الحلقه الاولى من ( ساعدوووونى ) ( مشكلتنا مع والدى )

[morshooo]

بسم الله الرحمن الرحيم

اهلا بيكم جميعا

والحلقه الاولى من

( ساعدووووووونى )

الفكرة باختصار هيتم عرض مشكله عضو معانا فى المنتدى

هيكتب مشكلته وهيبعتهالى وهنزلها وهيبقى مطلوب

من الاعضاء انهم يحاولو يقولو رئيهم فى المشكله دى

يمكن نقدر نساعد العضو فى حل مشكلته .

انا تقريبا محضر حوالى ( 3 حلقات ) الضيوف مش عايزين

يقولو هم مين ولكن مأكدين عليه انهم فعلا محتاجين

مساعدة الاعضاء ليهم فى منهم مشاكل عائليه

وفى مشاكل شخصيه ويمكن انا مشكله منهم لما تشفوها هتستغربولها جدا

بس لما يجى وقت نزولها .

دلوقتى تعالو نشوف المشكله الاولى وهى :

( مشكلتنا مع والدى )

فى البدايه يا احمد انا بشكرك على الموضوع الجديد دا واتمنى

الاعضاء فعلا تقدر تساعدنى على الظروف الى انا فيها لانى فعلا تعبانه بجد

مشكلتى انى اوقات كتير مش بحب البيت وبحس انى قاعدة غصب عنى فيه

معامله ( بابا ) مش كويسه خالص معانا لو يوم عدى من غير زعيق وخناق

يبقى اكننا فى ( عيد ) مش هضحك عليكم ( بابا ) من النوع الى بيشرب خمور

لان كتير بيرجعلنا مش فى وعيه وبيكون مش عارف بيعمل ايه صدقنى يا احمد

انا فعلا كارهة البيت جدا انا و ( ماما واخواتى ) ( ماما ) دائما بتتهان قدامنا

وتقريبا الجيران كل يوم سامعين صوتنا اختى الكبيرة جت فى مرة وقالت اننا نسيب البيت

ونمشى احسن بس ( ماما ) رافضه دى حتى مش بتقول لـ ( خالو او خالتو او عمو )

عشان يشوف حل مع ( بابا ) ودائما بتقولنا ماينفعش نسيب البيت ونمشى

احنا مالناش غير بيتنا ومحدش هيستحملنا .

نفسى بجد ( بابا ) يتغير لانه مكنش كدا خالص الموضوع دا دخل عليه

من حوالى 6 شهور اتغير خالص .

دى مشكله ضيفه النهاردة

ياريت لو حد حابب يقولها حاجا يقول

يمكن عشان برضو يبقى فى مصداقيه الضيفه

وافقت تقول عندها كام سنه

بين ( 14 - 17 ) سنه

فى انتظار أرائكم

[ياسمينااا]

إنتي بتقولي إن المشكله دي بقالها 6 شهور بس
طب ما تحاولو تشوفو إيه سبب التغيير المفاجي لوالدك
وخلاه يتغير بالشكل دا
وممكن تقدرو تحلو المشكله لما تعرفو السبب
بس سوري أنا حاسه إن والدتك سلبيه جدا ً
مش بتعمل أي حاجه عشان تحل مشكلتكو دي
ليه مش بتقولو لعمك أو أي شخص كبير بيحترمه
والدك وبيكون ليه تأثير عليه
ممكن لما يتكلم معاه يتغير شويه
أكيد هو مش هيرجع تاني علي طول هياخد وقت
معني كلامك إن مش ليكو حد تروحو عنده
أنا بصراحه مش بحبذ إنكو تسيبو البيت
لانه ممكن يجي بنتيجه إيجابيه وممكن يجي بنتيجه عكسيه
يعني ممكن والدك يحس بقيمتكم وحبكم لما تسيبوه
وممكن مش يفرق معاه ويكون علي الأقل إرتاح من الخناق معاه
ربنا معاكم وإنتو عايشين في الجو دا
وربنا يهدي والدك ويفوق من اللي هو فيه ويرجع ليكو ذي الأول يارب
يمكن الموضوع محتاج مجهود منكم بس مهما كان هو والدكو ويستاهل إنكو تتعبو عشانو
وتخرجوه من الحاله اللي هو عليها
فكره التوبيك جميله وجديده
تسلم يا أحمد
بإنتظار حلقات أخري

[lady lead]

هزود على رد ياسمينا
الموضوع مش بسيط لكن لو شوفتيه من منظور بعيد شوية
هتحسي إنه مجرد مرض مش أكثر إدمان للخمور
أصعب حاجة إنكم تقنعوه إزاي يروح مركز للعلاج منه
ممكن تروحي لمركز للإدمان و تسألي عن التفاصيل إللى تقدري بيها تساعدي والدك
و اطلبي من المركز ده مساعدة
و لو ظروفكم المادية لا تسمح لعلاج والدك حاولي افهمي منهم إيه المساعدات اللي تقدري عليها
أهم حاجة تنقذي والدك من اللي هو فيه لكن مش على حسابكم
افهمي كويس إن مش ينفع تسكتي على غلط
ربنا معاكم
تقديري و احترامي

[حلم عمري]

استكمالا لكلام ياسمينا وليدي
يعني الصراحة مش شا يفة حل انكم تسيبو البيت
لان مهما كان دا باباكم واكيد هو في حاجة لكم وخصوصا في الوقت دا
اولا ممكن تحاولوا تقعدوا وتكلموا معاه مادام الموضوع دا من قريب زي ما قولتي
يبقي اكيد في مشكلة حصلت او يمكن صاحب ناس مش كويسة عادي دا ممكن يحصل لينا كلنا
ثانيا انا افضل انكم تكلموا حد من العيلة لو مثلا ليكم عم اكبر من بابا اكيد هيكون له تاثير عليه لانه اخوه الكبير وهيخاف عليه
لكن لازم مش تسيبوه لوحده وحاولوا تساعدوه لانه ملوش حد غيركم
والجاوا الي ربنا سبحانه وتعالي هو اللي هيقدر يساعدكم
وربنا يهديه وتنفك الازمة دي علي خير وتعيشوا حياة سعيدة باذن الله
تسلم مورشو ع البرنامج الجميل دا اللي اكيد هيساعد ناس كتير
جزاك الله خيرا

[رووكه]

عليكم بصلاه والدعاء ان ربنا يصلح حاله

بجد ممكن لما يشوف قربكم لربنا يفوق

ولازم حد من عندكم يعرف كبير من اهل بابكى او مامتك

ويكون بابكى بيحترمه ويعمل ليه حساب

الله المستعان وهو اللى قادر يحلها من عنده يارب

ربنا يعنكم ويهدى بابكى يارب

آآآمين

[ارهابية وامى عرفة]

بصى يا قمر هو انا لما قرات الموضوع مستغربتش كتير

لان دة حال ابهات كتير فى عصرنا دلوقتى بدل ميبقى قدوة صالحة العكس

حبيبتى ادعى ربنا واتقربى انت واخواتك من ربنا وخلى حد من العيلة يدخل

وممكن لما مثلا تيجى تصلو وهو فى البيت تدعية يصلى بيكو جماعة

وتحولو انكم متزعجهوش وتعملو كل حاجة تردية سدقينى

عشان تكسبى اى حد من والديك لذم تعمليلو لى هو عوزة وهو هيخليكى اسعد وحدة

انا مش مع اختك ومع ممتك هى عندها حق

اربى من ربك وادعى قادر على همك يشفية

دة رئ يارب اكون قدرت اسعدك

تقبل مرورى

[روح صامتة]

هوة موضوع الشرب
بقاله من زمان ولا من الست شهور اللي اتغير فيهم دول ؟
بصي ولو انت متاكدة .. من الحكاية دي وحصلت قدامك ..
انا رائي تلجئي للموعظة الحسنة ..
وريله الايات اللي بتتكلم عن الخمر وتحريمها ..
انصحيه .. انت وباباكي قربيله ..
ممكن بيمر بمحنة ..
تاني حاجة لو مسمعلكيش ..
اتواصلوا مع حد من اصدقاؤه المقربين خليه يحل المشكلة معاه
يوديه مركز علاج .. اخوه او حد من عيلته
لان المشكلة من فترة قليلة ..
حقيقي ربنا معاك وانت بتاخدي على كل دا ثواب ..
انك بتصبري ..ما تسيبوش البيت ..
البيت دا الاساس خرجتوا منه هيترتب على كده مشاكل اكتر ..
الا لو انتو عندكو بيت تاني بتعيشوا فيه ..
ادعيله كمان .. واعرفي مشكلته ايه ..
ومنين مثلا بيشرب .. وابعديه عن السكة دي ..
الموضوع يضايق فعلا .. ربنا معاك ويصبرك ويصبر مامتك ..
وحاولي تبعدي مامتك اذا هوة مثلا عصب عشان ما يضربهاش ..
وكلميه وحاولي معاه .. وانصحيه انه لازم يتعالج ..
وربنا يسهل ..

[ويبقى الأثر]

شوفى حبيبتى انك تتركى البيت ده مش حل المشكله
حل المشكله انك تواجيهها
وتحاولى تستعينى بااصدقاء والدك الطيبين اللى انتى بتثقى فيهم بس الاهم اهل مامتك مش يتدخلو
يااما اهله هو او اصدقائه
وانتى اتعاملى معاه بالحسنى مش تأمريه وتقوليله كده غلط لا تيجى منك بطريقه تانيه
يشوف حبك ليه وخوفك عليه وهو بيسمعك وانتى بتدعى ربنا انه يصلح حاله ويحفظه ليكم
كمان تحاولى تسمعيه برامج دينيه يسمعها عن طريق الصدفه مثلا يدخل يلاقيكى مثلا بتسمعيها
تشغلى قران كتير بالبيت
وثقى بربنا لان دى مشكله عارضه وهتعدى بااذن الله
ربنا يصلح احوالكم حبيبتى
شكرا مورشو للاستضافه