أسمع مني أنت وهـو ....

[مُنـــــايا]

اسمع مني هسجل وكمان ف كلامى هتحول هكلم ع الأخوان لتكون فاكرنى خايف على كل حاجه شايف هكلم ع الانجازات وكتاب افلامه حكايات ماشين يضحكو ع الناس مهو مات فيهم الاحساس مش حاسين ان الناس فهمت ولا حاسين ان بلدنا خربت ماشين يلمو قروض وديون ملهاش حدود وكمان بيشبهوه بالصحابه ما كفايه ياولاد الكدابه ولا ودعدع وفيتو بيه شكلكم كدا ناسين فى ازمه بنزين يا ولاد الكدابين كلامكم غير افعالكم ازاى طب هنصدقكم عمال يفتح مشاريع وماشي بكلام بديع مشاريع عاملها مباركـ يا رئيس تايه فى قراركـ بتسرق انجاز غيركـ ال ايه عمل تابلت بيقولى صناعه مصريه بطلى ضحكـ يا فوزيه الفلول ضحكو عليا عايزين الازهر يتاخون المرشد شكلو اتجنن دا انتو جماعه محظوره مكانتش ظاهره ف الصوره قولنا نديها مكان اتاريها ملهاش امان خلونا حنينا لزمان لمباركـ والطغيان ضحكو عليا وقالو النهضه كدبكو ده قديم مش م النهارده ولا وزير الاعلام اللى فى دماغه اوهام مقضيها تحرش على طول شكله ناسي انه مسؤل مهو العيب على رئيسهم اللى ماسك ف حكومه فاشله على استهتارهم هو سايبهم امتى بقا يفوق من الغفله قالو ساويرس حرامي مع ان الراجل عصامي طيب همشي بكلامكم ازاى تبعتو مندوبكم وكمان رايح لحماس عمال تديهم الجاز وحكايه السبع جنود كان فيلم على الحدود كل شويه النور يقطع من دم الشعب بتسطقتع ياللي مصدقينهم انتو اكيد مش عارفينهم ممسيركو تفوقو ع الكارثه ساعتها تروح الفرصه انا هنزل يوم 30 وهفكركم لو ناسين هنزل ع التحرير اصل انا صبرت كتيرر monaya

[ابتسامة الزهر]

ناس اتعودت ع الكدب

وفاكرين الناس عبط

فى الاول صدقهم الغلبان

وصدق الجنة والنار

دلوقتى احنا فى نار

وعرفنا فين الطريق

هنرجع كرامة الانسان

اللى داس عليه الاخوان

ويرجع مرسى كما كان

بُرش وبدلة زرقة كمان

فهمنا الدرس يانعسان

اصحى وبطل هذيان

فات الوقت خلاص

خطاب مضحك

كتبه لك غفلان

كأنك تقول

انا سلطان البلاد

أامر فيطاع الجميع

هيهات يبو جلد تخين

----------------

اعتذر على خربشات قلمى
كلماتك تكلمت عن واقعنا المرير
نعانى من الحسرة والألم لعام مضى وصلنا
الى الحضيض
لكن مصر ستبقى عالية
ولن تنحنى ابدا
تقديرى لك

[فتحى عيسى]

وصف رائع لحالة أمة تعاني من ولاد الكدابة تجار الدين
أحييكِ ونصك الرائع والصورة التي رسمتيها
بهذا الجمال
رائعة بل أكثر
سلمتِ والنبض
مودتي وإحترامي

[جبل عالي]

لالالالالالا ايه ده كله يابنتي ؟؟

اول مرة اشوفك فى العامية

مهي حالة بجد تنطق مش بس الحجر

لالالالا وكمان المية

صرخة وطلعت أهي من الصبية

ياترى رح نوصل لفين ؟؟ ماترد عليا ؟؟



منايا ..... خليني ساكتة

لأن اللي جوايا كتير شوية

تسلمي غاليتي وربنا يصلح الحال

ويبدل اللي راح بعيشة هنية

[ويبقى الأثر]

ومن النهارده مفيش سكوت
لازم نتكلم وباعلى صوت
مصر ياخوانا بتتحرق
كنا فاكرينهم طيبين
وهيحكمو بعدل ودين
ده العدل ف ميزانهم غرق

بجد ربنا يستر وكفايه عليهم بقا سنه نهب وتجاره بدين

حروف قويه غاليتى

تقييمى وتقديرى

[كريم عاصم]

حاولت اجمع خطابة
وشُة قلب للتانى
مش علينا النصاحة
مانت انانى
تهديد وعلامة
وتعيشنا في أمانى
روح ياعم للصحابة
والشعب بكانى
أضحك على الغلابة
وانت وحدانى
أقولك مع السلامة
وأوعي تتحدانى

الرائعة والمتألقة منايا
رمز من رموز الفكر والأدب
وعي راقي
ناضج بمعنى الكلمة
قرأتى الخطاب
وترجمتية برسالة
جميل ماخطة قلمك
ورائع هو شخصك
أبدعتى بكل حواسك
ألف تحية
كريم عاصم

[mahmoud zeezo]

قطعوا علينا النور
وخلونا نمشى جنب السور
قالولنا نهضه وانجازات
وطلعت صفقه شمع وكشافات
يامرسى الخير من وشك غار
وبتلعب السياسه قط وفار
البنزين معتش لاقيين
والعربيات على البنزينه صفين
قلت القمح محصوله زاد
طلع كلام بيتقال ويتعاد

[مُنـــــايا]

اقتباس المشاركة الأصلية كتبت بواسطة ابتسامة الزهر ناس اتعودت ع الكدب وفاكرين الناس عبط فى الاول صدقهم الغلبان وصدق الجنة والنار دلوقتى احنا فى نار وعرفنا فين الطريق هنرجع كرامة الانسان اللى داس عليه الاخوان ويرجع مرسى كما كان بُرش وبدلة زرقة كمان فهمنا الدرس يانعسان اصحى وبطل هذيان فات الوقت خلاص خطاب مضحك كتبه لك غفلان كأنك تقول انا سلطان البلاد أامر فيطاع الجميع هيهات يبو جلد تخين ---------------- اعتذر على خربشات قلمى كلماتك تكلمت عن واقعنا المرير نعانى من الحسرة والألم لعام مضى وصلنا الى الحضيض لكن مصر ستبقى عالية ولن تنحنى ابدا تقديرى لك

ان شاء الله مصر باقيه ربنا حاميها

شرفني مروركـ العطر

وخربشاتكـ الجميله

لروحكـ السعاده

[مُنـــــايا]

اقتباس المشاركة الأصلية كتبت بواسطة فتحى عيسى وصف رائع لحالة أمة تعاني من ولاد الكدابة تجار الدين أحييكِ ونصك الرائع والصورة التي رسمتيها بهذا الجمال رائعة بل أكثر سلمتِ والنبض مودتي وإحترامي

الاروع مروركـ استاذي الفاضل

وتواجدكـ الراقي الذي انار متصفحي المتواضع

كن دائما بخير

لروحكـ السعاده

احتــرامي

[مُنـــــايا]

اقتباس المشاركة الأصلية كتبت بواسطة جبل عالى لالالالالالا ايه ده كله يابنتي ؟؟ اول مرة اشوفك فى العامية مهي حالة بجد تنطق مش بس الحجر لالالالا وكمان المية صرخة وطلعت أهي من الصبية ياترى رح نوصل لفين ؟؟ ماترد عليا ؟؟ منايا ..... خليني ساكتة لأن اللي جوايا كتير شوية تسلمي غاليتي وربنا يصلح الحال ويبدل اللي راح بعيشة هنية

ماهو حالنا يخلي اي شي ينطق دلوقتي

الراقيه

جبل عالي

شرفني مروركـ العطر

وتواجدكـ الراقي

ما حرمني الله من اطلالتكـ الرائعه

كوني دائما بخير

لروحكـ السعاده

مودتي