قريبا : ( بقى دا كلام ) الجزء الثانى ( فى رمضان 2013 ) ^_^

[morshooo]

بسم الله الرحمن الرحيم



اهلا بيكم جميعا

من كام يوم نزلت اعلان البرنامج دا

( اجمد حوار )

http://forums.banatmisr.com/msryat425679/

والاعضاء اقتنعت فعلا ان دا توبيك جديد

ولكن حكايه التوبيك دا كانت كالاتى :

قررت انا و ( Ļẻtסĩ√ ) اننا نعمل مقلب فى الاعضاء

ونزل البرنامج دا فى ( شهر رمضان )

عشان نقولكم ( كل سنه وانتو طيبين )

فكرنا هنعمل المقلب ازاى قولتلها مفيش الا حاجا واحدة

صحيح انا عملتها قبل كدا بس محدش هيفتكر .

الفكرة هنبعت للاعضاء ان فى برنامج جديد

ودا رئى ( مورشو او اسيل ) فيكو ومطلوب منكم

تردو على النقد او الكلام دا .

انا واسيل عملنا ( 6 حلقات مع بعض )

وبعد كدا حصلت ظروف وانشغلت ( اسيل )

فقررت انى اعمل انا لوحدى المقلب واكمل فى الاعضاء

فعملت لوحدى ( 9 حلقات ) ^_^

الصعوبه فى البرنامج ان كان لازم نوجه نقد موجود فى ضيوفنا

او بمعنى اصح لما يشوفو النقد محدش يتخيل انه مقلب وفعلا الحمد لله

مفيش اى حلقه حد عرف انه مقلب سواء حلقاتى مع ( اسيل )

او حلقاتى لوحدى .

الاجمل بقى ان هنشوف ضيوف كبار او من العيال التقيل ^_^

من اول الادارة لحد العضو العادى

وكله خرج عن شعورة ومسك نفسه وشرب المقلب وهو مبسوط

وكلهم قالو هنذيع والحمد لله ماعدا عضوة واحدة موفقتش ان الحلقه

تنزل وطبعا قولت مفيش مشكله .

دلوقتى هنشوف الاعضاء الى عملنا فيهم المقلب

( morshooo ) و ( Ļẻtסĩ√ )

( حلم عمرى )
( الحلقه عند اسيل )

( شاعرة الرومنسيه ) الـ قالت
( ارحمنى بقى بدال مااجى اموتك انت وهى )

( حنــون ) قالت
( بكتب عشر سطور مش بتفهمى منهم غير سطر طب كويس )

( sh2wa )
( احمد انا اتضايقت منها اوى خرجنى من الموضوع دة ممكن )

( اركو بالينو )
( الحلقه عند اسيل )

( الاميرة رودى )
( الحلقه عند اسيل )

ودى الضيوف الى عملت فيهم المقلب لوحدى

( gold rose )
( بجد مش عارفه وثقت فيك ازاى انتا حرقتلى دمى )

( كوين ميرو )
( انت اشر انسان شوفته فى حياتى والله يااحمد جيبت الشر ده كله منين )


( عاشقه زكر الله )
( هههه انا مش قادرة ابطل ضحك بصراحه حقا انتا نرفزتنى حرام عليك)


( جبل عالى )
( يابنى دا انا مسكت نفسى ع الاخر وربنا بس مقلب خبيث )


( عاشقه الهدوء )
( الله يخرب بيت دماغك يا مورشو دا انت فظيع بس مقلب فى الجوول )


( SiLver Spectra )
( استنى اجري وراك و ادحفك بالطوب شوية بس بتعرف تمثل )


( قيثارة الصمت )
( برافوعليك يخربيت دماغك وقاعده اقولك ياقمرايه ومش عارف ايه )


( الرحال المتمرد )
( بالنسبالي الموضوع مَكنش مَقلب لا فى اثناء الحوار ولا بَعد ما خبرتني بـ إنك كٌنت الناقد )


( booody99 )
( والمقلب بصراحة تحفة انا دخلت وقرأت عنه وصدقت يا جدع ولكن مورشو مش سهل يا جدعان )


احم احم

كل الضيوف دى هتشفوهم معانا وهتشوفو

كان ايه رد فعلهم لما بعتنالهم النقد .

كل سنه وانتو طيبين

انتظرونا فى

( رمضان 2013 )

[Arco Baleno]

هههههههههههههههههههتصدق بالله اني ما اكلت المقلب كويس
بس زعلت 3 حبات وارجعه لك 3 العيد هههههههههههه
اكمل رد في حلقتي جواتي رغي كثير يا فهيمو تعرف دي الكلمه ههههههههههههه
بكل تاكيد شكلها حلقات حلوه بس حلقتي هي الاحلى لاني قوس قزح
ههههههههههه
في انتظار الحلقه لو ماكنت مشغوله ههههه

[شاعرة الرومانسيه]

والله العظيم انت حرقت دمى

واسئلتك مستفزه وتخرج عن الشعور

بجد بجد انت وصلتنى لدرجة مقدرش اوصفها لك

وكل ما امسك نفسى تسألنى سؤال مستفز

ياااااااااالله والاخر يقولى دا كان مقلب

انت بجد مش هاتموت موته طبيعيه

هههههههههههههههه مستفز

[حلم عمري]

انا وبلا فخر اول واحدة شربت المقلب
بس واضح انك حرقت دم ناس كتييير
خاف علي نفسك يا مورشو الاعضاء المرة الجاية هيجروا وراك يحدفوك بالطوب
مستنية اشوف حلقات باقي الاعضاء

[مشتاقه للجنه]

هههههههههههههههه ماشى ماشى هنضحك يعنى ونتسلى برمضان

مورشوو ليييه بس يا ابنى أنت عريس جديد

فى أنتظار الحلقات

[&& برنسيسة المنصورة &&]

هههههههههههههههههه
جااااااااااااااامدة
دخلت عليهم كلهم
ههههههههههههههه
تعيشوا وتاخده غيرها
تسلم ايدك علي المقلب الحلو

[booody99]

لقد وقعنا في الفخ يا جدعان ههههههههه

تسلم على الفكرة الجميلة وهنشوف بلاوي

كل سنة وانتم طيبين

[Aya 7ekaya]

ههههههههه ربنا ع الظالم ورينا بقى الفضايح كده

[jasmean]

هههههههه
مورشو انت كنت بتشتغلني هههههههه

[رووكه]

انت مش ينفع عليك

غير ابو الافكااااااااااااااار

هع هع هع

والله يا أحمد محدش يستغرب اى حاجه منك

قلبى عندهم بجد

تسلم أحمد ومنتظرين الحلقات

رمضان كريم عليك وعلي الجميع