اختبار المرحلة الرابعة فى مسابقة ملكة الثقافة العامة

[Sєяєєη●•ʚɞ]

ازيكم يا اجمل بناتيت وملكات جمال وحشتونى وحشتووونى وحشتوووونى (وردة بتغنلكم ياخواتى).... النهاردة كدة من غير اى مقدمات هنبدأ اختبار الطبخ علشان لازم اشوف الشطارة... زى ما انتم عارفين ان الاختبار فى المرحلة دى مكون من جزأين جزء اول وهو اختبار اللجنة جزء تانى وهو الاختبار ده النهاردة هيكون فيه تغير بسيط بأن الاختبار هيكون اسمة وصفة - موقف هتتقسموا كل بنتين قصاد بعض والمطلوب ان كل بنوتة هتسأل اللى قصادها سؤالين سؤال عن وصفة لاى اكل او مشروب وسؤال عن موقف مطبخى (اما حاجة حصلت معاها فى المطبخ او لو نسيت مثلا تحط الملح فى عزومة او لو نامت ونسيت تعمل الاكل وجوزها جه ...الخ ) كل بنوتة هتبتكر للتانية موقف معين وتسألها هتتصرف فيه ازاى ..! يعنى المجمل ان كل بنوتة هتسأل اللى قصادها سؤالين عن (موقف - وصفه) ويجاوبوا ع بعض داكوووور كدة اختبار (وصفة - موقف) الملكات ارقام (1) - (5) كل بنوته فيهم هتسال التانيه سؤالين(وصفة - موقف) ويجاوبوا على بعض الملكات ارقام (13) - (14) كل بنوته فيهم هتسال التانيه سؤالين(وصفة - موقف) ويجاوبوا على بعض الملكات ارقام (11) - (3) كل بنوته فيهم هتسال التانيه سؤالين(وصفة - موقف) ويجاوبوا على بعض الملكات ارقام (8) - (9) كل بنوته فيهم هتسال التانيه سؤالين(وصفة - موقف) ويجاوبوا على بعض الملكات ارقام (10) - (2) كل بنوته فيهم هتسال التانيه سؤالين(وصفة - موقف) ويجاوبوا على بعض التعليمات 1- مدة الاختبار دة يوم واحد فقط هو النهارة الثلاثاء فقط 2- كل بنوتة تدخل تسال التانية من دلوقتى سؤال 3- كل بنوتة هتحط الرقم والصورة الرمزية فى بداية سؤالها وبردوا هتحطهم لما تجاوب على الملكة اللى معاها 4- هتكتبى فى اول سؤالك سؤالى للملكة رقم كذا +(اسم الملكة) 5- لو بنوتة دخلت سالت واللى قدامها اتأخرت او مادخلتش خالص النهاردة .. البنوتة اللى سألت هتاخد درجاتها عادى لان التقصير مش منها 6- اى استفسار اسألوة فى توبيك المرحلة الثالثة مش هنـــآ عشان ده امتحان وممنوع الغش 7- هيتم غلق التوبيك فى نهاية اليوم فجاوبوا بسرعه واسألوا اخيرآآآآآآآآ اظهرى انك ست بيت شاطرة سواء فى ردودك او فى اسئلتك عاوزة اشم الاكل والوصفات واقول وااااو ولو عاوزين اى مساعدة اجى اطفى ع طول ماتنسوش ان فيه توبيك تانى نزل خاص بالجزء الاول.. يلا انطلقووووآ يا بناتيت

[✿ Celiηα]

الملكة رقم (9)

✿ Celiηα



سؤالي للملكة رقم (8)

مشتاقه للجنه

السـؤال الأول ( 1 ) :

رمضان قرب كل سنة وانتي طيبة يا جميل
هاتيلي طريقة عمل ( القطايف بس بالكريمة )

السـؤآل الثـآنـي ( 2 ) :

لو كان عندكم ضيوف وانتي بتعملي
صينية حاجة حلوة بسبوسة كنافة اي حاجة بقا
المهم انتي حطيتيها فالفرن والضيوف جم
فعليتي عليها عشان تستوي بسرعة ورحتي
قعدتي معاهم

والريحة طلعت ^_^ والضيوف اللي لاحظوها
وقالولك هتتصرفي ازاي فالموقف المحرج ده ههههـ
وهتقدمي ايه بعد ما الصينية اتحرقت هههههههههـ

[حلم عمري]

الملكة (13) سؤالي للملكة (14) white flower (1) عايزة منك طريقة عمل الشاورما اصل بحبها اوووي ^^ (2) لو ضيوف طبوا عليكي فجاة وانتي مش عاملة حسابك ومش مجهزة حاجة تقدميها هيكون موقفك ايه ^^

[الأميرة رودي]

الملكه ( 5 ) الاميره رودي سؤالي لحبيبتي ا لملكه (( 1 )) الحان الورد 1- الموقف احكيلي يامليكتي لو في يوم عندك ضيوف مهمين جاين يطلبو ايديكي وانتى بدل ماتحطي ف العصير سكر رحتى حطيتي ملح وكتييير وفعلا قدمتى العصير على الصينيه وبعد مارووحتى المطبخ اكتشتفتي المصيبه وعرفتمى ان اللى ف العصير ملح مش سكر هتتصرفي ازاى هتسيبي الجوازه تبوظ ولا هتعالجى الموقف السخيف ده ازاااى؟ //// :::::: /// الوصفه 2 - الحقيني ياملكايه اختك الملكايه المزعجه محتاسه ومحتاجه نصيحتك عرفيني ازاى اعمل شيش طاووق ( لحم ) مغرمه بيه مش عارفه اعمله ممكن تعلميني /// ::::::::::: ///

[مشتاقه للجنه]

الملكة رقم (8)

مشتاقه للجنه



سؤالى للملكه رقم 9


✿ Celiηα

السؤال الاول :

هاتى طريقة عمل الكريم كرمل ؟

السؤال التانى :

حصل معاكى أنك كنتى عازمه أصدقائك على بيتزا من عمايل ايدك
بس الخميره كانت منتهيه الصلاحيه معرفتيش الا بعد ما وضعتيها على العجينه
هتتصرفى أزاى تكملى البيتزا ولا تعملى أيه ؟ مع ان مفيش دقيق وطبعا لا خميره ؟؟


بالتوفيق

[✿ Celiηα]

الملكة رقم (9)

✿ Celiηα



إجابتي على الملكة رقم (8)

مشتاقه للجنة

السؤال الاول :

هاتى طريقة عمل الكريم كرمل ؟

طـريقة عمـل الكـريم كـرآمـيل ..



المقادير

ربع كوب سكر للحرق
6 بيضات
كوبين حليب سائل
ربع كوب سكر
ملعقة صغيرة فانيلا

الطريقة

سنعمل على وضع السكر المخصص للحرق في مقلاة
ونضعه على النار إلى أن يصبح كالكراميل
ثم نصبه بالتساوي في الأكواب التي سنصنع بها الكريم كراميل
الآن سنضع البيض + السكر + الحليب + الفانيلا في خلاط العصير
ونخفقهم إلى أن يتجانسوا مع بعضهم البعض
ثم نصبهم في الأكواب التي وضعنا بها الكراميل
سنضع الأكواب في صينية للفرن ونسكب بها قدر 3 أكواب من الماء
وندخلها إلى الفرن الحار لمدة تتراوح بين 40 دقيقة إلى ساعة كاملة
( حتى يجمد الخليط داخل الأكواب )
فنخرجها من الفرن ونتركها إلى أن تبرد تماماً
ونأخذ الأكواب ونضعها في الثلاجة وتقدم في اليوم التالي

وبالهنا ... ♥

السؤال التانى :

حصل معاكى أنك كنتى عازمه أصدقائك على بيتزا من عمايل ايدك
بس الخميره كانت منتهيه الصلاحيه معرفتيش الا بعد ما وضعتيها على العجينه
هتتصرفى أزاى تكملى البيتزا ولا تعملى أيه ؟ مع ان مفيش دقيق وطبعا لا خميره ؟؟

مممممم بصراحة موقف صعب
بس انا لازم يكون عندي بقا دقيق احتياطي
وكمان لازم اخد بالي من حتة صلاحية الخميرة دي
وكمان احسن حاجة انهم اصحابي البنات يعني عادي
ممكن ناخرهم شوية بقا براحتنا وهنزل بسرعة اجيب
خميرة جديدة على الدقيق طبعا الجديد واعمل واحدة تانية

مـيرسي ليكـي يا جمـيل

بالتـوفيق ..♥

[مشتاقه للجنه]

الملكة رقم (8)

مشتاقه للجنه





أجابتى على الملكه رقم 9


✿ Celiηα

السـؤال الأول ( 1 ) :



رمضان قرب كل سنة وانتي طيبة يا جميل
هاتيلي طريقة عمل ( القطايف بس بالكريمة )


قطايف بالكريمة





المقادير:


1 كيلو قطايف
عسل (شربات)
مكسرات مفرومة (اى نوع)
زيت للقلى,
كريم شانتى.
كريمة الخفق(اختيارى)

الطريقه


نجيب القطايف ونبرمة زى القرطاس من تحت :
وبعد كدة نقليها فى الزيت>
وتطلعيها من الزيت تحطيها فى الشربات
بعد كدة تصفيها من الشربات
وتضربى الكريم شانتى مع الكريمة
وتحشيها وتضعى الكسرات فوق الوجه

السـؤآل الثـآنـي ( 2 ) :

لو كان عندكم ضيوف وانتي بتعملي
صينية حاجة حلوة بسبوسة كنافة اي حاجة بقا
المهم انتي حطيتيها فالفرن والضيوف جم
فعليتي عليها عشان تستوي بسرعة ورحتي
قعدتي معاهم


أزاى أعلى عليها لازم اظبط الفرن على 180
واظبطه بالوقت ...

والريحة طلعت ^_^ والضيوف اللي لاحظوها
وقالولك هتتصرفي ازاي فالموقف المحرج ده ههههـ
وهتقدمي ايه بعد ما الصينية اتحرقت ههههههههه


بصراحه موقف بايخ أووى
بس أقول لهم الجيران حرقوا الاكل هههههههههه

واتصل بالحلوانى تيك أووى
يجيب اللى عيزاه

شكراا يا قمر

[Sєяєєη●•ʚɞ]

هههههههههههههههه
ياريتنى كنت قولتلكم احكوا مواقف من زمان دا انتوا طلعتوا حكاية
وردودكم مسخرة
استمتعت باجاباتكم ومواقفكم
يلا استمروا

[همسه الجوارح]

مشاء الله مسابقه روعه بجد
واعضاء مميزين
بالتوفيق للجميع

[ارهابية وامى عرفة]

الملكة ((2)) سؤالى للملكة ((10)) ahla bnota السؤال الاول قوليلى وصفة الحمام المحشى بالرز عشان ماما هتشد فى شعرها منى كل اما تقلهالى وتقلى اعمليها عشان انا تعبانة ابوظو الحقينى يا ملكة السؤال الثانى لو كان جيلك ضيوف وهما جم على اباب وانتى كنتى حطة الاكل على النار وسبتية ورحتى تظبتى نفسك واكتشفتى ان الضيوف جم واللاكل اتحرق هتعملى اية بالتوفيق ياملكة