يللي مسكون بالغلابة _ حصري _

فتحى عيسى · منذ /06-20-2013, 01:06 AM

يللي مسكون بالغلابة ...
فووق من التوهة ...
وقوم قبل فوات الاوان ...
بتوع إمبارح كانوا حيتان ...
مخلوش زهرة ولا بستان ...
ماسحين المحيط ...
سايبين فتافيت ...
مترمش عدمان ...
بس كانوا للحقيقة ...
ظابطين الأمن ... والهوان ...
شيلناهم هيله بيله ...
بعد ما طفح الميزان ...
والمر بقي خيمه ...
والعذاب الوان ...
بتوع النهاردة ديابة ...
بتاكل اللحم حي ...
وبتقرقش عضم ...
البشر والحجر والحيوان ...
دخلوا علينا زي الحرامية ...
واحنا الشطار...
سرقوا الليلة ...
وكاب العيله ...
والعمه والقفطان ...
وف عز النهار ...
حزموا البلد بفقرهم ...
بعندهم ... بغباوة ملهاش مثيل ...
بدناوة ذليل ...
بيشحت اللقمة من بق الجيران ...
يللي مسكون بالغلابة ...
رغم العتمة ...
مصر في آمان ...
لأن ربنا بيحبها ...
سلط عليهم نفسهم ...
اتفضحوا قوام ...
كَرهوا العالم في ضلهم ...
بصورة اسرع منها مفيش ...
وبشكل قاطع ...
اصبحوا في خبر كان ...
مهما امتد بيهم المقام ...
ماشيين ماشيين ...
بس النوبادي ...
من غير رجعة ...
ولا حتي سلام ...
فتحي عيسي

βÄşmα ♥ · منذ /06-20-2013, 01:15 AM

اقتباس


	اصبحوا في خبر كان ... مهما امتد بيهم المقام ... ماشيين ماشيين ... بس النوبادي ... من غير رجعة ... ولا حتي سلام ...

يأآسلآم علي الابدأإأإع والامتآع

بجد انت استآذ حرف وكلمةة تسسلم ايديك ~

تقبل مروري ^^

ويبقى الأثر · منذ /06-20-2013, 01:48 AM

الله على الجمال
هنا مش همدح حروف لكن همدح كلمة حق اتقالت
بجد الاول كان فيه ظلم رشوه وفساد وجوع لكن على الاقل كان فيه امان
دلوقت ضاع حتى الامان
وان شاء الله فرجه قريب لان ربنا قال ادخلوها امنين
راااااااااااائع يقيم و5 ستار
تقديرى استاذى

ابتسامة الزهر · منذ /06-20-2013, 02:32 AM

شرحت حال بلد مليانه عيشة
تتألم من عذاب ناس غشوها
وعدوها بالحرية والأمان
لا لقت حرية ولا امان
بس الامل فى الله كبير يخلصنا من الكابوس
كلمات وحروف قلم تميز بالأبداع
تقديرى لك

فتحى عيسى · منذ /06-20-2013, 03:34 PM

اقتباس

المشاركة الأصلية كتبت بواسطة مَخْڂتلْفهہْ ♥


	يأآسلآم علي الابدأإأإع والامتآع بجد انت استآذ حرف وكلمةة تسسلم ايديك ~ تقبل مروري ^^

أشكرك علي ذوقك العاطر بجمال الروح
والتشريف الوارف بأناقة حرفه
ومداده الطيب الشفيف
بوركتِ
مودتي وإحترامي

على محمد محمود · منذ /06-20-2013, 03:46 PM

الله على الكلام
وجمال الابداع
تحياتى لقلمك الراقى
تقبل مرورى

فتحى عيسى · منذ /06-20-2013, 08:47 PM

اقتباس

المشاركة الأصلية كتبت بواسطة قيثارة الصمت


	الله على الجمال هنا مش همدح حروف لكن همدح كلمة حق اتقالت بجد الاول كان فيه ظلم رشوه وفساد وجوع لكن على الاقل كان فيه امان دلوقت ضاع حتى الامان وان شاء الله فرجه قريب لان ربنا قال ادخلوها امنين راااااااااااائع يقيم و5 ستار تقديرى استاذى

الأجمل علي الدوام
هو تشريفك الأنيق بحرفه العالي
ومداده الغني بكل جميل وراقي
تفاعل كريم من نفس كريمة رائعة
شكرا لكِ
بوركتِ
مودتي وإحترامي

فتحى عيسى · منذ /06-21-2013, 06:48 PM

اقتباس

المشاركة الأصلية كتبت بواسطة ابتسامة الزهر


	شرحت حال بلد مليانه عيشة تتألم من عذاب ناس غشوها وعدوها بالحرية والأمان لا لقت حرية ولا امان بس الامل فى الله كبير يخلصنا من الكابوس كلمات وحروف قلم تميز بالأبداع تقديرى لك

شكرا علي هذة الإطلالة الغالية
وهذا التشريف الراقي برقي شخصك
والتفاعل العاطر بطيبه الثمين
وذوقك الكريم
بوركتِ
مودتي وإحترامي

تناهيد الغرام · منذ /06-22-2013, 03:50 AM

تسلم ايدك
لك تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
افتراضي حصري مهرجان على جثتى - احمد حلمى وسادات وفيفتى وام سى امين توزيع عمرو حاحا cd	adeco	اغاني شعبية - اغانى شعبى - تحميل اغاني شعبية mp3	2	07-17-2013 01:55 AM
جن في الحمام في منزل مسكون	كاسيولينا	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	2	08-16-2011 05:16 PM
كان الإمام الشافعي رحمه الله يقول لسكون الألم والوجع	امير الظل	مواضيع عامة - ثقافة عامة	5	07-05-2011 03:42 PM
عسكري مسكون جن	نونو1977	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	1	12-04-2010 12:50 PM
تحميل افلام احمد حلمي ، حلم الكوميديا احمد حلمي ، كل افلام احمد حلمي تحميل مباشر	ellilady10	تحميل افلام عربيه 2022 - جديد المسلسلات العربيه	0	10-24-2009 05:51 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

يللي مسكون بالغلابة _ حصري _

ابداعات الاعضاء العامية