الحلقة الاولى من برنامج انت والشهر الكريم ومعانا"طمطم"

[Ŗăήćy]

السلام عليكم ورحمة الله وبركاته كل عام وأنتم بخير ورمضان كريم عليكم البرنامج عبارة عن 30 سؤال بـ خصوص شهر رمضان المبارك وكل الى بتعمله فيه واول ضيفة وقع عليها الاختيار فى البرنامج هيا:طمطم يلا بينا نشوف اجاباتها -يـآترى بتتسحرى السـآعة كـآم؟ ع الساعة واحدة كده -يـآترى بتتسحرى إيه؟ هكون بتسحر فراخ يعنى اى حاجة ,, بس الحاجة اللى لازم تكون موجوده هى الزبادى : ) -يـآترى بتنـآمى بعد السحور؟ لا .. بتستنى الفجر طبعا وبعدين اصليه وانام -يـآترى بتصلى الفجر فى المسجد ولا فى بيتك؟ لا.. ف البيت -يـآترى بتصحى السـآعه كـآم؟ والله ع حسب الظروف , بس اكيد قبل الظهر علشان اصليه ف ميعاده يعنى ممكن ع 11 ونص كده -يـآترى بتعملى ايه بعد مـآتصحى بتقرأى قرآن،ولابتقعدى عالنت،ولابتتفرجى عالتليفزيون،ولا بتنـآمى تآنى^_^؟ اول م بصحى واصلى بقرأ قرآن الاول وبعدين اقعد ع النت شوية لغاية م الحاجة تندهلى وندخل المطبخ -يـآترى بتقرآى قد إيه قـرآن فى اليوم؟ ده ع حسب الظروف برده ف ايام ببقى فاضية فيها ممكن اقرأ اكتر من جزء ف اليوم الواحد وايام تانية معرفش اقرأ خالص .. -يـآترى ليكى أخ أو أخت صغير يبقى فـآطر وبيغيظك ^_^؟ لا الحمد لله ,, انا عندى اختين 14 و15 سنة يعنى بيصوموا -يـآترى مين الى بيتدبس فى السلطة عندكم(فى بيوت كتير بيبقوا الشبـآب اتمنى يكون عندكم كده برده ههههه)؟ اختى الوسطانية هى خبيرة السلطة ف البيت ,, -يـآترى إيه شعورك قبل مالمغرب يـآذن بخمس دقـآيق؟ ببقى هموت ع المية ,, بجد والله الاكل مش بيفرق اوى اد المية ,, -يـآترى لو قريب من بيتكم مسجد أكيد الراديو بيذيع الآذآن الأول..يـآترى مرة كنتى نـآسية وفطرتى؟ انا بيتى حواليه اكتر من 4 مساجد اللى بيأذن فيهم بفطر ع ضمانته انما مش بفطر مع الراديو ,. -يـآترى بعد مالآذآن يـآذن بتآكلى تمر وتشربى العصير ولا بتآكلى على طول؟ بشرب عصير او ماية ده اكيييد ,, -يـآترى بتتفرجى على بكـآر أو بـوجى وطمطم وقت الفطـآر سؤال مهم جداً صح؟ طبعا بوجى وطمطم ده كان اساسى انما بكار بقالى سنين مش شوفته -يـآترى إيه أكتر أكلة ومشروب وحلو بتحبيه فى رمضـآن؟ اكله ,, المحشى .. بموت فيه حقا مشروب ,, اكيد قمر الدين , رمضان بئآ وكده حلو ,, انا ماليش اوى ف الحلو بس لو اكلت باكل كنافة -يـآترى بتتعزمى فين فى رمضـآن؟ وبتعزموا مين فى رمضـآن؟ عند خالاتى او ولادهم او عند ولاد خالى وبنعزمهم اكيد وبنفضل طول رمضان كده نعزم ونتعزم -يـآترى بتصلى الترآويح فى رمضـآن؟ طبعا ,, -يـآترى إيه أكتر برنـآمج أو مسلسل شدك ونـآويه تتفرج عليه؟ هو انا بقالى كذا سنة بتابع رامز وبرنامج المقالب بتاعه ف هتفرج ان شاء الله كمان ع برنامجه السنة دى " رامز عنج أمون " كمان اكييد ان شاء الله هتفرج ع برنامج " اهل الجنة " بتاع مصطفى حسنى وكمان مسلسل " قصص النساء ف القران " يحيى الفخرانى عمل شغل جميل جدا السنتين اللى فاتوا اما المسلسلات العادية ف مش شدتنى حاجة زى السنة اللى فاتت .,. -يـآترى إنتى فطرتى قبل كده على مـآئدة رحمن؟ لا خالص ,, بس تصدقى نفسى اجرب -يـآترى بتخرجى فين إنتى وأصحـآبك؟ بما انى ف بورسعيد ف خروجاتنا كلها بتبقى ع البحر البحر ف رمضان بيبقى حاجة تانية خاالص -يـآترى بتنـآمى قبل مـآتتسحرى,,ولو مابتنـآميش بتعملى إيه فى الفترة دى؟ لا مبعرفش انام بفضل سهران لغاية لما اتسحر اما اقرأ قرآن او اقعد ع النت او اتفرج ع الـ TV او ارغى مع صحابى ع الفون -يـآترى إيه شعورك لمآ بتشوفى إعـلآنـآت كنتآكى وبيبسى وإنت صـآيمة؟ ولا بتهز ,, اساسا انا مبحبش كنتاكى من ساعة م عرفت ان احلام بتحبه -يـآترى مين بيغسل موآعين الفطـآر عندك اختيـآرات(ست الكل ربنا يخليها-أختك-حضرتك-ولا الفليبنيه)؟ حضرتى الفلبينية بتاعة البيت -يـآترى بتشربى كـآم إزآزة مية بعد الفطـآر؟ لا متعديش -يـآترى فى نهـآية الشهر وزنك بيزيد ولا بيقل؟ والله بيفضل زى م هو لانى اساسا بتابع مع دكتور تغذية علشان وزنى يفضل ثابت ف غصب عنى وزنى لا بيزيد ولا بينقص -يـآترى بتتعصبى فى رمضـآن كتير ولا بتبقى هـآدية؟ انا اساسا بطلت العصبية من مدة ,, خوفا ع صحتى =)) وكده احسن ,’ مش هضطر اتصنع الهدوء ف رمضان -يـآترى بتسمعى أغـآنى فى رمضـآن؟ لا ,, ده هو شهر ف السنة , ببطل الاغانى خاالص ف رمضان -يـآترى إيه أكتر موقف محرج حصلك وإنتى معزومة عند حد فى رمضـآن؟ لا الحقيقة مش فاكرة -يـآترى بتشتروا فـآنوس رمضـآن؟ انا بيجيلى 3 فاكرانى حد عادى ولا ايه =)) -يـآترى بتشـآركى فى تزيين الشـآرع والبيت فى رمضـآن؟ الشارع لا ,, الولاد عندنا بيقوموا بالواجب انما البيت اه .. -يـآترى بتسآعدى مامتك فى شغل البيت ولا مقضيآهآ نت؟ وربنا بساعدها اساسا مقدرش مش اساعدها لتقطع عنى النت ي بت =)) ههههههههههه تسلم ايدك اميرنتى اجابات جميلة زيك وماتساعديش مامتك عشان تفصل النت ونستريح منك شوية منورة الحلقة بئا,,وكل سنة وانتى طيبة وبخير اتمنى تكون الحلقة نالت إعجابكم استنونى وحلقة جديدة وضيف جديد فى برنامج إنت والشهر الكريم Rancy

[مِسكُ الشَهادة]

حوار راقي ومميز وأسلئة مميزة
وإجابات فاقت الروعة
كل عام وأنتم بالف خير

[gold rose]

حلقة جميلة أوي والله .,
وميرنا أكيد منورة الحلقة بإجاباتها الجميلة دي .,
جميل منك يا مرام .,
في انتظار الباقي .,

[العاشق الذى لم يتب]

ميرنا وميرام
كل سنة وانتم طيبين وبخيروبصحة وبعافية وبهنا وسرور
والاهم تكونوا صايمين قانتين قائمين متصدقين لكتاب الله تاليين
ربنا يفرحكم ويبعد اللى يخطفكم
وتريحو أمكم واخواتكم من شطونتكم
قولوا آمين
طل سنة وانتم طيبيبن
برنامج جميل
والمضيف والضيفة أجمل
وده طبعا غزل بمناسبة رمضان
والله شوية ائلة جمال أوى وحلوين
وضحكتنى طمطماية لما قالت هتسحر بفراخ يعنى
ولايهمك ياطماطيموا
اتسحرى بفراخ والله وأدام العالم كله على حسابى
وهيوصلك لحد البييت
بس أمرى أنت
كل سنة والجميع بخير وبمحبة ومودة
ومبارك علينا جميعا رمضان
مودتى

[~♥ Queen sozan♥~]

حلقة حلوة منك بجد الاسئلة والاجبات حلوين

منوره يا طمطم ,, وكل سنة وانتو طيبين ,,

[ღ Gի๐sτ ღ]

حلقة جميلة جدا وكويس انك بتفيديهم فى البيت ياميرنا
كنت فاكرك مبتعمليش حاجة =))
تسلمي يا مرام ع الحلقة ،، منورة يا طمطم ^^
ورمضان مبارك عليكم

[✿ Celiηα]

حلوة الحلقة جداا وضيفتنا عسولة ودمها خفيف
وكمان فكرة البرنامج جميلة اووي
تسلمي للحلقة
ودي ~

[طمطم]

اقتباس المشاركة الأصلية كتبت بواسطة مِسكُ الشَهادة حوار راقي ومميز وأسلئة مميزة وإجابات فاقت الروعة كل عام وأنتم بالف خير

ميرسى ي خالد ,,
وكل سنة وانت طيب ,,

[๓αℓάҝ]

-يـآترى إيه شعورك لمآ بتشوفى إعـلآنـآت كنتآكى وبيبسى وإنت صـآيمة؟

ولا بتهز ,, اساسا انا مبحبش كنتاكى من ساعة م عرفت ان احلام بتحبه


هههههههههههههههههه طيب حلو واللهي ^^
إجاباتك جميلة يا طمطم
رمضان مبارك عليكم انتو الاتنين : )

تسلمي علي البرنامج يا رانسي ^^

[Śลяą..ღ]

-يـآترى بتسآعدى مامتك فى شغل البيت ولا مقضيآهآ نت؟

وربنا بساعدها
اساسا مقدرش مش اساعدها لتقطع عنى النت ي بت =))

هههه
مش لوحدكـ ..:d
بس بصراحة الحلقة جميلة..
يلا فى انتظار الضيف القادم..