آنثي ناعمة

[saMka samir]

1. 
   
   
   السلام عليكم ورحمة الله تعالى وبركاته...~
   
2. آهـلآ بيكم يا بنـآت في توبيك شامل هتعرفوآ محتوآه ان شاء الله
3. لما تتابعوه
   
4. انا هقسمة علي حلقـآت علشان الملل وعلشان انا الي بجمعة
   
5. وان شاء الله تستفادوآ منه
   
6. by the way كل الخلطات الي هتنكتب هنا انا مجرباها شخصيا ونتايجها مضمونة باذن الله
   
7. بس مش عاوزة اي واحدة هتجرب الخلطات انها هتفتكر نفسها هتبقي like prety
8. لآنك اصلا Queen فمتنسنيش من خلطة انها تخليكي ملكة
   
9. الجمال الخارجي مطلوب والاهتمام بيه وآجب
10. بس جماله فاني
11. الاولي زي ما نهتم بجمالنا الخارجي .. كمان نهتم بجمالنا الداخلي الاول

[saMka samir]

الحلقة الاولي

هنقسمها علي جزئين
الاول بيتكلم عن :-

- البشرة الدهنية..
- البشرة الجافة..
- البشرة المختلطة..
- البشرة الحساسة...



البشرة الدهنية :\

هي اول ما تبصي في المراية تلاقي وشك بيلمع
خصوصا عند حرف الـ T ( الجبهه -الانف -الخدود )
بتكون ناعمة جدآ
الحبوب عادة كمان بتظهر في الحرف الـ T حمرآ
كمان المسام بتكون واسعة
واخيرآ ان المكياج بيبوظ بعد فترة قصيرة نتيجة للدهون الي بتفرزها البشرة دي
بس ليها ميزة البشرة دي ان علامات الشيخوخة والتعاريج بتظهر فيها قليل وبعد فترة ( يا بختكم )


إزاي تعتني بالبشرة الدهنية


التنضيف الدايم والمستمر للبشرة
استعمال قابض للمسام لانها هي الي بتسبب في افراز الدهون ودا بيشتري من الصيدلية
الترطيب مهم جدآ ودا ممكن تشتري كريمات ليه او تتابعي معانا ^_^




البشرة الجافة :-

هي بشرة رقيقة
خشنة علشان مش بتفرز دهون :\
علي عكس الدهنية تماما فحرف الـ T مقلوب ( الانف -الجبهه)


إزاي تعتني بالبشرة الجافة
التنضيف
التقشير الدايم مرتين (2) في الاسبوع
الترطيب
شرب الماية الكتير



البشرة الحساسة :-
هي بشرة رقيقة جدآ
وناعمة جدآ جدآ
واصحاب البشرة دي وشهم علطول محمر صيف شتآ :\

ازاي تعتني بالشرة الحساسة
نفس الطرق بالعناية بالبشة الجافة بس بلطف



البشرة المختلطة :-

هي البشرة الي بتجمع بين كل دة مميزآت وعيوب
ودي اغلبنا علي فكرة في مصر بشرتهم مختلطة او دهنية ^_^

وطبعا نفس العنياة في كل البشرات

[saMka samir]

دي بقي ملآحظآت بخصوص البشرآت
تحت عنوآن الوقاية خير من العلآج ^_^ :*

- لما تشتري ميك آب حاولي ميكونش رخيص خصوصا ان كان بودرة او كونسيلر او روج او قلم كحل
-متاكليش شيبسي كتير او تشربي بيبسي والحاجات دي كتيرة
-حاولي تكتري من شرب الماية
-استخدمي واقي شمس يكون غالي وياريت يكون ناصح بيه دكتور مش صاحبتك كل بشرة بتختلف عن التانية
-بيفضل تكون الميك اب المكونات المستخدمة منها هي اللبن والعسل والهيدروكسيد .. لان الحاجات دي بمتص الدهون
-بلاش العادات السية في معاملة الوش بطريقة غير ادمية دي

بس كدة

[saMka samir]

الجزء التاني
معلومات مهمة لكل واحدة فينا لازم تعرفيها قبل اما تتابعي معايا برنامج الخلطات ^_^

العيون

ايه هي المشاكل الي بتقابل العيون
العين هي مرأة الانسان .. وبالنسبة للبنات فاحب اقولكم انها حاجة مهمة في التثبيت

الإحمرار.
الهالات السوداء :\


اسباب ظهور الهالات السوداء:

- الإرهاق.
- الضغوط النفسية.
- السهر، خاصة لعاشقات الفيس ولتلفزيون
والهاتف المحمول،
- التدخين.
- قلة شرب المياه. زي ما قلتلكم

الانف
النقط السودآ
وحجمها

طبعا العناية بيها بالتقشير وبالنسبة للحجم يا اما ترضي بخلقة ربنا او تخبيها بالميك اب او تعملي عميلة تجميل


الفم


II-مشاكل الفم:
1- إصفرار وتسوس الأسنان.
2- الروائح
3- سواد المنطقة حول الفم.

والمشاكل دي هنقول ان شاء الله حلها في الخلطات

بس السواد حول الفم دا نتيجة معجون السنان يا بنات

الشفايف

التشقق
والاسمرار

التقشير والترطيب مهمين جدآ وهتتعملي معانا ازاي
بس ان شفايفك توصل انها تسمر هنا لازم تدخل طبي للاسف

والي عاوزة تسأل تتفضل انا خلصت انهاردة ^_^

[Miss Cute]

حلووو
متابعاكى ^^

[شاعر واسير الحب]

كل سنة وانت طيب
اللهم بلغنا رمضان
مجهود منك رائع
لك تقديري

[saMka samir]

اقتباس المشاركة الأصلية كتبت بواسطة miss cute حلووو متابعاكى ^^

يشرفني وجودك

اقتباس المشاركة الأصلية كتبت بواسطة شاعر واسير الحب كل سنة وانت طيب اللهم بلغنا رمضان مجهود منك رائع لك تقديري

وحضرتك طيب ,, آمين يارب
متشكرة لوجودك