اولى حلقات لحظه صدق مع (Silver Spectra)

[غريـب ألأطـوآر]

السلام عليكم ورحمه الله مســأء الخير عليكم جميعا لحظات صدق . هو برنامج حوارى نغوص ونجول داخل الضيف نجبره احيانا على الاعتراف بصدق ويجبرنا هو الآخر على الانصات له حينما يثرثر برقي ويهمس بصدق على مسامعنا . بصدق ليس الا لآ نريد الا لحظه صدق بعيدا عن حروف متوهجه او اجابات وسطيه دبلوماسيه اول من يتواجد بين سطورنا انسان جميل اجتمعت لديه صفات القياده اختلف معه احيانا ولكن فى احيان اخرى تجبرنا عقولنا وانتمائتنا على احترام ذواتنا ومن ثم احترام افكارنا واراء بعضنا البعض معى طارق او سيلفر سبيكترا ااهلا بيك معانا ياطارق فى لحظات صدق. أهلا وسهلا ..و معلش على التاخر في الرد لظروف انشغالية وزى ماشوفت العنوان مطلوب منك المصداقيه الاسئله لحد ما متنوعه مين رقم واحد فى حياتك (..طارق ) ؟ مافيش مافيش شخص كامل الأوصاف ..مهما تتفق ففي النهاية هتلاقي في اختلاف ..عشان كدا عمري ما حطيت شخص و قولت اني عايز اقلده و ابقى نسخه كربونية منه لأنك اصلا عمرك ما هتعرف تكون شبه شخص لأن مافيش شخص شبه التاني و لو حاولت تبقى شبه فعمرك ما هتبقى ..مجرد هتلغي شخصيتك فى البيت عندك حسيت في يوم من الايام ان والدك بيميزك فى المعامله وكنت مدلل عن اخواتك او العكس ؟؟ لأ ..و خالص كمان باستثناء بس ان ممكن مامتي تعمل أكله مش بحبها و مش تعمل اكله اخويا مش بيحبها و بعملها فضيحة عنصرية موقف اصابك بالاحباط ؟؟ وكان ايه رد فعلك ؟ موقف قريب بدون ذكر تفاصيله .. بما انك شاب لو فى يوم فرض عليك والدك الزواج من فتاه ثريه ميسوره الحال وجميله لتبادل المصلحه مع والدها وانت تحب فتاه اخرى جميله ايضا ولكن فقيرة ماذا ستفعل ؟ بدون دبلومااسيه طب ما ناخد الاتنين ؟ هههههه ما أظنش ان في شخص ممكن يتعايش معايا و انا مش طايقه ايه القرار اللى اخدته وأثر عليك بالسلب فيما بعد ومع ذلك لم تندم عليه ؟ تسجيلي في المنتدى هنا اثر عليه بالسلب في حياتي الواقعية و مع ذلك مش ندمان لأني اتعلمت و نميت قدرات ليه هنا زي الكتابة و اللي ما أظنش اني كنت هقدر انميها في اي مكان تاني غير المنتديات ايه رأيك فى النقاب وهل ستقترح على زوجتك ارتدائه مستقبلا ؟ مش مريض بالهيمنة أنا ..دا شيء يخص زوجتي ..عايزه تتنقب عايزه تتحجب ..مش هفرض عليها زي و شكل لاني المفروض مختارها من البداية ..زي ماهي اختارتني فلو مش عاجبني لبسها من البداية هختارها ليه ؟ مجبر عليها مثلا ؟ طالما اتجوزت يبقى انت موافق عليها زي ماهي ..و لا مثلا انت متجوزها لسبب جنسي !! و بعد ما تشبع تبدأ تفرض هيمنتك ! ..معلش اللي يعمل كدا فهو مريض انت كطبيب مستقبلا.. ايه الاخطاء السائده بين الاطباء بشكل عاام وكيف معالجتها .؟ كطب اسنان فالمشكلة بتكون في الامراض و العدوى و كتير منهم بيوصل لسن الخمسين و بيتعب بسبب العدوى ..حتى أشد الأطباء نظافة ..دا لأن الفم او البؤ هو من أكثر الاماكن المعدية ..و في مصر هنا ما شاء الله ربع السكان عندهم فايرس سي بسبب الجهل اللي حصل في السبعينات و الحقن اللي كانت ضد البلهاريسيا ..استخدموا حقنة واحده زجاجية في كل قرية و ال ايه بيحطوها في غلايه ..باعتبار ان الغلايه هتقتل العدوى ..و بعدها يستخدموها لشخص تاني فدى تسبب في انتقال فايرس سي من شخص واحد لكل القرية..و النتيجة في النهاية هو ان مصر هي اعلى بلد فيها فايرس سي على مستوى العالم مقتنع بدراستك الآن ومهنتك كطبيب ولا كنت تحب مهنه اخرى ؟ و الله يا وليد ماجربتش دراسة و لا مهنة تانيه عشان اعمل مقارنة منصفة شايف ان الدوله كرمت الطبيب كفايه .؟ طبيب الأسنان بالمقارنة بالطبيب العادي فهو مدلل بيحضر تلت ساعات في اليوم بس ..دا لو حضر في حين الطبيب العام بيحضر فترة اطول خلافا للنباطشيات.. و بيحصل ضرب للدكاتره لما تحصل حالة وفاة .. فطبعا في ضعف امكانيات المنتدى : ايه رايك فى قسم صفحـأت مكشوفة ؟ قميل..بسم الله ما شاء الله قمر بتواجهك مشاكل فى المنتدى واحيانا بتتُهم انك منحاز لعضو على حساب الاخر.. كنت بتتصرف ازاى للتخلص من المشكله دى ؟؟ طنش تعيش تنتعش .. مش مطلوب مني أقنع عضو عضو و لا أتكلم في أمور خاصة و أذيع في الشوارع .. في النهاية انت لو عضو مش بتاع مشاكل ..لما يصادفك موقف هتلاقي الادارة وقفت في صفك ساعتها . لأني مش بيفرق معايا دا بيكلمني أو لأ و لو كان بيفرق كان هيبان في مواقف كتير هل فكرت فى تعيين دمعه وامجد عشان تتخلص منها ولا شايفهم هيضيفو حاجه لموقعهم كاداريين ؟؟ هو أنا كدا اتخلصت منها ؟ هههههههه المسؤولية مش حاجه بسيطة.. دا تعب و ارهاق ..خاصة انك مهما تجتهد و تتعب و تحاول تحل مشاكل ..هتواجه سيل من الاتهامات اللي مش بتنتهي خاصة من الناس التعبانه في دماغها في ناس وظيفتها في المنتدى تلت حاجات ( يتخانق - يعارض - يكون علاقات) و لو مش عمل التلت حاجات دول ممكن يحصله حاجه ..يموت مثلا ..و مش بعيد مايدخلش المنتدى تاني أو يبقى بالنسباله ممل دالوقتى الحب الصامت رجع المنتدى وحودا كمان بدأ يتواجد وانت طبعا يوميا بالاضافه لدمعه وساحر مش شايف ان 5 اداريين كتير اوى على المنتدى ؟؟ أنا و الحب الصامت و حوده وجودنا للدعم و الخبرة و المشورة مش أكتر دمعة و ساحر فربنا يكون في عونهم الاستبيان اللى حصل من فتره وشوفنا مشرفين كتير اتشالت بسبب عدم المتابعه لو حصل مع طارق ظروف خارجه عن ارادته وانقطع عن المنتدى كام شهر ممكن ساعتها يتطبق عليك قانون المنتدى ولا انت خط احمر ؟؟ وقت ما هحس ان وجودي زي عدمه هشيل نفسي بنفسي بس لغايه دلوقتي و لسه بتجيني استفسارات و احتياجات و مااقدرش ابقى قليل الاصل و مش اساعد بما ان الحوار ده فى قاعه الصفحات ومن خلال وجهة نظرك الشخصية قولنا رودى كمشرفة لصفحـأت مكشوفة قدمت ايه للقسم بتاعها ؟؟ اقولك بصراحة ..في البداية أنا اتفاجئت باشرافها على القسم بشكل مفاجئ لانها كانت عضو عادي مش مميزة و محمود حطها فجأة و في نفس الوقت ماكنش ليها نشاط في القسم حسب ما أتذكر بس بعد كدا هي اثبتت وجودها و اللون اللي اخدته هو خير رد و دليل على انها باقيت من الشخصيات المهمة هنا في المنتدى قلم بلآ حبر .. انسان محترم لاخلاف عليه وأكيد مارتكبش جريمه لما اقترح المسوده. ليه مش حاولت تكلمه تطلب منه يرجع زى مابتقرب المسافات فى اى خلاف بينك وبين حد ؟؟ كلمته بس ماحصلش وفاق ..مع اني ماكنتش فارض شروط شـأيف منتدى بنات مصر بعد تلات سنين من دلوقتى هيكون عأمل ازااى ؟ أتمنى وضعه يتصحح في البحث و يتعافى بشكل كامل لأن دا هو الأمل الوحيد في بقاءه باستمرار غير كدا فيحصل ضمور تدريجي .. وأخيرأ (غريب ألأطوأر) ده اللى هو انا طبعـأ ايه تحليلك لشخصيته من من خلال المامك بكل شى ف المنتدى وبقدر استطأعتك ؟ و الله مش أعرف حاجه عنك . عشان اكون صريح معاك يمكن انت من الناس اللي بتشارك في الخواطر و الشعر و أنا من الناس اللي مش بتحب الشعر .لاني بنظرتي الخاصة بشوفها ظاهرة صوتية مش بتقدم فكرة غير ما ندر ..و انا بحب الكلام المباشر العملي الواضح اللي اقدر من خلال سطرين تلاته اني استفيد منه باكبر كم من المعلومات لكن دا مايمنعش انه لون من الوان الفن و الابداع ..بس هي ميول و أنا ميولي مش ادبية ايه رأيك فى لحظك صدق.. نستمر ولا نقف على كده ؟ ما اظنش انك هتستمر بعد ما طولت عشان ارد ههههه وفى النهايه أشكرك ياطارق على قبول الدعوه نورتنا يا دكتور دا نورك يا وليد يو آر ويلكم وفى النهايه احب اشكرك جداا على قبول الدعوه نورتنى ياطارق دي أول تجربه ليا فى عمل برامج وتشرفت بوجودك فى أول حلقاتي ف برنامج لحظات صدق.. قبل مانختم هقول كلمه حق فى طارق طارق انسان بمعنى الكلمه اختلفت معاه كتير بس الخلآف اللى بينا كان خلآف ف وجهات النظر والآراء وأوقات يصل بنا الآمر للعناد ومع ذلك عمره ماحظرني بسبب الخلاف كان حظرنى اه بس للصالح العام للمنتدى من وجهة نظره عاوز اقولك ان عمر المنتدى ماهيعوضك ودلوقتى ابتديت اشوف انك فعلا كنت مثالى ومختلف أنا كنت لسه محظور مش عشان شتمت حد ( عشان قولت رأيي بصراحه راحت دمعه حظرتنى ) ! وعمرى ماشوفت حد ف المنتتدى اتحظر عشان قال رأيه ف الاداره ف عهدك ياطارق بالعكس انت كنت بتسمع كلآم زى السم من ناس كتير واتهامات كتير ومكنتش بتحظر اللى يقول رأيه فيك دلوقتى الحظر بقا عشان خاطر الرأي الصريح ربنا يوفقك فى حياتك واشوفك سعيد دايما .احترامي .. شكــرا لكم المتابعه وانتظرونا قريبا مع ضيف جديد

[big bốss]

حلقه حواريه جميله يا وليد

مع دكتور طارق

و هو من اساسيات المنتدى و فعلآ كنت فى انتظار اجابة منه و لقتها الحمد الله

ان المنتدى بيأثر بالسلب على حياتنا الواقعيه للأسف

و بيوصل بينا لحالة عاده مستمره

حلقه جميله و استضافه اكثر من رائعه

ثانكس دوك طارق

ثانكس وليد

[العاشق الذى لم يتب]

طبعا شرف لى أكون أول واحد ردبالرغم من رؤيتى للنك اعجاب من اختى حوراء
طبعا سعيد من خلال البرنامج قدرت أتعرف على جوانب من شخصية الاخ الفاضل طارق
وبالصدفة لسه كنت مكتشف فيه سرخطير لماكان رده على برنامج أجمد عضو اللى كنت انا زعيم العصابة فيه
الاخ وليد حسب علمنى أنك كنت محظور حمدالله على السلامة وعفا اللهه عماسلف
برنامج جامد وجميل وفكرته رائعه
بالتوفيق لك

أخويا ودكتورنا صاحب المكانة طارق
هخلى المدام تدعيلك دعوة علشان فيها سركبير سبحان الله دعوتها مستجابة

وبالرغم من أنى دعوتها حضرتك هتستفاد منها وبتضر بالآخرين
وهتقول اللهم سوس أسناس المصريين
علشان حضرتك تخلعها ليهم ونستريح من الطحن والقمح
ربنا يخليك لينا قدوة وصاحب قلب كبير وعقل كبير
ولا نتحرم من فنونك وأبتكاراتك ومسابقاتك المرعبة
وكنت طلبت من حضرتك طلب هناك
زمازلت ألح على حضرتك
حيث رأيت فيك انك أهل لذلك
وهو أن تتكرم وتتفضل بالسماح برفع الحظر عن أخويا ياسر وأدهم وكل المحظورين علشان قدوم شهر رمضان المبارك شهر التسامح والمحبة
وكما وعدونى وهم معترفين بأخطائهم
أنهم لم يعودوا لما كان منه السبب
وذلك لأنهم حقا محبين للمنتدى
وهذا نداء لك أخى الكريم أنت وباقى الاخوة الأفاضل حضرات السادة الإدارة كلكم لنا عزوة وقدوةونبراس نقتدى به
أصلح الله حالك اخى طارق ووفقك لمايحب ويرضى
وأجمل حاجة أستوقفتنى قولكحينما قلت أن الزوجة لها حرية لبس النقاب أو ماتريد
وهذا أوضح لى أنك لست تبغض السنة بقدر بغضك أقصد اختلافك مع الإخوان
جمع الله بيننا جميعا بالمحبة والنودة
سعدت بمعيتى مع عظمين عندى أعزاء

مودتى

[دمعه حائره]

استضافه جميله وطارق فعلا ادارى مايتعوضش وان شاء الله مايغيب ابدا
وليه بصمته سواء مواضيع او تطوير للمنتدى
ربنا يوفقه دايما
وبالنسبه لجملتك الاخيره ياغريب غريبه اوى
وكنت اتحظرت ليه المرات اللى فاتت قبل ماكون اداره
كان ظلم بردوا؟
عموما فيه فرق بين النقد وتجاوز الحدود فى الالفاظ
واعتراض على مخالفات انت بتتعمد تقوم بيها
واهو رجعت مكنش حظر دائم يعنى
حمد لله على سلامتك

[الأميرة رودي]

بما ان الحوار ده فى قاعه الصفحات
ومن خلال وجهة نظرك الشخصية قولنا رودى كمشرفة لصفحـأت مكشوفة قدمت ايه للقسم بتاعها ؟؟

اقولك بصراحة ..في البداية أنا اتفاجئت باشرافها على القسم بشكل مفاجئ لانها كانت عضو عادي مش مميزة و محمود حطها فجأة و في نفس الوقت ماكنش ليها نشاط في القسم حسب ما أتذكر
بس بعد كدا هي اثبتت وجودها و اللون اللي اخدته هو خير رد و دليل على انها باقيت من الشخصيات المهمة هنا في المنتدى..


الله يخليك يادكتور شهادتك اعتز بيها .. ألف شكـر ..::

:::::::::::

وليـد .. سلآمه النظر
انت عملت اعلآن فعلا للبرنامج ده فى قاعه الصفحات من فتره ولما جيت تنزله نزلته ف اليوميات
يبقى الجمله دي اصلا جايه هنا غلط
بس بجد حلقه جميله جدا والاسئله متنوعه واجابات طارق كالعاده واضحه وصريحه

انسان محترم بكل المقاييس ،، متحضر وعقلآني والكل بيقدره
ربنا يوفقه فى كل حياته
شكرا على الاستضافه ياوليد .
منتظرين باقي ضيوفك
5 نجوم والتقييم لروعه الحوار

[ياسمينااا]

حلقه جميله يا وليد
وإجابات طارق جميله
أكيد بنتمني وجوده دايما في المنتدي
وربنا يوفقه في حياته
حمد الله علي السلامه ي وليد
تسلم وليد علي الإستضافه
بإنتظار الحلقات القادمه

[hassan369]

السلام عليكم جميعاا
اخى طارق اريد ان اعلق على اجابتك
اولا فى سؤال نقاب الزوجه
اولا انا لاحب النقاب
ولكن انا رايتها واعجبتنى واعجبتها
واحبتنى واحببتها
فيوجد اشياء بعد الزواج لابد من التغير
لانك اذا اعجبت بها فاعجابك بها ممكن يكون لسببين
اولا ممكن مبداها وتقاليدها
اوالشكل العام لها
ولكن وقتنا هذا الاغلبيه ياخم بالشكل العام
فانا اخلف معك
ولكن ارجو ان تتقبل ردى

[رنين]

اممممممم
ليا تعليقين على الحلقه ^^

اول سؤال ليه اخدت ان اول شخص فى حياتك لازم يكون بتقلده او قدوه
ممكن فى انك تديلو اولويات اهتمامتك او اكتر حد بيفرق معاك يعنى شىء من هذا القبيل ^^
وسؤال الشىء ال اثر بالسلب على حياتك وكان المنتدى عجبنى الرد ده ^^

وتانى نقطه خاص بـ ا / وليد
اولا نورت مكانك حضرتك
بس يعنى المحلوظه بتاعت الحظر ومنه بعيده خالص عن مضمون الحلقه ~
وان شاء الله تكون اخر المشاكل او سوء الفهم وتنور دايما ~

الحلقه جميله ودكتورنا منور اكيد الاسئله كانت شامله الى حد ما وفى جوانب متنوعه
واكيد وجود طارق بيفرق كتير فى المنتدى مش بس عنده خبره كافيه لا كمان عنده موهبه فى الاداره والدعم
بالتوفيق يا دكتور فى حياتك يارب وعلى طول منور مكانك هنا

تسلم ا/وليد على الحلقه
فى انتظار باقى الحلقات

تحياتى .،

[SiLver Spectra]

الحلقة دي قاعدت 3 اسابيع باين عشان ارد على الاسئلة
و وليد قاعد كمان 3 اسابيع عشان ينزل الحلقة

الأول بشكرك طبعا على كلامك اللي قولته في حقي بس ملاحظ انك متعمد توصل رساله مبطنه من خلاله

عايز بس اقولك يا وليد ان الاداري بيكون عليه ضغوطات كتير ..
فمش بيكون حلو انك تيجي و تكلمه باسلوب مش كويس او فيه نقد لاذع
لانك بكدا ممكن تستنفذ طاقته ..
بيكون في اسلوب افضل من كدا في عرض وجهة نظرك ..

لو هتكلم عن موقف حظرك مني
على ما اتذكر هو انك كنت بتنتقدنا كتير كإدارة زمان و بتنتقد النية
لحاد في مره انا كنت طلبت منك اننا نكلم بعض بشكل مباشر لأني كنت حاسك راسمنا شياطين ..مش عارف ليه مع ان ماكنش حد جه جنبك وقتها غير علاء اللي حظرك
لاقيتك برضو مستمر في الاسلوب دا يا وليد في توقيعك حتى في وقت كان فيه احداث سيئة في المنتدى و كنت منبه وقتها عن التجاوزات
فماكنش ادامي غير اني اديك حظر

يعني حتى لما بنسيب الناس تنتقد الادارة ..الوضع لما يزيد عن حده مش بيكون كويس

آه طبيعي ان يكون في انتقادات
على سبيل المثال ..لو عينت حد مشرف هيقولك دا اتعين عشان يسكتوه اصله كان بيعارض
لما مش تعينه يقولك : آه ماهما مش عايزين يعينوا الشخص المجتهد دا عشانه بيعارض
طب لا كدا نافع و لا كدا نافع ..
طب ايه اللي ينفع ؟
الطناش

(تقريبا لا تخلو حلقة من اجمد عضو الا و فيها انتقادات ضد الادارة)
انا كتير كنت بطنش او مش بدخل الحلقة او بقرأ سطرين منها لو مش عايز احرق دمي و ساعات كنت بخبط لايك ..و في بعض الاوقات كنت برد
بس كتير جدا بيكون الافضل ليك هو عدم الرد
ولأن العضو اللي شايفك ظالم مثلا بسبب حظر عضو ..هو مايعرفش التطورات و التفاصيل و ايه اللي حصل و الموضوع مشي ازاي و كدا ..و كتير بيكون في اسرار مستخبية و حاجات
فلو انت دخلت توضح و تفضح .يبقى كدا هتشوه في العضو دا و ساعتها الناس مش هتقبل كلامك دا
فبيكون الافضل هو انك تلبس الانطباع السلبي بتاع العضو اللي شايفك ظالم ..احسن من انك تلبس تهمة اسوء و هي انك بتشهر بالناس
فالحل الافضل هو انك تطنش او ترد رد عام دون الدخول في التفاصيل ..او تضرب طناش

و خلي بالك ان نسبة طناش الراجل اكتر من البنت ..البنت مهما كان بتكون حساسة شوية بطبيعتها ..لكن الراجل ماعندوش دم و مش بيحس


بس لما تيجي تبص تلاقي العضو دا مثلا ماشي في كل حته يرمي كلام عنك ..و كلام نوايا و تشويه فيك .طب انت هتسكت عنه مره و بعدين !
فهنا بتضطر تاخد اجراء

النقد لما يكون اسلوبه محترم بيكون كويس ..خاصة انك بتنتقد شخص هنا
انت لو بتنتقد شخصية سياسية او ظاهرة في المجتمع ..هو مش موجود هنا معانا فممكن اسلوبك يكون قاسي مقبول
لكن لما يبقى حد هنا و بيشتغل و طالع عينه ..ذوقيا ايدي وجهة نظرك و كل حاجه بس باسلوب كويس ..مش بقولك توسل اليهم و لا حاجه

و اظن منه و امجد و حوده ناس محترمه و طيبه جدا ..مش اشرار يعني

و معلش عالاطالة و شكرا ليك على الاستضافة ..

[ساحر الأحزان]

طارق من الناس ألى الواحد بيحب يتعلم منها بحكم خبرتة وشخصيتة الى بتقدر تفيد ألى قدامة وهو الواحد بيستفيد منة كتير

ووجودة معانا بخبرتة ومعاة حودة وهيثم بينمى بخبرة الواحد أكتر وأكتر ,

بحكم تجاربة السابقة وأن شاء الله يستمر معانا على طول بجميل تواجدة,

وبخصوص النقد أخ وليد فية تنبية نزل وهو مش نازل ليك أنت مخصوص على شان تزعل منة وتدخل تنقد الظاهر فية النقد مش النقد

بس لا فية كمان هجوم صريح على شىء غير مبرر لو نقول موقف وحصل معاك وأتظلمت يبقى أزعل وأتكلم محدش منعك

ولا حط أيدة على بقك على شان متتكلمشى ,

ليك أعتراض على بند فية رسائل خاصة ممكن تستفسر منها وحيتم الرد عليك أنما أنت لو كنت فى نفس الموقف وتم تبادل الأدوار

كنت حتعمل أية؟كان حيكون أية رد فعلك ؟

نورت الحلقة يا دكتور مع وليد

وبقلة حمد لله على عودتك