اخر كلام

[عبدالحميد ايوب]

من سنة
رحت عند حماي اطلب ايد مراتي
لقيت كتير غيري راحو
قلت حقي اني اشارك
طلعوا اهل البيت جميعا
قالوا اهلا بس حنصوت عليكم
بعد فرز كل اصوات القرايب
قالوا مبروك يا عريسنا
وزفوهالي
من يومين
جه فتوة البلد وخد مراتي
ثم جوزها لغيري
وقالي ايوة يجوز كدة
هوه انا طلقتها
حتي يديها لغيري
مرجعشي ليه لاهلها
دا الجوازة تبقي باطلة
هو دا الشرع الجديد
لو عاوزها يبقي اخدها بالدراع
رغم اني كنت عارف
الفتوة
كان عاوزها من زمان
نفسه فيها
اهو خدها بالخداع
اداها لواحد خسيس
اشتراها بالرخيص
أتجوزها وهي لسه ف عصمتي
والفتوة هو .... البلد
لم قسيس المسايحة علي شيخ المسلمين
علي واحد دقنه طوله
وواحدة ماتت من سنين
وكمان العم شكشك
وجماعة مؤدلجين
كلهم قالو مراتك كرهتك
افترض
هوه انا طلقتها
حتي تتجوز بغيري
بس كلمة الفتوة
هيه مش اخر كلام
اسالوها
هي عايزاني انا
ولا عايزة الانفصال
اسالوها
وانا راضي حكمها
اسالوها
وهو ده اخر كلام

[شاعر واسير الحب]

كلمات معبرة وحلوة جدا
احسنت
شكرا علي المجهود
تسلم الايادي
دمت بخير

[~♥ Queen sozan♥~]

كلمات بجد حلوة منك

يدوم التميز

[همسه الجوارح]

عبارات بسيطه وتشبيهات جميله
اعجبنى الاسلوب كتير
مودتى واحترامى

[مارد الغضب]

و قد تحققت تنبؤاتك

[ضـى القمر]

حلو اوى اسلوبك
بسيط بالكلام لكن عميق بالمعنى
راقت لى جدا جدا جدا
مشكور اخى تسلم اناملك