شوية عقل

[فرانكو.هدوء ملك]

السلام عليكم ورحمة الله وبركاته .

كيفكم اعضاء منتديات بنات مصر

والله وحشتوني

طبعا اخبار امبارح معجبتش اي حد

لا المؤيد ولا المعارض

البلد اصبحت في اقل من دقيقه بتهيج علي بعض

احنا مش هنعمل محللين وهنقول اسباب

لان الاسباب بصراحه معروفه للكل

طيب ايه الحل ي شباب ؟

هنسيب البلد كده تولع يوم 30 /6

يعني ده اسلم حل

متتصرف ي عم طارق ف الموضوع ده

يا جماعه الاخوان مش هيسكتو

والمتمردين مش هيسكتو

يعني البلد هتروح ف شربة ميه وده الي عايزينه ( الفلول )

انا نفسي افهم حاجه بس
هما مين دول الفلول الي مصدعينا بيهم

كل شوية فلول فلول

ولا هيا كلمه طلعنا فيها وخلاص

طيب هما لو معروفين ليه ميتقبض عليهمم ونريح البلد من شرورهم

مبئتش فاهم حاجه

يجماعه عايزين نتفق علي شي ينقذ البلد

يعني مثلا نعمل مهله شهرين كحد ادني لعمل انتخابات جديده وتثبيت شرعيه ومن حق مرسي الترشح مره اخري

والي هيتم اختياره غصب عن اي حد يفضل الاربع سنين بتوعه

ومش كل شويه مظاهرات واعتصامات ووجع دمـاغ

يعني هيا المظاهرات كانت جابت ايه

وبصراحه احنا شعب همجي

ميفهمش يعني ايه حريه

كنا عايزين تحرير عقول قبل تحرير الميدان

يلا بقي ربنا يكون في عونا كلنا

وينصر الحق

ويحافظ علي بلدنا الي بنحبها

[العاشق الذى لم يتب]

والي هيتم اختياره غصب عن اي حد يفضل الاربع سنين بتوعه

ومش كل شويه مظاهرات واعتصامات ووجع دمـاغ

هى دى خلاصة الموضوع

ليه مانعملش زى جميع دول العالم
ليه مانرضاش بحكم الصندوق
لييه مانعرضش بالكلمة الحسنة
ليه كل دى مظاهرات واعتصصامات

وليه كل ده قتل وتخريب وسب وشتم
اشمعنى احنا مش عارفيش نعيش الحرية
ولا يعنى لازم ييكون علينا حاكم جبار يقتل ويحبس اى حد يعارضهعاوزين شوية عقل يياناس
شكرا لك يياغالى
خوفك على مصرنا ربنا ييحميها

تقبل تحياتى وودى

[فرانكو.هدوء ملك]

اه والله نفسنا نخاف علي البلد دي

الملجأ لينا

الام الحنون

جرب بس تعيش غريب

هتلاقي ان بلدك هيا الحضن الوحيد

مهمها هتتغرب هتكون هيا القبر ليك

نخرب فيها ليه وعشان مين

ده القطار بتاعنا

والمدرسه بتاعتنا وبتاعت ولادنا

والهيئه الفلانيه بتخلص مصالحنا

والشرطه بتحمينا والحامي ربنا

والجيش بيحرسنا والحارس ربنا

مين عايزز يخربها

اكيد مش من اولادها

شكرا ايها الرجل العظيم المتواضع علي مرورك

دمت بكل خير

[كوين ميرو]

والله الرئيس كان المفروض يحلها امبارح فى خطابه الطويل العريض ده

اللى طلعنا منه بمفيش لو عايز يحقن دم المصرين فعلا ابسط الحلول

مش هقولك يستقيل تقيله شويه على الاخوان بعد ده كله

هيقول ببساطه انا قررت اعمل انتخابات رئيسيه مبكره لو هو واثق جدا انه له شعبيه زى مابيحاولو يقنعو نفسهم ليل نهار

ويدخل الانتخابات نجح كان بيها يبقى تمرد دول شويه عيال غاوين وجع قلب واللى مضو على استمارت تمرد دول نرميهم فى النيل مش مشكله

والله سقط يرضى بالامر الواقع ويفهم انه كان رئيس فاشل مقدرش ينجح فى السنه دى فى اداره البلد

بس الرئيس طلع يقول انا الرئيس وانا القائد الاعلى للقوات المسلحه وانا البتنجان وتجاهل تماما الميدين الملايانه معارضه

[فرانكو.هدوء ملك]

جميل اوي كلامك

يعني مآيده انه كان يعلن عن انتخابات جديده

شكرا لمرورك علي الموضوع

دمتي بكل خير

[♥SaRa]

والله والواحد مبقاش عارفــــ يعملـ اية ؟؟؟؟
حاجة تخنق اصلـ الزمن دة بقت فتنة
وبعدين احنا شعب فرعوني مش بيمشي غير والكرباج وراة
بس احنا عندنا املـ لما نمشي مرسي يجي بعدية رئيس احسن يعرف يصرف ويحسن احوال البلد ويجل الازمات
وموضوع جميلـ
يا رب احفظ مصر واهلها
واقهر الظالمين واعداء مصر