( المقلب الاول ) ( بقى دا كلام2 ) ( شاعرة الرومانسية )

[morshooo]

بسم الله الرحمن الرحيم

اهلا بيكم جميعا

بعد اعلان ( عزل ) ( مرسى ) امبارح وفرحه الشعب المصرى

قولت انا و ( أسيل ) نفرجها على الاعضاء ونزل حلقة من برنامج

( بقى دا كلام 2 )

وان شاء الله باقى الحلقات هيتم عرضها فى

( شهر رمضان )

لو كنا موجودين فى حاله تصحيح الاخطاء .

ضيفة حلقة النهاردة

شاعرة الرومانسية



البـــــــــــــــداية :

بعت رسالة خاصة للضيفة قولتلها ان فى برنامج جديد عاملة

وفى اخر سؤال المفروض بعرض علية ( 3 اسماء ) اعضاء

هيوجهلهم نقد فقط وفعلا الضيفه اقتنعت بالكلام دا .

تعالو نشوف الرسالة الى بعتهالها الى المفروض فيها رئى

( Ļẻtסĩ√)

ودلوقتى مع اخر سؤال

وهو عبارة عن انك هتختارى 3 اعضاء

هتنقديهم مع العلم ان هيكون ليهم حق الرد ونقدك

العضوة الثالثة /
شاعرة الرومانسيه

رئى ( أسيل فيكى )

بحس انها مش كل ردودها نابعه من جواها
زى ماتقول كده ردود منقوله
وده طبعا مش بيضيف للعضو حاجه
وفى ردود كتير ملهاش علاقه بمضموع الموضوع
وبصراحه لما كانت مشرفه مفيش حاجه اتغيرت فى قسم الخواطر
وكويس انها اتشالت من الاشراف عشان القسم محتاج عضو مبدع

ودلوقتى ( شاعرة الرومانسية )
شافت الرسالة وبعتتلى الرد دا :

ياخبر أبض منقوله والله حرام ههههههه ياريت اعرف انقل
انا عمرى ما كتبت خاطره او قصيده او قصه أو رد الا لما احس
كل حرف فيه وأتعايش بيه وكأنى بالفعل عايشه الحدث
اكيد الى بينقل مش بيضيف لتاريخه شىء
لأنه لم يحس حرف واحد ولا عاشه باحساس
ياااه اكيد الكلام ده مش لشاعره يا جماعه ههههههههه
عمرى ما رديت على موضوع لأحد الا بتأثرى بما كتب
ومواضيع كتيره قوى بدخلها وأقرأها واخرج بدون رد عليها
وكتير لاحظوها وواجهونى انتى ليه دخلتى الموضوع وخرجتى بدون رد
وقتها فقط بقول لصاحبه عشان ما حسيت الصدق فيه او فكرته مشتته
يرد صاحب الموضوع ويقولى والله عندك حق وبيحترم عدم ردى
والى هايشوفو كلامى ده هايفتكرو المواقف دى
والله ده لو وجهه نظرك فواجبى انى احترمها حتى لو فيها ظلم وتجريح
وياستى او ياسيدى لو وجودى بالخواطر كان غلط أدينى تركته للى أحسن منى وأكيد المشرفين الى فيه ناس أفاضل
واد حبيب رجل فاضل ونشيط وانا شخصيا إتعلمت منه ياما
وكمان الأخت الغاليه روكه حبيبة قلبى منوره القسم وانا بحب قلمها جدا
وشىء يسعدنى نجاح القسم حتى لو بمجهود غيرى
اما نقدى للى انتقدنى هاقوله انا مش زعلانه والله وجهات نظر
بس هاقول كلمه واحده شاعرة عمرها ما نقلت لاخاطره ولا قصيده ولا رد وياريت الى عايز يتأكد يعمل فرز لكل اعمالى بملفى الخاص
وأراهن بعمرى لو لقى حرف اتكتب من غير احساس ومشاعر شاعره
وكلمه اخيره انا بتمنى الخير لكل البشر حتى لو ظلمنى بقصد او بغير
والله يسامحنا جميعا لاننا بشر ولم نكن ملائكه

بعد الرد الطويل العريض دا ^_^
بعتة لـ ( أسيل ) عشان ترد علية تانى
واسيل ردت على كل دا فى سطرين وباختصار قالت :

اولا بشكرك لتقبلك النقد شاعرة
بس معنى كلامك ان انتى مكنتيش اد قسم الخواطر ولا ابدعتى فيه
والا ماكنتش الادارة شالتك من الاشراف
انتى شايفه انك قصرتى فى القسم وايه هو التقصير؟
وايه اللى المفروض كنتى تعمليه فى القسم ومعملتهوش

طبعا رد رخم واكيد الضيفة لما شافته اضايقت
حتى شوفو ردت وقالت اية :

اولا حبيبتى بفضل من الله انا مشرفه على الأقسام الأدبيه فى منتديات اخرى والجميع يعلم بها وانا هنا الحمد لله اديت واجبى جدا والحمد لله والجميع يشهد على نشاطى بالقسم قبل تركه
لكن لو رأيك الشخصى انى ما كنت أده هذه وجه نظرك الخاصه
اما تركى للاشراف كان لسبب بعيد جدا تمام البعد عن القسم
مالوش ارتباط بالعمل فيه
ولو الاداره شالتنى وشايفه انى مش قد القسم فرأيها لم يضايقنى
لأنى انا كقلم أعلم قدر قلمى
وايضا للاداره كل الاحترام ولرأى حضرتك وزى ماقلت من قبل
القسم به مشرفين أفاضل وماشى زى الفل ودا شىء يسعدنى
بالعكس انا ماقصرت ويعلم الله والجميع مش عشان الاشراف فقط لأنى بحب القسم ايضا وكان معايا فريق عمل ممتاز وكا من أنشط الاقسام
وأتزكر يوم كان عدد الزوار بالقسم الخاص بالخواطر بي 380 وكلمت
ساحر الاحزان قلت له شايف بالقسم كام زائر انبهر وضحك
وانا نفسى كنت سعيده بالعدد ده الى كان أكبر عدد زوار فى اى قسم
لا يتعدى 10 زوار
افتكر لو القسم مش شغال ولا نشيط مش هايزوره مايقر من 400 زائر
فى لحظه واحده
ها انا رديت اهو
ارحمنى بقىىىىىىىىىىىىىى
اصل اجى اموتك انت وهى هههههههههههههه

عنيفه قوى ( شاعرة الرومانسية ) ^_^
طبعا وضح انها اضايقت خلاص
بس لسة ( اسيل ) هترد على الكلام دا
حتى شوفو ردها كان ايه

ميرسى اوووى شاعرة الرومانسيه على تقلبك للنقد
وعلى طولت بالك وصبرك ده
بجد ابهرتينى بردودك
وعايزة اقولك حاجه

انتى من انشط الاعضاء فى المنتدى
وكل اللى حصل ده والرسايل دى كانت

مقلب
ههههههههههههههه
تعيشى وتاخدى غيرها
والحلقه هتتذاع وافقتى ام ابيتى
ربنا يوفقك

ودا اخر رد لـ ( عاشقة الرومانسية )
بعد الصدمة

يااااااااااااااااااااالهوى دانا لو مسكتك دالوقتى هاموتك
ياراجل دا انا حطيت اعصابى فى ثلاجه
وتظاهرت بهدوء اعصابى
وانا بغلى من جووووووووووووووووه
يااااااااالهوى عليك
انت مش هاتموت الا على ايديه يا احمد
بجد انت هاتموتنى هههههههههه بالشلل فى حوار من حواراتك
ههههههههههههههههههههه

احم احم

وبكدا بتخلص اول حلقة ^_^

ولسة الى جاى احلا

[gold rose]

هههههههههههههههههه
حرام عليكم وربنا .,
بقا دا نقد .,
الواحد لازم يحذر بعد كدا .,
جميل يا مورشدي .,

[عاشقة ذكر الله]

هههههههههههههههههههههههه
ي عينى عليكى اتصدمتى :d
حلقه جمييله منك ي مورشو
نوووورتى ي شاعره و ماشاء الله هاديه
يسلمووووو

[كوين ميرو]

شريرين شريرين حرام والله حرق الاعصاب ده

انت يااحمد مش هتورد على جنه يابنى

معلش شاعره تعيشى وتاخدى غيرها ياقمر هههههههههه

[حلم عمري]

ههههههههههههههههههه
الله يكون في عونك يا شاعرة انك استحملتي
حراااام عليكم كل دا نقد
بجد انتم مش هتوردوا علي جنة ولا علي نار هههههههههه
في انتظار باقي الحلقات بقا

[حَرفُُ هجآءّ]

احم احم
يانهار ابيض مين الناقده الغلسه دى ؟
بصراحه احساس فظيع لما تشوف اللى قدام عمال يدافع عن نفسه
فى حاجه مش فيه
هههههههه
فعلا اشرار

ميرسى يا أحمد
فى انتظار باقى الحلقات

[العاشق الذى لم يتب]

ياأحمد بلاش الخناقات والمعارك اللى ببتعملها

كل سنة وانت طيب
والشعب المصرى كله طيب
وبمناسبة شيل مرسى وحط منصور
لازم نعرف أن هناك حاجة أسمها أقدرا الله
يهب لمن يشاء ونزع ممن يشاء

وربنا يصلح حال مصر والمصرييين
فقط احب اقول فى النقطة دى
عاوزين نبقى كلنا احباب وأصحاب ولانجعل
أختلافنا فى السياسة ووجهات النظر
يكون سبب لبغضنا لبعض ولانزعل من بعض أبدا

المهم الكل يحترم وجهة نظره ودون تعصب
نروح لأخوتيا الغاليتان نعم والله غاليتان والله شهيد على ذلك

وعلشان الموضوع أصله مقلب
أنا عن نفسى زعلت جدا واتقهرت جدا

لما شوفت النقد بتاع أختى أسيل
وكنت عاوز نيابة عن شاعرة أتقدم بشكوى ضدتها للنائم الخام
بس لما عرفت أنه مقلب برد نارى وسكت
والله ومن غير مجاملة أولا أنا ماحضرتش فترة الاشراف للأخت شاعرة

بس والله أنى متابع كل ماتكتبه شاعرة وجميع ردودها
مارأيت ردا إلا وكان فى المضمون وبكل الموضوعية
شكرا لك يارشرش
وروج شوف فرحك وعروستك
وبطل مقالب
لكم جميعا
تحياتى وودى

[Ŗăήćy]

هههههههههه ياحول الله يـآرب
ربنا يكون فى عونك يآ شاعرة والله
وكويس انك تظاهرتى بهدوء اعصابك^^
تعيشى وتآخدى غيرها بئا ياقمرى

تسلم أ/أحمد&اسيل
تعيشوا وتعملوا مقالب فى الاعضاء^^

[♥SaRa]

ـههههههههههههههههه
حرام عليك يا مورشو
اية حرقة الدم دي
بجد ربنا يكون في عونها يااشرااااااااار^^
حلقة جامدة عقبال التانية ومنتظرين

[phalsteen]

هههههههههههههه
ايه دا يا اسيل
وانا اللي بقول عليكي طيوبة
وبعدين دي حنين غلبانه اوي

كل سنه وانتوا طيبين
وفكرة جميلة ولطيفة جدا
وربنا يستر من الباقي