مفاجئه لكم كنتم منتظرينها من زمان

[طائر بلا اجنحه]

اهلا بكم
صباحكم ومسائكم زى وشكم يعنى زى الفل والياسمين
عندى ليكم حته مفاجئه جميله جدا جدا وهتسعدكم وهتبسطكم
وانا قاعد كدا مع نفسى خطرت على بالى فكره هى كانت بناء على طلبكم بس انا ساعتها رفضت
واتجددت الفكره تانى فى نفوخى وحسبتها يمين وشمال لقيت انكم طبعا عندكم حق فى انى ارشح نفسى فى انتخابات الرئاسه لذلك قررت بعد تفكير عميق انى ارشح نفسى لانتخابات الرئاسه
اولا السيره الذاتيه ليه
معاكم عادل
3 جرائم قتل 3 جرائم نصب 3 جرائم سرقه خزن وبنوك وغسيل من فوق اسطح المنازل اللهم لا حسد
دا غير جرائم شيكات بدون رصيد وغيره وغيره دا غير ان الانتربول الدولى بيبحث عنى
وعشان كدا هغير اسمى شوفتوا سجلى مشرف ازاى؟

البرنامج الانتخابي

اول حاجه هعملها صرف عريس لكل انسه

وبالعافيه وغصب عن عين اي شاب هيتجوز اجبارى اى بنت
وبكدا همنع العنوسه فى مصر

التعليم

كل واحد هيتعلم على مزاجه

يعني مش هجبر حد يتعلم

اللي عايز يتعلم هو حر واللي مش عايز هو حر ببرضو عنه ما اتهبب اتعلم

هو انا يعني هستفيد ايه لو كل مصر بقت دكاتره ولا لو كلهم بقوا مش متعلمين

انا عن نفسي خلاص فلت واخدت الاعداديه

كل واحد حر في نفسه واللي ياكل على ضرسه ينفع نفسه

المرتبات

هيكون اوبن مرتب زي اوبن بوفيه كده

مش هيكون في حد ادنى ولا اقصى

لاننا مش هنحتاج للشكليات دي

اللي هيصحى الصبح ويلاقي بيته ناقصه حاجه هيروح ياخدها من سوق كبير هعمله في كل محافظه

وان شاء الله حتى البلد تشحت انتوا حريين

انا عن نفسي اول يوم ليا في الرياسه هعمل حسابي وهعمل ارضيه كويسه ليا في البنوك برا البلاد


وابقوا تعالوا قابلوني لو لقيتوا لقمه تاكلوها

الصحه

بصوا بقى اللي هيعيى هو حر

ماهو انتم متلخبطوش في اكلكم وشربكم وبعدين تعييوا وانا اللي ادفع التمن

مفيش ادويه

اللي هيعيى هندعيله ربنا يشفيه وخلاص

بالنسبه للشرطه

مفيش شرطه لانهم هيكونوا مشغولين بحراستي

اما انتم كل واحد يعتمد على نفسه

هصرف لكل مواطن مسدس

واللي يزعله حد يخلص عليه وخلاص

بلا محاكم وقواضي بلا وجع دماغ

اهو نقلل من الكثافه السكانيه شويه

الرمز بتاعي

اه انا هعمل رمز ليا عشان تعرفوا ترشحوني من غير ما تتوهوا في الاسامي

الرمز بتاعي

هيكون دبدوب

ايوه اللي هو ده



شعارنا هيكون

رشحت نفسى من اجلكم بكره هتندموا من اللى هيحصلكم

يلا مين هيرشحنى ؟

[ana lola]

هههههههههههـ نصيحة منى بـلاش عشــان النــاس
بــدل مــا يرشــحوك فى الرئاسه هيشرحوك وطبــعا
انت مـش عايز تروح الا نـعاش ...

[اميرة الحب الضائع]

ونعمة الرئيس انت هيخلعوك ابل ما يحطوك اصلا

هههههههههههه
عنوسة اية يبنى دى البنات زهئت من كتر العرسان

ههههههههههههههه

جميل جدا

[طائر بلا اجنحه]

اقتباس المشاركة الأصلية كتبت بواسطة ana lola هههههههههههـ نصيحة منى بـلاش عشــان النــاس بــدل مــا يرشــحوك فى الرئاسه هيشرحوك وطبــعا انت مـش عايز تروح الا نـعاش ...

شكرا على النصيحه
كدا انا هصمم اكتر ارشح نفسى اصل انا عيندى
ال هيشرحوك ال
نورتى وشرفتى
ودى لك

[طائر بلا اجنحه]

اقتباس المشاركة الأصلية كتبت بواسطة اميرة الحب الضائع ونعمة الرئيس انت هيخلعوك ابل ما يحطوك اصلا هههههههههههه عنوسة اية يبنى دى البنات زهئت من كتر العرسان ههههههههههههههه جميل جدا

ههههههههه ليه بقى ان شاء الله هيخلعونى؟
دا حتى سيرتى الذاتيه فله زى ما شوفتى سوابق
نورتى وشرفتى
ودى لك

[طائر بلا اجنحه]

شكلكم مش موافقين على ترشيحى
وبتحقدوا عليه

[بحر النسيان]

رشحت نفسى من اجلكم بكره هتندموا من اللى هيحصلكم

يلا مين هيرشحنى ؟


الله الغنى عن ترشيحك
ويبقه مجنون الى يرشحك
مش كفايه الاخوان مكنهم ثم مكنهم
لا ياعم الى تلسع مره عمره مايتلسع تانى
بس بصراحه عجبنى حبت حجات كده
يمكن اشوف شروطك ومش من اول توبيك ارشحك
لازم يبقه فيه كتير عشان اقتنع

[طائر بلا اجنحه]

اقتباس المشاركة الأصلية كتبت بواسطة بحر النسيان رشحت نفسى من اجلكم بكره هتندموا من اللى هيحصلكم يلا مين هيرشحنى ؟ الله الغنى عن ترشيحك ويبقه مجنون الى يرشحك مش كفايه الاخوان مكنهم ثم مكنهم لا ياعم الى تلسع مره عمره مايتلسع تانى بس بصراحه عجبنى حبت حجات كده يمكن اشوف شروطك ومش من اول توبيك ارشحك لازم يبقه فيه كتير عشان اقتنع

يا عم الحاج خليك محضر خير
اعملى دعايه وهطبق معاك كل اللى انا قولته فى البرنامج بتاعى
والمره الجايه هزود البرنامج بتاعى اطمن
عموما شرفت ونورت
ودى لك

[ٻڼوُﭠہ مَصَــ♥ـــرُﭜہ]

هههههههههـ
ايهـ، دهـ وكمان سوابق
ههههـ
دنتا هتبقى رئيس فلة
ههههههههههههـ

لا مشمستغنين عن مصر والله
هههههههههههههـ
حلو الرمز بتاعكـ دهـ
ههههههههههـ

[ارهابية وامى عرفة]

ههههههههههههههههههههه

اية دى سيرة تشرف والله

دول مش هيرشحوك دول هيشرحوك

احنا نقصين كفاية علينا الاخوان

بس حلوة عجبتنى حكاية العريس دى

خلاص هفكر فى تشريحك يوة قصدى ترشيحك

بس عوزة شر اكتر من كدة