( المقلب الخامس ) ( بقى دا كلام2 ) ( كوين ميرو)

[morshooo]

بسم الله الرحمن الرحيم

اهلاين وسهلاين بيكم

فى البداية هيتم ان شاء الله

هيتم تنزيل الحلقات هنا فى القسم ودا طبعا

حق الاعضاء انهم يشوفو ردود الاعضاء على المقلب الى اتعمل فيهم

ودا بناء على طلب الجماهير

حلقة النهاردة مميزة جدا

واتعملت فى وقت جامد جدا ^_^

الحمد لله الضيفة وقت المقلب كانت على اخرها

ومضايقة على الاخر ودا ظبط المقلب تمام يعنى اتعمل فى وقتة

ضيفة الحلقة

المتميزة /

كوين ميرو



البــــــــداية .

طبعا بعت رسالة خاصة للضيفة عرفتها ان فى برنامج جديد اسمه

( اجمد حوار ) المفروض انى بستضيف عضو وفى اخر سؤال

بعرض علية اسماء ( 3 اعضاء ) بيوجهلم نقد فقط وهيبقى من حقك

الرد على النقد دا .

الضيفة اقتنعت ووافقت انها تشوف النقد

تعالو نشوف الى حصل :

مارى دا رئى الضيف فيكى

مطلوب منك تردى على الكلام دا

رئى الضيف .

كوين ميرو

كوين من الاعضاء الى بعزهم جدا بس نقدى ليها ليه دائما بحسك
متشددة حتى ردودك فى المواضيع الدينيه بحس انك بتتعصبى على
الاعضاء وبتحبى تردى عليهم واكن كلنا معارضين للمسيحيه
وكل كلامنا غلط عن الدين المسيحى ليه مايبقاش عندك هدوء
وتوضحى الحاجات الغلط بطريقه كويسه وساعات بحس انك
عايزة تكسبى تعاطف الاعضاء معاكى وكاننا كلنا ضدك فياريت
تغيرى وجهة النظر دى لينا وفى المنتدى الفترة الجايه .

طبعا مارى شافت الكلام دا

وردت علية وقالت :

ولا احب اشكر حضرتك
ثانيا يمكن حضرتك وصلتك الصوره بالشكل ده
بس ده مبيكونش قصدى تماما يعنى لو قصدى اكسب تعاطف
حد من الاعضاء مش هتعصب زى ماحضرتك قولتى
وبعدين لو حضرتك رجعتى لكل المواضيع اللى بتتكلم فى
المشاكل الطائفيه فى الفتره اللى فاتت مش هتلاقى
فيهم توبيك باسمى
انا كنت دايما ضيفه برد على الاسئله مش هنكر انى كنت
بتعصب احيانا بس انا شايفه انى كنت بحاول قدر الامكان
اكون هاديه فى ردودى وكنت دايما بحاول اوضح انى ابدا
مش نظرتى ان كل المسلمين ضد الميسحيه
بالعكس انا فى حوار من الحوارات ذكرت اسامى اشخاص
مسلمين بعتز بيهم جدا لانهم ناس وسطين وادمين شخصيات
عامه
اما وصف متشدده دى اسفه بس يمكن خانك التعبير فيها
لانى شايفه انى ابعد الاشخاص عن التشدد
ولو ده راى حضرتك فعلا اتمنى مع الايام اثبتلك ان
حكمك كان غلط

دا كان رد مارى على الكلام الى اتوجهلها

وحاولت تتماسك فى الرد المهم طبعا مسكتش

ورديت عليها وبعتلها الكلام دا .

خودى يا مارى الضيف شاف ردك وبعتلى الرسالة دى .

اوك يا احمد
انا لسه مصرة انها متشددة ودا واضح برضو فى الردود بتاعتها
ومش بقول انه غلط لا بالعكس دا حقها لان دا دينها
وحكايه ان مفيش توبيك باسمك انتى شايفا ان عندك
استعداد تنزلى مواضيع مسيحيه فى المنتدى اعتقد لا
لانك هتلاقى هجوم عليكى انتى فى غنى عنها .
رغم اننا هنا كلنا واحد مفيش فرق بين مسلم ومسيحى
بس ياريت بلاش تبقى سبب فى الفتنه بين الاعضاء
مش عشان 3 او 4 اعضاء واقفين جنبك يبقى خلاص
انتى صح وكلنا غلط .

دا رئى يا احمد فى الكلام بتاعها
وهستنى ردها بس ياريت ماتزعلش منى بقى
لانى حسيت انى ضايقتها ^^
بقولك ايه فى حد تانى بعت من باقى الاعضاء
عشان الحلقه تنزل

شوفتو اخر كام سطر دول ^^

طبعا كتبتهم عشان الضيفة تتاكد

الموضوع بجد وفى برنامج فعلا

بس على فكرة الضيفة لما قرت الرد التانى دا

انا متاكد انها اضايقت جدا حتى ردت علية وقالت .

اولا انا مش هجبر حضرتك تغيرى فكرتك عنى وزى ماقولتلك
اتمنى مع الايام اثبتلك ان حكمك كان غلط
ثانيا اقرى رد حضرتك كويس علشان نفرق مين
متشدد ومين مش متشدد
انا قصدت انى منزلتش مواضيع باسمى فى المشاكل الطائفيه
اللى فاتت مفيش توبيك لا اشتكيت ولا اتبكيت فيه قولت
بيحصل ومبيحصلش الاعضاء الكرام شايفنى الميسيحه الوحيده
فى المنتدى اللى ممكن ترد طبعا علشان غياب استاذ سامى
ابتدو يسئلونى علشان يبقى فى راى وراى اخر
وحكايه ان مفيش توبيك باسمك انتى شايفا ان عندك
استعداد تنزلى مواضيع مسيحيه فى المنتدى اعتقد لا
لانك هتلاقى هجوم عليكى انتى فى غنى عنها .
مش فاهمه ده تحذير ولا تهديد بظبط انتى بتغلطى نفسك بنفسك
منين احنا هنا فى المنتدى واحد ومنين هلاقى هجوم
انا فى غنى عنه مش فهماكى بصراحه
طيب هيكون ايه راى حضرتك لو من النهارده نزلت
توبيكات ميسيحه مش عيند
بس علشان اثبت لحضرتك ان الشعارات حاجه والافعال حاجه
تانى خالص والله اللى هيشوف توبيك مسيحى اهانه ليه يبقى
ياريت ميقولش تانى كلنا واحد والشعارات دى طالما مش مؤمن بيها
طالما مش بتعدى على دينيك او حريتك الشخصيه يبقى انا
ماذتكيش فى حاجه واكيد زى ماانتى ليكى الحريه المطلقه فى
طرح مواضيع انا كمان ليا فى حدود الائق واحترام الاخر

هاهاهاهاهاهاهاها

مش قولتلكم اضايقت وكان فاضلها رد كمان

وتموت نفسها من الغيظ ^^

تعالو نشوف بقى الرد الاخير الى بعتهولها .

انا قولتلك يا احمد بلاش تجيب العضوة دى
لانى مضايقه منها ومش بحب اوجهلها كلام
قولها بقى انا اكون مين والا اقولك هقول انا
انا يابنتى




































( morshooo )

اولا لا فى ضيفه والا فى توبيك اسمه

اجمد حوار

ودا كان مقلب صغير كدا فيكى حبيت

اضايقك بيه ^_^

التوبيك دا هينزل فى رمضان ان شاء الله

تحبى تقولى ايه للاعضاء واية رئيك فى المقلب ؟

وماتقوليش لحد انى عامل مقلب فى المنتدى .

انت اشر انسان شوفته فى حياتى والله يااحمد جيبت الشر ده
كله منين يابنى حرام عليك والله حرق الاعصاب اللى انا كنت
فيه ده انا شويه وكنت هعيط
مش هتورد على جنه ولا على نار يااحمد
ادعى عليك بايه وانت فيك كل العبر يااخى
كل سنه وانتو طيبين وصومآ مقبولا يارب
رأى ايه بس وانت خليت فيها رأى شربت المقلب
واللى كان كان
المشكله انه جيه فى وقت غلط بعد احداث الجيزه امبارح من
قتل الشيعه بطريقه وحشيه
فا زاى ماتقول كده
الظروف سعدتك كمان لانى على اخرى بسبب الطائفيه الزياده
اللى للاسف يقنا فيها فى مصر
على العموم ليك يوم يااحمد
وكل سنه وكل مصر بخير ورمضان كريم عليكم ياااارب
وعلشان محدش يفتكر انى متشدده فعلا بقى رمضان 30 يوم
هعزم نفسى قوه واقتدار عند تلاتين عضو
واولهم انت يااحمد واخليك تعملى سفره بطول الشارع بتاعكم ^_^

انا هشردك وهقول لكل الاعضاء علشان محدش يقع تحت ايدك يابنى

قلبى عندك امارى ^^

بكدا بتخلص حلقة النهاردة

ماتقلقوش لسة الى جاى احلا ^^

سلالالالالالالالالالالام

[ملاك ودمعتى هلاك]

ههههههههههههههههههههههه
توووووووووووووووووحفه بجد
بجد انت شريييير يامووووورشوووووووووووو شريييييييييييييييييييير ههههههههههههههه

[دمعه حائره]

ههههه
شويه وكنتى هاتعيطى ده انا كان زمانى عيطت من اول كلمتين
الله يكون فى عونك يامارى
وحلو ردفعلك لموروشو اشر انسان شوفته فى حياتى
مارى انسانه جميله وطيوبه وكلنا بنفتخر اننا اتعرفنا عليكى
نورتى الحلقه وتعيشي وتاخدى غيرها

[big bốss]

ههههههههههههههههههه

الله يخرب عقلك

ملقتيش الا مارى الطيوبه و تعمل فيها كدا ^_^

نزلى يا اختى توبيكيات براحتك و احنا معاكى ولا يهمك

حلقه جميله

و كل سنه و انتم طيبين

[احسـ طفله ــاس]

هههههههههههههههههههه
مقلب جميل اووووى
ومورشو طلع شرير اوى اوى اوى

[ابتسامة الزهر]

كوين الطيبة تهمل فيها كده
دا انت الواحد يخاف منك مورشو
بس مقلب قوى جدا وقدرت تعصبها
تعيشى ياقمر وتاخدى غيرها

[нαиαи]

هههه ي حياتي ي ماري
والله انا تعصبت وانا بقرأ كلام مشمش الشرير

بقول لك عاقبيه ولا تسامحيه طول شهر رمضان
عشان يتوب يعمل كدا تاني

[mony ma7moud]

هههههههههههههههههههههه
حلقة جميلة جدي مع عضوة
حلوة جدي مورشو دا واحد شرير
خلو بالكم ومستنين المقلب التاني
تحياتي
سوار الياسمين

[نور ونار]

ههههههههههههه
مقلب بصراحه جامد
رغم الضغط العصبى
بس اكيد بيفرز الناس كويس
ميرو نايس ردود ياقمر
رغم الهجوم اللى مش اى حد يحتمله
مورشو ربنا يقويك على فعل الخير
هههههههههههه
المفروض الناس اللى اتعملت فيها مقلب
تتجمع كده يد واحده فى مقلب جامد له
انا بهدى النفوس يا جماعه
ههههههههه

[العاشق الذى لم يتب]

شوف ياأحمد بيه أفندى كعب الغزال
صراحة من كترقهرى مش لاقى أوصاف أوصفك بيه
وتانى مرة ماتخلنيش أقراه تانى البرنامج ده
ياراجل حرام علييييييييييييك
ولانافعة حرام عليك ولاحلال هليك
اتقى الله ياأخى
ليه بس تعصب الناس ونترفزهم
شيطانك عفى بشكل
وبيبعتلك أفكار وأسئلة جهنمية
بس والله الاخت مارى ماشاءالله عليها
عندها قوة تحمل جميلة جدا
أشكرك عليها أختى مارى
وبالعكس فعلا أنا تابعت لك أكثرمن رد فى خصوص السياسة
نعم أحيانا شوفتك متعصبة حبتيين
بس والله فى حدود المألوف والمعقول
وأنا بشهد ليك بالموضوعية والحيادية
كل سنة وأنت أخت لينا طيبة وسعيدة معانا أنت وكل أهلك وباقى أخواتنا المسيحيين
روح ياأحمد منك لله
مودتى