حلقة جديدة من برنامج رايك في ...؟ ومعانا الاداري المتميز .......

[حلم عمري]

اهلا بيكم وحلقة جديدة وبرنامج رايك في .....؟
كل عام وانتم بخير
ومضان كريم علينا وعليكم باذن الله

انهاردة باذن اله هنستضيف
عضو مميز ونشيط جداا
المستر بتاعي في السويتش
معانا ۩۩ elMagic ۩۩



اهلا بيك احمد
نورتنا كل سنة وانت طيب
ورمضان كريم عليك وعلينا باذن الله

اهلا بيكي
تسلمي دا بعد نوركـ
وانتى بالصحه والسلامه
الله أكرم ..


نبدا الاسئلة

1- رايك في ثورة 30 يونيو ؟

اكييد معاها
ثوره تغلبت فيها إرادة الشعب القويه
واللى بيمتلك الشرعيه الحقيقيه
على شرعية الرئيس المعزول ..

2- رايك في الانقلاب العسكري ؟ هل انت مؤيد انه انقلاب عسكري فعلا ؟

لا مش مع تسميته بإنقلاب عسكري !
السيسي لولا إرادة الشعب مكنش قدر
يعزل محمد مرسي ..
القرار فى البدايه كان فى إيد محمد مرسي
فى خطابه الاخير اللى كان متمسك فيه بشرعيته المزيفه !
هو كان المفروض أصلا يعمل حاجه من إثنين إما أن يعمل إستفتاء ع بقاءه فى المنصب أو يتنحي بشرف ملبياً طلبات الشعب المصري ولكن تجاهله للإراده الشعبيه كان لازم حد تاني مسؤل يتدخل
وفريق القوات المسلحه إتدخلت لتلبية طلبات الشعب المصري اللى كان محتشد فى معظم الميادين ..

3- رايك في المشاحنات السياسية في المنتدي وماينتج عنها من خلافات كبيرة ؟

مش كويسه طبعا
كان لازم نكون عاقلين شويه أكتر من كده
وكل واحد يكتفي بإبداء رأيه بأسلوب محترم
ونتقبل أراء بعض بصدر رحب
بعيد عن المشاحنات والتعصب ..
وقرار الاداره فى منع تنزيل السياسه
لفتره غير محدوده خصوصا واحنا داخلين علي رمضان دا انا معااه جداا لانى كنت بأفكر أعملها فعلا بعد التشاور مع أحد الاداريين ..

4- رايك في برنامج باسم يوسف ؟

برنامج سااخر لا يمس الواقع بصله
باسم يوسف يمكن اول برنامج انا إتشديت
له وبأتابعه بإستمرار شخصيه عاقله
وبينقد بذكاء والفقرات اللى بتتعمل
من خلاله هو وباقي فريق العمل
بتبقى حاجه مختلفه وجديده
وياريت كماان يكمل البرنامج حتى بعد تشكيل الحكومه الجديده
ياريت الناس تفهم إن باسم بينقد سياسه
مش شخصيه بعينها ..

ياعيني حاله وقف بعد اما مرسي مشي

5- رايك في التعليم في مصر ؟

هو فيه تعليم أصلا ي ختى
والله التعليم فى مصـر راجع 300 سنه لورا
بس أتمنى ان الوزير الجديد يقدر يغير سياسة التعليم فى مصر يغيرها للأحسن
وربنا يصلح الحال ..

6- رايك في المرحلة الجامعية عموما ؟

اكيد طبعا مرحله مهمه
وهى بتبقى مختلفه تماما عن المراحل الدراسيه السابقه
الطالب فيها بيتعرف ع ناس جديده
وممكن دول يكونوا المكملين معاه فى الحياه العمليه بعد إنتهاء الدراسه دا غير معاملة الدكاتره له بتبقى معامله دكتور وطالب ناضج مش لسه طالب فى مدرسه ..
ممكن نسمي المرحله الجامعيه بمرحلة التأهيل اللى لازم يمر عليها الطالب
ليستطيع أن يتعامل ويعيش فى الحياه العمليه بعد كده ..

7- رايك في الياس ؟

مش بيحس به غير الضعيف العاجز

8- رايك في الحب ؟

جميل جدا طبعا
أسمى ما فى الحياه


9- رايك في المسلسلات التركي ؟

حلوه المسلسلات التركيه
محدش بيحضرها غير البنات بس
يا بتوع كريم ومهند إنتوا

دا الولاد بيسمعوها مخصوص عشان البنات اللي فيها

10- رايك في ۩۩ elMagic ۩۩؟

واد شقى وعنيد وقارفني فى عيشتي
تعرفيه الواد داا ي حلم

بييجي عندنا احيانا هبقي اسلملك عليه

11- رايك في حلم عمري؟

جميييييله
بنوته هاديه بتشتغل فى صمت
مش سامعلك اى حس انا على فكره
بس كده احســـن هما البنوتات الرقيقه كده

دعونا نعمل في صمت
شكرا علي الكلام الجميل دا في حقي

12- رايك في البرنامج ؟

برنامج جميل والاسئله خفيفه وحلوه
تسلمي حلم لإستضافتك ليا
أتمنى أكون عضو خفيف ومحدش زعل منى فى اى حااجه إحنا داخلين على رمضان
فا عايزين نصفى النوايا
كل سنه وانتو طيبين يا رجااااله ويا بناتيت

انا سعيدة جدااا بوجودك
وكنت ضيف خفيف فعلا
واجابتك كلها مميزة ونموذجية


ودي كانت اراء ضيفنا
ولو حد عايز ينقد اي راي يتفضل
وبكدة تكون انتهت حلقتنا
بشكرك جداا ماجيك علي قبولك الدعوة
نورتنا اكيييد
استنونا ان شاء الله وحلقة جديدة وضيف جديد
وبرنامج رايك في ..........؟

[العاشق الذى لم يتب]

أول واحديحصله الشرف بالرد والمرور
شكرا لك وفاء
طبعا انت قلت اللى عنده نقض ينقضه
وانا لازم انقضك انت علشان
هناك فى المقلب بتاع اسيل قلت انا البيئة حولى ماساعدتنيش اكون أعرف اقول رأيى
بس أنا شايف غيركده خالص
شايف بعد الصلاة على النبى كده
أنك لهلوبة خالص وبتعرفى كل حاجة
فى السياسة والطبيخ والسوتش والفن والادب والشعر
ربنا يزيدك يافوفو
وكمان صاحبة برامك جميلة وأبشرك هتكون قريبا مشرفة عظيمة الشأن
والاخ أحمد حبيب الكل مش محتاج تعليق ولانقضد على أجوبته
فهو شخصية مرموقة ومشهورة أكتر من باسم يوسف اللى بيحبه
مع إنى مابحبوش خالص
تسلم ياماجكو
وكل سنة وحضرتك بخير
ومبارك علينا جميعا رمضان
وربنا يحرص م=صر والمصرييين
مودتى

[حَرفُُ هجآءّ]

أحمد من الشخصيات النشيطة فى المنتدى
وارائه رائعه بعقلانية
تعليقى الوحيد على برنامج باسم يوسف
من رأى انه اعلامى مش صادق فى جلب مادة البرنامج
فى حلقة من حلقاتة
الفقرة كانت عن اطلاق اللحية فى رجال الشرطه
وجاب مقطع لشيخ كان بيتكلم على اطلاق اللحية وانه اطلاق اللحية جائز
طبعا هو جاب الكلمتين اللى بيعمل عليهم الفقرة
وبالصدفة
على قناة تانية كانت بتنقد باسم يوسف وخصوصا الحلقة دى
وجابت القناة الفيديو بتاع الشيخ كله
الشيخ كان بيشرح حديث ليس له ادنى علاقه برجال الشرطه واطلاق اللحيه
فعلا خلانى مستحيل اصدق اى كلمه بيقولها
ده غير فعلا زى ما احمد قال انه برنامج ساخر مش بيضيف للمشاهد اى شىء

وفاء الحلقه طبعا جميله اووى
واحمد ضيف رائع

[ساحر الأحزان]

استضافة جميلة حلم مع الماجيك

وقرار وقف المواضيع السياسية جة فى وقتة تماما

على شان منوصلشى لمرحلة تباعد بيننا صعب رجوعها

خصوصا فى وقتنا الراهن

اسعدتونا بجميل الحلقة

[gold rose]

حلقة جميلة مع الماجيك .,
منور والله في رمضان .,
في انتظار الضيوف التانيين بقا ^^

[✿ Celiηα]

ههههههههههه انت قارفك في عيشتك
دمك خفيف اوي ماجيك
تسلم ايدك حلم عمري عالحلقة والضيف الجميل
بانتظار الضيف القادم
ودي ~

[saMka samir]

بجد الاجابات جميلة جدآ
وصريحة
والتوبيك حلو اوي ♥

[۩۩ elMagic ۩۩]

اقتباس المشاركة الأصلية كتبت بواسطة الرجل المتواضع أول واحديحصله الشرف بالرد والمرور شكرا لك وفاء طبعا انت قلت اللى عنده نقض ينقضه وانا لازم انقضك انت علشان هناك فى المقلب بتاع اسيل قلت انا البيئة حولى ماساعدتنيش اكون أعرف اقول رأيى بس أنا شايف غيركده خالص شايف بعد الصلاة على النبى كده أنك لهلوبة خالص وبتعرفى كل حاجة فى السياسة والطبيخ والسوتش والفن والادب والشعر ربنا يزيدك يافوفو وكمان صاحبة برامك جميلة وأبشرك هتكون قريبا مشرفة عظيمة الشأن والاخ أحمد حبيب الكل مش محتاج تعليق ولانقضد على أجوبته فهو شخصية مرموقة ومشهورة أكتر من باسم يوسف اللى بيحبه مع إنى مابحبوش خالص تسلم ياماجكو وكل سنة وحضرتك بخير ومبارك علينا جميعا رمضان وربنا يحرص م=صر والمصرييين مودتى

تـسلم ي رفعت لكلامكـ
وانت بالصحه والسلامه
منور التوبيكـ ,,

[۩۩ elMagic ۩۩]

اقتباس المشاركة الأصلية كتبت بواسطة Ļẻtסĩ√ أحمد من الشخصيات النشيطة فى المنتدى وارائه رائعه بعقلانية تعليقى الوحيد على برنامج باسم يوسف من رأى انه اعلامى مش صادق فى جلب مادة البرنامج فى حلقة من حلقاتة الفقرة كانت عن اطلاق اللحية فى رجال الشرطه وجاب مقطع لشيخ كان بيتكلم على اطلاق اللحية وانه اطلاق اللحية جائز طبعا هو جاب الكلمتين اللى بيعمل عليهم الفقرة وبالصدفة على قناة تانية كانت بتنقد باسم يوسف وخصوصا الحلقة دى وجابت القناة الفيديو بتاع الشيخ كله الشيخ كان بيشرح حديث ليس له ادنى علاقه برجال الشرطه واطلاق اللحيه فعلا خلانى مستحيل اصدق اى كلمه بيقولها ده غير فعلا زى ما احمد قال انه برنامج ساخر مش بيضيف للمشاهد اى شىء وفاء الحلقه طبعا جميله اووى واحمد ضيف رائع

وجهة نظر ومحترمها اكييد اسيل
منورانى اختـــى ثانكس لكلامك فى حقي
كل سنه وانتى طيبه ..

[۩۩ elMagic ۩۩]

اقتباس المشاركة الأصلية كتبت بواسطة ساحر الأحزان استضافة جميلة حلم مع الماجيك وقرار وقف المواضيع السياسية جة فى وقتة تماما على شان منوصلشى لمرحلة تباعد بيننا صعب رجوعها خصوصا فى وقتنا الراهن اسعدتونا بجميل الحلقة

تسلم يا أمجد لمروركـ الجميل
وفعلا كده احســـن
منورني ي غالــي
كل سنه وانت طيب ,,