حكاوي نت ... متجدد

[phalsteen]

سلام عليكم

للأسف بقالي فترة مبكتبش اي حاجة
لدرجة اني نسيت انا المفروض اكتب ازاي
بس فكرة الموضوع في دماغي من فترة بس نقول ايه للكسل



كتير منا مقتنع بفكرة حب النت ودا للأسف يعني
يعني ممكن لو قولت بأعلي صوتي تخاريف ووهم
دا يزعل مني ناس كتير
بس مش مهم المهم ان الاختلاف في الرأي لا يفسد للود قضية



هنا هعرض كل يوم قصة وقضية المصيبة الكبري فيها هي النت


الحكاية الاولي قبل ما عم الكسل يشرف تاني




دي حكاية شاب علي احد المنتديات اتعرف علي بنت شدته متعرفش ازاي
ممكن زي ما قال اسلوبها او طريقتها او خطها
اخينا دا كان انسان طيب لابعد حد
حبها جدا لدرجة انه برغم انه مشافهاش الا انه كان مصدق كل حرف تقوله له
وبمرور الايام وتطور العلاقه
طلب اخينا انه يشوفها لكن دايما كانت تتهرب منه وترفض انها تشوفه

وفضلت العلاقه الكترونيه وصوتيه يعني من خلال النت او الفون
لمدة سنه وسنتين واخينا برضو مش قادر ينهي الموضوع لانه بيحبها

وبالصدفه عرف اخينا عن احدي الطرق
انا صاحبتنا دي غشاشة كبيرة اوي
يعني لا اسمها اللي اتعرف عليها بيه صحيح
ولا ايه حاجة عنها حقيقية

وكمان الصورة اللي كان مقنتع بيها وفضل يحبها اكتر من سنتين برضو مش بتاعتها
يعني طلع اكبر مقلب خده في حياته

بس المشكله انه لسه بيحبها ومش عارف دا ايه


معقول يكون هو حب الانسانه الكدابه دي ؟
ممكن يسامحها وهل هيقدر يكمل معاها ؟

ايه سر تعلقه بيها بعد كل دا ؟

ممكن يقبل او يقدر يقبل عذرها لو طلعت حبته هي كمان ؟

في حاجة اسمها كدة ؟


انتظروني وحكاية جديدة


همسة :

كل حكاية هحكيها هنا ليست من مخيلتي
هنا واقع لا يمس للخيال بصله

[♥SaRa]

ـفعلا كلامك صح يا قمر
وكل كلمة قولتيها صح
بس مش كل الشباب كدة وخصوصا القصة دي بتبقي في البنات اكتر
ومشكلة الانسان دة انوا طيب وبيصدق اي حاجة
وتوبيكـ مهم
وانتظر القادم

[βỊиŢ ξŁMĄŊŞΘЦЯĄ]

انا معاكي ان في بنات وشباب بيستهتروا بالمشاعر وكل الـ بيفكروا فيه التسليه مش اكتر بس بردو في الـ بيكونوا جادين في تعاملاتهم وتصرفاتهم وكلامهم وبيتقوا الله في مشاعر الناس وبيخافوا انهم يجرحوا سؤاء كانت بنت او شاب
وكل شيئ له جانب سيئ وجانب جيد
توبيك راااائع جدا ومنتظرة باقي الحكايات
ويدوووم نشاطك وابداعاتك
تسلم ايدك .. وكل سنة وانتي طيبه

[Aya 7ekaya]

كلام سليم
وتوبيك مهم
موضوعك واقعى جدا وانا شوفته كتيير جدا
بس مش ديما بيكون غلط
ف انتظار جديدك

[طمطم]

الموضوع ده تاعب ناس كتير مع ان الحكاية بسيطة ..

قولنا كتير ان النت دى مجرد وسيلة " للتعارف" سواء بئآ تتعرف ع صديق او حتى تعجب بحد
انما تحب حد للدرجة دى !!
انا شخصيا مش مؤمنة بالموضوع ده,, وبحس انها واسعة اوى انى احب حد علشان " خطه " زى م انتى قولتى :d
لكن وللاسف ناس كتير سواء بنات او ولاد بيقعوا ف الحكاية دى,,

احسنتى ,,
ومستنية الحكاية الـ 2 ..

[على محمد محمود]

كلام مهم ورائع
يسلموووووووا
تحياتى
كل عام وانتم بخير

[saMka samir]

حبيت الموضوع دا آوي ..♥
وآكيد في اي مكان هتلاقي الصح والغلط
الوحش والحلو ..

النت مجرد بوابة سريعة للتعرف مش اكتر ..
لكن الي هيغشك هنا هشغشك في الحقيقة يعني .. :\

[روح صامتة]

بالنسبة للاسئلة الي سالتيها ..

هيبتني عليها رد لو كان الموضوع يحتمل اصلا رد عليه ..
لكن هوة الموضوع من الاول افتتان من ناحية الولد مش اكتر
بحالة والمفروض ينتهي ..
الحب ع النت كتير بتبقى فيه حكايات ..
بس في الاخر بتلاقي انه كله كلام ,,
و فيه بنات بدون شك بيكدبوا عن شخصيتهم عشان
بقه افكارهم عاداتهم او خوف من اهلهم مثلا ..
اللي عايزة اقوله بس ان الموضوع سواء نت او الواقع
لو اي كلمة حلوة او توافق ف الفكر
يبقى مبرر للحب مش هنخلص نحب ف كل الناس يعني ^^
فانا معاك انه اي كلام
رغم ان فيه حالات ناس كملت و اتجوزت
وانا شهدت واحدة منهم بس فيه دايما مشاكل ناتجة عن الغموض
بخصوص حياة الناس دي قبل ما تتلاقى ع النت من اصله ..
والمفروض الناس بردو تراعي حدودها فين وتقرر ف الاساس داخلة النت ليه ..
بشكرك ي جميل ع الموضوع
ارق تحياتي

[الأميرة رودي]

المشكله انها بتتكرر كل يوم ومع ذلك البنات او الشباب مش بينتبهو ليها
يعني هو فخ بيقع فيه اغلب الناس وياريت بيتعلم بقيه الناس منهم
لا بيتفرجو ويعرفو كل حصل وبيحصل وفى الاخر برده يقعو فيه زي اللى قبلهم

النت وسيه سهله للكدب وتزويق الكلام والمشاعر كمان
هو له مميزات جميله لما تكون صداقه مع حد وممكن الحد ده يكون أحسن وأفضل من أصدقائك على أرض الواقع
لكن هو فى نفس الوقت فخ ومصير مش معروف للساذجين من النوعين




معقول يكون هو حب الانسانه الكدابه دي ؟


لو حب بالشكل ده يبقى ساذج


ممكن يسامحها وهل هيقدر يكمل معاها ؟


ماقدرش احكم ممكن يسامحها ولا لاء
لان دي ترجع لشخصيته هوا


ايه سر تعلقه بيها بعد كل دا ؟

هو بعد كل ده ومتعلق بيها ؟

ممكن يقبل او يقدر يقبل عذرها لو طلعت حبته هي كمان ؟

ماظنش انها حبته
اصل لو كانت حبته مكنتش كملت الكدبه
وكانت عرفته كل حاجه شان تحافظ عليه للنهايه


في حاجة اسمها كدة ؟

اه فيه
والدليل انك بتعرضي مشكله واقعيه منهم اهو
ودي من ضمن مشاكل كتير من نفس النوع

جميله الفكره ياسما
بالتوفيق حبيبتي

[حلم عمري]

طبعا حب النت نادرا جدااا لو كان حقيقي لانك ازاي هتحكم علي شخصيته من مجرد كلام هو كتبه
ممكن اوي يكون بيكتب حاجة وهو شخصية تانية خالص وللاسف ولاد وبنات بقو بيخدعو
عشان كدة مش معترفة بحب النت لانه بيتبعه مشاكل كتير
والشخص دا المفروض ينسي اللي حبها المفروض يحكم عقله وينسي قلبه شوية
لانها اكيد مش حبته عشان لو كانت حبته عمرها ما كنت هتخدعه

فكرة التوبيك حلوة
تسلمي يا حبيبتي
وهتابع معاكي بقا ان شاء الله