رجاء ونصيحه لكل البنات

[ملاك ودمعتى هلاك]

يابنات لو سمحت خلو بالكو من نفسكو
متسدقوش اى كلمه تتقال ليكو
مش معنى انو قالك بحبك يبقى سادق مايمكن او اكيد بيقفل معاكى من هنا يبدا فى نفس الاسطوانه مع واحده تانيه
مش معنى انو يقولك انا مش قادر انام باليل من كتر مابفكر فيكى يبقى صح
مايمكن مش قادر ينام فعلا بس بسبب الناموس
مش معنى انو يقولك انا من غيرك مااقدرش اعيش يبقى انو سادق
جربى كده هاتلاقى تانى يوم بيكلم مليون واحده غيرك
فكرى فى نفسك وفى اهلك وانتى بتقابليه او بتخرجى معاه كل يوم فى حته شكل
فكرى فى اهلك الى واثقين فيكى ومخليينك تخرجى وقت مانتى عايزه حرام عليكى لما تخلى بعمايلك ابوكى ماشى فى وسط الناس موطى راسو ومش قادر يرفع عينو فى وش حد حرام تكسرى امك وابوكى الى ربوكى بعمايلك
هو لو بيحبك مش هايرضى حد يقول عليكى نص كلمه هيخاف عليكى اكتر من نفسو
هاتقوليلى
ده فمره كان فى ولاد بيعاكسونى وهو دافع عنى
هاقولك مش شرط اى شاب عنده شويه دم ونخوه ورجوله هايعمل كده مع اى حد مش شرط علشان بيحبك
هاتقوليلى ده اتعور
هاقولك وربنا ماتستبعدى ان دول صحابو وعاملين الفيلم ده علشان توافقى تكلميه
الولد لما بيكون عايز واحده يقضى معاها يومين فى سهرتين فى كلمتين اخر اليل يبقى مابيحبش
ده كده بيتسلى ياحبيبتى
واول مايفكر فى الارتباط اول كلمه بيقولها لامه
عايز مايكونش فى غيرى فى حياتها واكون انا اول واحد
فى حياتها
حرام عليكى تسوئى سمعتك وسمعت اهلك واخواتك علشان واحد مهما
قال وحلف هايسيبك ويدور على واحده ماكلمتش حد قبلو او خرجت معاه
مش معنى انو قالك انو بيحبك يبقى انو هايدخل البيت من بابو
طب يدخل ليه من الباب وهو خلاص دخل من الشباك
الولاد الى عايزين يتجوزو
زى الى بيدور على شقه يسكن فيها
واحد وعاش فى بيت يوم يومين شهر سنه وخلاص عرف الشقه وحفظها من غير مايدفع ولا مليم
هايشتريها ليه وهو اصلا وقت مايعوز هاينط من الشباك
يبقى يدفع فلوس فى حاجه ببلاش ليه




فكرى فى نفسك ماتقوليش لا انا ماقدرش اعمل معاه كده سدقينى ممكن يكون مستنى اللحظه ده وعمرو ماهيكون باقى على واحده
ماتزعلوش من الى انا هاقولو كلمتو ومشيت معاه
تفكير كل الولاد الا من رحم ربى
زى ماكلمتنى ومشيت معايا ماممكن بعد ماخطبها ولا اتجوزها تعمل كده
والى بيعمل حاجه مره بيعملها 100 مره
فكرى عيدى حساباتك
وانتى فى ايديكى الاختيار
تعيشى يومين فى كلام الحب والرومانسيه الى هما اساسا كدب وكلها كام يوم وسمعتك تبقى فى الارض وتعدى جمب امك وابوكى
ولا تصونى نفسك للى يستاهلك ويعرف ايمتك ويصونك طول العمر
فكرى واختارى
القرار بايديكى انتى























اتمنى ماكنش طولت عليكو
تحياتى للجميع
بقلمى

[saMka samir]

مظبوط الكلآم والله
والحق ميزعلش حد ^_^
المفروض الواحدة مننا متأمنش غير الي قدرها
والتقدير هنا انه يجي لغاية عندها
مش هي تنزله من ورآ اهلها
اي نعم ان كل الرجالة مش زي بعض
بس احنا في زمن مش حلو والناس مش بقوآ بس بوشين دا قيه تلاتة واربعة :\
للأسف

[ملاك ودمعتى هلاك]

[QUOTE=saMka samir;4064983]مظبوط الكلآم والله
والحق ميزعلش حد ^_^
المفروض الواحدة مننا متأمنش غير الي قدرها
والتقدير هنا انه يجي لغاية عندها
مش هي تنزله من ورآ اهلها
اي نعم ان كل الرجالة مش زي بعض
بس احنا في زمن مش حلو والناس مش بقوآ بس بوشين دا قيه تلاتة واربعة :\
للأسف



طبعا بعد الكلام الرائع بتاعك ده انتى ماخليتيليش اى كلمه اقولها
اسعدتينى بدخولك العطر وكلامك الاكثر من رووعه

[Angel Smile]

بصى يا جميلة كلامك صح كتيير كتييير
بس عمرهم مهيصدقوا الكلام كدة و انتِ بتقوليه
لازم تيجى من عندهم لما يتجرحوا كدة
لان حتى الان مشفتش واحدة عملت
حتى لو تابت و رجعت للربنا
بيبقى بعد الجرح للاسف
لان فالوقت ده التعلق بيبقى شدييد جدًا
فحتى لو ربنا بعتلها رسايل فى اماكن كتييرة
بتطنش علشان التعلق

للاسف بقى البنات و الولاد
ربنا يهدى البنت لانوثتها و يهدى الولد لرجولته .

موضوع قيم كتيير
مشكورة بقى

[ملاك ودمعتى هلاك]

تشكرى على اهتمامك
وهو ده واله الى انا خايفه منو
لان الجرح ممكن يعلم وسعات كتير بيسيب شرخ فى القلب مهما عدى الوقت مابيلمش تانى
وانا بحاول انصح وبعمل الى عليا
اللهم مابلغت اللهم فااشهد
نورتى التوبيك

[ana lola]

كلامك صح ومظبوط والكل دا
نظامه مفيش حاجة اسمها نوعين
الراجل هو الراجل ولو عايز هيدخل من الباب
وعجبتنى كلمة الشباك دى يلا ياريت كل بنت تشوفه تاخد
بنصيحة مش تطنشه تسلم ايدك يا جووونان

[M.B]

ههههه

بصراحه موضوع جامد وحقيقي فعلا وبشوف صحابي كتييييييييير كده

ومكدبش عليكي كنت كده بس لحد ما جت الي ربيتني بقي

لاكن فعلا للبنات ياريت تبعدوا عن قلبكم شويه وتشغلوا عقلكم

[ملاك ودمعتى هلاك]

والله مافيش حد جونان هنا غييييييرك
نورتينى بكلامك المميز

[هاني ,,,]

إهداء للشباب

إهداء من نزار قباني للبنات

ليه القسوة بس ياملاك ،،،

خلوا بالكو ياشباب ... برضو نفس الحكاية والكلام ليكو

[M.B]

اقتباس المشاركة الأصلية كتبت بواسطة ملاك ودمعتى هلاك والله مافيش حد جونان هنا غييييييرك نورتينى بكلامك المميز

جونان ههههههه

ده نورك عشان توبيكك