الحلقة السابعه من ( أخبار اعضاء بنات مصر )

[morshooo]

بسم الله الرحمن الرحيم

اهلا بيكم فـ

( أخبار اعضاء بنات مصر )

والان مع التفاصيل

ابتسامه الزهر ( تنظيم مسابقه قريبا جدا )

الرجل المتواضع ( زعيم المجرمين )

القيصــــر ( سبب دخولة البسيط حاليا )

Nefertiti ( باى باى يا منتدى )

غريب ألاطوأر ( لحظه صدق )

والان مع التفاصيل

ابتسامه الزهر



ابتسامه الزهر اهلا بيكى وعايزين نعرف ايه اخر اخبار قسم الابداعات وياترى بعد تعينك على القسم شايفا ان القسم فعلا متعب ؟ وايه الجديد الى ناويين تقدمو فى القسم الفترة الجايه ؟

اهلا بيك احمد

الحمد لله القسم ماشى ويمكن انت شايف ان فيه اقلام جديده
بدأت

تكتب فيه والقسم زى اى قسم فى المنتدى جميل

ومشكلة الأقسام الأدبية

ان مش كل عضو عنده ملكة الكتابة الشعرية

وان شاء الله فيه قكرة مسابقتين منهم

مسابقة قريبا جدا حتنزل ويمكن سبب التأخير هى الامتحانات

واكيد قوة انثى عندها افكارها هى الاخرى

الرجل المتواضع




حمدالله على السلامه ومبروك الالفيه الـ ( 13 ) ؟ وعايز اعرف منك ايه شعورك بعد هجوم الاعضاء عليك فى توبيك اجمد عضو ؟

انا بخير وطبعا لاأخفيك سرا كم أحزنتنى تلك الردود

بل قل الهجوم القاتل

كم أحسست وكأنى زعيم المجرمين

وكم فاضت دموعى مرات ومرات

وكم بكى قلبى وحزن

حيث أننى لم استطع توصيل ماقصدته فى التوبيك

ولكن والله بقدر حزنى بقدر فرحتى

وأننى لم أزعل من أحد ولم أبغض احد والجميع عندى أحبة

بس كنت بكتب الردود وانا تقريبا شبه مغيب

طولت عليك حبيبى احمد سامحنى لحسن انت تعرف تجرجر كويس

القيصـــــر



القيصر الاعضاء عايزة تطمن عليك وعايزين نعرف اية اخر اخبارك وايه جديدك الفترة القادمه ؟

وعليكم السلام ورحمة الله وبركاته

أهلاً بــ الإعلامي المخضرم مرشو

وأهلاً بـ أعضاء منتدانا الغالي لهم محبتي وكل تقديري ( على رأسي )

الحمد لله أنا بخير يـ أحمد وفي نعمة من عند الله

أما بالنسبة لأخباري : عندي شغل كتير أوي الأيام دي

وعلشان كدا دخولي بسيط ،

ولو دخلت المنتدي بمعمل مشاركة ولا أتنين وأطلع تاني

لكن أن شاء الله الفترة الجاية يكون النشاط أعلي

أنا أخر حاجة كتبتها : أنـــا العاشــــق

أنــــا الــعــاشــــق ... حصري لــ { قــول يــا عــم }

عاشق لمصر وخايف عليها ربنا يسترها

تحياتي لك ي أحمد ولجميع الأعضاء ومحبتي

القيصـــر

Nefertiti



اهلا سما الاعضاء عايزة تعرف ايه سبب عزلك عن الاشراف ؟ وايه سبب انك مش هتدخلى المنتدى تانى ؟

اهلا بيك ي مورشو سبب العزل مش واضح ليا بصرف النظر

ان اتفاهمت مع الادارة وتقريبا كنا اتفقنا والصورة وضحت

وخلاص رجعت عن طلب اعفائي من الاشراف بس دخلت

لاقيت اللون الاسود وزي ما يكون دا مكافأة سما وطبعا

الموضوع فية غلط كتير بس اخلاقي متسمحش ودا ملخص

للحكاية وعدم دخولي فدا لاني اتهانت واتصدمت بجد

وماكنتش احب ان اخرج من مكان ضيعت فيه وقتي بالشكل دا ،

كل سنة وانتوا طيبين وربنا يوفقكوا

ويارب ميكونش حد زعلان مني برغم اني زعلانة

غريـب ألأطـوآر



غريب الاطوار مبروك التوبيك الجديد ( لحظه صدق ) واستضافه موفقه مع ( طارق ) ؟ الفكرة جاتلك ازاى وليه اخترت ( طارق ) اول حلقه ؟ وناوى تستمر فى التوبيك والا حلقه وانتهت وكنت عايز تعرف حاجا ؟

الله يبارك فيك مـأرشو بيه

الفكرة جاتلى زى ما بتيجى للجميع يعنى

عايز اعمل برنامج زى ما انت عامل كده شغل غيرة يعنى

واخترت طارق بالذأت لانه من المع الشخصيات هنا

واكيد نسبة المشاهدة والردود هتبقى عالية لان طارق فيها

والنجاح المبداى للبرنامج هيعتمد على نسبة الردود

ومفيش ارض خصبة عشان الم الناس بما انى مش معروف

اوى يعنى من كل الناس لان دخولى قليل فشغلت

دماغى بقا فجيبت الجنرال الكبير

عشان يصيتنى هنا ههههه شوفت صراحة قبل كده بقا اكتر من ديه

لا يا باشا ناوى استمر باذن الله بس مش بطريقة نشطة وصاروخية

انا الحلقات هتبقى ع الهادى اوى عشان ظروفى

واهو على قد لحافك مد رجليك

تقعدو بالعافيه

[βÄşmα ♥]

أخبآر بعضهاآ حلو وبعضهاآ محزن زي خروج سما من المنتدي
ان ششاء الله تغير رأيهاآ ،
،
،
تسسلم موروشو علي الحلقةة الجميلةة دي
،
منتظره جديدك ^^

[ٻڼوُﭠہ مَصَــ♥ـــرُﭜہ]

فى اخبار حلوة
وخبر سما محزن اوى
ليهـ يا قمر هتسبينا وهتروحى فين ؟!
يارب تغيرى رأيكـ !!

تسلم مورشوا ع الحلقة

بتوفيييييق

[ارهابية وامى عرفة]

جميل اوى الاخبار وبجد زعلت اوى على سما

بجد هيا شخصية جميلة جدا وربنا يوفقها

واكيد الادارة ليها وجة نظر احنا منعرفهاش الان اكيد هما اكتر ناس عرفة

مصلحة المنتدى وبجد بقدملهم اكبر تحية

اما بالنسبة للقيصر

فربنا يرجعك للمنتدى بالسلامة

ورفعت

الصراحة انت كنت صريح اوى فى التبويك اجمد عضو

ومتزعلش كلنا هنا اخوات ومهما اختلفنا هنفضل اخوات

اما ابتسامة اعملى حسابك انى مشتركة ماشى

عشان لو مقلتليش هدخل افجر القسم ماشى

موضوع جميل اوى يا مرشو

بالتوفيق للجميع

تقبلو مرورى

[noody :)]

نااااااااايس فكرة الاخبار دي
تسلم

[gold rose]

حلقة جميلة أوي .,
بجد حلقة رائعة .,
أنا بعتذر لـ أ\ رفعت لو كان زعل مني
وهيا كلها وجهات نظر وبس .,

وسما متشليش في خاطرك أكيد
في سوء تفاهم أو كدا .,

والقصير يا رب تخلص أشغالك على خير
وترجع تنور المنتدى من تاني .,

بالتوفيق ليك يا ابتسامة في مسابقتك .,

وغريب الأطوار البرنامج ناجح جداً على فكرة .,

جميل منك كالعادة يا مورشدي .,

[Mahmoud Kamel]

رصـد اخر اخبـار الاعضاء
فكره جميله مفيش كلام
وربنـا يوفق الجميع يارب
وبالنسبه لـ سمـا طبعـا نحترم رائيك واجرائك ودا مكانك فِ اي وقت
لاننا كلنـا اخوات ان كان لون عضويتنا سوده او زرقه او خضره حتي ^_^
بس السبب الاعفاء السبب الاول هو طلبك ليه اكتر من 3 مرات علي الاقـل
وعند التفاهم انك كنتي بتسـاومي علي قسم غير القسم اللي انتي متعينه فيه
ومكنش فيه سبب بصراحه واضح انك تطلبي الاعفاء علشان عدم توافق مشرفين القسم
المساومه غير مقبـوله بـ اي شكـل لان اختيار المشرفين للاقسام بيكون له معايير وشروط
وقدره العضـو علي ادارة القسم بالشكل الصحيح ..
ده توضيح مش أكتر وتنوري فِ اي وقت

موفقيـن جميعـا

[الأميرة رودي]

تجميعه حلوه من الآخبار

::::::

ابتسامه الزهر ربنا يوفقك ياحبيبتي عارفين المسئوليه مش سهله عليكى انتى وقوه أنثى
وقسم بحجم الآبداعات محتاج شغل ومجهود كبير



أ- رفعت مش تزعل من حد هيا وجهات نظر
مش أكتر وكلنا أخوات بنحترم بعضنا


القيصـر
وجودك شرف لآى مكان
ربنا يعينك ويوفقك فى شغلك وكل حياتك


سمـــا !!

ليه تودعينا بالشكل ده
وجودك كان جميل وروحك زى النسمه بجد
لو فيه سوء تفاهم ممكن يتحل ونتناقش فيه
ولو مش عاوزه مسئوليه الاشراف بلآش منها بس خليكي مش تمشي .



غريب الآطوار
مبــروك العوده و برنامج جميل جداا وبدايه موفقه وناجحه جدا جدا
وان شاء الله بتمنالك الاستمراريه ومنتظرين باقى حلقاتك


مورشو

رائع كعادتك
تسلـم

[morshooo]

اقتباس المشاركة الأصلية كتبت بواسطة " 7oda " رصـد اخر اخبـار الاعضاء فكره جميله مفيش كلام وربنـا يوفق الجميع يارب وبالنسبه لـ سمـا طبعـا نحترم رائيك واجرائك ودا مكانك فِ اي وقت لاننا كلنـا اخوات ان كان لون عضويتنا سوده او زرقه او خضره حتي ^_^ بس السبب الاعفاء السبب الاول هو طلبك ليه اكتر من 3 مرات علي الاقـل وعند التفاهم انك كنتي بتسـاومي علي قسم غير القسم اللي انتي متعينه فيه ومكنش فيه سبب بصراحه واضح انك تطلبي الاعفاء علشان عدم توافق مشرفين القسم المساومه غير مقبـوله بـ اي شكـل لان اختيار المشرفين للاقسام بيكون له معايير وشروط وقدره العضـو علي ادارة القسم بالشكل الصحيح .. ده توضيح مش أكتر وتنوري فِ اي وقت موفقيـن جميعـا

يعنى مش الادارة الى قالتلها تختار قسم
تبقى مشرفه عليه زى ما قالت .

[Mahmoud Kamel]

اقتباس المشاركة الأصلية كتبت بواسطة morshooo يعنى مش الادارة الى قالتلها تختار قسم تبقى مشرفه عليه زى ما قالت .

لا لو هي قـالت الخبـر كـامل كان من بـاب الـمصـدقيـه
كـانت قـالت انهـا طلبت تروح قسمين معينين ^_^