(المقلب الثالث)(بقى دا كلام2)(حلم عمرى)

[حَرفُُ هجآءّ]

بسم الله الرحمن الرحيم

كل سنه وكل المسلمين بخير

رمضان كريم عليكم

الحلقة الثالثة من برنامج بقى دا كلام 2

وضيفه الحلقة

حلم عمرى







فى البداية بعت رسالة للضيفه حلم عمرى

قولتلها

ازيك ياقمر اخبارك ايه شوفى انا بعمل برنامج عن النقد بين الاعضاء
يعنى عضو بينتقد عضو معين والعضو التانى له الحق فى الرد والدفاع عن نفسه وبردوا من حق العضو التانى ينتقد الاول وهكذا
المهم اول ضيف للبرنامج هو مورشو

وده السؤال المتوجهه له
وطبعا ليكى الحق فى الرد عليه وايضا انتقاده


تعالو نشوف مورشووو قال ايه


morshooo


ودلوقتى يا احمد السؤال رقم ( 10 ) والاخير

وهو عبارة عن انك هتختار ( 3 اعضاء ) مميزين توجهلهم نقد فقط

ياترى هتختار مين ؟

( حلم عمرى )

هى عضوة مميزة مفيش كلام بس انا مش شايف انها بتضيف حاجا
فى المنتدى وردودها نوعا ما سطحيه يعنى معتقدش انى شوفتلها
رد فى صلب الموضوع او انها قالت رئيها فى قضيه والاعضاء اخدت
بالها من ردها حتى كمان شايف ان فى عضوات سجلو بعديها
واثبتو وجودهم معانا ليه هى مبقتش زيهم المفروض تكون عضوة
نشيطه ومميزة طالما تم تميزها من الادارة والمفروض تشتغل
على انها تكون مشرفه الفترة الجايه ودا اعتقد مش هيحصل
لو فضلت زى ماهى كدا ردودها سطحيه

بعت رساله مورشووو لحلم عمرى
تعالو نشوف ردها اللى وضح منه انها كانت مضايقة جدااااا
ردت وقالت


دا ردي
احترم طبعا وجهة نظرك وهي نوعا ما صحيحة
هتكلم بكل صراحة انا اول ما سجلت هنا مكنتش افهم اي حاجة في النت ولا المنتدي كنت شايفة ان المنتدي دا حاجة جديدة عايزة اجربها لذلك اخدت فترة علي ما بدات اظهر نفسي
حكاية الردود السطحية انا مش هقولك انا شخصية مثقفة جدا ولا الكلاد دا لان انا فعلا اول مرة اتعلم طريقة الكلام والنقاش كان هنا لاني اتعلمت في مدارس مفيهاش تنمية مواهب مفيهاش انشطة يعني كتير جدا من زمايلي ميقدروش يدخلو في نقاش زي اللي هنا لذلك انا بشوف نفسي وبكل صراحة عقلية مش واعية اووووي
قدام ناس كتير هنا ودا اللي انا بشتغل عليه في نفسي دلوقتي
وكمان فترة الدراسة مش بقدر اتواجد فدا بيمنع ظهوري بشكل جيد وحكاية الاشراف فعلا بدات افكر فيها الفترة دي بالذات ولكن انا الصراحة شايفة اني لسة مش مؤهلة ليها ودا الصراحة اللي بحاول اوصله
يمكن ردي مش علمي اوي يمكن ناس مش هتقتنع بيه ولكن دي انا
انا احترم جدا وجهة نظرك واشكرك اني كنت من الناس اللي وجهت ليهم نقد عشان اكون احسن وباذن الله احاول اظهر بشكل احسن ان شاء الله



قولتلها

متزعليش
مفيش نقد لاحمد ؟ده دورك انك تنتقديه

ردت وقالت بطيبة

لا عادي مش زعلت والله
انا الحمد لله روحي حلوة جدا وفي الاول والاخر احنا اخوات ودا شيئ يسعدني صدقيني

موروشو
من الشخصيات النشيطة اللي انا معجبة جدا بتفكيره
ولكن للاسف وجوده بيقتصر علي مكان واحد
مش معني ذلك اني بطلب منه يتواجد في كل الاقسام ولكن في مواضيع بتتطلب اراء الاعضاء واعضاء كتير بتدخل تقول رايها ولكن للاسف مش بشوفه اعرف رايه في الموضوع وخصوصا لو بيتعلق بسياسة البلد
ببقي عايزة اعرف رايه يعني وبس

اخدت ردها بعته لمورشووو

وده تانى رد لمورشوووو


طبعا انا سعيد انك قبلتى كلامى بشكل كويس بس انا بصراحه
مش شايف ان كلامك منطقى يعنى ايه مدرستك مفيهاش نقاش
طريقه النقاش بتيجى من البيت مش من المدرسه واكيد انتى مقصرة
فى البيت او مش من النوع الى بيقول رئيه وشكلك بتتحرجى تعملى دا
اتمنى انك تهتمى بدا فعلا والبدايه تكون دلوقتى انك تقومى وتقولى
لوالدك ووالدتك رئيك ايه فى الموضوع الى بيكلمو فيه .
ودى هتكون فعلا بدايه حلم عمرى للطريق الصحيح
موضوع الا شراف لازم تشتغلى عليه لو انتى قادرة على دا
انتى لحد دلوقتى معتقدش ان ممكن يفكرو فيكى كمشرفه
لانك زى ماقولتى ( مش مثقفه ) .
اتمنى كلامى مايضايقكيش بس دى طبيعه البرنامج
فى انتظار ردك


بعت رد مورشووو لحلم عمرى اللى وضح منه انها بدئت تنهار
ردت حلم عمرى وقالت

انا اختلف معاك في ان المدرسة لها دور كبير بجانب البيت لانك هناك بتختلط باشخاص كتير وبيبقي ضروري انك تعرف ارائهم وتتناقش معاهم
اما البيت فانا للاسف لاني الصغيرة فدايما اما كنت اتكلم كانوا دايما يقولولي مينفعش الصغير يتكلم في وجود الكبير فدا خلق جوايا رفض اني اتكلم تماما مش احراج ولا حاجة وانا مازلت مصرة ان البيئة اللي اتربيت فيها عمتا اثرت بالسلب عليا اكتر من الايجاب ودي اكبر معاناة في حياتي لذلك جزء كبير جدا من ثقافتي عن طريق النت ودا طموحي اللي بحاول اوصله واللي من خلاله باذن الله هوصل للاشراف
وعلي فكرة كلامك مش ضايقني بالعكس اسعدني انك قلت نقد فيا عشان اصححه واكون احسن

واخدت رد حلم عمرى بعته لمورشوووو
رد وقالها

عموما انا مبسوط انك اخدى الكلام بالشكل دا بجد
رغم انى متاكد انك مضايقه من كلامى ودا طبيعى
مش غريب عليكى ولكن .





















حابب اقولك ان الى حصل دا كله كان

مقلبمنى انا والى عماله تبعتلك

وتقولك انها عامله برنامج جديدبيعتمد على الصراحه

وانتى اكيد من الاعضاء المميزين والا مكنتش الادارة ميزتك

الفترة الى فاتت واكيد انتى ليكى ارائك الى بتدل على شخصيتك

وماتقلقيش الحلقه هتتذاع سواء وافقتى او لا المهم ماتقوليش لحد

اننا عاملن مقلب عشان يمكن الدور يجى عليه

طبعا بعت اخر رد لمورشوووو لحلم عمرى
اللى عرفت ان كل ده كان مقلب معمول فيها
ردت وقالت


طب والله صدقت
حلو المقلب اللي في اخر اليوم دا ومتخافوش مش هقول لحد
بس هتلاقوها متذاعة علي سي ان ان وبي بي سي والجزيرة وكل المواقع العالمية والغربية والشرقية
اقولك ايه يا مورشو حقا مش هتورد علي جنة ولا نار
وانتي يا اسيل صدقيني هيضيعك
بس كان مقلب حلو وانا استفدت كتير الصراحة
اعيش واخد غيرها بئا

صعبتى عليا والله

احمد كلامه كان مستفز فعلا
يلا تعيشى وتخدى غيرها

وبكده تكون حلقة حلم عمرى خلصت
اتمنى انها تعجبكم

واستنونى فى الحلقات الجاية

[Ŗăήćy]

هههههههههههه ياعينى يآوفاء
والله العظيم صعبتى عليا
بس ماشاء الله عليكى حافظتى على هدوءك^^
تعيشى وتاخدى غيرها بئا يـآقمرى

اسيل&أحمد مجهود رائع منك
تعيشوا وتعملوا مقالب فى الاعضاء^^

[booody99]

ياختي جميلة سو كيوت هههههههههههه

بس حلم عمري مستسلمه خالص الدمعه كانت هتفر من عيني :-(

مقلب جامد بس حلم عمري شكلها هادية والاسئله كانت المفروض تبقى اسخن من كده هههههههههههه

وتسلموا على الحلقة الجميلة

[۩۩ elMagic ۩۩]

ههههههههههههههه
صعبتي عليا والله ي حلم
وتعليقاتكـ خرجت من جواكي
إفتكرت رمضان السنه اللى فاتت
لما انا عملت مقالب فى الناس
تعيشي وتاخدي غيرهـا بقآ
تسلمي اسيل لمجهودكـ
يدوم التميز ..

[~♥ Queen sozan♥~]

ومن امتة مورشدى كلامو مش مستفز ههههههههه
كويس انها جات على قد كدة

وحلقة مميزة ,, متابعين معاكم

[gold rose]

ههههههههههههه
يا ألبي والله .,
حلقة جميلة جداً مع إنسانة عسولة خالص .’
متصدقيش الواد دا تاني خالص ^^

[العاشق الذى لم يتب]

صراحة ياأسيل أنا كنت واخد فيك مقلب كبير
ومن ساعة ماشوفتك عاملة مقلب فى حنين
وانا حاطك تحت الميكرسكوب
دا انتى طلعت حاجامدة خالص
يعنى مرشو عرف يزرع فيك حركاته القرعة
روح يامرشوزى ماقلتك وفاء لاتورد على جنة ولا على النار
ربنا كون فى عون مراتك اللى يظهر والله أعلم أمهادعت علها وقالت روحى يابنت يرزقك بمرشو
ويسلام عليك يافوفو
طلعت غلبانة خالص وانا اللى فاكرك جامدة أوى
بس أزاى تقولى المناخ اللى حواليك مش مسساعدك
يعنى أنابئا شايفك لهلوبة ومشطونة خالص ومافيش ولاحاجة سايباك فى كل الاقسام
وخاصة لمايكون موضوع سياسى
دا نور أفندى كعب الغزال بجلالة قدره مايجيش فيك ذرة
شوف يااخواتى البنات دول هيجننونى
يخربوها ويقعدوا على تلها ويقولوا احنا مانعرفش نتكلم
حرام عليكم ضحكتوا على ابليس بلاش المسكنة
بس بصراحة مقلب جميل
واسيل حبكاه تمام
يلا بالتوفيق
ننتظر المقلب القادم
مودتى

[Sh2wA]

معلش يا حلم عمرى
بس انتى برده عندك صبر زى العسل وربنا
وحافظتى على هدؤك فى الكلام
تعيشى وتاخدى غيرهآآ يا قمر
بس مقلب جميل اوى يا اسيل
ودى ~

[حلم عمري]

ايه الفضايح دي بقا
اول مرة يتعمل فيا مقلب واكيد مش هتكون اخر مرة ههههههههههههههه
نصيحة محدش يصدق مورشو واسيل دول تاني ابدا
في انتظار باقي الفضايح بقا^^

[حلم عمري]

اقتباس المشاركة الأصلية كتبت بواسطة Ŗăήćy هههههههههههه ياعينى يآوفاء والله العظيم صعبتى عليا بس ماشاء الله عليكى حافظتى على هدوءك^^ تعيشى وتاخدى غيرها بئا يـآقمرى اسيل&أحمد مجهود رائع منك تعيشوا وتعملوا مقالب فى الاعضاء^^

شفتيني هادية ازاي
عقيالك بقا
ميرسي حبيبتي لمرورك