بركاتك ي شيخ مرسي

[فرانكو.هدوء ملك]

هلت علينا طلتك ؛
وسمعنا كلمة حضرتك

حمدت واثنيت وخدنا
الثواب في حضرتك

صحيح كلامك مش مفهوم

كلام كآنه مش موزون

يسقفو وكآنه شجون

احصائيه وكم ضريبه

وهم طالع م الزكيبه

ي حج روح جاتك مصيبه

ساعتين ونص ضاعو ف خطابك

كسب الي قفل وســآبك

والىى استمع جاه اكتئاب

حرام عليك شفنا العذاب

قضـآه مزور بس هووس

جبت القصيده ليه م النص

مش هما دول شرعيتك ؟

بتنفي ليه شخصيتك

وآلامه بتسمع للرئيس

وكلام مصاطب بالهواجيس

عأمي علي علمي ؛ هويس

بتضحك علي مين ي آلىى

معلش بس اتحملنىى

اصل كلامك مش مبلوع

نهضه واحنا نموت م الجوع

طابور بنزينك بالاسبوع

لو شفت كنت تكون موجوع

عايش ف قصرك حواليك ديابتك

فكره ونهج ما ليهم قيمه

اسلامنا كان حته سليمه

قطعتوه وفصلتوه. مش دي جريمه ؟

سقفه كمان لحضرته

البيه بيشك فقدرته

تذكر ناس بالخصوص

انت اكيد رئيس مهووس

ارقامك كلها كدب ف كدب

فلان وفلان وال ايه بيسب

بس يا مرسي اهدي وروق

شعبك كانو عايزين مخلوق

منا وعلينا يكون موثوق

[عذب المعانى]

تيب مشكووورة يا عم الشاعر



بس لى معلومة اعرف اهل الشعر انهم يختارو عنوان جميل لقصيدة


بلاش ترقية على خلق الله

مرسى بشر من عند الله البشر يصيب ويخطاء اخى

ولا انت حضرتك ملاك

[منايا الجنة]

الله
بجد تسلم ايدك على كلماتك الجميلة

بجد الشيخ مرسي امبارح جابلى المرارة
خطابك ضعيف جدا ياشيخ مرسي
ابسطهالك
يعنى ملوش لزمة من الاخر
مدخلش دماغ الشعب المصرى بتعريفه

[ويبقى الأثر]

بقينا فى توهه مايعلمها ربنا
وخوفنا ع البلد بيزيد
قادر يزيح الغم عن دربنا
وبكره هيكون احلى اكيد


مش اقدر اقول غير ان ربنا يصلح الاحوال
حرام ولادها يقتلوا بعض كده
وربنا يستر الايام الجايه
تسلم اخى ويدوم تميزك
ارق تحياتى

[فرانكو.هدوء ملك]

اقتباس المشاركة الأصلية كتبت بواسطة احب موت تيب مشكووورة يا عم الشاعر بس لى معلومة اعرف اهل الشعر انهم يختارو عنوان جميل لقصيدة بلاش ترقية على خلق الله مرسى بشر من عند الله البشر يصيب ويخطاء اخى ولا انت حضرتك ملاك

اشكرك علي ردك اولا

ومش هرد بطريقتك ( المستفذه )

اولا انا مش شاعر انا مجرد بكتب حاجه ( حاسس بيها )

ثانيا انا مش بتريق ؛ ولـو حضرتك شايف ان دي تريقه

فيا ريت تقولي خطاب مرسي كان ايه بالظبط ؟

يعني حضرتك عاجبك الي حاصل ولا انتم فعلا مش عايشين معانا في البلد ؟

ولا هو عشان اخواني فانتم يستحيل تطلعو ورآه غلطه

طيب انا هسيبلك حاجه انت وضميرك

لو مرسي كان من اي حزب تاني والوضع كما هو عليه كنت هتدافع عنه ؟

والله مظنوش انك كنت هتدافع عنه اصلا

يعني انا بصراحه اول مره اشوف ( اسلاميين ) بالطريقه دي

فعلا قسمتم الاسلام علي مزاجكم

حتي الازهر الي موسط للدين كنتم عايزين تآخونوه

يعني حضراتكم شايفين ان الاسلام فيه عيوب عشان كده طلعتم منطلق جديد ليه ؟

يا ريت الي يتكلم يكون بالعقل

انا مش هفسر ولا هقولك مرسي اخطاؤه ايه بالظبط
يعني مش هقولك انكم من البدايه قلتم انكم مش هترشحو رئيس للجمهوريه

ومش هقولك انكم قلتو مشروع النهضه 100 يوم

ومش هقولك انكم لو عايزين مصلحة البلد مكنتوش هتقولو هنحرق وهنولع لو مرسي منجحش

ومش هقولك هو مرسي رجع فكلامه كم مره

ومش هقولك علي الجنود الي ماتت

والكهرباء الي تقريبا شبه منعدمه

وعلي الميه الي مش هنلاقيها مستقبلا

وعلي البنزين والبترول

ولا الاحصائيات الكدب الي قالها

والله منا مكمل

وشكرا علي مرورك

[فرانكو.هدوء ملك]

اقتباس المشاركة الأصلية كتبت بواسطة منايا الجنة الله بجد تسلم ايدك على كلماتك الجميلة بجد الشيخ مرسي امبارح جابلى المرارة خطابك ضعيف جدا ياشيخ مرسي ابسطهالك يعنى ملوش لزمة من الاخر مدخلش دماغ الشعب المصرى بتعريفه

يلا ربنا يسترها علي البلد دي

شكرا علي مرورك

[فرانكو.هدوء ملك]

اقتباس المشاركة الأصلية كتبت بواسطة قيثارة الصمت بقينا فى توهه مايعلمها ربنا وخوفنا ع البلد بيزيد قادر يزيح الغم عن دربنا وبكره هيكون احلى اكيد مش اقدر اقول غير ان ربنا يصلح الاحوال حرام ولادها يقتلوا بعض كده وربنا يستر الايام الجايه تسلم اخى ويدوم تميزك ارق تحياتى

اه والله

يا ريت بس ندي لنفسنا مهله للتفكير

بس مرسي بخطابه قفل كل ابواب النقاش

تسلمي علي مرورك الطيب

[** رحيق الجنه **]

.... كلمات معبره وجامده اخر 3 ارع حاجات
بجد انت وضحت وابدعت
ربنا يرحمنا ويسترها على مصر
تسلم

[فرانكو.هدوء ملك]

اقتباس المشاركة الأصلية كتبت بواسطة ** رحيق الجنه ** .... كلمات معبره وجامده اخر 3 ارع حاجات بجد انت وضحت وابدعت ربنا يرحمنا ويسترها على مصر تسلم

الله ارزقنا جميعا الجنه

امين يا رب

ارحم مصر واهلها واحفظها واحفظ اهلها

امين يا رب

تسلمي رحيق علي مرورك الطيب

[بلدنا في القلوب متشاله]

شكــرا ع الكلمات

مع اني شايفه انها كلها غلط في حق مرسي,

مش شايفه حاجه من دي صح,,

وربنا ان شاء الله معاهـ ومعانا

ومرسي برضو مش من الاخووااان

ومكناش نقدر نشتم مباااركـ لكن دلوقت كله بيشتم في مرسي ..!!

لازم نعرف ان ده الرئيس..