اه لو اقدر

[نور ونار]

بس لو اقدر أشِـد الفيشة ..
و افصِل كده م الدنيا دقايق ..
و اقعُد زى الورقة البيضا ..
و لا فرحان ..
ولا متضايق !!

زى الكورة ف ماتش الدنيا ..
أهضم خبطة تجينى التانية ..
مليون رأى ف نفس الثانية ..
لو شاطر تقدر و تلاحق !!!!

و يتوه صوتنا ف وسط الزيف ..
و الزيف قادر ع التأليف ..
بيوزع إشارات ع الكيف ..
و الأوهام يقلبها حقايق ..

عايشين دوامة أخبار ..
مرة قانونى و مرة هزار ..
دول مرتزقة و دول ثوار ..
و ده مأجور كداب و منافق ..

نفسِى يا دنيا ف خمسة هدووووء ..
يمكن بعد التوهة نفوق ..
نفسى الليل يطلعله شروق ..
و البال يرجع صافى و رايق ..

مما راق لى

[رووكه]

نتمنى ذلك

ولكن الجميع من الان سيخلد

فى أمان وهدوء وسيصبح الحال

ارقى واجمل بامر الله


كل الشكر لك اخى على ما راق لك من اختيار

دعواتى لك

[السفيره عزيزه]

بسم الله الرحمن الرحيم

عليك بطريق يسير وامين
طريق ونهج اهل الدين

فى الازمات ثابتين رضيين
وفى المسرات اخلاق وشكرين

لنا رب قوى ومتين
والبلاء ديما لاهل الدين
وركعتين والناس نيمين
تمسح قلب كل حزين
جَرب كده وانا كلى يقين
ان الله يدافع عن المؤمنين

السفيره

[نور ونار]

روكه
يسلمو على تواجدك المميز
دومتى لى من القراء
وكونى دوما فى الجوار
فيض ودى

[نور ونار]

السفيره عزيزه
شاكره لك كلماتك العذبه
دومتى بخير
فيض ودى