مرسي و نهضة القمح !

[SiLver Spectra]

كان بقالي فترة بتابع أخبار عن القمح من بعد ما مرسي زعم ان الانتاج السنادي هيزيد بنسبة كبيرة عن السنة اللي فاتت و اننا هنستورد كميات اقل من القمح السنادي و هنحقق اكتفاء ذاتي قريب

اتضح ان كل دا كذب ..
و لو ماكنش قصده يكذب يبقى هو اثبت انه و لا يعرف اي حاجه في اي حاجه و اخره يخطب في منبر بشوية شعارات حنجورية

الخطورة في الامر هنا هو ان الدولة ممكن تكون ظبطت ميزانيتها على انها هتستورد كميات اقل من القمح السنادي ..و بالتالي تحصل ازمة قمح ..دا غير ازمة البنزين و الكهربه و الدولار ..

و لما الحكومة تيجي تشتري قمح مره تانيه في وقت عشوائي من السنة هيكون سعره عالي و جودته سيئة

احصائيات عن القمح بعد انتهاء موسم الحصاد بشكل رسمي

اقتباس - القمح المورد للحكومة في 2012: 3.75 مليون طن - القمح المورد للحكومة في 2013: 3.50 مليون طن - المستهدف الذي أعلنه الرئيس في 2013: 4.5 مليون طن تفسير الأرقام: - انخفاض في معدل توريد القمح للحكومة بـ 250 ألف طن. - عجز في معدل توريد القمح بين المستهدف والواقعي بمليون طن. المصدر: البيانات المعلنة من وزارة الزراعة.

دا اقتباس من صفحة كلنا خالد سعيد اللي بقالها كام يوم بتجتهد في متابعة الارقام

الوزارة اعترفت بشكل رسمي عن انخفاض محصول القمح من هنا

أما دا فكان خبر في اليوم السابع نقلا عن الأسوشيتدبرس عن ان مزاعم مرسي كاذبة
الخبر كان قبل اعتراف الوزارة و قبل حتى اجتهاد صفحة كلنا خالد سعيد
الخبر هنا


تصدق ياعم مرسي ان مبارك طلع متدين عنك ؟
على الاقل ماكنش بيكذب يا عم المؤمن يا اللي بدور على أي انجاز وهمي

و آل ايه بيخاف ربنا !!

[۩۩ elMagic ۩۩]

ههههههههه
تصدق اول مره أعرف إن فيه قمح عندنا أصلا
اهو نقص 250 الف احسن من نقص 3.75 بتوع 2012 كلهم
وبالنسبه لمعدل الزياده للتوريد فـ 2013
فا داا علشان يعرف يضحك ع الناس صح
والاسلام هو الحل وشغل الاونطه دا

[Sєяєєη●•ʚɞ]

كلامك دة ان كان بيدل على شىء فبيثبت فشل مرسى فى حكمة ع الامور وفى تخطيطة للبلد
لان بدل اما يحل ازمة بيزود ازمة جديدة
لان الازمات عماله تزيد وتتراكم والناس زهقت
ربنا يعديها ع خير ياطارق..

[حنـــــون]

والله من غير ارقام ولا اعتراف الوزاره
انا متأكده انو كداب ومن جماعه
اصلها مبينه على الكدب

[نقاء]

حكم حسني مبارك دام اكثر من عشرين سنه
يعني تصحيح اوضاع البلاد وزيادة الدخل للدوله مو بهالسهوله على مرسي
لازم ياخذ فرصته


نقـاء ،،،

[مشتاقه للجنه]

دبح وسلخ والله المستعان

تعرف يا طارق انى كنت بحترم جداا آرائك السياسيه وتحليلاتك

وهى محايده وبدون ان يطغى عليها فكر واضح والله العظيم

ان مرسى ده مظلووووم لان فعلا الأرض كانت رميه بالفائض هذا العام

بس للأسف فى ناس مش همها مصلحة البلد ولا الناس الغلابه حرقووو القمح

ربنا يحرق قلوبهم زى ما حرموا الغلبان من لقمة عيشه ,, وتانى حاجه بقى

ان فيه ناس كبار رمة ملايين الجنيهات وأشترة القمح وهو أخضر من الارض

والحد يفهم ليه بقى ..... .... ..... بس تصدق ان عرفت ان الشعب المصرى

محتاج واحد زى أبو علاء هو اللى ينفع مع الشعب المتفرعن ... يقدر يهده كويس

يلهيكم بمسلسل بكوره يعمل حادثه كده ويموت تلات اربع تلاف شخص ويخلى الاعلام يرغى

فاكر العباره ,, فاكر المبيدات المسرطنه ,, فاكر .... وفااااااااااااااااااااكر

[SiLver Spectra]

اقتباس المشاركة الأصلية كتبت بواسطة مشتاقه للجنه دبح وسلخ والله المستعان تعرف يا طارق انى كنت بحترم جداا آرائك السياسيه وتحليلاتك وهى محايده وبدون ان يطغى عليها فكر واضح والله العظيم ان مرسى ده مظلووووم لان فعلا الأرض كانت رميه بالفائض هذا العام بس للأسف فى ناس مش همها مصلحة البلد ولا الناس الغلابه حرقووو القمح ربنا يحرق قلوبهم زى ما حرموا الغلبان من لقمة عيشه ,, وتانى حاجه بقى ان فيه ناس كبار رمة ملايين الجنيهات وأشترة القمح وهو أخضر من الارض والحد يفهم ليه بقى ..... .... ..... بس تصدق ان عرفت ان الشعب المصرى محتاج واحد زى أبو علاء هو اللى ينفع مع الشعب المتفرعن ... يقدر يهده كويس يلهيكم بمسلسل بكوره يعمل حادثه كده ويموت تلات اربع تلاف شخص ويخلى الاعلام يرغى فاكر العباره ,, فاكر المبيدات المسرطنه ,, فاكر .... وفااااااااااااااااااااكر

هو كل ما نثبت فشل يا مشتاقة ناس تطلع بحجة و تقولك اصل حرقوا القمح ..اصل بيهربوا البنزين !
هو دا رئيس كيس جوافة و لا رئيس على ايه مش فاهم !!!
و هو بنزين محطات الكهربه كمان بيتهرب اللي بيتسلم من وزارة البيترول لوزارة الكهربه !!؟

لما وزارة الكهربه تقولك ان وزارة البترول مش بتدينا بنزين ..دا أكبر دليل ان الدولة مش بتشتري كميات كافيه منه

اه في تهريب ..و التهريب طول عمره موجود ..و نفس الحكاية للقمح
بس المشكلة في ان راجل مسؤول يطلع يضحك عالناس بشعارات وهمية كاذبة

ثم ان مافيش فلاح بيحرق ارضه ..و مالوش مصلحة في كدا اساسا
الدولة بدل ما تشتري منه هتشتري من برا ..يبقى ايه مصلحة الفلاح انه يحرق ارضه !!
و لو عندك حاجه بتوثق دا ياريت تبعتي رابط له

اصلا الارض المزروعة في مصر محدودة ..يعني انت هتزرع قمح كتير مثلا يبقى مش هتزرع محاصيل تانيه

عشان كدا وقتها كل الخبراء شككوا في الموضوع من اول ما مرسي قال تصريحاته
و حتى وزارة الزراعة في امريكا شكتت في الامر ..و الناس دي بتعمل دراسات لكل الدول و بيجمعوا احصائيات

القضية مش قضية امكانيات ضعيفة ..لو تطلع تقولي ان امكانياتي كذا و كذا مافيش مشكلة عندي
لكن المشكلة في ان رئيسي كذاب و عايز يعمل لنفسه اي انجازات وهمية بدون شفافية و واقعية
انا مش منتخب رئيس عشان يطلع يضحك عليه و مفكر ان الشعب كلو جاهل
و لا عملنا ثورة عشان يطلع رئيس جديد يستغفلنا !

و طول ما الحاكم بيستغفل شعبه ..دا يعني مافيش اي تغيير هيحصل لانه معيش نفسه في انجازات وهمية و شكرا على كدا ..

الكوارث اللي حصلت ايام مبارك في 30 سنة ..حصلت لمصر في سنة واحده
قطر اسيوط ..ال18 اللي ادبحوا في سينا ..مجزرة الاتحادية ..و كملي الباقي

و طبعا يستاهل الدبح و السلخ لانه كداب

[big bốss]

اولآ مشتاقه للجنه

مش كل حاجه نجيب لها مبرر فعلآ و نقول دا مظلوم

بذمتك دا كلام يدخل العقل يعنى عبد الناصر و لا السادات ولا مبارك

قدروا يحققوا اكتفاء ذاتى لمصر فى القمح لمدة تزيد عن خمسين سنه

يجى مرسي فى تلت سنين عايز يضحك ع الناس و يقول هعملها


ثانيآ يا دوك طارق

من غير احصائيات انا اول ما سمعت الخبر قلت كداب

لانه ولا بيفهم حاجه فى اى حاجه و فعلآ بيحاولوا يذودوا المصايب على الناس و بس

انت تعرف كمان ازمة العيش و الدقيق و التموين جم يحلوها عكوها

و لغوا حصة الدقيق و خلوا كل فرد له اربع ترغفه كل يوم

دا كلام يا ناس

الراجل دا حرق دمى كتير من القرارات الفشله الى بتطلع و بتكون مبنيه على الغلط

و عرفت دلوقتى يا طارق لما قلتلك عصر مبارك كان افضل

و ان البلد حالها كان احسن مليون مره من دلوقتى

و من بعده افتقدنا حاجات كتير مهمه فى حياتنا

مصدقية الحكومه الامن و الامان حتى متطلبات الحياه ابسط حققنا ضاعت مننا

الله المستعان ع الصبح

[مشتاقه للجنه]

طيب بينى وبينك كده هو مرسى مش محارب من ناس كتير

وأن فيه كتير عايزينه يفشل ... وعايزين الكرسى منه

انا عارفه ان سكوته على بيحصل يعتبر ضعف

بس لو وقف وعمل تغيرات زى ما غير النائب العام تقوم الدنيا مش تقعد

ولو سافر أى دوله يشككووو فى سفره زى مثلا أيران ... ولو دعا لله عيب ميدعيش ؟؟؟

اقتباس القضية مش قضية امكانيات ضعيفة ..لو تطلع تقولي ان امكانياتي كذا و كذا مافيش مشكلة عندي لكن المشكلة في ان رئيسي كذاب و عايز يعمل لنفسه اي انجازات وهمية بدون شفافية و واقعية

بالنسبه للنقطه دى ممكن تكون الاحصائيات اللى بتوصلوا مضلله
انت تعرف ان كتير من اللى مسكين مناصب بالرئاسه كانوا من أيام مبارك

تعرف ان عمرى ما كان عندى ميول سياسيه لجماعه معينه كل اللى بعرفه يا طارق
أنى مصريه وبحب مصر أووى وخايفه على مصر أووى ..
واللى بيحصل الايام دى حسب مبشوف وبسمع على الفيس
وتويتر والمواقع الاجتماعيه بجد يخوف تحس ان الطوفان جى يأخد الأخضر واليابس
فلازم نحترم الشرعيه علشان النظام ,, وإلا بقة فوضى عارمه
نصبر عليه ويخد مدته ومع ألف سلامه والمفروض كل حزب يؤهل شخصيه بارزه لاخوض
الانتخابات الرئاسيه القادمه
كل حد يشتغل على نفسه ويعمل بجد للبلد وايه يعنى لو الاحزاب أتحدت مع الرئاسه
لحل مشكلات البلد .....
دى وجهة نظرى المتواضعه

[أحمد الخزرجى]

اقتباس المشاركة الأصلية كتبت بواسطة silver spectra ه الكوارث اللي حصلت ايام مبارك في 30 سنة ..حصلت لمصر في سنة واحده قطر اسيوط ..ال18 اللي ادبحوا في سينا ..مجزرة الاتحادية ..و كملي الباقي و طبعا يستاهل الدبح و السلخ لانه كداب

وتفتكر مرسى هو اللى قلب القطر .. وهو اللى دبح الناس فى سينا ..
ولا تفتكر هو اللى قال للفلاحين ابنو فى اراضيكم وبوروها وما تزرعوش قمح ..
.................................
ننقد أخطاء
بس ما تتجناش
فى ألف خاين وعميل على استعداد انه يدفع كل ما يملك عشان كل الشعب يقولو زيك كدة ..
وصدقنى كان مرسى او غيرة ..
كان اى حد هيمسك البلد هيحصل نفس اللى بيحصل ده ..
يوم 30 اهو ويا عالم مرسى هيمشى او هيقعد ..
وعلى حساب انه هيمشى او هيتخلع او او او ..
هنفضل نلف فى نفس الدايرة .. بين اللى عاوز يعمل حاجة .. واللى عاوز البلد واقفة مكانها وبتنهار ..
ان شاء الله
ستبدى لك الأيام ما كنت جاهله .. ويأتيك بالأنباء مالم تزود
لك الله يا مصر