تحية للأرض الطاهرة أم الأوطان _ حصري _

فتحى عيسى · منذ /07-14-2013, 11:35 PM

المصري ...
خلطة عجيبة ...
ملهاش وصف ...
ولا تركيبة ...
ولا ميزان ...
معجونة علي كيف السلطان ...
الساكن هواها ...
الحاضر في كل اوان ...
الصابر الغلبان ...
الشقي البهلوان ...
المفتح الحريف ...
الصايع الخفيف ...
صاحب النكتة والقفشه ...
اللي ملهاش مثيل ...
للعالم الفذ ...
اللي نوره ساطع في كل الاركان ...
للبت الشقية الجدعة اللي بميت راجل ...
لو لزم الأمر وحكم ...
لست البيت اللي شايلة الشيلة كلها ...
لبياع البليلة وحمص الشام ...
والفلاح اللي شق بفاسه صدي الحرمان ...
العامل اللي قال لمراتة لو مرجعتش أطلعي وهاتي معاكي العيال ...
للمدرس اللي شطب الدرس لما لقاه ماشي عكس ماكان ...
الظابط اللي رجع من غربتة وحلف مايرد انسان ...
التحيه من قلب مصري ... عاشق مصريتة حد الدوبان ...
لكل وطني عاشق وطنيته ...
فخور بعبقريته حد العظمة والامتنان ...
تحية للأرض الطاهرة ...
اللي نبتها أذهل العالم ...
ورسم خريطة الأوطان ...
فتحي عيسي
الرياض
مساء
الاحد 14-7-2013

ويبقى الأثر · منذ /07-15-2013, 12:12 AM

الله عليك ياأستاذ يافنان
والله وحشتنى كتير مصر
ونفسى اشوفها زى زمان
فلاح بيروى غيطه العصر
وام ضامه ولادها بحنان
وجندى يدافع وكأنه نسر
ويحمى ارضها من كل جبان
ونسمة هوا هاديه الفجر
تجمع شباب حتتنا الجدعان

سلم قلمك وفكرك
تقييمى ونجومى
ووسام التميز
مع التثبيت لروعة الحرف

ساحر الأحزان · منذ /07-15-2013, 12:38 AM

تحية من القلب

لكل محب لوطنة

لكل واحد ضحى بدمة

لكل عاشق لوطنة

مصر يا ام الاوطان

كلمات جميلة منك فتحى

يدوم جميل العطاء منك

♥SaRa · منذ /07-15-2013, 04:25 AM

ـبجد انت ولا في اروع منكـ
وتحياتي ليكـ علي حبك لوطنك
وتحية لمصر ام الدنيا ودائما هتفضل غالية علينا
تقديري+5*****
المتواضعة
دمت بأبداع

Words Whisper · منذ /07-15-2013, 06:40 AM

أرض كرمها الله
بتخليد اسمها في القرآن ..

طرح راقي جدااا
شكراً أ.فتحي ..
دمت بخير ..

على محمد محمود · منذ /07-15-2013, 03:06 PM

الله عليك يا استاذ فتحى
ابدعت بمعنى الكلمه
تحياتى
وكل عام وانت بخير

العاشق الذى لم يتب · منذ /07-15-2013, 04:56 PM

عظيم انت أخى وأستاذى فتحى
ماأجمل ماكتبت وماأعظم ماوصفت
درر قطرات مياه النيل تلألأت فى وجدانك
عشقك للوطن جعلك تشدو بأبدع وأروع وأرق الألحان
سلمت اخى ودمت بخير
وسلمت مصرنا الحبيبة
نجومى وورودى لك

تقبل تحياتى وودى

فتحى عيسى · منذ /07-15-2013, 09:21 PM

اقتباس

المشاركة الأصلية كتبت بواسطة قيثارة الصمت


	الله عليك ياأستاذ يافنان والله وحشتنى كتير مصر ونفسى اشوفها زى زمان فلاح بيروى غيطه العصر وام ضامه ولادها بحنان وجندى يدافع وكأنه نسر ويحمى ارضها من كل جبان ونسمة هوا هاديه الفجر تجمع شباب حتتنا الجدعان سلم قلمك وفكرك تقييمى ونجومى ووسام التميز مع التثبيت لروعة الحرف

إن شاء سترجع مصر كما نحبها وأكثر بروحها الطيبة الجميلة
وبساطتها وسماحتها بناسها الحلوة مصر أم الدنيا
شكرا علي هذه الإطلالة الكريمة الندية بعطرها الفواح
والتفاعل الراقي بحرفه العالي وذائقتة النقية
شكرا ياصاحبة الحضور المميز
بوركتِ
مودتي وإحترامي

فتحى عيسى · منذ /07-15-2013, 09:31 PM

اقتباس

المشاركة الأصلية كتبت بواسطة ساحر الأحزان


	تحية من القلب لكل محب لوطنة لكل واحد ضحى بدمة لكل عاشق لوطنة مصر يا ام الاوطان كلمات جميلة منك فتحى يدوم جميل العطاء منك

الأجمل هو تشريفك الرائع بروعة شخصك
وتفاعلك النقي الوارف بجمال الروح
شكرا لك
بوركت
مودتي وإحترامي

فتحى عيسى · منذ /07-15-2013, 10:44 PM

اقتباس

المشاركة الأصلية كتبت بواسطة ana banota baskota


	ـبجد انت ولا في اروع منكـ وتحياتي ليكـ علي حبك لوطنك وتحية لمصر ام الدنيا ودائما هتفضل غالية علينا تقديري+5***** المتواضعة دمت بأبداع

شكرا علي هذه الإطلالة الكريمة
وهذا التفاعل النقي بنقاء الروح
والذوق العاطر بطيبه
بوركتِ
مودتي وإحترامي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للنفوس الطاهرة .. حصرى	كريم عاصم	قسم الخواطر - وهمس القوافى حصرى بقلم الأعضاء	6	06-08-2013 11:09 PM
الطاهرة	داود68	منتدى الاسلاميات والقرأن الكريم	1	11-15-2012 09:41 AM
مكة المكرمـة (الأرض المقدسة الطاهرة)	سالم النهدي	مواضيع عامة - ثقافة عامة	1	01-21-2010 06:59 AM
بيت رومآنسي تحت آلآرض	بنت اخر دلع	ديكور - أثاث - غرف نوم - مطابخ - حمامات	2	04-07-2009 12:33 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

تحية للأرض الطاهرة أم الأوطان _ حصري _

ابداعات الاعضاء العامية