الحلقه السابعه من برنامج "لتطوير ذواتنا وتغيير حياتنا "ومعانا رنين

[ياسمينااا]

أهلا ً وسهلا ً بكم أعضاء منتدي بنات مصر موعدنا وحلقه جديده من برنامج (لتطوير ذواتنا وتغيير حياتنا ) ومعانا شخصيه مميزه بصراحة مش ليا أي تعامل معاها بس أكيد هعرفها إن شاء الله من خلال الحوار دا إسمحولي أرحب بضيفتي رنين مشرفة قسم حواء سابقا لــحــن خــٵڔج عڼ اﻺيـقاع ,,♥ أهلا ً بيكي رنين انتى ال شخصيه جميله ^^ وان شاء الله نعرف بعض اكتر ^^ في البداية تحبي تشربي إيه ؟ نسكافيه ^^ إتفضلي حبيبتي ونبدأ معكم الأسئله 1- ماهي نقطة ضعفك ؟ امممممممم تصدقى مش عارفه بالظبط بس اى حاجه ليها علاقه بالانسانيات نقطة ضعف بالنسبه لى ^^ 2-اذا واجهت مشكلة ما تحب ان يشاركك احد بحلها أم تعتمد على نفسك؟ اعتمد على ذاتى ^^ 3-ماهي اصعب كلمة ممكن ان تقولها لأي شخص ؟ اى خبر وحش يخص الشخص ده 4-تعتبر نفسك محبوب اذا الجواب ( نعم) برايك ايه السر؟ يعنى الى حد ما الحمد لله بحس بكدا مش عارفه السر ايه بس يمكن علشان بحبهم ^^ 5-ماهي مشكلة العصر في نظرك ؟ الفرااااغ 6- ( فاشل..ناجح ..طموح..قوي..) بتعنيلك ايه هذه الكلمات؟ فاشل >> مرحلة ما بنمر يعقبها نجاح او مزيد من الفشل ,, ناجح >> كل واحد لسه بيحاول ده شخصيه ناجحه طموح >> ثقه باالله وثقه بالنفس وامل جديد ,, قوى >> اعتراف بالعيوب ومواجهتها ونشر الخير والتفاؤل طبعا مع الثقه بالله 7-ماهو الشيء الذي يطاردك في كل مكان وانت تهرب منه ؟ الشعور بتأنيب الضمير بدون اسباب 8-متى تشعر بانك محبط ؟ لما مش بنجز اى شىء فى حياتى وكمان اما احس انى بعيده عن ربنا وال حواليا مش مبسوطين 9--هل تمنيت الموت يومآ ومتى ؟ ايووون ^^ رمضان ال قبل ال فات والسنه ال فاتت ^^ بعد الشر عليكي يا قمر 10-من هو الشخص اللي اذا شفتو بتحس الدنيا لسا بخير؟ الناس ال سنها كبير وهى بتبتسم ^^ معاكي حق والله تحسي كدا إنهم بيدوكي تفاؤل 11--ماهي الطريقة التي تعبر فيها عن غضبك ؟ ممكن ابكى من كتر الانفعال واكتشفت انى بقدر اتعصب ^^ 12-ماهو دافعك في الحياة ؟ اولا رضى الله سبحانه وتعالى ثانيا رضى امى وابويا وانى اخدم دينى واحقق نفسى ^^ ربنا يحقق لكي كل اللي بتتمنيه 13-عبارة تفائل دائما ترددها ؟ انا عند حسن ظن عبدى بي ^^ 14-متى تكذب ؟ لما بحاول اشجع حد قدامى او اوقيه وانا شايفه ان الاسباب ضعيفه واكيد احيانا بنغلط يعنى << احنا مش ملايكه ^^ أكيد معاكي حق كل واحد فينا ليه أخطائه 15-ماهو شعارك في الحياة ؟ مش حاجه معينه انا مؤمنه بحاجات كتير وبفتكريها فى مواقف معينه بس فى ايه بحب افتكرها دايما " والذين يجاهدون فينا لنهديهم سبلنا وان الله لمع المحسنين " 16-حكمة تتاخذها شعارا بالحياة؟ اذا رأيت فى غيرك جميل فاعلم انا بداخلك اجمل لشيخ الشعراوى رحمه الله ربنا يرحمه 17-انت قوي-اذآ ( من الشخص الذي تضعف امامة) ؟ مش شخص معين بس انا لما بغلب مشاعرى بكون ضعيفه 18- ماذا علمتك الحياة ؟ دوام الحال من المحال ^^ ورضى الناس كلها غايه لا تدرك ^^ وانى محكمش على حد طالما انا مش فى ظروفه " لو دخل كلا منا قلب الاخر لاشفق عليه " 19-ما لون كل من : الامل ، السعادة ، الحزن ، التفاؤل ، ؟ الامل >> دهبى ^^ السعاد >> ابيض الحزن >> اسود التفاؤل >> سماوى 20-شيئ لايعجبك بنفسك وحابب تغيرو؟ التردد 21-هروب الكلمات من مخيلتك عندما تكون في أمس الحاجة لها كيف تعالجه؟ انا واخده دكتوراه ف الصمت ^^ 22-تؤمن بلبس الاقنعه لتتكيف مع الحياة من جميع النواحى ؟ لا مش اسمه لبس اقنعه بس اؤمن ان ال يعامل الناس كلها بنفس الطريقه هيخسر لازم يكون فى مرونه زى ما قالت دينا مع ثبات المبادىء اكيد فى حكمه سمعتها " لو عالج الطبيب المرضى بنفس الدواء لمات معظمهم " دكتوره بقى وكدا أنا أقصد الناس اللي بتلبس أقنعه وبتكون حد تاني غير شخصيتها عشان مصلحه ليها 23-هل فشلت في تحقيق شيء مهم في حياتك؟ اممممممم هو انا احيانا بحس بالفشل بس شىء بعينه لا يارب يكون النجاح دايما ً في حياتك 24-باقة ورد لمن تهديها من الاعضاء اللي بالمنتدى. وباقة من الشوك لمن تهديها ؟ لا دووووووول كتير اوى حرام عليكى ^^ شوووك تؤ مفيش 25-من تتمنى ان يكون الضيف بعدك ولماذا ؟؟ هاتى زيزى " تيتشر نفشه " بنووته عسووووله ونشوف فكرها بقى ماشى ازاى ^^ تسلمي لقبول الأستضافه رنين نورتينا حبيبتي نوورك يا جميل وحلوه الاسئله ^^ يارب اكون ضيفه خفيفه بقى ^^ مرسي لكي رنين مره تانيه عجبتني إجاباتك نورتي الحلقه أتمني إن الحلقه تنال إعجابكم دمتم بخير وحب

[ابراهيم دياب]

ياسمينا/

حوار رائع وخفيف ودمه خفيف

وضيفة خفيفة الظل زى النسيم

دمتى اختنا الكريمة بكل ابداع وتقدير

ومزيد من الرقى والتقدم

[رنين]

اقتباس أنا أقصد الناس اللي بتلبس أقنعه وبتكون حد تاني غير شخصيتها عشان مصلحه ليها

هو فى فرق بين التأقلم مع الحياه وبين انى انافق لتحقيق المصلحه
طبعا انا ضد كدا
لان هيجى عليه وقت وهيبقى خلص كل الالوان ال عنده وهيبقى الدور بايخ اوووى ومحدش هيصدق الوشوش دى

الحلقه منوره بيكِ يا ياسمينا
وتسلمِ على الاستضاافه الجميله دى
وميرسى على النسكافيه ^^
تحياتى لكِ يا قمرايه

[الأميرة رودي]

عسوله والله رنين وانا بحبها فى الله من غير اى تعامل
انسانه عاقله وجميله ماشاالله ومدونتها انا بعشششششقها
ارائها وفكرها يددل على شخصيتها الراقيه
ومش تقلقي يارنين مشكله التردد بقت عند معظم الناس
تحسي ان العوامل البيئيه والظروف الملخبطه اللى عايشين فيها لهم أثر كبير على نفسيتنا

استضافه جميله جدا ياسمينا
وفقتِ ف اختيار الضيفه
تسلمين حبيبتي ويدوم التميز
*****

[تيتشر نفشه ツ]

الحلقه جميله جدااااااااااا
ريللي مش بجامل
كلها تفاؤل وواقعيه كدا
واحلى حاجه ان الاجوبه مش مثاليه زي م بنشوف كتير
طول عمرك سيبشيال , دكتوره بقا وكدا :d

بس عاوزه اصحح حاجه بئآ ياعسليتي ^_^
قال تعالى " والذين جاهدواْ فينا لنهدينهم سبلنا وإن الله لمع المحسنين " ^^
مش والذين يجاهدون ,,

الخطأ وارد ووجب التنبيه
حافظه القرآن بئآ وكدا ^_^


الحلقه حلو جدا
منوره بيكما سلمى وياسمينا ,,

مكنتش هنا

[هاني ,,,]

برافو ياسمينا ... برافو رنين

في خاطري الشيئ الكثير لـ هذه المقابلة ،،

ولكني .. لست على مايرام !!

حفظ الله الجميع ،،

إحترامي وتبجيلي وتقديري

[عاشقة ذكر الله]

سلمى منووووره الحلقه و ربنا ^^
تسلم ايدك ي حبيبتى على الحلقه المميزة
و أكيد سلمى من الشخصيات الجميله هنا
ربنا يوفقكم و يسعدكم

[العاشق الذى لم يتب]

برنامج جميل ولذيذ
وأسئلة جميلة ومتنوعة ومفيدة وكثيرة
ماشاءالله عليك اختى الغالية الست / أم يوسف
مشرفتنا الرائعة

يدوم نشاطك ولاننحرم من إستضافاتك لكثير من الأحبة فى منتدانا الغالى
وكويس انك تعرفتى على الأخت الفاضلة رنين
هى قالت قبل كده ماأعرفوش ماعاشرتوش ماشفتوش
وماحصليش الشرف أتعاملت معاه
وأنا أقول حصلى الشرف الكبير لما تعاملت معاى
وكم كنت ومازلت أتابع كتاباتها ومواضيعها حينماكانت مشرفة لقسم حواء
وكانت منظمة مسابقة وحصلى الشرف أشتركت معاها
شخصية رائعة وطيبة ودمها أخف من الخفة
أخت لنا جميعا
بارك الله فيك أختى رنين
كانت كل إجاباتك عاقلة ومتزنة ورائعة
لاحرمنا جديدك المفيد
وتحياتى ليكم أنتم الأتنين أخوتاى الأعزاء
شرفت بمرورى هنا
مودتى

[الحان الورد]

،

حلقة رائعة جداً
أنا بحب كلام سلمى ^^
هادي وعقلاني ، وهي روحها حلوة ودا بيظهر ف الكلام ^^
ربنا يوفقك دايماً ان شاء الله
وتسلمي ياسمينا ع الموضوع ..

[سارة بنت مصر]

حلقه جميله مع مشرفه اجمل

بالتوفيق والى الامام دائما