كان ابويا الحاج كمال بيقولى حاول تتغير ...

[ahmedkmal]

كان ابويا الحاج كمال يوسف وانا صغير بيقولي خد صاحبك على عيبه وكان يقصد بكدة ان ما دمت رضيت بيه صاحبك وهو فيه عيب معين ممكن تتجنب التعامل معاه فى العيب ده بس متخسروش لانى زمان كنت لما بلاقي واحد صاحبي مثلا بيعاكس بنت او بيشرب سجاير او بيعمل اي حاجة مش بتعجبني كنت ببعد عنه واقاطعه تقريبا ... والحكاية دي خلتني اعرف اتعامل مع اصحابي واعرف اقرب منهم ... وبدات بقى احاول اغير فيهم الحاجات دي وفيه منهم اللى كان بيقبل النصايح وفيه منهم اللى كان بيقولي انا كدة ومش هتغير وكنت برضى بيه زي ما هو برضه وبكمل حياتي معاه .
ولكن فكرة التغيير فضلت برضه فى دماغي ياترى لو قابلت حبيبتي وكان في حاجة فى تصرفاتها او فى طبيعتها مش عجباني لازم تتغير واللا برضه احبها كدة زي ما هيا
فيه فى الموضوع ده شوية نظريات بقى زي نظرية (( انا زي منا ومش هتغير علشان اي بني ادم )) ودي نظرية الواثق جدا فى نفسه او اللى حاول يتغير قبل كدة علشان حد واتصدم فيه فى الاخر فا قرر انه ميتغيرش نهائي علشان اي حد ولو قلتله طبيعي اننا نحاول نرضي اللى بنحبهم هتلاقي الاجابة فى وشك على طول .. هو لما الحد ده حبني مش حبني زي منا كدة واللا كان شايف حد تاني ...
وفيه نظرية (( علشان حبيبي اعمل اي حاجة )) ودي اصحابها بيبقوا ناس طيبيب وغالبا بتبقى تجاربهم قليله حبتين وجواهم اتجاه لحب اللى حواليهم ومحاولة ارضائهم باي شكل
وفيه بقى نظرية جبارة اصحابيها واخدين مبدا فظيع تحس انهم تجار مخدرات مثلا والنظرية دي اسمها (( هات وخد )) يعني م الاخر كدة لو هو مش موافق يتغير علشاني انا مش هتغير علشانه والحياه بطبيعتها هات وخد لازم الكل يقدم تنازلات مش واحد بس ..
بيني وبينكو كدة فيه فى كل نظرية من النظريات جزء سليم شويتين بس فكرة التغيير برضه شايفها تستحق التفكير والتدقييق وابص الاول انا بتغير ليه ولمين وياترى التغيير ده كويس واللا لا فى العموم وياترى اتغير فى الاساس لنفسي واللا اتغير علشان حد معين عاوزني كدة
انا عن نفسي بنصح دايما بالتغيير للاحسن ايا كان ايه السبب المهم نبقى احسن .... وحاول تتغير

[doiss]

منـــــــــــــــــقولــــــــــــــــ
7
الاخ الكريم من قوانين القسم
عدم وضع المواضيع المنقولة نهائيا حتي لو بقلمك في اي منتدي اخر وهذا ثاني موضوع لك منقول في قسم قلم الاعضاء بمنتدي بنات مصر
ارجو الالتزام بقوانين القسم
ينقل للمواضيع العامة
7

[ahmedkmal]

يا باشا انا معاك بس الموضوع دة من المدونة بتاعتى مش بتاعت حت تانى
وغير كد دى قصتى وبقلمى انا
انا بصراحة مش فاهم

[haytham ali]

سلام الله عليك ورحمته وبركاته

احمد

موضوع به الكثير من الحكم والدروس الرائعه بحياتنا اليومية


عجبنى هات وخد <

بتفكرنى بتوبيك

عم عشم مات والمعامله خد وهات

بإنتظار جديدك

[Silver Flower]

موضوع واقعي وشكرا كتير لك ولنصائح العظيمه وانا رايي بتاعي
وابص الاول انا بتغير ليه ولمين وياترى التغيير ده كويس واللا لا فى العموم وياترى اتغير فى الاساس لنفسي واللا اتغير علشان حد معين عاوزني كدة
المشكله اخي ما في حد على وجه الارض يرى نفسه اويرى عيوبه وما في عندي مشكله التغير ما دام الي ينصحني بحس انه بيحبني وبيحب مصلحتي اكيد اه راح اعمل مجهود واتغير