خايفة منوا ومش عارفة اعملـ اية ؟؟؟؟(محتاجة ردودكم)

[♥SaRa]

الــسَـــــــــلَآمْ عَلَيَكُــمْ


آســعد الله مسائكم وأطـيب صباحكم
اتعثر في كلماتي بسبب إنقطاعي عن المنتدي فترة لاسباب متفرعة

لقد احترت في موضوع شخصي لذلكـ احتاج الي ردودكم



انا كان عندي ظروف حيث ان ماما وبابا واخويا سافروا وانا قررت اعد لوحدي لغاية ما وافقوا وهما سافروا وانا فعلا اعدت لوحدي بعض الاوقات جدتي بتيجي تعد معايا يوم يومين في الاسبوع او كلـ الاسبوعين
وبعض الاوقات واحدة من زميلاتي بيباتوا معايا


و من يومين كدا كنت عند زميلتي وراجعة علي البيت كانت الساعة تقريبا 11:35 حاجة زي كدا
وطبعا الشارع كلو عارف اني لوحدي في البيت
والمشكلة ان شارعنا اغلبو شباب


وكنت راجعة فا شوفت من بعيد ان علي كل ناصية تجمعات شباب فا قولت ابص في الارض(لاني عارفة الشباب بتوع حوارات يعدوا يقولي دي بصتلي ودي عايزة تكلمن.... الخ)
فا واحد من الشباب اسمة وليد( وهو من شارعنا)اعترض طريقي فاحاولت ابعد واكمل طريقي راح وقف تاني قدامي وقالي : اية يا قلبي من ناوي تعبرني ولا ترد عليا لية؟؟

(لان هو اصلا من زمان بيرخم عليا وكانت بتحصل مشاكل كتير بسببوا ومعروف انوا بتاع بنات ومش كويس وكدة يعني )
رحت انا رديت وقلتلوا:لو سمحت ملكش دعوا بيا تاني بدل ما اهزأك وسط الشباب دي كلها واعلي صوتي.
راح رد عليا وهو بيدحك : واللهي طب اعمليها كدة اتحداكي واعد يكمل يدحك

(طبعا انا مكنتش اقدر اعمل كدة لان هيبقي موقف محرج وهتبقي فضيحة علي الفاضي وانا اصلا كنت بهددوا وخلاص لاني اصلا كنت خايفة منوا)

فابصيت لية وكنت عايزة اكمل طريقي تاني بس المرة دية راح مسكني من ايدي وقالي: مش هعديكي انتي لازم تيجي معايا تشربي شاي

انا ساعتها خوفت وارتبكت وقلتلوا بصوت عالي :سيب ايدي انت اتجننت؟؟؟؟

في الوقت دة تجمعات الشباب بدأو يبصوا
ومن حسن حظي ان كان في مجموعة من الشباب (دول ساكنين في العمارة الي في وشنا وهما كانوا يعرفوااخويا كويس جدا)
قاموا جم ليا وقالوا لوليد: عيب كدة دي بنت شارعنا برضوا سيبها تروح بيتها

راح وليد قالوا: ملكش دعوة وكل واحد يروح لحالوا
(كان في الوقت دة سابني )
وبعيدين بدأوا خناقة مع بعض وانا مشيت بسرعة

وحتي الان لما بيشوفني بيبتسم ابتسامة خفيفة كأنوا بيتوعد ليا

بس هي دي المشكلة وانا خايفة لحسن هو

يتعرض ليا تاني ويا تري تنصحوني اعملـ اية؟
(ومحدش يقولـ ليا اقول لماما او بابا لنهم كدة هيقلقوا عليا ووقتها هضطر اسافر معاهم وانا مش عايزة اسافر)
يا ريت الرد يكون سريع

[دمعه حائره]

طبعا مفروض ماتتاخريش برا تانى كده وتكونى لوحدك
وشوفى حد كبير فى السن عندكم فى الشارع واشتكى ليه الولد ده
هايكلمه بطريقه تخليه يبعد عنك
وضرورى جدتك تيجى تقعد معاكى او انتى اللى تروحى تعيشى معاها
كده مافيش حد يقدر يقربلك لانه عارف انك مش لوحدك
ويكون احسن لو تسافرى مع اهلك مش عارفه ليه سابوكى لوحدك هنا
ده خطر عليكى الدنيا مابقتش امان زى الاول
وربنا يحميكى

[✿ Celiηα]

بصي باختصار انا مع اول كلمتين
من كلام دمعة
انك مينفعش تروحي البيت لوحدك باليل
الوقت اللي انتي ذكرتيه متاخر اوي
انتي بكتيرها 9 وتكوني فالبيت يا بنتي
عشان انتي لوحدك
وخلي جدتك تقعد معاكي اغلب الاوقات
على اد ما تقدر
وربنا معاكي يا قمر

[βÄşmα ♥]

بصي يآ قممر،
زي ماآ دمعه وسيلينآ قالولك اهم شي ما آ تتأخريش بره البيت ،

وخلي حد كبير يمشي معاكي ،

وان ششاء الله مش يتعرض لك تاني
بنشوف الاشكآل دي كتيير اووي

[big bốss]

اولآ انتى ازاى تقعدى فى البيت لوحدك

و اهلك يسافروا و يسبوكى ازاى !!!!!!

دا البلد ملاينه دلوقتى حالات اغتصاب و خطف و سرقه و هتك عرض

الموضوع دا انتى غلطانه انك تقعدى لوحدك

و وليد دا مش غلطان و احمدى ربنا انها جت على كدا

لانك انتى فريسه من نسباله و محدش هيحميكى فعلشان كدا جتله الجراه يعمل كدا

الحل من وجهة نظرى

لو مكنتيش خايفه على نفسك خافى على الى ممكن يحصل لاهلك بسببك

فالحل اما تسافرى لهم او تتصلى بيهم يجى

دا الى اعرفه و الصح

الحق احق ان يتبع


انا اسف على كلامى

بس انتى طلبتى النصيحه

وربنا يحميكى

[الأميرة رودي]

هو ماينفعش يسافرو ويسيبوكى لواحدك اصلا
بنت زيك ازاى تعيشس لوحدها ؟
واالناس اصلا مش بتسيب حد فى حالها لآ من الكلآم ولا من الآفعال
من البدايه كان مفروض تسافرى معاهم
ولو مش حبه السفر يبقى تروحي تعييشي مع جدتك او هيا تيجي تعيش معاكي
المهم تكونى مع حد مسئول عنك
وبرده حكايه تتأخرى بره فده مش مستحب حتى لو اهلك هنا فهو برده مش كويس للبنت تتأخر بره بيتها لحد بالليل كده..
ربنا يوفقك ويحميكي ياحبيبتي

[ĄȟϻЄɖ Ṇᶐβϊɭ]

في الزمن ده بقي ده شغل الشباب
يترصدوا لأي بنت
حلك زي ما قالوا تشتكي لحد كبير في الحاره
وخلي دايماً معاكي اي حاجه تدافعي بيها عن نفسك لأي ظرف لقدر الله
ثانياً أعتقد ليكي عمام خيلان أو أولادهم كبار او حد انتي بتستأمنيه وكلميه وخليه يحط حد للهبل ده
وأكبر خطر دلوقتي عليكي عشان خبر ان أهلك كلهم برا وأنتي لوحدك ده هينتشر
وهتبقي هدف سهل للـ مفيش وصف يكفيهم
يعني دلوقتي لازم حد يبقي في ظهرك
حد كمان يملي عنيهم
باتي في بيت حد من القرايب ولو تقال عليكي عند جدتك
المهم تتصرفي وخلاص متبقيش لوحد
وربنا إن شاء الله هيسترها معاكي
وهتعدي علي خير
وإن شاء الله يرجعولك بألف سلامه

[حَرفُُ هجآءّ]

اكبرغلط انك تقعدى لوحدك
سهل جدا حد يطلع يكسر عليكى باب الشقه
ولا قدر الله تصل مصيبه لا تحمد عقباها
انتى المفروض ياما تسافرى لمامتك اما تروحى عند جدتك
ياجدتك تيجى تقعد معاكى
وكمان مش عشان اهلك وثقوا فيكى ترجعى البيت فى وقت متأخر كده
ربنا يسترها عليكى وعلى بنات المسلمين

[خارج عن القانون]

الحل هو اخوكى

[اميرة الحب الضائع]

يا بنتى ازاى تعيشى لوحدك

لازم طبعا تسفرى لاهلك مش تستنى لما تحصل حاجة لقدر الله

ولا جدتك ولا اى حد ينفع يقعد معاكى لازم اهلك

والولدة معا حق لما بنت ترجع البيت الساعة دخلة على 12 تبقى اية

اكيد مش هيفكر غير تفكير زبالة

يا بنتى انتى ملكيش غير اهلك لازم تسفرى وتعيشى معاهم
احسن متجيبى المشاكل لاهلك