خامس حلقات ( حكاوى رمضان ) مع دمعه حائرة

[جوجو السندرلا]

معا عضو جميلة هادئة على طول بنشوف ابدعاتها وهى من افضل الاعضاء الى فى المنتدى معا ادارية عامة معا دمعه حائره انتى ازى بتحضرى لرمضان ؟ اولا كل سنه وانتى ورمضان مبارك علي الجميع ان شاء الله وبالنسبه لتحضريات رمضان بتكون قبلها باسبوع تقريبا من طلبات وتجهيزات فى البيت لانه اكتر شهر بيكون فيه عزومات وتجمع العيله دايما فبنزل اشترى الطلبات كلها ممكن على مرتين فى الشهر وفيه حاجات بتكون يوميه ونعلق الفانوس وكمان اتصالات بافراد العيله لتهنئتهم بالشهر الكريم ماذا تفعلى فى اليوم التى ستظهر فية الروية ؟ اكيد اكتر حاجه بتكون اتصالات بالعيله ورسايل تهنئه لافراد العيله والاصدقاء تفضلى اول يوم فى رمضان تكونى معزومة ولى تعزمى ؟ غالبا بيكون مع العيله انا افضل اعزم اكتر من انى اروح عند حد لان اول يوم بيكون صعب شويه وكمان مش بعرف اكل برا فكده هاضيع انا من اولها ولو بتعزمى بيكون مودك ازلى ؟ بكون مبسوطه وبجهز الاكل قبلها بيوم تجهيز الاساسيات وفى التلاجه واحطه ويكون يوم العزومه الحكايه بسيطه ومش مرهقه لانى ماحبش ابان تعبانه قدام الضيوف يومك بيكون ازاى فى رمضان ؟ بصحى الضهر تقريبا وطبعا مافيش نسكافيه يبقى مافيش كلام مع حد خالص واشوف هاعمل فطار ايه واجهز طلباته وعلى الساعه 5ممكن ابدا اخلص الطبخ وبعد الفطار طبعا الصلاة والتروايح ولو فيه اتصالات او هاخرج بيكون اغلبه بعد صلاة التروايح وبنام بعد الفجر تقريبا الساعه4 اول حاجة بتعمليها اول ما الاذان بياذن ؟ بشرب ميه اكيد وبدعى اى دعوة تيجى على بالى ياترة بتبعى مسلسلات رمضان ؟يعنى مش اوى تقريبا اتنين منهم وبالصدفه لو حد فاتح التليفزيون لانى مافيش وقت اصلا للمتابعه الشهر ده بكون مضغوطه شويه بتصحى الساعة كام فى رمضان ؟ بصحى الساعه12الضهر وبتنامى الساعة كام؟ تقريبا الساعه 4او 5الفجر اكتر حاجة بتعجبك فى رمضان ؟ الاجواء عموما والروحانيات اللى بحس فيها فى كل مكان وصله الرحم اكتر شهر بنقابل العيله فيه واللى مش بنشوفه يمكن من السنه للسنه وصوت القرآن قبل الاذان ده ليه ذكريات معايا جميله اوى يمكن من ايام الطفوله عمرك فكرتى ولو للحظة انك تفطرى ؟ لاخالص ده انا من صغرى وانا بحب الصيام حتى فيه سنه كنت عيانه خالص ولازم افطر كنت بشرب الميه مع الدواويتخانقوا معايا عشان اكل ومش اقدر ياترة بتحبى الخروج فى رمضان؟ برغم الزحمه الموجوده بس الخروج جميل فى رمضان وخصوصا عند الاماكن اللى فيها جوامع بيكون فيها طقوس جميله مش بتتعمل غير فى رمضان بحب اروح هناك اتمشي شويه وان خرجتى بتعملى اية؟ اغلب الخروج بيكون شوبنج او زيارات عائليه سواءعلى الفطار او بعده ياترة بتروحى تصلى صلاة التراويح؟ لابصليها فى البيت مش متعوده اصليها فى الجامع للاسف بس جمب البيت جامع كانى معاهم بالظبط اية اكتر مكان بتحبى تروحية فى رمضان؟ بحب اروح عن السيد البدوى اتمشي واشترى حاجات من جمبه هناك تحسى برمضان زى الحسين بالظبط هل تقراى قران فى رمضان؟ الحمد لله بحاول اختمه خلال الشهر هل تشتاقى لرمضان؟ اكيد بحب رمضان جدا وبشتاق لقدومه وبزعل اوى لما بيخلص لان بعدها بتروح كل الحاجات الحلوة اللى كانت بتجمع الناس ببعضها بتعملى اية بعد ما تتسحرى ؟ بعد السحور بصلى وبقرأ قرآن تقريبا بقسمهم جزء كل يوم او على حسب مقدرتى بتتسحرى حوالى الساعة كام؟ الساعه 2 اول مرة صومتى رمضان كامل ولا ايام وايام ؟ تقريبا كان عندى6سنين وكنت انا واخويا بنصوم لحد الضهر وبعدين العصر وكان فيه تنافس بينا مين يقدر يصوم كل يوم لحد اخر الشهر كنا اوقات بنكمل لحد المغرب بس لو ماما وافقت ياترة جربتى تحضرى الفطار لوحدك؟ ههههه حلو السؤال قولى ياترى جربتى حد يساعدك ايوه طبعا بحضر الفطار لوحدى الحمد لله ميرسي على الدعوة وكل سنه وانتم طيبين مع السلامة وحلقة جديدة من برنامج حكاوى رمضان مع تحيات جوجو السندرلا و اميرة الحب الضائع

]

[♥SaRa]

ـحلقة جميلة مع ضيفة هادية وعاقلة وتفكيرها رآقي وناضج
ورمضان بيمر ممتع عليها
ومنورة يا منون
وتسلمي يا قمر علي الاستضافة الحلوة دي
وكل سنة وانتم طيبين

[ساحر الأحزان]

حلقة جميلة جوجو

مع دمعة

ليها طقوس جميلة

فى الشهر الكريم

كل عام وانتم بخير

[اميرة الحب الضائع]

اكيد الحلقة حلو عشان

استاذة منة فى ضيافتنا

بجد كانت حلقة جمدة اخر حاجة ومنة نورتنا

[على محمد محمود]

حلقه فى منتهى الروعه
وتالقت دمعه
تحياتى لمجهودكم الرائع
كل عام وانتم بخير