اختبار اللجنة فى المرحلة الرابعة من مسابقة ملكه الثقافة العامة ..خاص بالملكات

[Sєяєєη●•ʚɞ]

ازيكم يا بناتيت دة الجزء الاول من الاختباروهو اختبار اللجنة ولسه فيه جزء تانى هينزل هيكون عندنا لجنة تحكيم هيسألوا الملكات كل واحدة سؤال فى الطبخ وورونى شطارتكم..الخ واللجنة هى Sєяєєη●•ʚɞ beauty angel توحد ارواح رووكه طب مين اللى هيسأل..؟! 2من اعضاء من اللجنة هيسألوا مجموعة من الملكات واما انا هسأل الملكات كلهم اسئله عامة وكل الملكات هيجاوبونى على الـاسئلة توحد ارواح هتسأل الملكات الاتيه الملكة رقم (3) .. the spring flower الملكة رقم (8) ..مشتاقه للجنه الملكة رقم (13) .. حلم عمري الملكة رقم (14) ..white flower الملكة رقم (11) .. && برنسيسة المنصورة && رووكه هتسأل الملكات الاتيه الملكة رقم (5) .. الأميرة رودي الملكة رقم (1) ..الحان الورد الملكة رقم (9) .. ✿ Celiηα الملكة رقم (2) .. جرحك علمنى اعيش الملكة رقم (10) .. ahla bnota Sєяєєη●•ʚɞ هسأل الملكات كلهم نظام التقييم فى المرحلة دى انتو عارفين انها من 20 درجة جزء اول 10 درجات ويشمل ( موضوعاتكم ) جزء تانى 10 درجات ويشمل الاختبار (الجزء الاول - الجزء الثانى ) التعليمات بمجرد اما عضو لجنة التحكيم هيسأل سؤاله تجاوبى ع طول كل بنوتة هتجاوب السؤال وتحط رقمها وصورتها قبل الاجابة مدة الاختبار دة هو يوم واحد فقط النهاردة وهيتم غلق التوبيك هتبدأوا تجاوبوا من اول بكرة اخيرااااااا ماتنسوش ان فيه جزء تانى لسة هينزل من الاختبار دة اتحدى نفسك واظهرى لباقتك وبراعتك فى الرد واظهرى شطارتك ومعلوماتك المطبخية بالتوفيق يا بناتيت

[رووكه]

الملكة رقم (5) .. الأميرة رودي


أصعب يوم قابلتيه فى المطبخ وايه المخاطر اللى قابلتك واتصرفتى فيها ازاى؟؟؟



الملكة رقم (1) ..الحان الورد


لو تعرضتى لاقدر الله لحريق ف المطبخ وانتى لواحدك ف البيت تتصرفي



ازاى وهل عندك اطفاء ف البيت ولا لاء؟؟



الملكة رقم (9) .. ✿ Celiηα


تعملى ايه لو عملتى عزومه والغاز خلص منك ده فى حاله وجود ا(انبوبه)؟



هتعطلى نفسك ولا هتعملى ايه خاصا والضيوف


قربو يوصلو ؟



الملكة رقم (2) .. جرحك علمنى اعيش



جوزك طلب صنف معين وللاسف مفيش رصيد ولا اى اتصال علشان تسالى مامتك



هتعملى ايه ومفيش نت هاااااااااااا..؟


الملكة رقم (10) .. ahla bnota



ممم انتى فى اخر الشهر والميزانيه لا تسمح حتى تطلبى أكل جاهز


وطب عليكى ضيوف من سفر ومغيش اكل فى الديب فريزر هتتصرفى ازى


وجوزك مش موجود .؟



بالتوفيق للجميع وبعتذر لو الاسئله صعيه

بس ديه المواقف اللى بتحصل كتير لينا

دعواتى للجميع

تسلمى يا قلبى على اختيارك ليا

[الأميرة رودي]

الملكة رقم (5) .. الأميرة رودي اجابتي على اللجنه ( روكه أصعب يوم قابلني فى المطبخ وايه المخاطر اللى قابلتني واتصرفت فيها ازاى؟؟؟ اصعب يوم طبعا كان اول يوم بدأت اعمل فيه الاكل لواحدي وده جه بالصدفه مكنش مترتب له وى حاجه كانت ماما ف الشغل وعرفت انها مش هترجع الا اخر النهارده عشان فيه تصحيح امتحانات رحت انا اتشهلت بقى ودخلت المطبخ لاول مره كان عندي تقريبا12 سنه صغيوره يعني بس كنت بحب اقلد اللى مامتى بتعمله وفعلا نجحت فى اول اختبار عملت الاكل اكيد كان فيه لمسات بابا الاخيره بس كان كويس المخاطر اللى قابلتني انى كتير كنت بنسى مفتاح البوتوجاز مفتوح والغاز يملى الشقه وانا اصلا مش عارفه ان ده غاز وفى مره رحت اولع فرن البوتوجاز عشان احط فيه حاجه تتشوي لقيت النار مقبلآنى من باب فرن البوتوجاز وحرقتلى دراعي بس الحمد لله فتره وأثر الحريق راح وعدت على خير اما اتصرفت فيها ازاى قعدت اعيط وكلمت مامتى سابت المدرسه وجات وعملتلى مراهم بقى وحاجات كده علاج للحريق لكن تصرف من نفسي لاء ماحصلش كنت يادوب 12 سنه ومش عارفه كتير فى شئون المطبخ بس من بعدها سبحان الله كل حاجه تحصلي تعلمني قصادها 100 حاجه و100 معلومه دالوقتى بقى طباخه بريمو وبعمل اشهى الآكلآت// احم

[✿ Celiηα]

الملكة رقم (9)

✿ Celiηα



الملكة رقم (9) .. ✿ Celiηα

تعملى ايه لو عملتى عزومه والغاز خلص منك ده فى حاله وجود (انبوبه)؟
هتعطلى نفسك ولا هتعملى ايه خاصا والضيوف قربو يوصلو ؟

إجابتي باختصار احنا ساعتها كان دايما بيبقى عندنا
انبوبة احتياطي للظروف دي ودايما بتبقى مليانة
وكمان انا مش هسيب نفسي كده وانا عندي عزومة
اسيب نفسي بانبوبة واحدة وقربت تخلص كمان
ودلوقتي الحمد لله الغاز الطبيعي دخل وخلصت المشاكـل دي

~~~

[مشتاقه للجنه]

أنا منتظره من السابعه صباحاً الاسئله

فى أنتظار الاختبار ألتزاما منى بمواعيد الاختبار

[Sєяєєη●•ʚɞ]

اسئلتى لكل الملكات كل ملكة من تجاوبها هختبركم معلوماتكم المطبخية الاسئلة المرادى كتيرة لان المرحلة سهلة فزودت الاسئلة وكل مرة الصعوبة بتزيد يلا نشوفها الاسئلة: 10 اسئلة 1-لو نسيتى تحطى الملح فى الارز وانت عازمة حماتك هتتصرفى ازاى علشان تحلى المشكله دى؟ 2-ايه السبب اللى بيخلى المكرونه تعجن منك؟ 3-لو عملتى صنيه بسبوسه وطلع سكرها زيادة شويه هتتصرفى ازاى؟ 4-لو بتحتفلى بعيد ميلادك وعزمتى ناس كتير بس وانتى بتعملى التورته اتحرقت منك من تحت هتتصرفى ازاى؟ 5-قوليلى طريقتك فى تزين تورته لعيد ميلادك مثلا؟ 6-قوليلى مقادير صنف واحد من الاصناف دى: بسبوسه – لقمه القاضى – الكنافه – بلح الشام – الكيكة الاسفنجيه 7-اختارى صنف واحد من الاصناف دى وقوليلى طريقته: الحمام بالفريك – الحواوشى – مكرونه بالباشمل – الكبسه السعودى 8-ايه اكتر اكله بتعرفى تطبخيها كويس قولى اسمها واكتبى المقادير والطريقه بتاعتها؟ 9-تفتكرى افضل نوعيه حلل بتستخدم فى المطبخ وبتطلع الاكل كويس ومش بتحرقه (التيفال ولا الاستالس ولا الالمونيوم ولا الصاج)؟ 10- هاتيلى صورة لمطبخ احلامك ؟

[الحان الورد]

،

الملكة رقم ( 1 )



الملكة رقم (1) ..الحان الورد
لو تعرضتى لاقدر الله لحريق ف المطبخ وانتى لواحدك ف البيت تتصرفي
ازاى وهل عندك اطفاء ف البيت ولا لاء؟؟

على حسب شدة الحريق ..
بس هحاول اطفي على قد ماقدر
لو كان قوي ومش هقدر اتصرف معاه ، هخرج الاطفال او اي حد في البيت برا
عشان ميتخنقش من الدخان لا قدر الله
وهحاول اخلي الحريق ميمتدش لـ برا ويفضل في مكانه وهتصل بالمطافي
لو كان مش قوي وممكن انا اتصرف
هشوف الاول سببه واتصرف معاه بعدين هحاول اطفي على قد ماقدر
ممكن اطلب مساعدة حد معايا بس يكون كبير وميتضررش
واحاول برضو احمي نفسي من الدخان

[الأميرة رودي]

الملكه ( 5 ) الآميرة رودي اجابتي على سيرين 1-لو نسيتى تحطى الملح فى الارز وانت عازمة حماتك هتتصرفى ازاى علشان تحلى المشكله دى؟ هههههههه ايه يعني عازمه حماتى يعني هخاف مثلا بصي فى الحاله دي بتصرف طبعا . اذا كنت عازمه حد او لاء عشان الآكل يكون مظبوط هجيب شويه ميه صغيرين مش كتير عشان الرز مش يعجن وادوب فيهم شويه ملح واوزعهم على الرز واعيد ترديده على ناار هاديه خالص وقتها الرز منها بيسخن تاني وبيكون ومنها ملحه اتظبط مع التقليب بقى يبقى كأنه مكنش فيه حاجه 2-ايه السبب اللى بيخلى المكرونه تعجن منك؟ اول وأهم الاسباب اللى تخلي المكرونه تعجن انك لما بتيجي تسلقيها تحطيها فى الميه قبل ما الميه تغلي ده سبب >> السبب التاني لو فضلت وقت طويل ع النار ده يخليها تعجن وتلزق فى الحلقه وكمان لازم نضيف عليها وهيا بتتسلق معلقتين زيت بيظبطوها 3-لو عملتى صنيه بسبوسه وطلع سكرها زيادة شويه هتتصرفى ازاى؟ لا مش هتصرف فيها انا هعمل واحده غيرها لان لو السكر قليل ممكن اتحكم فيه انما لو عالى وانا عامله مقادير معينه يبقى هتحكم ف السكر ازاى لو حاولت انى اعمل اى اضافه على الكميه فأنا كده ببوظ شكلها فى الصينيه 4-لو بتحتفلى بعيد ميلادك وعزمتى ناس كتير بس وانتى بتعملى التورته اتحرقت منك من تحت هتتصرفى ازاى؟ مممم عن نفسي ممكن اشغل دماغى بطريقه مش تخليني اخسر التورته واعدي الليله مادام فيه مناسبه انى اقلبها واشيل بالراحه خالص الطبقه اللى اتحرقت وبعدين اجيب الكريمه والشيكولا والفواكه وابدأ ازينها بحيث انه مش يبان منها حته طبعا كده محدش هيقدر يعرف اصلا انها كانت ف الطوارئ من شويه هو الفن بس فى التزيين وبكده وقت التقطيع هتبان تورتايه متكلفه ومتزينه وعليها فواكه اهو عاوزين ايه اكتر من كده بس انا لو فى عيد ميلآد وبعمل حاجه زي كده اكيد مش هتتتحرق مني لان دي مناسبه مش يوم عادي 5-قوليلى طريقتك فى تزين تورته لعيد ميلادك مثلا؟ طريقتي لتززين التورته بتكون بالشيكولا لان ده اساسي يعني وبالكريمه بستخدم قالب الكريمه وبقطع فواكه صغيره مكعبات تساعد على التزيين واهم حاجه الكريز ه لو مش ف التورته ممكن ماكلش منها وابدأ بقى ازين بطريقتي عملها اشكال بفن كده على مزاجى المهم يطلع شكلها حلو 6-قوليلى مقادير صنف واحد من الاصناف دى: بسبوسه – لقمه القاضى – الكنافه – بلح الشام – الكيكة الاسفنجيه هقول مقادير البسبوسه اللى بعملها انا ماليش دعوه باللي الناس بيعمولها ولا باللي ع النت . 2 كيس بسبوسه ملعقه زبده او سمنه حسب الموجود معلقه فانيليا 3 كوب زبادي او ممكن ناس تستخدم حليب بس انا بفضّل الزبادي وجوز الهند وسكر ومايه عشان نعمل الشربات او العسل بتاعها الطرريقه// اضيف البسبوسه مع الفانيلا فى وعاء وبعدين ابدا فى اضافه الزيادي والزبده تدريجيا مع التقليب جيدا بايدي او بأ الكاتشين ماشين لحين تكون متماسكه وجيده ف شكلها بعدين ادهن الصينيه بالسمن او الزبده ومايكونش كتير بعدين اضيف خلطه البسبوسه فى الصينيه وافردها كويس وادخلها الفرن لمده نص ساعه على نار هااااديه جداا أكون انا بجهز الشربات او بيسموه العسل بتاعها وهو عباره عن كوب مااء و كوب ونص سكر يتغلو كويس ويتقلبو على النار بعدين نسيبهم لما يبردو خالص بتكون البسبوسه استوت وبقى لونها دهبي وجميل اطلعها من الفرن واحط عليها الشربات واسيبها شويه بعدين ارش عليها جوز الهند ولو فيه مكسرات يكون كويس وبس /// 7-اختارى صنف واحد من الاصناف دى وقوليلى طريقته: الحمام بالفريك – الحواوشى – مكرونه بالباشمل – الكبسه السعودى هقول المكرونه بالباشميل لاني بحبها جدااا وبطريقتي برده ف مطبخي الآول هقول المقادير 1 كيلو مكرونه 2 كوب حليب ولحم مفروم او متقطع قطع صغيره حسب الرغبه بصله وثمره طماطم تقطعا قطع صغيرا ثمره فلفل اخضر ودي حسب الرغبه برده (( مش اساسي كوب دقيق معلقه زبده مكعب ماجي الملح والفل والبهارات يعني الطريقه / اول حاجه بعملها انى بعسج اللحمه دي لو كنت هقطعهخا قطع صغيره ( بتتعسج مع البصل وقطع الطماطم وقطع الفلفل والبهارات) بسخن شويه زيت على النار لما يبقى لونه دهبي بعدين اضيف قطع اللحم والفلفل وبعدين اضيف قطع الطماطم ( او صلصه ) اما لو مفرومه نلوحها فى الزيت مع البصل والبهارات ( لما تنشف) بعدين بسلق المكرونه كويس واشيلها على جنب وابدأ ف تحضير الباشميل اجيب المقله واحط فيها معلقه الزبده ومعلقه زيت لما تسخن بعدين اضيف عليها كوب الدقيق واقلب جيـــداااا لما تتماسك ويبقى لونها ذهبي ابدأ أضيف الحليب مع التقليب واحط فيها مرقه ماجي واضافه الملح او البهار حسب الرغبه وكده بتكون جهز الباشميل اضيف نص الباشميل على المكرونه المسلوقه واقلبها كويس لما تتشرب المكرنه كلها من الباشميل.. بعدين اجيب الصينيه بتاعتى ادهنا بالزبدهاو السمن او الزيت على حسب مابستعمل واضيف عليها نص المكرونه كطبقه اولى بعدين اضيف اللحم المفروم أو المتعسج وافرده كويس ويكون ده طبقه تانيه اللى ف النص بعدين اضيف بقيت المكرونه فوق كطبقه تالته.. وبعد كل ده اضيف على وشها النص التاني من الباشميل (( أحيانا اضيف بيضه عليها واحيانا لآء )).. وادخلها الفرن على درجه حراره مناسبه واتابعها لحد ماتستوى كويس ولما تحمر ويكون وشها بد ا يبقى لونه دهبي او بنى فاتح كده وريحتها بقى تجوع اطلعها من الفرن واستنى شويه لما تبرد وبعدين ابدأ اقطعها وبالهنا ياملكات 8-ايه اكتر اكله بتعرفى تطبخيها كويس قولى اسمها واكتبى المقادير والطريقه بتاعتها؟ بصي . الحمد لله انا بعرف اطبخ اغلب الاكلآت وبما انا اقرب طريق لقلب الرجل معدته فانا لآزم اعمل كلآبوش وابقى مسيطره فى النقطه دي بحب كمان افنن واخترع حاجات جديده بحب اعمل محاشي بأنواعها والمكرونات والمشاوي كلها والاسملآك بكل أنواعها بس هختار الوقتى اسهل واقرب وابسط واسرع طريقه للفراخ بالخلطه او الفراخ البانيه وناويه اعملها بكره لو تستنى عليا لبكره كنت صورتهالك وجيبتها هنا بصى الاول بقطع الفراخ قطع صغيره او مكعبات متوسطه الحجم وده عن طريق انى بخليها من العضم اللى فيها بكون انا مجهزه الخلطه بتاعتى وهى كالآتى 2 كوب زبادي و2 بيضه او 3 على حسب 2 معلقه قرفه ليمونه معلقه من معجون الصلصه 2 كيس فيجيتار حار وكيس بقسماط ملح وفلفل وشويه شطه وكل ده يتخلطو ببعض ( ماعدا الفيجتار والبقسماط ) وبكده عملت الخلطه المطلوبه احط فيها قطع الفراخ واسيبها فى التلاجه لمده ساعتين او 3 بعدين أكون مجهزه فيجيتار حار وبقسماط للتحمير فى طبق وبعد تسخين الزيت بشكل جيد ( بشرط يكون زيت غزير ) ابدأ اغمس قطع الفراخ فى الفيجيتار والبقسماط واحطها ف الزيت واهدى النار لحد ماتحمر اشيلها من الزيت وبشترى الكاتشب جاهز ملحوظه / دي طريقتي انا وبعلمها كده يعني مش شرط تكون هيا الطريقه السائده او المتبعه ممكن يكون ناقصني خطوات او مقادير معينه بس انا بعملها كده وبتكون كتير لذيذه وبسيطه 9-تفتكرى افضل نوعيه حلل بتستخدم فى المطبخ وبتطلع الاكل كويس ومش بتحرقه (التيفال ولا الاستالس ولا الالمونيوم ولا الصاج)؟ هيا افضل نوعيه التيفال وعن تجربه 10- هاتيلى صورة لمطبخ احلامك ؟ كان نفسي اصورك مطبخي حقيقي عموما انا مطبخي لونه أحمر فى اسود عسول يعنى >> ال مطبخ ده عجبني كتير

[مشتاقه للجنه]

الملكة رقم (8) مشتاقه للجنه 1-لو نسيتى تحطى الملح فى الارز وانت عازمة حماتك هتتصرفى ازاى علشان تحلى المشكله دى؟ يا نهار أبيض رحت فى خبر كان بسيطه أحضر القليل من الماء وأقلب فيه ملح وأقلبه مع الرز وأتركه حتى يتلدن 2-ايه السبب اللى بيخلى المكرونه تعجن منك؟ أقولك أول حاجه لما أضع المكرونه على مايه بارده تانى حاجه لو زودة فى سوى المكرونه بالسلق تالت حاجه لو وضعة المكرونه على الصلصه قبل ما تتسبك . مجربه كل ده قبل ما أظبتها كويس 3-لو عملتى صنيه بسبوسه وطلع سكرها زيادة شويه هتتصرفى ازاى؟ مش واكله منها علشان متخنش أديها للبواب علشان جوزى ميتريقش عليا هههههههه ممكن أضع جوز هند عليها ومكسرات تعدبها 4-لو بتحتفلى بعيد ميلادك وعزمتى ناس كتير بس وانتى بتعملى التورته اتحرقت منك من تحت هتتصرفى ازاى؟ براحه بقلبها واجيت سكينه عريضه وأحك القرع المحروق براحه خالص لحد ما يطلع أى خدمه 5-قوليلى طريقتك فى تزين تورته لعيد ميلادك مثلا؟ أقسم الكيكه من النص واسقى التص بشبات فواكهه خفيف ثم اضع الجزئين على بعض واضع الكريمه المخفوقه تكون بيضاء والمكسرات المفرومه بالجناب ثم نضع على الوجه الفواكه الكمبوت تكون بالشكل ده 6-قوليلى مقادير صنف واحد من الاصناف دى: بسبوسه – لقمه القاضى – الكنافه – بلح الشام – الكيكة الاسفنجيه مقادير البسبوسه: كوب ونصف سميط كوب زبادى كوب سكر بكن بودر واحد ونصف قالب زبدة لوزللتزيين شربات حسب الرغبة 7-اختارى صنف واحد من الاصناف دى وقوليلى طريقته: الحمام بالفريك – الحواوشى – مكرونه بالباشمل – الكبسه السعودى الحمام بالفريك : بتجهز الحمام ويكون مغسول كويس بنحضر الفريك بنقعه قبل الاستخدام ونحضر بصله مقطعه صغير ونشوحها على النار ونضع عليها قوانص وكبدة الحمام تم الفريك يقلب جيدا ياخد نص سوى ويترك حتى يبرد نحضر الحمام ونحشيه من الداخل والصدر وتكون مياه السلق على النار نضع الحمام على ماء مغلى ونضع طماطم وبصل ولورا للشربه يسلق الحمام وبعد كده ننشله ونحمره ويقدم ساخن 8-ايه اكتر اكله بتعرفى تطبخيها كويس قولى اسمها واكتبى المقادير والطريقه بتاعتها؟ الفراخ البانيه المقادير صدور فراخ حسب عدد الاسره ماء بصل - ملح /توابل - دقيق قرنيطه فيجتار حار - بيض - زبده وزيت للتحمير الطريقه: بننقع صدور الفراخ ساعتين على الاقل نحضر - نخرجها من التتبيله على الدقيق تم على البيض المخفوق - ثم القرنيطه ومنها على طاسة التحمير وتقدم مع سلطة طحينه 9-تفتكرى افضل نوعيه حلل بتستخدم فى المطبخ وبتطلع الاكل كويس ومش بتحرقه (التيفال ولا الاستالس ولا الالمونيوم ولا الصاج)؟ بصراحه الاستالس أفضل حاجه واصح شئ للان 10- هاتيلى صورة لمطبخ احلامك ؟

[✿ Celiηα]

الملكة رقم (9) ✿ Celiηα 1-لو نسيتى تحطى الملح فى الارز وانت عازمة حماتك هتتصرفى ازاى علشان تحلى المشكله دى؟ ههههههههـ بصـراحة رحتي لبعيد اوي سيرين اولا الملح مهم جدا والحمد لله مش بنساه ثانياً لازم تدوقي الأكل وانتي بتعمليه او حتى بعد ما تعمليه مش اعمله واقدمه ولا اعرف حلو ولا وحش 2-ايه السبب اللى بيخلى المكرونه تعجن منك؟ ايوة دي بقا انا استاذة فيها بصي يا قمر اولا المكرونة السايبة هي الاكثر عرضة انها تعجن عن المكيسة طبعا واللي بيخليها تعجن : لما تحطي المكرونة والميا لسه مش غلت كويس و لما تدوسي عليها فالسلق او تحطيها تتسلق ومش تقلبيها وساعتها هتعجن وتبوظ وتلزق بالحلة من تحت ويفضل انك تطلعيها على طول ويدوب تصفيها وتاخديها تستخدميها على طول مش تسبيها لما تبرد وكده على حسب بقا 3-لو عملتى صنيه بسبوسه وطلع سكرها زيادة شويه هتتصرفى ازاى؟ متعرضتش للموقف ده قبل كده بصراحة بس هي لو كانت لينا احنا اللي هناكلها مش مشكلة نتصرف انما لو كانت لضيوف لازم والدتي تبقا واقفة معايا عشان هي اكتر خبرة طبعا لحد ما اتعلم المقادير كويس انا 4-لو بتحتفلى بعيد ميلادك وعزمتى ناس كتير بس وانتى بتعملى التورته اتحرقت منك من تحت هتتصرفى ازاى؟ لا فدي بقا انا مينفعش اضحي ولو اتحطيت فالموقف ده هعمل واحدة غيرها حتى لو هينفعش اصلح الأولى المحروقة عشان انا عيزاها تبقى حلوة عشان عيد ميلادي مينفعش ابوظها وبعدين فالظروف دي هبقا واخدة بالي من الحاجات اللي بتستوي كويس اوي .. 5-قوليلى طريقتك فى تزين تورته لعيد ميلادك مثلا ؟ جيتي فوقتك انتي عارفة ان عيد ميلادي كان من قريب خـآلص وعملت تورتتين وجبتلك صورتهم بنفسهم بشخصهم أي خدمة سيرين بالهنا والشفا بقا انتي ولجنة التحكيم 6-قوليلى مقادير صنف واحد من الاصناف دى: بسبوسه – لقمه القاضى – الكنافه – بلح الشام – الكيكة الاسفنجيه الكيكة الأسفنجية : 10 بيضات فانيليا 1 ونصف مج سكر (( mug كوب كبير )) 2 كوب دقيق (( نستعمل نفس الكوب اللي عايرنا بيه السكر )) 2 ملعقه كبيرة نشا و لو هنعمل كيكة شوكولاته نشيل ربع كوب دقيق و نحط بدالهم كاكاو 1 ملعقه صغيره باكينج باودر 7-اختارى صنف واحد من الاصناف دى وقوليلى طريقته: الحمام بالفريك – الحواوشى – مكرونه بالباشمل – الكبسه السعودى نختـآر المكـرونة بالبشـآمـيل : المقادير المطلوبة : مكرونة مسلوقة.. صلصة الباشميل.. لحمة مفرومة معصجة .. جبنة موزوريلا مبشورة و الان لعمل اللحمة بستخدم.. بصلة مفرومة.. لحمة مفرومة... بندورة مفرومة .. فصين ثوم مدقوقين و صلصة طماطم و ممكن خضار مشكلة انا هنا استخدمت ذرة مفرزة.. و طبعا ملح و فلفل اسود و بهار و اوريجانو طريقة عمل اللحمة.. بنحمي الزيت عالنار ثم نضيف البصل المفروم و نقلب قليلا الى ان يذبل نضع اللحمة فوقه و نقلب جيدا تترك الى ان يتغير لونها الى اللون البني نضيف الثوم و نقلب ثم البندرة و تقلب جيدا ثم الذررة و نقلبها و تترك الى ان تذبل البندورة ثم نضيف الصلصة و تترك على النار الى ان تتسبك و تصبح جاهزة لعمل البشاميل نحتاج الى : كوب طحين تقريبا 7 ملاعق كبيرة.. ليتر من الحليب اي تقريبا اربع اكواب.. مكعبين ماجي و زبدة.. ملح و فلفل اسود و اوريجانو نضيف الطحين مع الحليب عالبارد يوضع على النار و نحركهم بالمضرب السلك الى ان يذوب الطحين تماما و يختفي بعد ان يسخن بقليل نضيف الماجي و الملح و الفلفل الاسود و الاوريجانو و طبعا ما بنتركها ابدا نستمر بالتحريك حتى ما تتقتل نضيف الزبدة و نستمر بالتحريك الى ان يثخن قوام البشاميل هكذا ترفع من على النار و الان التطبيق اللحمة جاهزة و البشاميل جاهز .. نضع المكرونة المسلوقة في طبق عميق او قدر و نضيف فوقها نصف كمية البشاميل نقلب المكرونة مع البشاميل جيدا حتى يمتزجو و ممكن اضافة القليل من الجبنة معها نحضر صينية الفرن ندهنا بقليل من الزبدة و نغطي قاع الصينية و الحواف بالبقسمات نضيف طبقة من المكرونة ثم نفرد فوقها اللحمة ثم طبقة المكرونة و نغطيها تماما ثم باقي صلصة البشاميل هكذا نوزع الجبنة المبشورة فوقها ندخلها فرن ساخن لمدة نصف ساعة او اكتر الى ان تتحمر الاطراف نفتح الشواية و نحمر الوجه نتركها تبرد شوي قبل التقطيع تقطع و تقدم مع السلطة والف عاااااافية 8-ايه اكتر اكله بتعرفى تطبخيها كويس قولى اسمها واكتبى المقادير والطريقه بتاعتها ؟ بصراحة يا سيرين انا مش مركزة على اكلة معينة انا بعرف اعمل كله بس على ادي يعني فهماني طبعا المهم انا هقول طريقة الكفتة المشوية بالفرن سهلة وبحبها المقادير : 1 كيلولحم مفروم بقدونس مقطع 3 حبة بصل مبشور 1 حبة طماطم مبشورة(للطراوة) 2 ملعقة كبيرة بقسماط مطحون(للتماسك) ملح فلفل اسود كاري توابل لحمة ثوم مفروم الطريقة : تخلط كل المقادير جيدا ويمكن اضافة بيضة ثانيا عمل الكفتة على هيئة صوابع ويمكن تغليفها بورق الفويل او لا حسب الرغبة ثم ادخالها الفرن على نار هادية لحد ما تستوي وبالهنا ...♥ 9-تفتكرى افضل نوعيه حلل بتستخدم فى المطبخ وبتطلع الاكل كويس ومش بتحرقه (التيفال ولا الاستالس ولا الالمونيوم ولا الصاج) ؟ بصي يا سيرين هي مش بالحلل يا حبيبتي وكمان كل نوع وليه استخدامه ومينفعش يخلى من البيت لكن مينفعش تلتزمي بنوع واحد بس وتسيبي الباقي ده اللي بعمله شخصيا لكن فاللي ذكرتيه التيفال حلوة في انها مش بتخلي الأكل يلزق فيها .. 10- هاتيلى صورة لمطبخ احلامك ؟ كـل دي أسئلة سيرين بالتـوفيـق ..♥