى
وبعدين هتعدى سنة وترجعى مصر تانى لبلدكـ
يعتى الموضوع بسيطــ
مش هتخسرى حاجة ييا قممممممممر
روحى غيرى جو شوية
وسنة مش طوييييلةة

دهـ راى

[على محمد محمود]

احب احييكى على وطنيتك
وعلى حبك لبلدك
بس دى فتره بسيطه واكيد راجعين باذن الله
توكلى على الله
وسافرى
ونرجعى بالف سلامه

[الأميرة رودي]

زى ماقالولك فى كل الردود حبيبتي
معلش الظروف بتضطرنا احيانا لشئ مش حبينه
وبعدين الفتره مش طويله دي سنه والايام بتعدى بسرعه
مش هتكون مرتاجه مع حد الا اهلك فتوكلي على الله وسافري
ترجعي بالسلامه ان شاء الله

[سهـــر]

صدقي لما تروحي هناك هتحمدي ربنا انك سيبتي هنا
انا كنت عايشه في السعوديه
ورجعت السنه الي فاتت عشان الكليه
صدقيني كانت اسود سنه في حياتي
بعيده عن امي وابويا واخواتي
وقاعده عند عمي
عمر جدتك او خالك او عمك
ما هيكونو زي والدك ووالدتك
وصدقي اي بلد احسن من مصر دي فعلا هتحسي الفرق
لما تسافري هناك وتشوفي