الدنيــــآ ســــآقيــه

[Şα3Đ..♥]

الدنيا دي ساقيه
دايره وبتدور
يوم عليك باقيه
وفـ وشك يوم تثور
يوم فيها تعبي وتعلي
ويوم تفًضِي ف الجحور
زي الساقيه تمام
بتملا وتفضي
وحلالها ويا الحرام
وفـ بعضه مستخبي

بتفضل ياما تجري
وتقوم وتتكفي
وتقول لسه بدري
ولا عمرك بتكتفي
وف لحظه
من غير ما تدري
العمر ينتهي

وتنتهي الرحله
من غير حتي الوداع
وتلم اوراقها
وتلغي الاجتماع
وتنهي فـ سباقها
ويخسر اللي باع
وتسحل من سرقها
وخدها بالدراع
وتصون اللي حفظها
وكلها بالحلال
وبعد عن زنوبها
وخاف من الضلال
دي مسيرها لمن خلقها
والمخلوقين رحـآل

ياللي انتي سلم مجد
والكل عايزينك
ومتعلقين بيكي
ماسكين طررابزينك
لا باقي فيكي حد
ولا هما فاهمينك
وبينهشوا فـ بعض
ويسودوا سنيينك

ايه فايده ده كله
دي هتخلص مننا
والسايب هتلموا
وتخلص ذنبنا
ما تحاولوا تقلوا
من سم الالسنه
وقبل ما تضلوا
عودوا لربنا
سموا بقي وصلوا
وعودوا لربنا

[طمطم]

وهو فـ بعد كده كلام يتقال ,,

ابدعت كالعادة ,,

[Şα3Đ..♥]

اقتباس المشاركة الأصلية كتبت بواسطة طمطم وهو فـ بعد كده كلام يتقال ,, ابدعت كالعادة ,,

ربنا يكرمك يا طمطم
وكل سنه وانتي طيبه يارب
منوره

[Words Whisper]

واللي يصر يلف معاها
يبئا هيفضل يلف وعمره مايرتاح ..


جمييلة ماشاالله ..
شكراً لحضرتك ..


تقييمي ..

[~♥ Queen sozan♥~]

كلمات مميزة منك يا سعد ,,

مفيش تعليق غير يدوم التميز ,,