الوحشية وصلت لهنـآ ..؟؟؟

[✿ Celiηα]

السلام عليكم ورحمة الله وبركاته

انا اول مرة ادخل هنا
بس بجد لأنكم لازم تسمعو اللي حصل
ولأني قعدت اعيط كتييير وكان لازم احكلكم
المهم احنا فبيتنا عندنا حوض سمك
وطبعا مربيين فيه سمك
بس السمك بيموت بسرعة
كل شوية ومن غير سبب
المهم انا اكتشفت انه مش بيقدر يتكيف
لانو احيانا بنجيب سمك كبير مع سمك صغير
تمام فبنكتشف ان السمك الصغير بيموت والكبير
بيفضل عايش وفاحسن صحة
المهم بقا انا بديت اتعود على موت السمك ومبقتش
بتأثر بيه بالمقارنة باول سمكة ماتت عندنا لحد دلوقتي
اخر مجموعة سمك جبناهم بقا كلهم كبار
وكان فيهم 2 صغيرين
واحدة من الصغيرين دول ماتت لاننا واحنا
بننضف الحوض نطت ووقعت فالارض
واي سمكة بتحصلها كده بنبقى عارفين انها هتموت

المهم بقا التانية ودي اللي انا جاية اتكلم عليها النهاردة
حصلنا شئ فظيع بجد لا يتحمله بشر
وانا معرفتش غير بعد الحادثة دي عشان احميها
وده اللي اتحكالي من اخواتي الصغيرين :
احنا شفنا السمك كلو بيرخم عليها و معرفش بيعضها
ولا بيعملها ايه بعدين مشينا ورجعنا لقناهم قالعين عنيها

وساعتها جم قالولي والله انا مكنتش مصدقة الله انا شيفاه
فعلا قلعولها عنيها الاتنين وبصراحة كان منظرها يقطع القلب
طب اقولكم عاللي يضحك بقا دول كمان كلو عنيها والله العظيم
الوحشية حتى فالسمك يعني مش كفاية اللي بيحصل فالبلد
كمان انتو فيه ايه بقى

وطبعا مكملتش ساعتين وكانت ميتة بس بجد اكتر
سمكة ماتت عندنا واتاثرت بينا وقعدت اعيط عليها جااامد
خصوصا قبل ما تموت لاني كنت حاسة انها بتتألم
عارفين انتو الشعور ده ان حد يكون بيتألم ومش عارف يتكلم



ملحوظة غريبة : فاكرين لما قلتلكم انهم كانو سمكتين صغيرين
والاولى ماتت عشان وقعت انتو عارفين انو بتبقى فيه مراحل
لتعبها قبل ما تموت اي سمكة ودي بقا وهي بتموت السمك
التاني اللي هو الكبير الوحش ده كنت حاسة انها صعبانة عليهم
كانو بييجو جنبيها كده ويحاولو يقوموها

بجد السمك ده هيجنني
رغم انكم ممكن تستهيفو الموضوع عشان هو عن سمك
بس لو شفتو اللي انا شفتو

أنـآ بقـآ حبيت أشـآرككم حـزنـي

[♥SaRa]

ـيا عينــــــــــــــي
ـانا بردوا عندي حوض سمكـ وبردوا نفس الحكاية بس انا عندي سمكتان ماتوا بس كبار والصغيرة هي الي بتعض فيهم لغاية ما قشرت جلدهم وماتوا
اما بالنسبة ان السمكة وقعت عآدي لو وقعت ممكن تحطيها تاني في المية حتي لو اتقلبت علي ضهرها سيبيها وهي هتتحسن
طب والله ما هتصدقيني لو قلت ليكي انا عندي سمكة كنا بننقلهم للحوض بعد ما اتنضف وهو الوحوض تحت شباكـ منور وكنا فاتحين السلك راحت واحنا ننقلها راحت نطط في المنور وشوفي بقي احنا 5 ادوار نزلنا بسرعة ومعانا طبق في مية وجبناها وحطيناها ودلوقتي سليمة فهي مسألة عمر مش اكتر
والبقاء لله علي السمكة
انا عارفة انكـ زعلانة عليها انا بردة زعلت لما سمكتي ماتت
فعلا محدش راحم نفسوا ولا السمك ولا حتي البشر

[ÃhṀễd ƤoƤŏ]

نشاطركم الاحزااان معلش بقي مافيش حاجه بتقعد علي حالها ,,,..

~ البقاء لله ~

[big bốss]

البقاء لله

ان لله و ان اليه راجعون

دى مصيبه و كارثه انسانيه

هقول أيه بس يا سيلينا

[✿ Celiηα]

اقتباس المشاركة الأصلية كتبت بواسطة ana banota baskota ـيا عينــــــــــــــي ـانا بردوا عندي حوض سمكـ وبردوا نفس الحكاية بس انا عندي سمكتان ماتوا بس كبار والصغيرة هي الي بتعض فيهم لغاية ما قشرت جلدهم وماتوا اما بالنسبة ان السمكة وقعت عآدي لو وقعت ممكن تحطيها تاني في المية حتي لو اتقلبت علي ضهرها سيبيها وهي هتتحسن طب والله ما هتصدقيني لو قلت ليكي انا عندي سمكة كنا بننقلهم للحوض بعد ما اتنضف وهو الوحوض تحت شباكـ منور وكنا فاتحين السلك راحت واحنا ننقلها راحت نطط في المنور وشوفي بقي احنا 5 ادوار نزلنا بسرعة ومعانا طبق في مية وجبناها وحطيناها ودلوقتي سليمة فهي مسألة عمر مش اكتر والبقاء لله علي السمكة انا عارفة انكـ زعلانة عليها انا بردة زعلت لما سمكتي ماتت فعلا محدش راحم نفسوا ولا السمك ولا حتي البشر

مع انو سمك زينة عادي
يعني مش نوع متوحش ولا مفترس
بس حاجة غريبة والله

[✿ Celiηα]

اقتباس المشاركة الأصلية كتبت بواسطة ÃhṀễd ƤoƤŏ نشاطركم الاحزااان معلش بقي مافيش حاجه بتقعد علي حالها ,,,.. ~ البقاء لله ~

ماشي يا احمد ...

[✿ Celiηα]

اقتباس المشاركة الأصلية كتبت بواسطة armed forces البقاء لله ان لله و ان اليه راجعون دى مصيبه و كارثه انسانيه هقول أيه بس يا سيلينا

مااااشي يا نور ياريتني كنت صورتهالك
عشان كنت عرفت تتريق كويس
بس انا مقدرتش ابص عليها تاني

[سنابل مجروحة]

ربنا معاك وياجرك في مصيبتك

بس خلي السمك في بحرو وخلص

[روح صامتة]

الموضوع دا حصل قدام عيني انا كمان ..

بصي الموضوع بيبدا باختيار السمك من عند الراجل
المفروض تساليه ايه الانواع اللي بتعرف تعيش مع بعض ..
لان فيه انواع بياكلوا بعض ..
وبيتغذواا على بعض بالمنظر الي شفتيه ..
تمام ..


ربنا معاك
بس نقي سمك بيحب بعض المرة الجاية )
ارق تحياتي

[صمت الشفاه]

انا برضوا عندي حوض سمك بس السمك الكبير بيفضل يعض السمك الصغير لحد ما جلدة يتقشر وبزعل اوي لما سمكة تموت انتوا بتتريقوا بس لو جربتم تجيبوا اي حيوان اليف وتربوة هترطبطوا بية اكتر من اي حد في الدنيا ولو مات تحسوا ان فية حاجة ناقصاكم وهتعيطوا علية اوي وتقولوا ياريت يرجع للحظة
الحيوانات ممكن تكون اوفي من البشر